يوميات المكتئبين تعال نسولف

يوووه اثر مخي مو معي طلعت راده عليك بخصوص الدواء وارجع اكرر امحق ههههههه

ابو نجلا انا ابتديت بالدواء برنتلكس ادعي لي ان الله ينفع به لي اربع ايام بس ضايقتني بعض الاعراض توتر وتململ ودوخه خفيفه وشوي يجي غثيان وشوي يروح وشوي نبض براسي وشوي يروح وشوي طنين وشوي يروح مدري مو عارفه اوصف بس اني متململه والله يعين وتعدي الايام الاولى على خير .

الله ينفع به
يا رب تشوفين من وراه خير و تعدي الأيام على خير و تزول منك تدريجيا كل هالأعراض
حاولي تستفيدين من الأخوات هنا مثل منو القحطاني و من هم على شاكلتها

ابو نجلا ليه ماتشوف الدكتور محمد المقهوي ؟ تراه رئيس قسم الادمان في مستشفى الامل وعنده عياده خاصه وكثير يمدحونه صحيح انك جربت كل الادويه لكن ماجربت خبرة طبيب جيد يعطيك خلطه جديده تناسبك وتطلعك من عنق الزجاجه المقرف .
جرب ماراح تخسر شي لعل الله ييسر لك الشفاء بابسط الطرق اللي ماكنت تتخيلها .

بإذن الله لي زيارة مع الدكتور محمد المقهوي لكن مو الحين الحين خليني على موعدي في آخر شهر 10 مع الدكتور إبراهيم الصايغ اللي قاللي إضحك لك الدنيا و تضحك لك و مع إخصائي نفسي و إجتماعي و ما أدري وش الحاصل و بيني و بينك عفت الدكاترة لا أبوهم لا أبو الطب النفسي الفاشل !! ياليتني كنت في وادي غير وادي العلل النفسيه ياليت بس لو تنفع كلمة ليت

ابنصحك نصيحة اخت لاتفكر بالماضي ابد لو فيه اللي فيه كل ماطرالك قم تحرك كلم احد ترى الماضي هو الاكتئاب والحزن .
قرأت لديباك شوبرا طبيب هندي مشهور امريكي الجنسيه يقول ثلاث اشياء هي محور الانسان وهي كالتالي :
ماضي حاضر مستقبل
التفكير بالماضي =اكتئاب حاد
التفكير بالمستقبل = قلق حاد
التفكير بالحاضر = السعاده
ادري ان كل كلامي وانت بهالمزاح مايقدم ولا يأخر لكن ابدأ بشي بسيط وهو زيارة الطبيب ومن ثم اكتب ورقه وحطها جمبك قبل تنوم واول ماتصحى قل الحمدلله والله يكتب لي بهاليوم الخير والخيره وبس
الله يابو نجلا شايفك وعارفك وعارف وش تحس فيه وصدقني ماراح يخليك لكن متى وكيف ؟ مدري

لا و الله بالعكس تكلمي يا بعدي ما راح أنزعج من توصياتك :) و توصياتك بالخير ما تجي الا من وجه الخير يا لاقية خير

تفاكيري كلها متشربكه ماضي على مستقبل عكروا لي حاضري ودي أطلع من اللي أنا فيه الحاضر ما أقدر مو لأن الماضي كذا و المستقبل كذا لا . هو بسبب ان العزم و الإرادة راحت مرواح جدي و مثلك عارف الإنسان إرادة و الإرادة من المزاج
فلو أسقيت بذرة المزاج راح تتغذى كويس و تنمي لي الارادة فعقدتي هي في المزاج و الإرادة . و الأدويه ما عادت تعدل مزاجي
ما نقول الا يا رب تخلصنا من أوجاعنا و مشكورة يا بعدي و كل عام و أنتي بخير يالغاليه

ما أدري قطرات الندا صحيح ان والدينك غدوا و الا أنا تحلمت فيك كذا و الا أنا شايف فلم و أختبصت

شلون غدوا يعني توفو ؟ ايه عليهم رحمة الله توفو كلهم

المشاركة الأصلية كتبت بواسطة قطرات الندا

يوووه اثر مخي مو معي طلعت راده عليك بخصوص الدواء وارجع اكرر امحق ههههههه

هههههههههه يا خوفي يجيب لك الهستيريا :)

توقّعي لا تطيحين طاح الشر مني و منك و من الجميع دووووم و في القريب العاجل :)

