زواج السعوديه من غير السعودي ( الأجنبي ).

المشاركة الأصلية كتبت بواسطة فرح خالد

السلام عليكم
بنات في تحاليل الزواج لازم اروح صايمة ولا عادي لان التحاليل الساعة 4 العصر وهم ما قالوا لي شي عن هالموضوع

هلا فرح ... لا عادي مو لازم تكوني صايمة
تحياتي. .

المشاركة الأصلية كتبت بواسطة فرح خالد

مشكورة لحظة ربي يجزاك الف خير يشفيلك الوالد وتشوفيه بأحسن حال
وطمنينا على صحته ان شاء الله تحسن

ابوي تحت رحمة ربي مو عارفين ايش مكتوب له مابيدنا الا الصبر والدعاء
الحمدلله علي كل حال

المشاركة الأصلية كتبت بواسطة سہأظل أكآآبر

السلام عليكم لو سمحتو انا قدمت من موقع امارة جدة على النت قبل ثلاثة ايام طلب زواج سعودية من اجنبي وارسلولي تم تدقيق طلبكم وستصلكم رسالة حال صدور المعاملة
أحد قدم من النت ومشيت معاه ولا لازم اروح الامارة اقدم مع العلم انو الخطيب ساكن في منطقة اخرى غير جده لكنه مقيم في السعودية كيف هيمشي دا الموضوع اعذروني ما اعرف اي شي عن الخطوات ممكن توضحولي خطوات سير المعاملة كيف هيكون

ايوه عادي تمشي اختي معاملتها مقدمتها من النت ودحين راحت للداخليه الله يسهل عليكي وعلي الجميع
حتوصل لك رساله انها راحت للشرطه اجلسي اسبوع وروحي للشرطه يعطونك الطلبات

المشاركة الأصلية كتبت بواسطة لحظه تفاؤل

ابوي تحت رحمة ربي مو عارفين ايش مكتوب له مابيدنا الا الصبر والدعاء
الحمدلله علي كل حال

ايوه عادي تمشي اختي معاملتها مقدمتها من النت ودحين راحت للداخليه الله يسهل عليكي وعلي الجميع
حتوصل لك رساله انها راحت للشرطه اجلسي اسبوع وروحي للشرطه يعطونك الطلبات

طيب كيف اشيك عليها وكيف اعرف فين واصلة ومتى يردو عليا اصلا ومتى اصلا تصدر الموافقة هل من الامارة قبل لا تروح الشرطة ولا لازم الشرطة اول وهل عادي لو عمري 24 وشوية

المشاركة الأصلية كتبت بواسطة فرح خالد

الف مبروك ربي يتمم عليك بالخير ويكتبلك السعادة

الله يبارك فيك حبيبي عقبال الجميع يارب

معاملتي مكتوب اتحولت من الاداره العامة للحقوق الخاصة الى الوكالة المساعدة للحقوق كدا مسارها صح ؟؟
وايش حيسير بعد كدا طمنوني الله يطمنكم ..
ابغا رقم تلفون اتابع بيه المعاملة انا من جده ..

ام حمدان كم لها معاملتك بالداخليه؟؟؟؟
انا من شهر رمضان للحين ماطلعت
مافي شي يعوقها حسبي الله عليهم
وكمان كم جلست لك للعرض ع الوكيل ؟؟

السلام عليكم
يعطيكم العافيه
بسئل انا قدمت معامله من كم يوم بجده
وخطيبي اجنبي في منطقه ثانيه
كم حتاخد وقت في تحويل المعامله لجازان وكم الوقت عشان ترجع لجده مره ثانيه
وكمان المده لو كانت راح تتحول للرياض بدل جازان

حالة القيد : مغلق
إسم سجل القيد : وارد الافراد السعوديين - إتصالات مكتب الوزير
تاريخ القيد : 22 / 01 / 1437
الإدارة الداخلية المحال اليها : ادارة الحقوق الخاصة - قسم الأحوال الشخصية


دحين ايش في بعد كدا ؟؟
ما وصلنا مسج انو راحت للاحوال الشخصية ..!

