بدأت حالتي بنوبة هلع اثناء النوم وبعد شهر خفت الاعراض لكن صرت انهار وقت النقاش الحاد

المشاركة الأصلية كتبت بواسطة اوهاااااااااام

اخوي ابن دايم انا لاحظت ان الهلع الاول بد بعد تناول مضاد اقسم بالله توني تذكرت
صح ان قبل الهلع كنت قلقان واعراض اخرى بس اتكلم عن الهلع
والان الاعراض الاخرى بدات بعد مضاد مادري ليش مرتبط العلاج المضاد

المضاد كان هو الفتيل

فعلا نوبات الهلع تحتاج الى تحفيز وفجأه بدون اي تلميح تثور النوبه ويدخل الانسان بمتاهه الالام عضويه وخوف والسبب الاساسي الهلع انعكس من صوره نفسيه ومخاوف الى جسديه عضويه يااااارب الشفاء من عندك ياكريم

المشاركة الأصلية كتبت بواسطة بن دايم

المضاد كان هو الفتيل

مافهمت اخوي بن دايم

المضاد الاول كان دوخه وخوف وخفقان وضيق بالنفس خفيفه وكتمه بالصدر خفيفه
المضاد الاخير كان اشم ريحه دم او دخان شئ غريب والاحساس بنبضات القلب وكتمه بالصدر وتشنجات بالعضلات وضيق نفس شديد مع دوخه يشد ويفك بالصدر او قريب من القلب والمعده
يعني فرق

المشاركة الأصلية كتبت بواسطة اوهاااااااااام

مافهمت اخوي بن دايم

المضاد الاول كان دوخه وخوف وخفقان وضيق بالنفس خفيفه وكتمه بالصدر خفيفه
المضاد الاخير كان اشم ريحه دم او دخان شئ غريب والاحساس بنبضات القلب وكتمه بالصدر وتشنجات بالعضلات وضيق نفس شديد مع دوخه يشد ويفك بالصدر او قريب من القلب والمعده
يعني فرق

نفس الاعراض وحتى الريحه اشمها بس اتوقع من ضيق التنفس توصل للمخ اشارات ان في ريحه دخان ولما ترجع تشم ماتلقى شي

اول ماتعبت وجتني النوبه رحت الدكتوره قلت لها انه من المضاد قامت عطتني حبوب تنظف المعده منه بس كنت خايفه وقتها من الحبوب وتركتها
اما الدكتوره الثانيه قالتلي لو من المضاد كان دخلتي غيبوبه
مادري من الصح والله

نرجو عدم إستنتاج أي أعراض وترجمتها إلى حقيقة لأن المرض النفسي كثير الأعراض ويجيب على المريض أن يقتنع بهذة الأعراض

المشاركة الأصلية كتبت بواسطة الشاكر

نرجو عدم إستنتاج أي أعراض وترجمتها إلى حقيقة لأن المرض النفسي كثير الأعراض ويجيب على المريض أن يقتنع بهذة الأعراض

الشاكر نحن نتكلم عن شئ حصل لنا بعد اكل مضاد حيوي والاطباء كل يفتي من راسه
من ناحيتي احس اللي سبب الكتمه والضيق التنفس ونبضات القلب المضاد
او هو اللي حفزها

المشاركة الأصلية كتبت بواسطة فترة وتعدي

كلامك صحيح 100٪‏
استخدمت مضاد مع مسكن للاسنان واليوم الثالث قمت اطرش بعد الحبه ماتبت وضليت اخذها الى اليوم الخامس وكانت الاعراض تزيد بعدها نمت وصحيت على نوبة هلع !!
رحت المستشفى وبعد التحاليل قالت الدكتوره سليمه بس عطتني مضاد لالتهاب البول استخدمت حبه وجاني غثيان واستمريت خمس ايام ومالاحظت تحسن بحالتي إلا بعد ماتركت المضادااات
خلت اغراض نوبه الهلع وماجتني إلا مره وحده بس بعد المضاد الاول !!
حاليا باقي رجفه كني بردانه وعضلات ظهري وبطني وذراعي اليسار متيبسه تتحسن وقت التدليك لاكن احس بثقل فيها ماقدر ارفع ظهري بسهوله
صراحه تعبت مادري ايش هذي الحاله
الدكتوره قالت لو المضاد سبب لك حساسيه كان دخلتي غيبوبه
طيب يمكن لان قوته عاليه ماتحمله الجسم واتلف الاعصاب ؟

