|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
24-10-2010, 08:14 AM | #17 | |
عضو نشط
|
اقتباس:
وانا مثلك فعلا محد يفهمك الا ناس عشوا نفس المعاناة والمنتدى ذا بصراحة خفف علي كثير وحسيت ان في ناس تفهمني وافهمها اشكرك على مرورك يالغالي وربي يفرج علينا كربنا وجميع المسلمين |
|
|
24-10-2010, 08:17 AM | #18 |
عضو نشط
|
صباح النور والسرور اخوي الشاكر
والله ابشر من عيوني انا قلت لك مستعد باللي تبيه يالغالي الحين برد على موضوعك |
|
24-10-2010, 08:21 AM | #19 |
مراقب عام
|
موضوع أستطلاع نوبات هلع عن طريق الشفاء
بما أن لديك خبرة كافية وتجربه نحب أن تسردها للأعضاء كي يستفيذوا وارجو منك التكرم بالأطلاع على الموضوع قبل أن نبداء بأي سؤال معك يعطيك ربي العافية |
|
24-10-2010, 08:57 AM | #20 |
عضو نشط
|
بعد ماساءت حالتي وكل اللي حولي ملوا من وضعي و صرت ابحث عن حل بالنت بالصدفة دخلت على موضوع واحد مثلي يشتكي يقول معه خفقان ورجفة بالعضلات الا في واحد يرد عليه ويقول هالرجفة سببها شيطان وهنا دخلت براسي الفكرة ان اللي فيني شيء غير المرض رحت لكذا شيخ يقرون علي واحد قالي هذي عين والثاني قالي سحر ودخلت بدوامة مايعلم بيها الا رب العباد
بديت بعلاج الشيخ اللي قالي عين وكنت اقرى سورة البقرة كل يوم واتروش بماء زمزم ثلاث او اربع مرات معاناة حقيقية والموية لازم اشيلها واكبها بمكان طاهر لانها زمزم واتدهن بزيت مقري عليه واسمع اشرطة للرقية الحمدلله تحسنت حالتي كثير وخف الخفقان لكن ما انتهى صرت اراجع الشيخ كل فترة وبالاخير حسيت ان الشيخ مل مني وصار يقول خلاص انسى هالخفقان بيروح وانا اقوله مايروح ياشيخ وتركت الشيخ بالاخير بعد ماشفت انه مل مني وصرت بحالة مايعلم بيها الا رب العباد والا ادري اللي فيني سحر والا عين والا حسد كل يوم ادخل منتديات الرقية الشرعية واقرى قصص ماساوية لناس مسحورين وناس صايبتهم عين لين جاني احباط وصرت اتمنى اللي يكون فيني مرض ولا يكون عين او سحر والعياذ بالله وكل شخص يجيني اشرب من فضلته ماخليت احد اعرفه او ما اعرفه اخذ من اثارهم واتروش بها ابي هالعين تفارقني مليت عمري وربي كرهت الحياة والدنيا صارت سودة بعيني تفكيري انشل تاثرت حياتي بغيت افقد وظيفتي واسرتي بسبة هالوضع اللي عايشه استمريت على هالحالة يمكن خمس شهور بدون فايدة تركت الرقية والخفقان زاد والرجفة زادت والتنميل باغلب جسمي وصار فمي من جهة اليمين ماقدر امسك اللعاب يسيل لوحده وصار ثقل بيدي اليسرى كل ماوقفت احس بضغط على يدي من عند المرفق كل شهر اتحجم لين ماصار فيني دم والقولون عندي صار مزمن والمعدة مخربطة لين جاني البواسير من الحالة اللي انا فيها والام صارت تتنقل بجسمي وصرت اقيس نبضي على مدار الدقيقة لين اشتريت جهاز خاص بقياس النبض والضغط وكل خمس دقايق اقيس ويدي ماتنزل من على قلبي وقسم بالله اني وحتى انا اسوق السيارة اوقف على جنب واقيس النبض واشوف سرعة دقات القلب عند الاشارة اقيس سرعة دقات القلب اكون جالس مع شباب وناس بدون مايشعرون اطلع جوالي واعايره واجلس اقيس سرعة نبضات القلب لين صرت مهستر بهالشيء وصار نبضي سريع على طول ماينزل