نادي نوبات الهلع

مساء الخير جميعا ,,,

انا بس عندي سؤال واحد ابي له جواب ؟

ليه نوبات الهلع ما تجي للكبار في السن ؟

يعني اتوقع ان شاء الله الواحد اذا كبر في السن يكبر معه

عقله ويعرف ان كل النوبات هذي خرابيط ولا يقتنع فيها ...

والله يا حبايبي كلها ازمه وتعدي يعني يبغالها صبر شوي

من غير المعقول ان النوبات راح تستمر معك طول عمرك هذا شي

مستبعد لانه مع مرور الوقت راح تعود وتعايش مع هذا الخوف ويصير عندك

تبلد من الاحساس هذا ولا راح يشكل لك اي خوف ...

هذا توقع مني والشي هذا صراحة يخفف علي اشياء كثيرة ...

انا لي تقريبا ثلاث سنوات بالنوبات هذي كانت قوية جدا وبدت تخف شدتها مع الوقت

الحمد لله الحين اخف من اول كثير تدرون ليش ؟

لاننا خلاص عرفنا وش اللي عندنا وانه مجرد اضطراب بس قبل كنا خايفين لاننا

ما ندري وش اللي فينا بالضبط ولا وش الاسباب ...

احمدوا ربكم ياجماعة وخلونا ننظر للدنيا نظرة تفاؤل وعيشوا حياتكم ترى والله

راح شبابنا كله بالخرابيط هذي ...

خلونا اقوياء بإيماننا وصلاتنا وخوفنا من ربنا وبس ...

اتمنى لكم ولي الشفاء العاجل يارب ...

اخوكم / دويشة

السلام عليكم..أصدقاء نوبات الهلع
لكم تحياتي


سيكون لي حديث مثير عن نوبات الهلع..فترقبوا..المأساة الحقيقية..والألم الامحدود


هذاليس إعلان فيلم رعب وإن كان لايبتعد عنه


ترقبوا معاناتي الكبرى التي تختلف عن أي معاناة


ولكم فائق احترامي!!!

مســــــــــــا الخير عليكم جميعا

آمن الله مسائكم واهدأ قلوبكم..


اهلا بكل عضو جديد في نادينا وبيتنا ..واهلا بمن عاد..واهلا بمن كان...مرحبا بكم جميعا في بيتنا الثاني وعالمنا الخاص...

بداية ..لي تعقيب على الرد الاخير للاخ عبدالله جزاه الله كل خير..ان تشبيهك غاية في الروعة على قدر بساطته..نعم هي هذه الدوامة التي نعيشها تماما احسنت التشبيه اخي..يثلج الصدور التشبيه البليغ عن حالنا:) لعل عقولنا تستوعب!

الاخ دويشة نعم الحالة كل عام تختلف والنظرة تختلف والاعراض تختلف...نعم دعونا نتفائل.. الم يقل رسولنا الكريم عليه افضل الصلاة والتسليم:(( تفائلوا بالخير تجدوه))..

اهلا بك اخي وراء الغمام ونحن ننتظر قصتك..لكن رجاء لاترعبنا:) وتخلق افكارا جديده من الرعب بداخلنا:)..اهلا بك بيننا..


---

كــــــــــــــــــــــــــل رمضان وانت بخير والى الله اقرب..وكــــــــــــــل رمضان وانتم أهدئ..


احبــــــــــــــــــــــــــــــــــــــــــــــك م جميــــــــــــــــــــــــــــــــــــعاً...




اختكم مؤسسة نادي نوبات الهلع:- نـــــــــــــــــــــــــــادرة جداً,,,

سؤال للاخوة والاخوات:_

مارأيكم في اخبار الخطيب عن النوبات والقلق والخوف بشكل عام؟؟؟

نود التذكير للاخوة والاخوات ان هناك ايميل خاص بالنادي تم انشائه منذ فترة طويلة..

استفسارات..
اقتراحات...
شكاوي...

وهو :

بانك-اتتاكس على الهوتميل دوت كوم



وشكرا للجميع على التواصل..


اختكم: نــــــــــــــادرة جداً,,

صباح الخير ..

كل عام وانتم بخير يادلوعين ...

من ضمن الأفكار اللي تجين اتوقع ان اللي فينا هذا كله عشاننا نحب انفسنا بشكل

مش طبيعي تتفقون معي ولا لا .؟

والله صدق من ناحيتي انا احب نفسي بشكل كبير ولحد يقول ما فيه احد ما يحب نفسه

هذا شي اكيد بس حنا الهلعيون نحب انفسنا بزيادة ودايم نخاف على انفسنا من كل شي

واتوقع هو السبب اللي خلانا كذا ...

