يوميات المكتئبين تعال نسولف

[سر القلم]

سلامتك استاذي محمد ،، وما تشوف شر ان شاء الله تعالى ..

القرحة في المعدة أو الاثني عشر ..

قال لي الدكتور مرة .. ان شعرت بالألم عند الإمتلاء فهي معدة ،، وان كان على الجوع فهي الاثني عشر ..

[محمد البدراني]

ابشركم حصلت العلاج واخذت حبتين منه وان شاء الله ترجع الامور تحت السيطرة


اخي الغااالي سر القلم والله ان سويت ثلاثة مناظير طبية

وكلهم اجمعوا اني اعاااني من تقرحات بالمعدة

واخذت علاج ولكن دون فاااائدة وانا الان على علاج نيكسوم وان شاء الله نحصل منه نتيجة طيبة

بارك الله فيك

[سر القلم]

بشرك الله تعالى أخي بالجنة والعافية العاجلة ..

وفالك العافية ،، وطهور ان شاء الله تعالى ..

[قطرات الندا]

سلامتك محمد
ابشرك ان نيكسيوم من افضل الادويه للقرحه الوالد الله يرحمه نزل عنده الهيموجلوبين الى ٥ واستغرب الدكتور وبعد التحاليل قرر يسوي منظار ولقى ان عنده ست قرح نازفه عشان كذا نزل الهيموجلوبين وعطاه نيكسيوم ٤٠ مل ثلاثه شهور وبفضل الله تعافى ورجع احسن من اول .. يقول الدكتور النيكسيوم زي الرقعه للقرحه .
تقصيرك بالعبادات انا ما افتي ولا اتفلسف لكني دائما اتذكر ان رحمة الله سبقت عذابه وربي يشوف القلوب والنيات قبل الاعمال وهو عارف وشايف انك مبتلى وتعبان وهو ارحم علينا من امهاتنا لاتفكر ابدا ولا تأنب نفسك مابيدك حيله وان شاء الله ان الله مايواخذك لانه عالم بنيتك .
الحمدلله انك لقيت الدواء وبكره تنوز ان شاء الله وتطامر هههههه

[كحيلان *]

المشاركة الأصلية كتبت بواسطة متأرجح

قطرات
عيون
البدراني
ابو نجلا

اخباركم يالغالين ؟؟

كيف رمضان معكم؟

حياك متأرجح الغالي كيف حالك عساك طيب

الحالة مش و لا بد المزاج ما وده بشي تقدر تقول كاره لأي شي بنسبة تتراوح ما بين 50 إلى 80 % ما غير أتنهد أغلب الوقت و رفيقي العزلة و الخمول و الصمت ( مغصوب ع الحياة ) أتمنى الموت بس الحمدلله ما هناك أفكار إنتحاريه
يدقون علي العرب و أقفل بوجيههم

بإذن الله يجي يوم و أنطلق بالحياة و يا رب قريب

من جا رمضان و قلب جدولي قلب خصوصا ما في البيت إلا أنا و أخوي و لا ألقى من يقومني من النوم للفطور إلا بعض الأيام لما يكون أخوي مسلم من دوامه و الا راجع بدري

[كحيلان *]

المشاركة الأصلية كتبت بواسطة ميموري

وليه ملحوق وش انت مهبب 👀 << ماتخلص نشبه🤓👵🏻

هربت بعد ما قرووا تنويمي و ديني و دين التنويم في مستشفى الأمل كله تربيط و عزل و إبر تنفخ الورك

[كحيلان *]

المشاركة الأصلية كتبت بواسطة ميموري

مر وحلبه وش ذا كنك نفاسيه 😂 امزح

طيب اسمع انا مابي اخوفك 🙄
بس بكل بصراحه اصابات الركبه خلاص تصير مزمنه للأسف 😔
اللي صابونته انشقت خلاص تبتل اثارها
لايصلح العطار ما افسده الدهر والملاحق
عليك العوض ومنك العوض 🤕

هههههههه شكلي بقصفك يا ذي البنت و الله ما حدني عليها الا الكسر
قولي خير يا بنت الحلال لا عندي أمل في الله كبير راح ترجع مثل ما كانت و أحسن و الدكتور المناوب للإستشاري طمني و قال لما يلتم العظم راح ننزع الحديد . دعواتك الله يسعدك

المشاركة الأصلية كتبت بواسطة ميموري

فدعوسي وينك عساك طيب اتمنى تطمنا عليك
للأسف شكل ولا احد من الاعضاء يعرف عنك شي😞

الله يذكره بالخير الفدعوسي يا رب يكون بخير

[غيمة فرح]

المشاركة الأصلية كتبت بواسطة أبو نجلا

هربت بعد ما قرووا تنويمي و ديني و دين التنويم في مستشفى الأمل كله تربيط و عزل و إبر تنفخ الورك

اها سلامتك والله ماتشوف شر 😕
عساك احسن الحين

ان شاء الله ركبتك تطيب
بس انتبه من الحركه

[كحيلان *]