عن 100 نبضة بالدقيقة هذا اذا كنت مرتاح ونايم اما اذا وقفت الله يستر نبضي يوصل فوق المية وثلاثين ورجولي تتنافض صرت مقدر اصلي خلف الامام الا بعد الركعة الثالثة اخاف يطول بالصلاة واموت هههههه والله ياناس اني ما ابالغ بكلامي صرت بحالة مايعلم بيها الا الله من اصحي من النوم يدي على قلبي واقيس النبض وارتجف ونبضي على طول صار سريع كنه داخل سباق الهجن سبحان الله انا كنت اطلع عشر ادوار جري مو مشي ولا احس بتعب صرت اخاف اوقف على رجولي وبالاخير زادت المشكلة كل ماوقفت جاني خفقان باستمرار بدون توقف شوي واصير عاجز عن المشي باليوم اقيس نبضي اكثر من ميتين مرة بدون شعور وتطورت حالتي واصبحت اسير المرض واللي زاد المشكلة تعقيدا اضطراب المعدة صرت ما اكل شيء كل شي ممنوع القهوة اخاف منها والشاي ممنوع منه والدخان اشرب باليوم وحدة لما تتحسن حالتي واندم عليها برمضان الناس تفطر على تمر وانا افطر على سبع حبات من الدواء صار عندي شنطة كبيرة مليانة ادوية للمعدة والحموضة والقولون وفيتامينات اشكال والوان ومضادات حيوية كذا نوع هذا غير البنادول والمسكنات وجيوبي كلها علاجات وبمرة من المرات بالصدفة صديق لي قال جرب الايموبروزال للمعدة تراه زين المهم ماكذبت خبر جبت العلاج واخذت حبه منه بالصدفة التنميل اللي بصدري ووجهي خف وراح ماني مصدق قلت بجرب مرة ثانية اذا رجع التنميل وفعلا بعد خمس او ست ساعات رجع التنميل فاخذت ايمو بروزال للمعدة وخف التنميل وقتها فرحت فرح شديد لان اطمئنيت وقلت التنميل سببه المعدة مو القلب فصار اتجاهي للمعدة وصرت احمل المعدة كل الاتهامات حتى ضربات القلب والخفقان وجهت اصابع الاتهام للمعدة والقولون بديت اوسوس ان معي جرثومة المعدة قريت عنها بالنت وحصلت ان كل اعراضها معي رغم اني سويت تحليل للجرثومة لكن جاني ابليس وقالي يمكن فني المختبر مايعرف يحلل ورحت على طول جبت الكورس العلاجي للجرثومة وتناولته وسبحان الله مع هذي الجرعات خف عندي الاحساس بدقات القلب كانت بالاول مثل قرع الطبول هالشيء ريحني اكثر وبديت اتناول التلبينة وتحسن وضعي معها اكثر واكثر وبدأ الخفقان يقل يوم بعد يوم عارفين ليه لأن عقلي الباطني لقى سبب ملموس لخفقان القلب بدأ قلبي يرتاح شوي ونفسيتي تحسنت لحد ما اختفى الخفقان لمدة يومين او ثلاثة ايام وبعدها كثرت من الشاي والدخان وفجأة بدون شعور قلت اشوف نبضي وحطيت يدي على الشريان وعايرت جوالي اقيس النبض وشوي شوي بديت اوسوس ورجع الخفقان ورجعت المخاوف هههههههه ودخلت بالدوامة من جديد الله لايعيد هالايام وانتكست حالتي اكثر من قبل وربي صار الخفقان ملازمني طول اليوم وشفت منه اشكال غريبة وعجيبة انواع الخفقانات 1- نبضتين ونبضة مافيه هذي اذا وقفت على طول اليوم معي واذا نمت باستمرار 2 - نبضة بطيئة وراها ثلاث نبضات سريعة استمر معي يمكن يومين بس بفترات متقطعة 3 - مرة جلست اناظر بصدري الا شوي قلبي يدق بقوة وبسرعة والله استغربت كأن واحد جالس خلف باب يدقه بقوة 4 - خفقان كأن واحد ماسك قلبي بيده ويرجه رج هذي اكثر شيء كانت تعذبني 5 - خفقان كأن احس غصة بحلقي احس ان الضربة بالمريء مو بالصدر 6- بمرة سمعت خبر شين صار قلبي يضرب بشكل غريب والله خفت انه ينفصل من شراينه من قوة وسرعة النبض المرة الجاية بقولكم كيف عرفت ان معاي نوبة هلع وكيف حطيت يدي باذن الله على اول طريق العلاج محبكم عزاز |