الدكتور صرفلي حبوب استخرت وما استخدمتها
الاخ اوهام اتمنى تبحث لنا بخصوص المضادات وتأثيرها ع الاعصاب لاني شفته مكتوب بالروشته حق العلاج من الاعراض الجانبيه

طيب انتي قبل المضاد ماكان فيك شي مره
طيب اذكري اعراضك بالظبط

المشاركة الأصلية كتبت بواسطة بن دايم

انت بالذات يااوهام اعرض نفسك على دكتور نفسي
اذا قال مافيك شي ماراح ادخل هالموقع مره ثانيه

رحت لدكتور نفسي وقال روح بدكتور باطنيه ودكتور قلب ودكتور مخ واعصاب
ودكتور الباطنيه يقول رح لدكتور قلب والقلب يقول رح للمخ والاعصاب او باطنيه
والمخ والاعصاب يقول اذا ماتتحمل الاعراض الجسديه روح لدكتور نفسي
وش رايك كل دكتور يفتي من راسه

وابن دايم شكواي جسديه وخاصه منطقه الراس والصدر
واحس كتوفي على رقبتي ع صدري متيبس يابس ومتشنج
اخوي بن دايم فيه ناس يحسبون ان معي خفقان انت عارف احساسي قسم بالله غير
اعراض مادري كيف اوصفها لك تتشكل مرات احس صدري كاني مسوي حادث منظغط ومتكسر بس بدون الم قوي كانه مخدر صدري ومتشنج يابس
ومرات تزود الحاله واحس خلاص ابي اموت ودي اصيح من قوه الكتمه وتشنج الصدر اقول صدري فيه شئ لايكون فيه شئ تالف ولا منكسر بس مافيه الم اللي مثل الم الكسر لا احسه شئ مخدر ويابس متيبس
واذا فك ارتاح ترد روحي
بس مشكلته يوميا معي يجي 3 مرات باليوم اقل اكثر على حسب

يسعد مساك اخوي اوهام حاولت ارسل لك على الخاص بس ماقدرت لاني عضوه جديده
بسألك كم سؤال وابيك تجاوب عليهم وان شاء الله نوصل لحل
1- كم صارلها الحاله عندك
2- هل قبل ماتجيك بيومين كنت تشتكي من سخونه خفيفه وكتمه مقدور عليها وليه كنت ماخذ المضاد
3- هل جنك وقت النوم او صاحي والمكيف بارد او لا
4- كم مره جتك ورحت الطورائ بعد المره الاولى
5- الان الاعراض باقيه معك وخاصه الكتمه والثقل كن صدرك مضروب ومتكسر
6- في ايام استخدامك للمضاد كان عندك توتر او شي خلاك قاعد على اعصابك
7- عندك خوف ومن ايش بالضبط

وبالنسبه ثقل الصدر اللي تشتكي منه انا اكتشفت انه من العضلات شاده حتى المعده لو تتحسس عضلاتها تلقاها شاده وعرق شاد بنص الصدر لكن اللي يسبب الكتمه وقت السداحه هو عروق الظهر اللي شاده يعني دلك ظهرك عدل لين ترتخي العضلات وراح تحس فيها ترتخي وانت تدلك وبعدها بيومين بتلاحض تحسن كبير وحاول تدلك بالليفه وقت السباحه افضل وتكون شوي يابسه
واشرب بابونج ونعناع

