زواج السعوديه من غير السعودي ( الأجنبي ).

كل عام وانتم بألف خير وصحه وعافيه وسعاده يارب..اسال الله تعالى بحق الايام الفضيلة هاذي ان يحقق حلم كل بنت تبغى الستر والاستقرار ويريح قلوبكم بماتتمنون يارب00``00`

المشاركة الأصلية كتبت بواسطة شذى محمد

اللي فهمته من خلال قراءتي لردود الأخوان والأخوات إنه لابد يكون معاه إقامة هنا والمهنة اللي بتسوون تعريف العمل على أساسها تكون هي نفسها اللي بالاقامة
وإن مدة إقامته بالمملكة لا تقل عن 6 أشهر
وإذا ماعنده عمل يكتب بتعريف العمل إنه يمارس أعمال حرة وتجارة وتصدق من العمدة

وعادي يوافقوا اذا كان يشتغل أعمال حرة وكيف يثبت اذا كان صاحب بزنس اعمال حرة يجيب أوراق اثبات من هنا ؟ وكيف طريقتها

السلام عليكم ورحمة الله وبركاته

اسعد الله صباحكم ومساكم بكل خير

وكل عام والجميع بـ صحة وعافية


احب ابارك لكل وحده وصلت اوراقها للداخليه واقول الف مبروك مقدما وربي يتمم لكم على خير

اما اللي مثلي للحين يعانون فـ اقول ربي يفرجها علينا ويرزقنا من حيث لانحتسب

المشاركة الأصلية كتبت بواسطة زهرة في بستان

وعادي يوافقوا اذا كان يشتغل أعمال حرة وكيف يثبت اذا كان صاحب بزنس اعمال حرة يجيب أوراق اثبات من هنا ؟ وكيف طريقتها

اذا اعماله الحره هنا بالسعودية طبيعي اوراق الاثبات تكون من هنا
بس الطريقة مادري بالضبط اتوقع الكفيل يكتبها ويوقعها وبعدين خطيبك يختمها في الغرفه التجارية عشان تكون مُصدقة
اما اذا ماعنده شيء بالسعودية فـ اتوقع انه يجيبها من بلاده ، ولا خليه يسأل الامارة او انتي اسألي اذا هو مش في السعودية وربي يسهل عليك وعلينا

كل عام وانتم بخير

بنات انا متابعتكم من زمان واليوم قررت اشارك معاكم وانضم للبنات اللي ينتظروا الموافقه على معاملة الزواج


وعندي سؤال ياليت تفيدوني فيه

انا قبل كذا سويت معاملة زواج وجات الموافقه ماشاالله بسرعه اقل من ثلاث شهور
وكانت اسرع موافقه في تاريخ السعوديه لان ماسمعت قبل كذا انها جات لحد
بالذات كان فيه عوايق كثير منها ان عمري 27 وراتب الزوج 2500
بس بالاخير ماكنت مقتنعه بهذا الزواج وما كان فيه نصيب ولما راحت الاوراق للمحكمه فركشنا الزواج

سؤالي انا الان لي معاملة جديدة هل ممكن يرفض طلبي لان سبق وتقدمت بطلب زواج ولم يتم

المشاركة الأصلية كتبت بواسطة هونتها عيت تهون

كل عام وانتم بخير

بنات انا متابعتكم من زمان واليوم قررت اشارك معاكم وانضم للبنات اللي ينتظروا الموافقه على معاملة الزواج


وعندي سؤال ياليت تفيدوني فيه

انا قبل كذا سويت معاملة زواج وجات الموافقه ماشاالله بسرعه اقل من ثلاث شهور
وكانت اسرع موافقه في تاريخ السعوديه لان ماسمعت قبل كذا انها جات لحد
بالذات كان فيه عوايق كثير منها ان عمري 27 وراتب الزوج 2500
بس بالاخير ماكنت مقتنعه بهذا الزواج وما كان فيه نصيب ولما راحت الاوراق للمحكمه فركشنا الزواج

سؤالي انا الان لي معاملة جديدة هل ممكن يرفض طلبي لان سبق وتقدمت بطلب زواج ولم يتم

وانتي بخير اختي ، شوفي فيه ناس توصل معاملتهم في شهرين هو على حسب توافر الشروط في المتقدمين والتوفيق من الله اولا واخيرا
عمرك 27 ماهو عايق يا اختي هم طالبين 25 وفوق وانتي فوق الـ 25 يعني اشرط متوفر ، انا عائقي الحين العمر مابعد كملت الـ 25
وبالنسبة للزواج اللي تفركش بسبب عدم اقتناعك مااقول الا انه خيره من ربي ، وعسى ربي يتمم لك خطبتك هذي ويجمعكم على خير
مااعتقد انهم راح يرفضون طلبك هم وش دراهم اساسا انك سبق طلبتي بما ان الزواج ماتم ؟
توكلي على الله وبشرينا :)

