مين جته هالحاله

أدخلي قوانين ملتقى نوبات الهلع واقراي القوانين أختي بارك الله فيك وتقبلي تحياتي وحسن التفهم لما فيه المصلحة العامة

وربي راح ادعيلكم انتي والشاكر والبندق وماراح انساكم الله يشفيني وياكم ومرضى المسلمين الله ييسر اموركم ويفرج همومكم يارب ويسعدكم وين مارحتوا والله يفرج لكم وييسر اموركم يارب بس وربي الضربه تجيني باليوم الاف المرات وترعبني وسوت لي انطواء وماعاد اطلع ولا حتى تسوقت للعيد وسببت لي اكتئاب وكابة وسواد واخاف اموت واناظر ولدي وابكي على طول اهاف اموت واخليه وهو من له غيري بعد الله وربي وافكر متى بموت وكل يوم اقول اليوم اللي بعده ودايم منسدحه وزوجي طفش مني بقوة وربي قبل شهر تقريبا بتطلق والسبب هالضربه اذا جتني ابكي واصيح معليش اشكي لكم لان مالي بعد الله الا انتم وزوجي بالدوام ابكي وانا اكلمة للدرجة مرة وانا بالبيت يقول شيلي اغراضك وروحي لبيت ابوك وانتي موجوده ماراح اجي الا وانتي مو موجوده والغريب انا استغرب انها تجيني مع الانفعالات لما اكون خايفه او مبسوطة او متضايقه او وانا ابكي كيف تروح ساعدوني الله يوفقكم تكفوووووون ابيها تخف ساعدوني وهل تروح ولا بتبقى وهل هذي من نوبات الذعر

هل تنصحوني اخذ ادويه نفسيه ولالا وهل اللي فيني نوبات هلغ

لاداعي للقلق هذا شي طبيعي ويروح انشاءالله عليك بالاذكار

وينكم الشاكر وبندق

غموض انثى الحال من بعضه
بس الفرق ان انا تجيني الام في الصدر وتمتد لليد اليسرى والكتف
ماخليت شي ما سويته
ايكو وتخطيط وانزيمات وفحوصات بوتاسيوم وصوديوم وكذا مره كمان
ورحت عند 5 دكاترة قلب
وكلهم يقولون سليمه ولله الحمد
مع ذالك تاتيني الالام
والحين رجعت للادويه النفسيه
بس كيف خالتك توفت فجاه من الادويه ولا من شو
وكم كان عمرها وماكان عندها امراض قلب من قبل؟؟
يارب رحمتك فينا

مدري مااتوقع انها مريضة بس تاخذ اندرال لان عندها سرعة ضربات قلب وتاخذ ادويه نفسيه وعمرها يمكن بالاربعين ببدايه والله اعلم يقولون مافيها شي طاحت بس وماتت

ياغموض يا أختي وكلي أمرك لله
شوفي أختي أسألي نفسك الحين لك قد إيش تعاني منه ولا صار لك شئ، يعني لو هي خطيرة أو تخوف كان من أول مرة صار لك شئ
إنتي تقبليها خليها عادي عندك لا تحاربينها، وتحاولين غصب أنها تروح لأنها بالطريقة هذي ماتروح بالعكس راح يزيد الوضع
تقبليها إنها شئ عادي، وزي ماقريتي مالها أي مضاعفات على القلب ولا لها أدوية معينة

تبغينها تخف أنا أقولك طبقي اللي بقولك عليه وأتحدى لو ماخفت
خففي الإجهاد البدني والشغل في البيت ولا تعبين نفسك كثير بالحركة الزائدة
اقطعي المنبهات كلها والمشروبات الغازية وأشربي عصيرات فرش وإي شئ ساخن ويهدئ (نعناع-بابونج)
حاولي أنك تسترخي كثير ولا تعصبي نفسك وتتضايق طنشي كل شئ ومافيه شئ بالدنيا يستاهل الكدر وضيقة الخلق
أهم شئ واللي أنا متأكده لو طبقتيه تمام في يومين راح يخف عنك النبض الزائد، إلا وهو أنك تتنفسي بعمق وبطريقة صحيحية، كيف؟؟؟ طول الوقت ركزي على تنفسك وخوذي النفس بعمق وبشويش 123 واحبسيه وبعدين طلعيه بنفس الطريقة وبهدؤ، ما تتخلين قد إيش التنفس يأثر على النبض وعمل القلب