هذا الحل انا اكتشفته لانه ولا دكتور قال لي ان الكتمه الشديده والثقل بالصدر من العضلات المشدوده كنت اقول للدكتور ما اقدر ارفع يدي ثقيله يقولي تتوهمين ومادري ايش رجعت البيت لقيت عضله الكتف متيبسه حسبتها هي كذا طلع لا بعد مادلكتها لانت اليد ومن بكره صارت خفيفه
الحين بتقول وش دخل القلق بالعضلات
لان المخ لما يقل فيه بعض الهرمونات مثل هرمون السعاده يحصل خلل زي كذا
حاول تركض وتطلع تلعب كوره بالشمس لان فيتامين دال يحفز المخ على افراز هالهرمون وترتخي عضلاتك بدون ادويه بس تحتاج وقت
لاتفكر كثير بهالفتره ولاتدخل بنقاشات حاده عشان تستمر حالتك بالتحسن
وترا بتنشفي بس سو اللي قلت لك انت فيك توتر بس منت مريض نفسي العلاج بيدك انت وحبوب الطبيب تسرع الشفاء على كلامه مهي شي اساسي انا كبيتها بالزباله والاعراض قاعده تخف بين اسبوع واسبوع
وبالنسبه للعلاج هو يرخي العضلات بس يعني مجرد مايرخيها ويحفز المخ على افراز هرمون السعاده تروح الكتمه والثقل وهالشي مو صعب ان حنا نسويه ابحث بقوقل عن الاشياء اللي تخلي الجسم يفرز الهرمون وسوها وماتشوف إلا العافيه ياخوي

هلا فيك اختي وربي يشافينا

- كم صارلها الحاله عندك
اكثر من سنه

2- هل قبل ماتجيك بيومين كنت تشتكي من سخونه خفيفه وكتمه مقدور عليها وليه كنت ماخذ المضاد
اذا قصدك الشد والم الصدر والعضلات كان عندي كتمه من البرد في الشتاء
اما المضاد اخذته بعد اعراض الشد 3 شهور لانه كان معي الم في الاسنان
ومن بعدها اتاني الكتمه الشديده وريحه دم او غبار وبعدها اصبحت اشعر بنبضات قلبي الى يومك هذا


3- هل جنك وقت النوم او صاحي والمكيف بارد او لا
لا صاحي وكان يوم شتاء

4- كم مره جتك ورحت الطورائ بعد المره الاولى
ماني فاهم اذا قصدك الشد ونبضات القلب مستمره معاي يوميا تقريبا لي سنه عالوضع اما ضيق النفس اذا اشتدت علي الحاله 4 مرات بالاسبوع يجيني ومرات اقل بس احس بكتمه خفيفه


5- الان الاعراض باقيه معك وخاصه الكتمه والثقل كن صدرك مضروب ومتكسر
الى الان باقيه ونبضات القلب معاها

6- في ايام استخدامك للمضاد كان عندك توتر او شي خلاك قاعد على اعصابك
انا معاي اكتئاب مزمن قبل هذه الحادثه من 7 سنوات بس الم الصدروعضلات القلب الظاغط والظهر ونبضات القلب دي لي سنه

7- عندك خوف ومن ايش بالضبط
عندي اكتئاب من هذه الاعراض

الم غريب ولا حصلت له علاج

مشكلتي ولا حصلت لها علاج
اعاني من الم ظاغط مثل الم الشد العضلي تقريبا ومعه حراره داخليه


ألم لا أستطيع تحديده بالضبط, لكنه يمتد من الصدر (الجهة اليسرى) بالقرب من تحت الثدي وفوق الثدي ومرات عنده المعده الى تحت الرئه اليسرى إلى خلف الكتف الأيسر, وأشعر كأن الألم في العروق, ويصاحب الألم نبض في العروق, كأن شي تالف - آسف على الوصف - والالم ينتقل, فأحيانًا يكون في عضلات الصدر الايسر , وأحيانًا يكون في الظهر وفي كتفي لأيسر, والنبض الذي أشعر به مثل الخفقان بس على شكل نبض طبيعي ليس سريع واذا اشتدت الحاله اصاب بضيق نفس ودوخه واقول خلاص بيغمى علي
الاطباء يقولون التهاب
واخذ علاج وكريم مساج ومافيه فايده

اتمنى الاخوان يشاركوني مشكلتي
تقريبا الحاله هذه اصبت بها في موسم بارد بالشتاء اللي مضى والى الان اعاني منها يوميا او شبه يومي
الفحوصات سليمه ماعدى فيتامين دال والاشعه توضح التهاب ومرات غازات ومرات يقول شويه التهاب والله تعبت منه مراجعه الاطباء
بس مشكلتي اني يوميا هالحال تقريبا

فاهمه عليك وكثير من اعراضك جتني

وادري انت محتار ماتدري اللي فيك من البروده او نوبه القلق او الالتهاب سواء المعده او غيره

