تعبت من الوسواس من تساعدني الله يوفقها ويسعدها(خاص للبنات)

http://forum.hawaaworld.com/showthre...2&pagenumber=1

عروب الكويت
تصدقين عاد اللي شجعني على اني احاول اقاوم الافكار الوسواسية هو موضوع الاخت بشائر الفجر في منتدى عالم حواء سبق اني قريته قبل كم شهر واحس اني ارتاح لما اقرا كلماتها والاخت بشائر الفجر ماشاء الله عليها لها بصمات واضحة في عالم حواء .الله يجعله في ميزان حسناتها .
الله يعطيك العافية اختي عروب ماقصرتي..

أختي الكريمة


ضوء الأمل


هل ترغبين أن أبدأ معكِ هنا أم لا ترغبين بمساعدتي ؟

اخي صدقيني 00حاولت ان اساعدك00كل مره ادخل الموضوع واخرج لأن ما عندي خبره في ما تطلبين 00

اعتقد لو تسألين مستشاره نفسيه افضل0

الله يشفيك اختي

الأخت الحبيبة(الشهيدة)
مشكورة والله يعطيك على قدر نيتك واضح حبك للمساعدة..ادعي لي .
الله يشفي الجميع..

هلاا فيكم اسفه اني تاخرت بس لي فتره ما دخلت المنتدى
اخووي دوت كوم ياريت والله تسااعدني وتكتب الحل الي تعرفه هههههه الحقني بيه
<<< ماصدقت خبررر
اسفه بس توني اقراا ردك واتمنى منك تسااعدني انا وكل الاخوات الي هناا
مشكوور اخوي وجزاك الله خيررررر وبالنتظاار ردك
معاناه بصمت لا انا ماجربت العلاج ابددد ووصراحه الحين فعلا افكرر اني اجربه لاني صراحه طفشت من الوسواس وتعبني والله مع اني زيك متخوفه من العلاج وخايفه من ااثااره بس لو بستمرر كذا والله بتعب كثيررررر
الله يعين ويشفي كل مسلم ومسلمه يااارب
تحيااتيي

معاناة بصمت
اول وصية : لا تعاني بصمت بل افتحي قلبك لاخوة يحبونك بصدق

ثاني شي : احب اقول لك لا تهملي الوسواس ليس لانه خطير / بالعكس اسهل شي علاجه / لكن لانه يخلف الاكتئاب و الاكتئاب وحش ضاري يا اختي وقاك الله

بالنسبة للتجربة

انا كانت اول معاناتي بسبب الوسواس : و كان في اخطر شي : في العقيدة / و اكتفيت بمقاومته لوحدي زيكم / و فعلا انتهى الوسواس بعد سنة / لكن الاكتئاب اللي نتج عن اهمال العلاج المتخصص كان هو الابتلاء الحقيقي
و من 13 سنة الى الان و انا بين براثنه

اختي
باختصار لا تعتمدي على المقاومة لوحدها / قد تنهي الوسواس لكنها لا تعالج الاعراض المصاحبة له و اهمها التوتر و الاحباط و الخوف / و فائدة العلاج الدوائي انه يهتم بهذه الاعراض و يتحكم فيها في الوقت اللي انت تتمرنين و تقاومين الوسواسبالتأمل و الحوارات الطويلة مع النفس / و بالتالي عندما ينتهي الوسواس تنتهي معه الاعراض المصاحبة و تخف كثيرا

و بالمناسبة العلاج مدته ليست طويلة جدا و هو يعطي اسرع مفعول مع التمارين السلوكية و اهمها اللجوء لرب العباد

اختي
يمكنك طلب بريدي ان شئتي من المراقب العام

و كلي سعادة بمشاركتك

هلا اختي روح الامل رفعتي معنوياتي جزاك الله خير طيب بغيت اسالك عيووني يعني انتي عالجتي من الوسواس؟؟ وكم المده الي اخذتيهاا للعلاج؟؟ ولما تركتي العلاج رجعلك الوسووس ولا لا؟ زي ماقلتي المشكله اني بعد ما اهملت الوسواس الحين ولا عالجته الحين صرت اعاني من الاعراض الثانيه زي القلق والخووف والتوترر والضغط النفسي وانا متاكده انها كلها بسبب الوسواس عشان كذا هو متعبني كثيرر
ياريت تردين علي وتقوليلي هل فعلا استفدت من العلاج ولا لا؟؟
مشكووره يا اختي وجزاك الله خيررررررر

العلاج نفعني بسررررررررعة مع الوسواس / لكن طبعا مع اصراري و تمارين سلوكية و اهم شيء هي

المشكلة الاعراض الثانية من اكتئاب و قلق و متوتر

الى اليوم اعاني منها و اقاومها

بارجع لكم

و ثقوا ان الوسواس يتعالج و لا يرجع اذا تم العلاج بطريقة صح

دعواتي لكم

أختي الكريمة

ضوء الأمل

لاأعلم نوع الوسواس الذي لديكِ ولكن خذي هذا الرابط لعله يفيدكِ إن شاء الله وإن كان ما في الرابط غير مشكلتكِ فأخبريني بما تعانين منه وإن شاء الله أقدر أساعدك



http://www.nafsany.com/vb/showthread...1365#post91365

الأخ دوت كوم
بارك الله فيك على التوجيهات القيمة ومعليش اخوي عندي سؤال ابغى أعرف إذا مافيه إحراج لك المصدر اللي أخذت منه النقاط اللي عطيتها الأخت رموز الماضي هل هي من كتاب او من علاج معرفي اوسلوكي لاني ابغى احصل على معلومات اكثر...وفقك الله اخوي وجزاك عن كل حرف كتبته خير الجزاء..