الله يسلمك ميموري

شدة و تزول بإذن الله و الله يعين

[كحيلان *]

على الله متى ينزاح ما في خاطري من الشين

و تضحك لي الأيام .. أولها و تــــاليــــها

عسى الله يفرجها على كل حال / زين

غمومٍ و همومٍ طاولتني ليــــاليها

أداري و أمشيها يوم ٍمع يومين

سنين العمر راحت و ما أحدٍ درى فيها

https://www.youtube.com/watch?v=iF28yL4Xpas

[محمد البدراني]

المشاركة الأصلية كتبت بواسطة سر القلم

سلامتك استاذي محمد ،، وما تشوف شر ان شاء الله تعالى ..

القرحة في المعدة أو الاثني عشر ..

قال لي الدكتور مرة .. ان شعرت بالألم عند الإمتلاء فهي معدة ،، وان كان على الجوع فهي الاثني عشر ..

هلا وغلا بالغالي سر القلم

وانا اخوك ما له داعي لقب استاذ

كلنا اخوان وحبايب الله يرفع قدرك دنيا واخره

الشر ما يجيك يا غاااالي وتسلم

[محمد البدراني]

المشاركة الأصلية كتبت بواسطة قطرات الندا

سلامتك محمد
ابشرك ان نيكسيوم من افضل الادويه للقرحه الوالد الله يرحمه نزل عنده الهيموجلوبين الى ٥ واستغرب الدكتور وبعد التحاليل قرر يسوي منظار ولقى ان عنده ست قرح نازفه عشان كذا نزل الهيموجلوبين وعطاه نيكسيوم ٤٠ مل ثلاثه شهور وبفضل الله تعافى ورجع احسن من اول .. يقول الدكتور النيكسيوم زي الرقعه للقرحه .
تقصيرك بالعبادات انا ما افتي ولا اتفلسف لكني دائما اتذكر ان رحمة الله سبقت عذابه وربي يشوف القلوب والنيات قبل الاعمال وهو عارف وشايف انك مبتلى وتعبان وهو ارحم علينا من امهاتنا لاتفكر ابدا ولا تأنب نفسك مابيدك حيله وان شاء الله ان الله مايواخذك لانه عالم بنيتك .
الحمدلله انك لقيت الدواء وبكره تنوز ان شاء الله وتطامر هههههه

هلاااااااااااا قطرااااااااااات

والله وانا اخوك القرحة لازم لازم لها حمية وانا مطنش

اما النيكسيوم فهو تحت التجربة واسال الله ينفع به

مشكووووووووووووورة وان شاء الله نشوفك باحسن حال وعافية ولا تحتاجي العلاجات ابدا

[محمد البدراني]

على الله يابقى دمعي محد غيرك وفا ليه
جفوني كل هلي وربعي وانا مقفي على النيه
يادنيا لو على قلبي... احبك بس وش ذنبي
رضيت انا بردى حظي وحظي مارضى بيه

[محمد البدراني]

منبع الثلج

يامنبع الثلج كيف تصب لي جمـره .. وأنت السحايب بكفك والضما فينـي

ياشين هالليـل كنـه طايـل عمـره .. أحس وجهه تعلـق فـي شرايينـي

من حجة العام جرحي ماقويت امره .. لاقلت هانت رفـع صوتـه ينادينـي

والبارحه من طعونك كانت السمـره .. مابين نزف القصيد وفركةايدينـي

اذكرك كان الغلا فنجال مـع تمـره .. أيام تقدع غلاك ومجلسـك عينـي

تضحك وانا في سعادة غامرة غمرة .. تحكي واقول الغلا جاني يواسيني

ومن الخجل لا نظرتك تشتعل حمرة .. كنك شربت الزمان اللي يبكيني

عزاي في وقتي اللي فاتني أمره .. أني الى الحين مالي من يعزيني

[وشـم*]

‏نمر بظروف صعبة نمر بظروف مُرّة تشتد .. تضيق .. تصعب لكن هذة المرحلة رب العالمين "يربينا" فيها "يصقلنا" لمرحلة أجمل و أعمق ، ‏صعوبة الظروف و مرارتها و شدتها تقوينا و ترمم دواخلنا و تعيد بناء شخصيتنا و تفتح لنا أبواب جديدة بحياتنا نكتشف فيها نفسنا من العمق ، ‏بهذه المرحلة الصعبة يستخرج رب العالمين من قلبنا عبوديات و روحانية لم نذق لذتها من قبل و يوجه فيها رب العالمين قلوبنا لأبواب لم نفكر نطرقها من قبل ، ‏ونكتشف جمال ما أودعه الله في قلوبنا من ثبات و قوة و إصرار .. من تحمل و رضا و سكينة و يقين بأن هذا الظرف ما كان إلا رحمة و لطف من الله في معرفة حقيقة أرواحنا و لذة مُناجاته ..