زواج السعوديه من غير السعودي ( الأجنبي ).

المشاركة الأصلية كتبت بواسطة حنين توفيق

صباح الخير
حبيبتي لحظه انا ارسلتلك رساله على الخاص عن طريق المشرفه امل الروح ماادري وصلتك او لا

وصلت ياقمر وسالت سؤالين ابغى اجاباتها بس شكلها لسى ماوصلتك

المشاركة الأصلية كتبت بواسطة ديدو

معليش ليا يومين مشغول
أيوه عدت على الضبط الجنائي وقالولي حسب التعليمات يعني تحفظ
مشكله الشرطه لو في إي حاجه مو مطابقة للشروط يقلك حفظت يعني لو واحد.
عمره 29 راح يقدم يقله لا ما ينفع الشروط غير مطابقة عادي بكيفهم

اهاا بس ايش وظيفه الضبط الجنائي دحين وهي مو مكتمله اوراقها بس معروض يعني غالبا الضبط يجي بعد تقديم الاوراق وكل شي
قريبتي اتحولت للضبط الجنائي ولمن سالوهم طيب اتوافق عليها ولالا من الامارة قالولهم مانعرف انتو اهم شي راجعونا الاسبوع اللي يجي

بس لا هي مو بكيفهم لانو كلمة حسب التعليمات اللي تجيها من الامارة او الداخليه تعطيها الصلاحيه ترفض اي معاملة غير مطابقه للشروط

اما اكيد اذا رجعت بلا مانع من الزواج راح يكملو المعاملة حتي لو الشروط غير مطابقه

الله ييسرلها وييسرلي وييسرلكم جميعا يااارب

خطيبي كلم واحد في الاماره قلو اوراقك كامله
وامورك في السليم لا تشيل حتتحول الاسبوع دا للمحكمه
ونشوف يارب يكون صصااااادق

المشاركة الأصلية كتبت بواسطة شمس الدين

مساء الخير
اخ ديدو انا معاملتي نفس معاملتك الاخيره بالضبط دخلت للأمير خالد الفيصل و طلبت استثناء من شرط العمر
المهم قعدت المعامله في الاماره قرابة 14 يوم وبعد كدا اتحولت للمحافظة استفساري هيا المعامله ليش تروح للمحافظه
وإذا عندك فكره ايش مسار المعاملات اللي نفس معاملتنا

شكرًا لك

غالبا تتحول عشان تكمل النقص مثلا تحليل شهود اوراق يعني هذا الي صار مع اخوي لما اتحولت معاملتة للمحافظة

[QUOTE=شمس الدين;1054217]مساء الخير
اخ ديدو انا معاملتي نفس معاملتك الاخيره بالضبط دخلت للأمير خالد الفيصل و طلبت استثناء من شرط العمر
المهم قعدت المعامله في الاماره قرابة 14 يوم وبعد كدا اتحولت للمحافظة استفساري هيا المعامله ليش تروح للمحافظه
وإذا عندك فكره ايش مسار المعاملات اللي نفس معاملتنا

شكرًا لك

الاماره تصدر للمحكمة أو للمحافظة
المحافظة تصدر للشرطة أو الإمارة
معاملتك إذا موافقه مسارها إمارة محافظة شرطة محافظة إمارة محكمة
إذا لا سمح الله غير موافقه توقف عند الشرطة
ولازم ترجع عند الشرطة في الحالتين لأنه إذا موافقه يتخذ الاستثناء في الملف والشرطة تراجعه للمحافظة إمارة محكمة

المشاركة الأصلية كتبت بواسطة يارب يسر امري

اهاا بس ايش وظيفه الضبط الجنائي دحين وهي مو مكتمله اوراقها بس معروض يعني غالبا الضبط يجي بعد تقديم الاوراق وكل شي
قريبتي اتحولت للضبط الجنائي ولمن سالوهم طيب اتوافق عليها ولالا من الامارة قالولهم مانعرف انتو اهم شي راجعونا الاسبوع اللي يجي

بس لا هي مو بكيفهم لانو كلمة حسب التعليمات اللي تجيها من الامارة او الداخليه تعطيها الصلاحيه ترفض اي معاملة غير مطابقه للشروط

اما اكيد اذا رجعت بلا مانع من الزواج راح يكملو المعاملة حتي لو الشروط غير مطابقه

الله ييسرلها وييسرلي وييسرلكم جميعا يااارب

اقلك شي صار معايا قبل أمس رحت للشرطة وجبت الرقم من الاتصالات والوارد ورحت مكتب الزواج
سألني الشرطي كم عمر الطرف السعودي قلتله 26 قلي أيوه أيوه ترفضت قلتله إيش دراك قلي أنا عارف قلتله شفت الملف قلي لا
قلتله كيف تقلى ترفضت وأنت ما شفت الملف قلي مو مطابق الشروط اقلك شي اصلا الملف عند قسم الحريم خلي البنت تروح قسم النساء وما بقلك شي
يعني شغلة مزاج
وعلى فكرة الضبط الجنائي هذا اول ما كان موجود إلا في البدايه بس زي ما قلتي بس في نهاية 2014 صارت ترجع عند الضبط الجنائي
وللمعلومية شرطة محافظة جدة نقلة الفرع الجديد في حي النسيم

المشاركة الأصلية كتبت بواسطة واو جيم .