هونتها عيت تهون

ممكن غاليتي بودي أسألك عن موافقتك الأولى
مامهنة الخطيب الأول ؟!
وش جنسيته ؟

اما اللي مثلي للحين يعانون فـ اقول ربي يفرجها علينا ويرزقنا من حيث لانحتسب

معاناة جديدة
الله يفرحنا وإياكِ بالموافقة

المشاركة الأصلية كتبت بواسطة شذى محمد

معاناة جديدة
الله يفرحنا وإياكِ بالموافقة

اللهم آمين الله يسمع منك والله ضغط نفسي رهيب بس الله يسهل
انا مستغربه من سالفة نايف هزازي شلون بهذي السرعة عقد قرانه على بلقيس ولا الواسطه لعبت دور بكم يوم !
الله يفرجها ويفرحنا قريب :)

المشاركة الأصلية كتبت بواسطة معاناة جديدة

اللهم آمين الله يسمع منك والله ضغط نفسي رهيب بس الله يسهل
انا مستغربه من سالفة نايف هزازي شلون بهذي السرعة عقد قرانه على بلقيس ولا الواسطه لعبت دور بكم يوم !
الله يفرجها ويفرحنا قريب :)

على حسب ماقرأت إن الخطوبة مجرد خطوبة وإشهار بدون شيء رسمي وإن نايف بيواجه عراقيل الموافقة خصوصا بمايتعلق بسنه

اللي انا قرأته انه تم عقد قران نايف وبلقيس ومعنى عقد القران معروف ولا ؟
بس اتوقع انهم يقولون عراقيل ومدري ايش عشان مايخلون العالم يشتكون من اللي صار وليه تزوج وهو مش منطبقه عليه جميع الشروط والخ ، لانه بما انه مشهور اخباره بتوص للكل ولو تزوجها بدون عراقيل بتكون الدعوى فوضى فهم الان جالسين يموهون والله اعلم .

المهم انتي ياشذى بعد اذنك وين وصلت اوراقك ، وفي عندك عوائق ولا الشروط جميعها منطبقه عليك وعلى خطيبك ؟

مع تمنياتي لك بالتوفيق وتسهيل الامور بدون عوائق والجميع يارب `111`1`

معاناهـ

والله ماأعرف إذا الشروط تنطبق ووضعنا تمام
قدمنا قبل الحج واليوم وصلتنا رسالة إن المعاملة تحولت للشرطة وما أعرف وش ينتظرنا هناك وباقي أوراق ماكملناها
لكن استغربت إن الأمارة تفتي من رآسها
ناس تقول إن معاملة الأجنبي مواليد المملكة ماترفع لكن الأمارة تقول إلا بنرفع المعاملة للداخلية وكمان الأمارة اليوم أفادتنا إن الأجنبي المصري والأردني موقفة معاملاتهم لحين تحديث بعض الأمور المتعلقة بالجنسية
ماأعرف هو نظام موحد تمشي عليه كل الأمارات ولا شلون ؟!!

وانتِ معاناة >>> الله يبعد عنا وعنك المعاناة
وين واصلة ؟!

اهم شي ان الامارة مارفضت اوراقك وهذا دليل على ان المعاملة ان شاءالله ماشية
ومسألة الاجنبي اللي مش من مواليد السعودية ترفع ليش ماترفع اهم شي انه مقيم لمدة لاتقل عن ستة شهور واللي يقول غير كذا انها ماتنرفع هذا ماعنده سالفة مع احترامي الاجنبي سواء من مواليد المملكة او مش من مواليدها ماينرفضون

انتي تتعاملين مع اي امارة بالضبط ؟ وهل خطيبك اردني او مصري عشان كذا شايله هم ؟ انا بصراحه ماسمعت ان معاملات هذي الجنسيتين متوقفه

شوفي اختي كل امارة تختلف عن الثانية من ناحية بعض الشروط لكن الشروط الأساسية اللي فرضتها وزارة الداخلية هذي لازم يمشون عليها

انا والله ياغاليه للحين مابديت عشان اوصل :(
محتاسه الله لايوريك كذا مره قدمنا وانرفضت معاملتي بحكم ان سني ماوصل للقانوني وللحين ندور لنا واسطه
وفيه رجال وعد خطيبي انه بيحاول وخلال هذا الاسبوع بنشوف وش رده وان شاءالله يكون ايجابي و تتسهل امورنا وتمشي المعاملة

الحمدلله على كل حال دائما اذكر نفسي ان مابعد الشدة هو الفرج صحيح هي معاناة لدرجة اني اخترت اسم عضويتي معاناة لكن متأكدة ان الله بيفرجها وبيسعدني ويسعد كل وحدة تعاني من تأخر معاملتها او رفضها :)

يارب توفيقك

اللي قصدته يالغالية إن حسب ماقرأت هنا من بعض الأخوان إن الأجنبي مواليد السعودية ماترفع أوراقهم للداخلية والموافقة تجي من الأمارة
أما المقيم ترفع معاملته للداخلية

عموما الحمدلله على كل حال وربي ييسر لنا ولك

طيب كم صار عمرك ألحين ؟
قرأت باتحاد المعقبين إن فيه ناس تقدر تمشي مسألة السن والدفع بعد الموافقة لكن طالبين مبالغ مهولة