بس تطمن .....
لو اللي فيك بروده البروده ماتسوي كذا حدها تعب ومستحيل تزيد عن شهر

ولو فيك التهاب مع الادويه بتروح الاعراض كلياً ماتبقى

اما نوبه الهلع وهذا الارجح انه اللي فيك وانت مهيأ للقلق لان عندك اكتأب قديم والمضاد ترا ماله علاقه

انت فكر حنا ليش ناخذ مضاد ؟
لان معنا الم والالم يسبب قلق وجسمك إذا هو مهيأ لنوبه القلق بتجيك

والنوبه هذي كان لها بوادر ما انتبهت لها ومن بينها الشد او النغزات بالصدر كلها بسبب الحاله النفسيه
بس تأكد ان ماعندك الابهر لانه يسبب نغزات بالقلب وله علاج عند الطب الشعبي

الحين اتمنى انك تتقبل حالتك وتبطل فحوصات وتتجنب اي شي يوترك وتعمل بالنصايح اللي كتبتها فوق انا مثلك وتحسنت كثير الحمدلله لاني حطيت ببالي ان مافيني شي ولو اتحرك بستصح وفعلا وما انكر اكثر شي فادني تدليك العضلات واحاول ما اتسند على الكرسي كثير وما انام على جنب راسي الايمن لان فيه عرق يشد فوق الاذن وادلك العصعص قبل النوم واحيانا احط فكس تخف الكتمه كثيييير

اعمل بنصايحيً وفكر باشياء حلوه تفرحك واي شي يضايقك طنشه لاتخلي له مكان بعقلك

وضروري يكون عندك ماء بالغرفه تقرى عليه الفاتحه والمعوذات وتشرب منه يوميا ان ما فاد مايضر

الله يشفينا وياك واي سؤال انا في الخدمه ...

الله يشافيكم ويعافيكم

المشاركة الأصلية كتبت بواسطة فترة وتعدي

فاهمه عليك وكثير من اعراضك جتني

وادري انت محتار ماتدري اللي فيك من البروده او نوبه القلق او الالتهاب سواء المعده او غيره

بس تطمن .....
لو اللي فيك بروده البروده ماتسوي كذا حدها تعب ومستحيل تزيد عن شهر

ولو فيك التهاب مع الادويه بتروح الاعراض كلياً ماتبقى

اما نوبه الهلع وهذا الارجح انه اللي فيك وانت مهيأ للقلق لان عندك اكتأب قديم والمضاد ترا ماله علاقه

انت فكر حنا ليش ناخذ مضاد ؟
لان معنا الم والالم يسبب قلق وجسمك إذا هو مهيأ لنوبه القلق بتجيك

والنوبه هذي كان لها بوادر ما انتبهت لها ومن بينها الشد او النغزات بالصدر كلها بسبب الحاله النفسيه
بس تأكد ان ماعندك الابهر لانه يسبب نغزات بالقلب وله علاج عند الطب الشعبي

الحين اتمنى انك تتقبل حالتك وتبطل فحوصات وتتجنب اي شي يوترك وتعمل بالنصايح اللي كتبتها فوق انا مثلك وتحسنت كثير الحمدلله لاني حطيت ببالي ان مافيني شي ولو اتحرك بستصح وفعلا وما انكر اكثر شي فادني تدليك العضلات واحاول ما اتسند على الكرسي كثير وما انام على جنب راسي الايمن لان فيه عرق يشد فوق الاذن وادلك العصعص قبل النوم واحيانا احط فكس تخف الكتمه كثيييير

اعمل بنصايحيً وفكر باشياء حلوه تفرحك واي شي يضايقك طنشه لاتخلي له مكان بعقلك

وضروري يكون عندك ماء بالغرفه تقرى عليه الفاتحه والمعوذات وتشرب منه يوميا ان ما فاد مايضر

الله يشفينا وياك واي سؤال انا في الخدمه ...

جزاك الله خير
انا مثلك اذا سويت مساج
يفك الشئ الظاغط من الصدر والظهر احس كانه واحد يظغط من امام وخلف وان اعصاب الداخليه تالفه وفيها تنميل بس مع المساج يخف شئ بسيط
بس نبضات القلب كيفه معاه هل ياتيك مع الشد والكتمه او بدون