الأخت روح الأمل ..
الله يسعدك دنيا وآخرة والله ضربتي على وتر حساس وهذا اللي أنا خايفة منه آثار الوسواس لأني صرت احس بقلق فضيع جداً وماارتاح وأحياناً كثيرة ابكي لين احس بالملل احس إن كل شي اسويه ماله طعم روتين بس وما احس بمتعة في اي شي اسويه كلها افعال متكررة..

اختي روح الأمل انتي قلتي اول نصيحة افتحي قلبك..الصراحة انا مااقدر افضفض إلا لكم يااعضاء المنتدى لانكم تفهموني والأغلبية جرب هالشي..

معليش انا مستعجلة شوي ولي عودة بتفاصيل اكثر ان شاء الله..

كوني متأكدة اننا معك بقلوبنا
البوح و تحديد المشكلة اهم خطوات العلاج
و المراجع يا اختي التجربة اهمها

لكن احيي فيك الوعي و الحرص
بانتظارك

بسم الله الرحمن الرحيم..
أختي الكريمة (روح الأمل) يعلم الله مدى سعادتي بتجاوبك معي وان شاء الله يكون لي من اسمك نصيب..
اختي الكريمة فكرت إني اكتب لك عبر البريد لكن ماقدرت أصبر لحد ماترد الإدارة فقررت اني اكتب بعض جوانب معاناتي هنا يمكن يستفيد احد من تجربتي..
ارجو ان تتقبلي مني بصدر رحب لاني صراحة ماصدقت خبر..
واللي شجعني اكثر ان فيه تشابه بيني وبينك في البداية..انا فتاة عمري الآن 21 سنة بدأ معي الوسواس تقريباً في سن 16 سنة يعني في بداية الثانوية وكنت اوسوس(استغفر الله العظيم)زي ماقلتي في العقيدة وقاومته والحمد لله قدرت اتغلب عليه بعد سنة...
وبعدين الحمد لله كنت تمام ولما وصلت آخر ثالث ثانوي وانتي طبعاً عارفة الوضع النفسي والخوف من المعدل في ثالث ثانوي بدأ معي وسواس من نوع ثاني وهو اني صرت اوسوس في النظافة واخاف اني اصافح اي احد خاصة(الرجال)مع إنهم محارم لي اول ماالمس اي شي يخص احد غيري اقوم اغسل يدي وزي ماقلت سابقاً خاصة الرجال صرت اخاف منهم او المس اي شي خاص بهم لو قلم اوكوب او موبايل او اي شي على طول اقوم اغسل يدي احيانا بشكل مبالغ فيه(اعرف ان مشكلتي سخيفة وان من يقراها راح يقول عني مجنونة)
وبعد كذا الطامة الكبرى صرت اوسوس في نظافتي انا شخصياً وطول اليوم شغلتي اغسل ملابسي لو هي نظيفة واغسل اغراضي الشخصية مثل المفارش والأغطية والعباية ولو لمس اي شي ملابسي على طول اغسلها مو بس كذا اغسل ملابسي كل قطعة لحالها وبعدين اغير الموية والصابون واغسل القطعة الثانية وعلى هالحالة..خاصة في اوقات معينة من الشهر( اللي هي الاوقات اللي مااصلي فيها) تتعب نفسيتي وتزيد الحالة إلى درجة انه في بعض الأحيان ارمي بعض الملابس ولا يمكن البسها مرة ثانية واحياناً اغسلها بأكثر من مطهر واكثر من نوع من الصابون مع انها نظيفة(اعذريني اختي الكريمة ادري اني طولت الكلام لكن مالي إلا الله ثم انتم ياأخواتي وكان ودي افصل لك اكثر في هالناحية لكن زي ماانتي عارفة المنتدى مو بس بنات)ارجو انك فهمتيني..

لكن اللي معذبني في هالوقت ان الحالة تتطور واطلع من وسواس وادخل في اشد منه انا الحين احس اني مريضة وانه ممكن يمرض احد بسببس فصرت اخاف التجمعات علشان مااصافح الناس ولا احب المس اي شي لغيري وإذا انجرحت جرح بسيط ولو نزف شي بسيط اخاف اصافح او المس اي شي ودايما اراقب جسمي اخاف فيه جرح اوشي.....

اختي الكريمة :آسفة على الإطالة ولكن اعذريني ثلاث سنوات مكبوتة...
بارك الله فيك ووفقك لكل خير..
اختك المحبة:معاناة بصمت

هلا والله اختي روح الامل الله يجزاك خيررررر والله ارتحت كثير بعد ماقريت كلامك بس ابي اسالك كم سؤال لو سمحتي؟؟
انتي تعالجتي باي مركز؟؟ وايش اسم الطبيب او الطبيبه الي تعالجتي عندهاا لانهاا مبين من كلامك انك رحتي لدكتوور كويس 000وايش الدوا الي عطاه لك لعلاج الوسواس ؟؟؟ وايش نوع التمارين السلوكيه الي كنتي تمارسينهاا وكم المده الي استمريتي عليهااافي اخذ هذه التمارين؟
انشاء الله ما اكون ازعجتك باسئلتي هذي ويعيطك العافيه وانا بالنتظار ردك
اخوي دوت كووم مشكووووور وجزاك الله خيررررر وانشاء الله القواعد الي قريتهاا راح اطبقهااا
اختي معاناة بصمت اشكرك لانك فتحتي هذا المووضوع لانننا الحمدلله استفدنااا كثيرررررر الله يشفيك ياارب ويشفيناا من هذا المرض الوسواس
تحيااتيي لكممممم