يوميات المكتئبين تعال نسولف

بدر ماتشوف شر بس وسع صدرك ولاتخلي هالمشاعر تحوسك .. ترى الانسان فكره ومشاعر وسلوك وكل هاللي فينا من الفكره اللي هي الشراره وبعدها نبدا نشعر يابغضب يا بألم او ضيق او هلع .. الخ لين ماتوصل للسلوك اللي احيانا لاتحمد عقباه .
صديقتي تستخدم فينيكس ومن اسبوعين كنت طالعه قالت جيبي لي معك فينيك ١٥٠مل قلت طيب ورحت خمس صيدليات ورفضو يعطوني الا بالوصفه حقة الدكتور عصبت على اخر صيدليه قلت له هذي مو مخدرات قال يا اختي احنا موظفين وجانا قرار نطبقه الادويه النفسيه لازم وصفه عشان البعض صار ياخذها من نفسه او بتوصيه من اصحابه واذا ماطبقت القرار ان تصير لي مشكله .. فكرت بكلامه قلت صح رحت لصديقتي قلت لها خذي وصفتك وروحي جيبي دواك جتني دوخه من الفرفره على الصيدليات .
خل معك الوصفه بالسياره عشان ماتتعرض لموقف يعصبك .
ملاحظه اننا صرنا ماننتحارش يادافع البلا على قول محمد البدراني لو ذبانه تجي على خشمي كسرت وجهي .🤣
ترى الدنيا عنيده يا اخواني وكل ماعاندتها زادت عناد .
خلونا حليلين وناخذ الدنيا سهالات وتزين ان شاء الله

هلا بك اخوي محمد ابشرك بخير الحمدلله .
امس كان عندي جلسه عند المعالج السلوكي وسويت حلسة استرخاء والله فادتني الحمدلله الدوخه كنها احسن والنفسيه اروق شوي .. طبعا الاسترخاء مايبين اثره على الشخص الا بعد اسبوعين الى شهر وتقدر تسويه بالبيت

المشاركة الأصلية كتبت بواسطة محمد البدراني

يا هلاااااااا بالجميع

هلاا عااالى نورت وش اخبار رجولك احسن الحين ولا كيف

انا يا جماعة صرت اتنرفز لو تجي ذبانة على خشمي كسرت وجهي هههه


مدري العلاج بطل مفعوله ولا انا مب صااااااااااااحي


الوكاااد اني تدمرت تدمير

هلا بك النور نورك يالنشمي

لا زال فيها آلام و مورمه . يضيق خلقي زيادة منها على ما هو ضايق خلقه

أكثر وقتها ممتدة و الثني يتعبها و ما أقدر أتربع و لا أقدر على القرفصاء ( الإحتباء )

للحين مداوم على المسكن و المرهم المضادين للإلتهاب و الألم و شريت لي مرّة و دقيتهم بالنجر و ننتظر فرج الله القريب

يجيها ألم حتى أحس اني خلاص راح أجيب مطرقة و أضربها عشان أهَجَّد الألم

سلامتك من التدمير و النرفزة أكيد ما أنت بصاحي شوف إذا دخلت خشمك الذبانه خلها راح تلقى المخرج من أذانيك في لها أكثر من مخرج فلا تتنرفز يا صاحبي :)

بيني و بينك كرهت نفسي من ثلاثة أيام

يا حسافة و الله الأدويه ما عادت تنفعني بشيء لو آخذ السركويل بالحاله ما ينومني أبد لازم أعززه بالزيبركسا و الديباكين مثل قلته

100 سركويل
10 زيبركسا
1000 ديباكين

آه من المزاج و النفسيه و العقل و الدنيا

المشاركة الأصلية كتبت بواسطة قطرات الندا

ابو نجلا سلامتك بشرنا عن ركبتك عساها احسن

الله يكرمك و يسلمك قطرات الندا
ماهي بخير و فرج الله قريب آمين يا رب

المشاركة الأصلية كتبت بواسطة بدر هذال العنزي

مـسـاء الـخـيـر جـمـيـعـاً

الـحـمـدللـه خـلـصـت اشـغـالـي

بـس مـا غـسـلـت الـسـيـاره

لأن احـتـمـال يـجـي غـبـار واللـه اعـلـم

والـنـفـسـيـه شـبـه مـسـتـقـره

كـل مـا الـقـى حـل لـعـلاجـي

فـي داخـلـي شـي يـصـدنـي

اللـهم اصـرف عـنَّـا شـيـاطـيـن الـجـن والانـس .

ما تشوف شر بدر

وش اللي يصدك من شان تسعى لعلاجك ؟!

الحمدلله دوووم نفسيتك مستقرة و زين تقضي لزومك

الجو غبار و أحسن ما سويت ما غسلت الموتر لأن الجو متقلب

مشكور ع الإهداء يا بو حميد

أعتذر منكم المزاج مش و لا بد

آه يا عمري الضايع

ما تشوف شر ابونجلاء

مشكلة الوقت الطويل وانت فااااضي مدري وين اروح لا ومزكم اكتملت الحفلة


اليوم فتحت نقاش مع الاهل هههه طبعا الاهل اخوي وانا وامي بس ما عاااد به احد كل واحد تزوج وراح

قلتهم البيت ما شفنا منه الا كثرة المشاكل والمصائب من سكناه ليش ما نبيعه ونغيير يمكن يتحسن الوضع

