يوميات المكتئبين تعال نسولف

و إياك يا بو مريم يسعد بؤك :)

عمر عبدالله معجب بهذا

المشاركة الأصلية كتبت بواسطة أبو نجلا

هلا مزاجي

وش وقعك :)

ياهلا ابو نجلا أبشرك وقع السعد أنت وش وقعك وش وقع طويحيناتك تقدر تعرش بهن لحم وعظم

المشاركة الأصلية كتبت بواسطة أبو نجلا

أنت مداوم الحين والا وش وضعك
شكلك منبطح على بطنك و تلعب برجولك و ع الجوال مثل ضيدان بن قضعان :)

لا دوام ولا شيء تبطح وأحيانا اركض وأقفز بين الزهور ههههه
تخبر فتره أختبارات وبين كل أختبار ثلاث أيام
وقبل فتره تركت الشركه
لأن الشركه قفطوني أني أدرس بالجامعه وكثير أتاخر وأحيانن غياب
فاخيروني بعد ماعرفو أني أدرس بالجامعه قالو أختر يالشركه يا الجامعه فخترت الجامعه
لأن سبق أشتغلت في شركه وتعرف الشركات تعاقد بعضهم سنتين أو ثلاث وبالكثير خمس سنوات ويمسكونك الباب بعد ماينتهي العقد
فالجامعه أبرك وأحسن وأضمن للمستقبل

أبو نجلا معجب بهذا

هلا عبود هلا لوليتا هلا ظلو

اللي بالمدرج هلا بكم

, ‏أبوأمل ( عبود ) , ‏مشفر عقليا, ‏بدر الهذال, ‏سَارَة, ‏عيون متفائلة, ‏فيصل KSA

المشاركة الأصلية كتبت بواسطة أبو نجلا

مشغول مع اخصائيه

أخصائيه هاه
والله تعرف تختار دكاترتك تدورالمزز هههههه

أبو نجلا معجب بهذا

المشاركة الأصلية كتبت بواسطة أبوأمل

‏#كيف_يغتال_العقل_المعاصر

إذا اعتقدنا أن مانعرفه هو غاية المعرفة
وإذا سلمنا عقولنا لمن نعتقد أنه يعرف أكثر منا

منقول

مشكلة أغلب الناس دائما يسلمون عقولهم لغيرهم
وهذا ناتج عن عدم الثقه بالنفس وقلة العلم والمعرفه تأدي إلى ذالك
المشكله من يشحن هذه العقول هو مسؤول أمام الله وأشك أنه يخاف الله أصلا

أبو نجلا معجب بهذا

المشاركة الأصلية كتبت بواسطة مہ ـِزآجي

ياهلا ابو نجلا أبشرك وقع السعد أنت وش وقعك وش وقع طويحيناتك تقدر تعرش بهن لحم وعظم

الحمدلله يا رب لك الحمد سمع الله لمن حمده :)

هههههههههه ضروسي لك عليها كانت مثل الرحاة :) أما الحين شكلي بركب لي طقم
أمزح معك لا و الله طيبه و بخير بس فيها شركة سوس المحدودة أنا و اياهم في حقوق ما حقوق

بس العراش أبد ازهل <<< لا أحد يسمع ـ و الله من جنبها ـ :)

المشاركة الأصلية كتبت بواسطة مہ ـِزآجي

لا دوام ولا شيء تبطح وأحيانا اركض وأقفز بين الزهور ههههه
تخبر فتره أختبارات وبين كل أختبار ثلاث أيام
وقبل فتره تركت الشركه
لأن الشركه قفطوني أني أدرس بالجامعه وكثير أتاخر وأحيانن غياب
فاخيروني بعد ماعرفو أني أدرس بالجامعه قالو أختر يالشركه يا الجامعه فخترت الجامعه
لأن سبق أشتغلت في شركه وتعرف الشركات تعاقد بعضهم سنتين أو ثلاث وبالكثير خمس سنوات ويمسكونك الباب بعد ماينتهي العقد
فالجامعه أبرك وأحسن وأضمن للمستقبل

حلو الله يوفقك أجل دوس يا بعدي فالك التوفيق

خيره يا رجال

و أكيد الجامعة و التخصص طيب

دعواتي لك بالتوفيق دائما و أبدا يا صقيقي العزيز :)

لا تنسى مباراة الهلال و الأهلي الليلة

المشاركة الأصلية كتبت بواسطة مہ ـِزآجي

أخصائيه هاه
والله تعرف تختار دكاترتك تدورالمزز هههههه

ههههههههه الله يرجك

خلها على الله ندور الإسعاف باللي تكوون مزه و الا فراوله و الا زيتونه

واحد يقول :

دخلت البيت وكتفي يوجعني ،،، لقيت أختي بالصالة
قلت لها : عندك كمّاده ؟؟
قالت : مادتين !!
رحمتها ومشيت

كلاً على همه سرى

› يقولون تخفيف الوزن يحتاج عزيمه

وانا ما خليت ولا عزيمه مارحت لها

وطلعو كذابين

جتني و دمعتها تناثر على الخد
تقول أبويه يمكم صك بابه

ما عاد فيه اليوم أخذ و لا رد
اليوم أبويه مقتنع في جوابه

ليه ولد عم و من خامس الجد
يوم الخميس الجاي أبكتب كتابه

و ليا أسألوا عني قولي لهم شد
قولي لهم مجنون و فاقد صوابه

https://

عزيزي الخميس حركات انا القطار السريع ما نبيها 🚅

https://

إذا ضاق عليك أمر فتصدق
﴿فأما من أعطى واتقى وصدّق بالحسنى﴾
فالنتيجة..﴿ فسنيسره لليسرى ﴾
يسّر اللهُ أمركم وشرح صدوركم وأذهب عنكم همومكم

موجود يا عمري و لا أقدر أحاكيك
في ذمتي ( أرحم علي المقابر )

في ذمتي مشتاقلك حيل و أبغيك
اشتاق لك لو الزمن حيل غادر

البعد ما يرحم حبيبك و مغليك
الشوق ما بين المحبين كافر

أعيش بك ليلي عيوني تحاكيك
أقوم بك صبحي و أناجيك باكر

أحتاج لك و احتاج حتى لطاريك ***اسمك يهيضني بصدر الدفاتر
وجهك ليا مني لمحته أخاويك *** بكل عقل و فكر و احساس شاعر

يا كثر ما ضمت كفوفي أياديك
و يا كثر ما عانقت فيني مشاعر

يا كثر ما طيفك سكن عين غاليك
و يا كثر ما غاليك شاكي و صابر

خلها على الله ان كان طالت لياليك
ليلي قضيته في هموم و مجازر

الشوق يطعني و روحي تناديك
في غيبتك ما عاد للروح خاطر

و ختامها يا حر وكرك و اراضيك
الحب لك في داخل الروح وافر

ابو مرحبا وابشر وابو حاضر وذلحين
ابـا اموت ما سجيت من طيب معروفه
ٰ
وابو اسف ومااقدر وابو بكره وبعدين
حقرته كثر ما اشوف غيره ولا اشوفه