|
24-10-2010, 09:31 AM | #21 | |
عضو نشط
|
اقتباس:
بس اعطيني يومين اخلص من موضوعي واتشرف اني اكون واياكم وابشر باللي يسرك يالغالي انت تامر امر |
|
|
24-10-2010, 03:29 PM | #25 |
( عضو دائم ولديه حصانه )
|
اخوى عزاز علقتنا ياخوى نبى نعرف باقى القصه والله اندمجت كأنى اقرى قصه لأجاثا كرستى شوقتنا ياخوك والله نبى نعرف العلاج والطريقه مع ان انا والله مريت بهالامور كلها وعارف نهايتها بس سردك للقصه مشوق ههههه الله يشافينا يارب والمسلمين
|
|
26-10-2010, 07:37 PM | #27 |
عضو نشط
|
عدت اليكم كما وعدتكم احبائي الغالين
اولا اود ان اضيف اعراض كنت قد نسيتها وهي الاتي 1 - شيء يضغط على صدري كأنه كورة متجمعة في منتصف الصدر وهذي كانت تضايقني جدا جدا احس اني ببكي منها 2 - خوف ورعب شديدين ولا اعرف لهم سبب طول يومي خايف بس لو واحد يقولي لك عندي خبر مو زين احصل قلبي يرجف مثل الطير 3 - عصبي ومتوتر على طول ونظرتي تشاؤومية لابعد الحدود واحيانا تجيني رغبة بالبكاء بدون سبب 4 - احلام مزعجة وكوابيس باستمرار نرجع الحين اقولكم شلون اكتشفت ان اعاني من نوبة ذعر وهلع وخوف وكيف بدأت اول خطوة بالعلاج اولا سبحان الله انا باخر الايام كان الخفقان ملازمني بشكل يومي وعلى مدار الساعة والدقيقة لدرجة اني فقدت الامل بأي علاج وقررت اني اعيش مع الخفقان اقسم لكم بالله اني في قرارة نفسي قررت اعيش باقي حياتي مع الخفقان لاني يئست من اي حل ووقتها بقلب صادق التجأت الى الله وعرفت ان الناس ماتقدم ولا تأخر وكان هذا درس من رب العالمين وتوكلت على الله وقلت الحياة والموت بيد ربي وقلبي مايوقفه الا الله وبعد هالحالة قرأت موضوع عن الوسواس ورح انزلكم هالموضوع بالمرة الجاية علشان تستفيدوا منه وعرفت وقتها ان اللي وصلني لحالة اليأس هو ابليس لعنة الله عليه يوصل الانسان لحالة اليأس علشان يكفر او ينتحر والعياذ بالله لكن ربي تداركني بكرمه وفضله وخلاني اصبر واحتسب الاجر بدل ما افكر بموضوع الانتحار والعياذ بالله ثانيا بعد ما اقتنعت بموضوع الوسواس ولاحظت ان فعلا الوسواس له دور كبير في حالتي بدأت ابحث عن المواضيع النفسية بالصدفة دخلت على موضوع عن طريق قوقل لعضو بمنتدى نفساني وحصلت الاخت غموض انثى ترد عليه وتقوله انت تعاني من نوبة هلع وكانت حاطة الرابط الخاص بموضوع الهلع ونوبات الذعر وبمجرد مافتحت الرابط اكتشفت ان كل الاعراض لنوبة الهلع اعاني منها بالضبط وكأن الدكتور يتكلم عن حالتي والله وقتها خفت حالتي بنسبة 50% ودي كانت الشرارة الاولى اللي خلتني على الطريق الصح في طلب العلاج وبدأت اغير بحثي في النت من امراض القلب الى نوبات الهلع والذعر واهمية الحالة النفسية في استقرار كافة اعضاء الجسم فهمت الدكتور وش كان يقول وبدأت ادخل على مواضيع تتكلم عن الهلع والخوف وطريقة عمل نوبة الهلع وتاثيرها على المخ والجسم وان هناك تغيرات كيميائية تحصل في الدم والمخ تخلي نوبة الهلع تهاجم الشخص باي وقت