سوي اللي قلتلك عليه وبإذن الله قدامك العافية

يارب طيب يامطمئنة هي تروح ولامزمنه

لا تروح وتخف مع الوقت إن شاء الله
تنفسي كويس زي ما قلتلك وأتحدى لو ماخفت

الله يحفظك

المشاركة الأصلية كتبت بواسطة غموض انثى

مدري مااتوقع انها مريضة بس تاخذ اندرال لان عندها سرعة ضربات قلب وتاخذ ادويه نفسيه وعمرها يمكن بالاربعين ببدايه والله اعلم يقولون مافيها شي طاحت بس وماتت

تصدقين انا الدكتور كتبلي اندرال ورفضت اخذه
يمكن هي زيدة الجرعه
والله خفت يارب رحمتك
وزاد الالم فيني
طيب هي شو نوع المرض النفسي الي كان فيها
يعني مثلنا هلع
الله يرحمها ويحسن اليها
ويشفينا ياااااااااااااااارب

وربي مدري وش المرض اللي فيها

الله يشفيك اختي غموض انا نفس حالتك وربي والاعراض الي فيك فيني واكثر النوم مااقدر انام كرهت كل شي وكل شي يخوفني حتى الاحلام كلها عن الموت والاموات واي حلم افسره انه لموت واي الم بسيط اتوقعه مرض خطير لاقدر الله وربي لماكانت تجيني النوبه اطيح مغمى علي ومتشنجه بس الحمدلله على كل حال

لاكن سمعت نصيحة الاخوان والاخوات والتجأت الى الله سبحانه وتعالى واحاول كل يوم اهزم الشيطان

صدقيني الي فينا من الشيطان وربي من اسلم نفسي له كل شي يصير فيني واي شي احس فيه احس انه الموت قرب وهذي نهايتي

لاكن توكلي على الله وابتدي من الحظه هذي بالتقرب الى الله والتغلب على الشيطان

انا وربي قبل اشد حاله منك لاكن لما شفت كل الناس طفشو مني واحس بنظراتهم شي غريب

ولمادخلت للمنتدى وشفت نفس حالتي كثير واني مو وحيدة وقراءت المواضيع والنصايح وكلام اخواني واخواتي

وربي فتحت صفحة جديدة مع نفسي

مااكذب عليك

احيانا افشل لاكن ارجع من جديد

خلينا نحط يدينا بيدين بعض ونبتدي من جديد

واذا حسيتي فشي اقراءي قران او تعالي هنا للمنتدى وفضفضي صدقيني باذن الله بترتاحين


الله يشفيني ويشفيك ويشفي جميع المسلمين

أخواتي في الله جعل الله للأنسان عقل يفكر وبعد التفكير يقرر ليش مكبرين الموضوع والله فين راح وين قوة الإيمان ليش تخافوا ما دام في ناس قبلكم أخذوا أدوية نفسية وتشافوا بعد ذلك تقربوا ألى الله وادعوة في أوآخر الليل وبنا يكون قريب في هذا الوقت ويقول هل من داعي فأستجب له توكلوا على الله وما راح يصير لكم أي مكروة بإذن الله
الأندرال هو عبارة عن تعديل مادة الإدريالين اللي في الدماغ لكي تزول الأعراض الجانبية الجسدية وفي نفس الوقت منضم لخفقات القلب أو زيادة الضربات

يا أختي غموض لا تشغلي بالك صدقيني كل اللي فيك ان شاء الله مجرد انعكاسات عن الحالة النفسية و صدقيني و لا يمكن تكون من سبب الغازات بالقولون لانو عندو أعراض مثل ما تقولين و يسبب الوسواس بالقلب و الضيقة في التنفس ابحثي عن هاذ الموضوع و رح تشوفين و بعدين اذا ما انتي مطمنة روحي عند دكتورة و شوفي نبضات القلب كيف هي عندك و ان شاء الله ما تشوفين الا الخير
الله يشفيك حبيبتي