قاااااااااااااااالوا وش بعده بعد خراب مالطه خلاص ما عااد بقى احد الا وراح وانا واخوي نطالع في بعض

بيتنا كله مشاكل ودي نغييره بس المشكلة فيه ورثة وين يجتمعون او يوكلون احد

كل واحد نفسي نفسي

شكلي بخربها بنقل لشقة لحالي بس الا كاسر ظهري امي ما اقدر افارقها اكثر من ساعتين على بعض

السلام عليكم

كيف حالكم جميعا كلن باسمه

سلامتك أبو نجلا و محمد و قطرات و الجميع

فعلا ما عاد يعطون حتى شراب الأطفال المضاد الحيوي إلا بوصفة

أمس أرسلت مواصلات كريم و قالوا لازم وصفة

و أنا بغيته للبسوس اثنين منهم بالذات ما يأكلون غير أسقيهم بالغصب لبن سائل مع نقطتين عسل و أحيان مرق دجاج ، تجننت كل يوم تطلع لي حالة تعبانة

قبل يومين المندوب اللي يوصل لي الحبوب الجافة و الرمل كل شهر رمى عند الباب بسين صغار كسروا خاطري

قلت ليش ترميهم ما ني قادرة اعتني بعدد ثاني قال أجل اتركيهم يرعون مع اللي يرعون قدام الباب
و راح

و يوم شفتهم و لاهم صغار ما تجاوزوا الثلاث شهور قلت حرام أتركهم صغار بعدين خايفين مرة منكمشين داخل بعض

و يوم دخلتهم إلا و ينشبون في صحن الموية يشربون و اقعدوا جنبه كأنهم حارسينه و كأن لهم دهر ما شربوا قعدت عندهم اراقبهم يمكن خلال ساعة شربوا فوق ثمان مرات

و من بعدها لحد الآن ما ذاقوا شي مرة تعبانين

أنا اللي يخليني أتردد في الاكثار من التبني الخوف عليهم من جيران السوء اللي شغالين تسميم و تغريق بالمياه يسلطون عمالتهم اللي ما يخافون ربهم الله ينتقم منهم

ياليت لو المكان آمن و واسع كان تبنيت كل ساعة

ما يقهرني غير لا شفت قط في الطريق مصاب او رضيع بدون ام و أجيبه و أنا القلق ذابحني ما غير أتلفت كأني شايلة ممنوعات

الحين بالله لو القطين اللي رماهم ما دريت عنهم و لا شفتهم كان أستسلموا للمرض و الموت البطيء غير الدعس بحكم أنهم صغار و كانوا عايشين ببيت ما يدركون شي عن أهوال الشوارع

أنا عندي قطة عمرها ثلاث سنين و متعودة علي و فجأة استقعد لها كم قط من اللي داخل البيت و خافت و هربت ، و الحمدلله طبيت فيها بعد شهرين بالشارع صايرة هيكل عظمي حتى حجمها تضاءل و صغر كأن عمرها أربع شهور ، و هي اصلا كانت من القطط اللي متعودة تتسلق و تروح و تجي يعني الشارع مو غريب عليها ، كيف أجل قط متعود على البيت و تنزعه نزع من الأمان للخوف و من الشبع للجوع هذا موت بطيء

المراد أن الشوارع على بؤسها و اهوالها ما بها عيشة


محمد نصيحة لا تترك والدتك ربي يحفظها ، الوالدين يوم يكبرون يصيرون أطفال في كل شي ، محتاجينا أكثر من حاجتنا لهم يوم كنا أطفال ، أول كنا أطفالهم الحين هم أطفالنا ربي يحفظهم و يمد في عمرهم و يرزقنا برهم

هلاااااااااااا عيووووووووون

لا اكيد ما يخطر ببالي الانتقال من البيت الا لبيت ثاني والوالدة معي بس ما هنا دراهم


================================================== ====

محمد الله بيجيب الخير وتشتري هاك البيت اللي يشرح صدرك وتحط فيه اميمتك وزوجتك ويجعله بيت الخير وفال السعد ان شاء الله

الله يسمع منك يا قطرات

بس ما ابي اتزوج خلااااااص راح العمر

ابي العافية ورضا الله ثم رضا امي بس الدنيا ما عاد تهمني لا سيارات ولا زواج ولا وظائف ولا مال ولا جاه ولا شي ابي العافية بس وامي جنبي يحفظها لي رب العالمين

ان طلبت من الله يامحمد كثر ماعليه بعيد الله يرزقك الصحه والعافيه وراحة البال ان شاء الله

ربي ينولكم مرادكم و فوق مرادكم اخواني أخواتي في هذي الليلة المباركة

ما جاني نوم قلت خيرة كود ربي مقدر لي دعوة مستجابة في هذي الساعات المباركات

يارب كما جمعتنا في هذا المكان اجمعنا في فسيح الجنان جنة الفردوس الأعلى

يارب اجمعنا باحبابنا اللي غادروا قبلنا

يارب نور قبورهم و وسع مدخلهم و اجعلهم من أصحاب و صاحبات الفردوس الأعلى و جميع موتى المسلمين

اللهم آمين

هلا بك الغالية قطرات

ما عليه بعيد سبحانه

كانت فيه جملة دايم جدتي ترددها الله يرحمها تقول :

الله أبو الردات

الردات تقصد يرد العافية يرد الخير يرد السعادة لكل من فقدها

يارب رد لنا صحتنا و عافيتنا و أمننا و استقرارنا و راحة بالنا يا كريم