دون سابق انذار وهالشيء وضحلي تماما وعرفت ليه كانت حالتي تتغير فجأة من سعادة الى تعاسة وفهمت شلون يصير التغير الفيزيولجي للجسم ثالثا حاولت اني اتخلص من نوبة الهلع بالعلاج السلوكي لكن شفت ان النوبة مازالت تهاجمني بين فترة واخرى وكل ماتقدمت خطويتين النوبة ترجعني ورا خطوة واقتنعت ان العلاج الدوائي له دور كبير في معالجة الحالة فبدأت ابحث في النت عن مدى فعالية العقاقير واسال الاشخاص اللي تناولوا عقاقير لعلاج مثل هالحالات واللي شجعني اكثر زميل لي بالعمل فتحت الموضوع معاه عن طريق الصدفة وقالي انه كان يعاني من نوبة الهلع لمدة سبع سنوات وبعد ماداخ بين اطباء القلب والمستشفيات وعمل كهرباء للمخ مرورا بالمشايخ والسحرة والمشعوذين الى ان كاد يفقد عقله من هذي الحالة والله عز وجل جعل شفاؤه على يد طبيب في سوريا وعالجه بعقار الفافرين والله ان زميلي يقول ان سبع سنين مايعتبرها من حياته لكثر ماعانها من هم وغم واوجاع ووسوسة وانه استعمل الفافرين لمدة سنتين وتركه الحين له اكثر من سنتين يقول ماله اي تأثير ولا اعراض وتشافى تماما من الحالة اللي كان يعاني منها فاقتنعت تماما وبدأت ابحث عن علاج الفافرين واعراضه واكتشفت ان اعراضه جدا بسيطة هو والبروزاك فسألت احد الاطباء عن عمل هذه العقاقير فقالي انها تحسن المزاج ومالها تأثيرات قوية وانهم يصرفوها حتى للاشخاص العاديين اللي يعانوا من سرعة القذف فتوكلت على الله وقررت اخذ الفافرين مع العلاج السلوكي والحمدلله كانت النتيجة مشجعة وارتحت مع العلاج من ثالث يوم ياربي لك الحمد وربي اني عرفت طعم الحياة من جديد بفضل الله عز وجل وعرفت طعم النوم اللي كنت محروم منه وقسم بالله صرت انام ساعات طويلة وانا مرتاح وبالي مرتاح وحتى لما تجيني النوبة ما انزعج مزاجي رايق واتعامل معاها كأنها حالة انفلونزا تمر الحالة عادي وانا اضحك واتغيرت حياتي 180 درجة حتى لما اقرى قرآن احس بأني خاشع ومبسوط بالقراية واقرى حبا في الله مو مثل اول اقرى بدون فهم ونفسيتي تعبانة وانا هنا حبيت اوضح كل شي مو استعطاف للناس او ابي احد يحزن على حالي لكن ابي اي انسان يعاني من هالحالة يرتاح بكلامي وابي اخفف عليه لاني شفت الويل والعذاب خلال سنة من حياتي كانت تجربة قاسية ولا ابي مسلم يمر بهالشيء واتمنى اني اساعد اي شخص يمر بمثل هالحالة وان شاءالله بالمرة الجاية بحاول احط برنامج وهو عبارة عن نقاط حسب تجربتي ممكن اي انسان يستفيد منها علشان يصير الموضوع متكامل ومفيد تحياتي عزاز |
|
26-10-2010, 07:41 PM | #28 | |
عضو نشط
|
اقتباس:
وان شاءالله نرمي نفسنا بحضن رحمة ربي ناطرتك الجنة يابعد قلبي تحياتي اخوي شباب ضايع |
|
|
26-10-2010, 07:43 PM | #29 | |
عضو نشط
|
اقتباس:
هههههههههه الله يسعدك حبيب قلبي ضحكتني من قلبي اوووووما قصة لاجاثا كريستي خخخخخ حسستني اني بأمثل بطولة فلم خخخخ يسعدك ربي يالغالي وتشتاقلك الجنة حبيب قلبي الله لايحرمني من هالطلة الحلوة |
|
|
26-10-2010, 07:45 PM | #30 | |
عضو نشط
|
اقتباس:
ابشر يالغالي انت تامر يابعد قلبي واسف على التاخير تحياتي |
|
|
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|