المشاركة الأصلية كتبت بواسطة ام حمدان

السلام عليكم ورحمة الله وبركاته
الله يمسيكم بالخير
ياجماعه ودي تفيدوني
معاملتي يوم 17\2\1437
وصلت للاماره من الداخليه وتم استلامها
وسال خطيبي الموظف وقاله مكتوب ع المعامله
لامانع من الزواج هل تعتبر هذي موافقه من الداخليه
طمنوني الله يطمن قلوبكم

الف الف مبروووك ربي يتمم لك على خير وسعاده

وعقبال الجميع

المشاركة الأصلية كتبت بواسطة نوناآ

حالة القيد : مغلق
إسم سجل القيد : وارد الافراد السعوديين - إتصالات مكتب الوزير
تاريخ القيد : 22 / 01 / 1437
الإدارة الداخلية المحال اليها : ادارة الحقوق الخاصة - قسم الأحوال الشخصية


دحين ايش في بعد كدا ؟؟
ما وصلنا مسج انو راحت للاحوال الشخصية ..!

مرحبا. . لازم تتصلي عليهم وتسأليهم .. المفروض يكتبولك الصادر على وين بعد ماتغلق .. كم ليها معاملتك بالداخلية ؟
تحياتي. .

المشاركة الأصلية كتبت بواسطة حنووونه

معاملتي مكتوب اتحولت من الاداره العامة للحقوق الخاصة الى الوكالة المساعدة للحقوق كدا مسارها صح ؟؟
وايش حيسير بعد كدا طمنوني الله يطمنكم ..
ابغا رقم تلفون اتابع بيه المعاملة انا من جده ..

مرحبا. . ايوا معاملتك مسارها صحيح .. خلاص هتجلس كم يوم وتتحول على الصادر وبعدين هتروح للداخلية او المحكمه على حسب حالتك..موفقه يارب
تحياتي. .

المشاركة الأصلية كتبت بواسطة حلاوة مقرطسة

بنات طلبتكم في مساعدة ارجوكالوزارة ماعندي احد يسعى ويساعد للاسف
المهم

ياليت تساعدوني في بعض الاجرائت والاوراق

أنا خطيبي بريطاني غير مقيم في السعودية ولا يرغب في الاقامة.

الزواج حيكون في السعودية
يعني حيجي نتجوز ونسافر نعيش برا

المهم

التقديم فين؟ وزارة الداخلية او الامارة؟ انا من مكة

هل حضورة لازم ولا بس انا؟

شو الاوراق المطلوبة منة؟
شو الاوراق المطلوبة مني؟

كم مدة الانتظار الين تصدر الموافقة؟ هل المعاملة اسهلة او معقدة؟

جزاكم الله الف خير وسهل عليكم.

مرحبا. . بكل الحالتين تقدري تقدمي منها .. بس اذا قدمتي من الوزارة راح تطول المدة
انا فتحت على امارة مكه عشان اشوفلك الطلبات حقت الاماره الي هي العمر بي ماهم كاتبين فاانا اشوف انك تروحي الاماره وتسألينهم عن العمر الي محدد ..بالنسبة للوزارة محددين انه عمرك يكون 25 ومافوق ..
مايلزم انه يحضر .. فقط انتي تقدمي الطلب ..
اول شي تقدمي الطلب خطاب موافقة الوالد والخطاب الثاني معروض للامير يكون بإسمك .. بعدين هتروح للشرطة وهيعطوكي خطابات للتحاليل والأحوال ولعمدة الحي يثبت باانكم من سكان مكه ..
صورة بطاقة الاحوال حقتك وصورة بطاقة الأحوال والدك ..
بالنسبة للخطيب ماهم محددين الطلبات .. فانتي حطي صورة من جواز سفره. . وشهادة اسلامه ضرورية ..
بالنسبة للمدة تااخد من 3 شهور الى 6 شهور .. موفقة .
تحياتي. .

المشاركة الأصلية كتبت بواسطة هيندا

هلا فرح ... لا عادي مو لازم تكوني صايمة
تحياتي. .

مشكورة هيندا الله ييسر امرك ونفرح فيك عن قريب يارب
ايش صار على معاملتك

المشاركة الأصلية كتبت بواسطة لحظه تفاؤل

ابوي تحت رحمة ربي مو عارفين ايش مكتوب له مابيدنا الا الصبر والدعاء
الحمدلله علي كل حال

ايوه عادي تمشي اختي معاملتها مقدمتها من النت ودحين راحت للداخليه الله يسهل عليكي وعلي الجميع
حتوصل لك رساله انها راحت للشرطه اجلسي اسبوع وروحي للشرطه يعطونك الطلبات

ياعمري الله يشفيك ويعافيه يارب ويفرح قلبك بشوفته بصحة وعافية