غالبا تتحول عشان تكمل النقص مثلا تحليل شهود اوراق يعني هذا الي صار مع اخوي لما اتحولت معاملتة للمحافظة

أيوه يعني اذا ملفك كامل يقلك خلاص بس روح عيد التحاليل لأنها انتهت أو ما يطلب منك شي الا توقع على كم ورقة ويقلك مع السلامة

المشاركة الأصلية كتبت بواسطة ديدو

أيوه يعني اذا ملفك كامل يقلك خلاص بس روح عيد التحاليل لأنها انتهت أو ما يطلب منك شي الا توقع على كم ورقة ويقلك مع السلامة

فعلا كلامك صحيح .

المشاركة الأصلية كتبت بواسطة واو جيم .

غالبا تتحول عشان تكمل النقص مثلا تحليل شهود اوراق يعني هذا الي صار مع اخوي لما اتحولت معاملتة للمحافظة

خطيبي مقيم ومن مواليد السعوديه نحتاج شهود قبل المحكمه ؟؟
وسوينا التحاليل قبل في المعامله اللي اترفضت لازم نسوي تحاليل تاني مره ؟

المشاركة الأصلية كتبت بواسطة شمس الدين

خطيبي مقيم ومن مواليد السعوديه نحتاج شهود قبل المحكمه ؟؟
وسوينا التحاليل قبل في المعامله اللي اترفضت لازم نسوي تحاليل تاني مره ؟

اذا مر ع التحاليل 6 شهور لازم تعيدو التحاليل

المشاركة الأصلية كتبت بواسطة حكايه

نعم هذه موافقه
باذن الله بكره تبشرينا بأنها صدرت للمحكمه
انتظرييها بالكتير لحد الساعه 10 وتشوفيها صدرت للمحكمه
لاني كنت متابعه سير معاملتك
هيا نفس معاملتي بالزبط
الف مبرووووك مقدما ربي يسعدك ويتمم لك ع خير ESWVG

ربي يسعدك ويبارك فيكي
ياقلبي حابه اسألك عن الاجراءات لما تكون صدرت للمحكمه
هل بيكون فيه رقم صادر من الاماره وهل لما نراجع المحكمه هم يحددو يوم العقد ولا احنا
وايش الاوراق اللي جبتوها وقت العقد

المشاركة الأصلية كتبت بواسطة يارب يسر امري

باذن الله بكرا تبشرينا انها اتحولت للمحكمة


فاكرة قولتلك انتي العروسه الجايه وافتكري كلامي

ESWVG

ربي يسعدك ويفرح قلبك عقبال مانفرح فيكي يارب ويسهل امر معاملتك وكل اللي ينتظرو يارب

المشاركة الأصلية كتبت بواسطة طآل انتظآري

حبايبي مو شرط المعامله ف الاماره كل 3 ايام
تتحول لاداره ثانيه معاملتي ليها اسبوع نفس للاداره
ماتغيرت لساتها ف الحقوق حتكمل اسبوعين

ياقلبي متى وصلت معاملتك الاماره ومتى بدا الشغل فيها
وايش الادارات اللي مرت فيها
ربي يسهلك امرك يارب

المشاركة الأصلية كتبت بواسطة ديدو

اقلك شي صار معايا قبل أمس رحت للشرطة وجبت الرقم من الاتصالات والوارد ورحت مكتب الزواج
سألني الشرطي كم عمر الطرف السعودي قلتله 26 قلي أيوه أيوه ترفضت قلتله إيش دراك قلي أنا عارف قلتله شفت الملف قلي لا
قلتله كيف تقلى ترفضت وأنت ما شفت الملف قلي مو مطابق الشروط اقلك شي اصلا الملف عند قسم الحريم خلي البنت تروح قسم النساء وما بقلك شي
يعني شغلة مزاج
وعلى فكرة الضبط الجنائي هذا اول ما كان موجود إلا في البدايه بس زي ما قلتي بس في نهاية 2014 صارت ترجع عند الضبط الجنائي
وللمعلومية شرطة محافظة جدة نقلة الفرع الجديد في حي النسيم

حسسسسبي الله ونعم الوكييييل

طيب كيف حككم وهو ماشاف المعاملة ???

وكيييف ع اساس اذا جات من الداخلية والامارة بالموافقة ماتقدر الشرطة ترفضها وهي اساسا ماتشوف حسبي الله ونعم الوكيل فيهم
يعني ايش الحل مدام المشكلة في الشرطة اساسا ماتطالع وتحكم بنفسها وخلاص

شي يرررررفع الضغط وربي

ظغط نفسي لاحول الله ولاقوة الا بالله العلي العظيم
لا إاله الا نت سبحانك اني كنت من الظالمين .
?

المشاركة الأصلية كتبت بواسطة شمس الدين

خطيبي مقيم ومن مواليد السعوديه نحتاج شهود قبل المحكمه ؟؟
وسوينا التحاليل قبل في المعامله اللي اترفضت لازم نسوي تحاليل تاني مره ؟

طيب انتو كم اعماركم ؟

هووويام والله قلقانين عليك :(

يارب يسر امري بشريني وش اخر المستجدات حقتك ؟