بس والله ميزة حلوة هذي من ناحيتي انا والله تجنبت اشياء كثيرة مش حلوة بسبب

النوبات هذي الحمد لله والشكر على كل حال ...

استخدمت السيروكسات وقبلة سيبرالكس بس فترات قصيرة والحين بدون اي علاج

والحمد لله كل شي ماشي على مايرام فيه فترات تجي صعبة بس بدون دقات قلب

والخرابيط هذي يعني تفكير وضيقة بس ما تطول وانا عارف ان شاء الله انها بتروح

مثل ماراحت الاعراض الثانية ...

حبايب قلبي تطمنوا والله انتم بصحة وعافية وعليكم بالدعاء في الشهر الفضيل

وخاصة بالأيام العشر اخضعوا لربكم واطلبوه المغفرة والشفاء ,,,

اتنمى لكم حياة سعيدة يارب ...

اخوكم : دويشة

ياناس انا لي موضوع في هذه الصفحه انحذف ليش كذا فيه شي مخالف ردو علي

السلام عليكم ...

حبيت اسلم عليكم ... وطمنوني عنكم مع الصيام

السلام عليكم

الســـلام عليكم

كيف اخباركم مع رمضان الفضيل......؟؟

والله انا بخير والحمد لله ..لكن القلق ضارب اطنابه هاليومين عالاخر,,!! اشيا جديدة ومخاوف لذيذة..!:)...والله مو عارفه السيروكسات مايكفي ..!! شكلي فعلا لازم اني ازيد الجرعة يمكن..

بالنسبة لصلاة التراويح( بالمسجد)...والله معاناه معـــــــــــاناه..الناس بالصلاة وخاشعين وانا بعالم اخر من القلق..!!!....اخاف من هدوء الناس,,من غربة المكان..شكل السجاد,,الناس اللي حولي...صوت الامام وتركيزه على ايات الموت..والدعاء واذا بكى بالدعاء..احس النوبة في القمه:)..وجهاد والله لكن تخيلوا انك واقف ويصير فيك كل هالبلاوي والتحليق بعالم القلق..واللي حولك مامعهم خبر في الحرب المشتعله..!! سبحان الله..والحمد لله ولا اله الا الله والله اكبر..

ومع كل هذا عايشين :):) الحمد لله

اللهم امن روعاتنا يارب...............

شدوا حيلكم بقراءة القرآن يالغاليين..


اختكم: نـــــــــــــــــــــــادرة جداً,,,

وعليكم السلام ... حياك اخوي ابوحفصة

نادرة ... تطمني اختي الحمدلله انك تروحين للتراويح

غيرك ما يقدر يروح ابد ...

تبين نصيحة مني .. لا تسرفين بالعلاجات النفسية

صدقين اكتشفت ان العلاجات هي اللي تغير الشخص

وتطلع لك اعراض ثانية غير اللي قبل ...

لازم نواجه كل الاعراض هذي عشان نستطيع نقضي عليها

صدقوني اخواني مع الوقت كل شي بيروح بس الصبر ..

اتمنى لكم الشفاء العاجل يارب ...

مساء الخير

مسا الخيرات..

اللهم آمن روعاتنا..زوانزل الطمأنينة على قلوبنا ياارحم الراحمين..



ودمتم بهدووووء,,,

السلام عليكم....
ماشاء الله....توقعت مافي أحد فيه نوبات الهلع الا انا !!!!!!!!
والله قصتي مع هدا السخيف سنة كاملة على بعضها...
ماسافرت علشانه وسويتله اللي يبي بس مافي اي فايدة...وعالجته وخفت عليه وحطيتة بكفوف الراحة بس ماللطيب اي تأثير فيه..

وقلت ماينع معه الا الشدة وفعلا خف أشوي وكل مرة تقرب الحالة انا اروح لها وانشوف من اللي يطرح الثاني....
ههههههههه بس احيان والقليل تطرحني بس عرفنا سر المجنون....
ابي أسألك يامحارب في الصحراء؟؟
انا رحت للدكتور النفساني وماعطاني الا علاج العقاقير وما عطوني العلاج السلوكي...
ممكن لو سمحت نستفيد منك العلاج السلوكي اللي تاخده من الدكتور الله يعافيك..
نبغى نستفيد كلنا ياغالي وشكرا لكم.

السلام عليكم ورحمة الله وبركاته وبعد :
الحمد لله اللي بلغنا رمضان .....
تخيلوا رمضان بدون هلع ولا ملع وانقلع .... الهلع .
يا سلام ليالي من نور ....... وساعات تجلي وهداية