المشاركة الأصلية كتبت بواسطة قطرات الندا

شلون غدوا يعني توفو ؟ ايه عليهم رحمة الله توفو كلهم

الله يحسن عزاك فيهم و يعظم أجرك و يلهمك الصبر و السلوان

وفاتهم كان في يوم واحد ؟

لا بينهم سته شهور بالضبط اول شي الوالد بعدين الوالده يامال الجنه

الله يجزاك خير يابو نجلا ويسخر لك خلقه ..
تو وحده مقروده ارسلت لي فيديو عن واحد يكلم امه فيها زهايمر وامه ماعرفته وقعد يبكي نفس الموقف هذا مريت فيه مع امي قاعده اسولف معها واقولها يمه تعرفيني تناظرني وتضحك مستحيه تقول ماعرفك .. الزهايمر يعذب يوجع اهل المريض نفسيا الله لايجيبه لمخلوق .. واقعد ابكي تو وارسل مسج لصديقتي قلت لابارك الله في كشرتك قولي امين وش جاك علي قاعده اتعالج نفسيا وتنقضين جروح يالمقروده

شوف ابو نجلا انا ترى قد رحت للدكتور محمد المقهوي اول ماجاني الهلع وكرهته يوم كتب لي دوا قلت ذا مهبول لكن بعدين يوم غيرت الدكتور وقعدت اسولف مع دكتوري قعد يمدح بالمقهوي حيل ويقول الطب النفسي مدارس مختلفه وكل دكتور له مدرسه ونموذج يمشي عليه والمقهوي دكتور يؤمن بالادويه ويقولك انها تضمن لك الشفاء بعد الله .
ترا له سناب وكل يوم ينزل مشاركات عن الاكتئاب بانواعه والهلع وكل الاضطرابات النفسيه .
الشي الثاني ترا المقهوي يعطيك وقتك ساعه كامله مو بس يسمع لك عشر دقايق ويقضبك الباب واذا رحت له اشرح له كل شي عشان يقدر يرتب لك خطه علاجيه ماتخرش الميه 😁

المشاركة الأصلية كتبت بواسطة قطرات الندا

الله يجزاك خير يابو نجلا ويسخر لك خلقه ..
تو وحده مقروده ارسلت لي فيديو عن واحد يكلم امه فيها زهايمر وامه ماعرفته وقعد يبكي نفس الموقف هذا مريت فيه مع امي قاعده اسولف معها واقولها يمه تعرفيني تناظرني وتضحك مستحيه تقول ماعرفك .. الزهايمر يعذب يوجع اهل المريض نفسيا الله لايجيبه لمخلوق .. واقعد ابكي تو وارسل مسج لصديقتي قلت لابارك الله في كشرتك قولي امين وش جاك علي قاعده اتعالج نفسيا وتنقضين جروح يالمقروده

يعني خويتك تعرف ان أمك كان فيها زهايمر و الا جت كذا مصادفة

الزهايمر صعب شفت حلقة لعادل إمام عن الزهايمر و الله شي يحزن من قلب كيف اللي يعاني منه الله يفك عوقهم و يسلمنا و إياك

سلامتك و الله لا يجيب لك طاري حزن يا رب والله يسعدك دووووم

ايه تدري ان امي فيها زهايمر وتعرف حجم وجع قلبي عليها لكن بعض الحريم كدايش تدربي راسها .
امين يارب ويجبر خاطرك ويسر قلبك

المشاركة الأصلية كتبت بواسطة قطرات الندا

شوف ابو نجلا انا ترى قد رحت للدكتور محمد المقهوي اول ماجاني الهلع وكرهته يوم كتب لي دوا قلت ذا مهبول لكن بعدين يوم غيرت الدكتور وقعدت اسولف مع دكتوري قعد يمدح بالمقهوي حيل ويقول الطب النفسي مدارس مختلفه وكل دكتور له مدرسه ونموذج يمشي عليه والمقهوي دكتور يؤمن بالادويه ويقولك انها تضمن لك الشفاء بعد الله .
ترا له سناب وكل يوم ينزل مشاركات عن الاكتئاب بانواعه والهلع وكل الاضطرابات النفسيه .
الشي الثاني ترا المقهوي يعطيك وقتك ساعه كامله مو بس يسمع لك عشر دقايق ويقضبك الباب واذا رحت له اشرح له كل شي عشان يقدر يرتب لك خطه علاجيه ماتخرش الميه 😁

سناباته مثل وجهه الأقشر :) الله يحفظه

بإذن الله أزوره لكن مو الحين بعد ما أدخل على دكتوري إبراهيم الصايغ في 24 / 10 و أدخل على الإخصائي و الإجتماعي ان أعجبوني كملت ان ما عجبوني كنسلت و طلبت من دكتوري يحولني عليه و الله يدبر لي و لك و للجميع ما فيه الخير

المشاركة الأصلية كتبت بواسطة قطرات الندا

ايه تدري ان امي فيها زهايمر وتعرف حجم وجع قلبي عليها لكن بعض الحريم كدايش تدربي راسها .
امين يارب ويجبر خاطرك ويسر قلبك

هذي أمسكيها بزاويه و إمعطي راسها تمعيط و إدبغيها دبغ لين تعض الأرض و السما :)

قلت لها معد ابي اشوف لك واتساب الا للضروره والا تراك بلوك .
الله يدبر لنا ولك الخير والخيره يابو نجلا ولعل الله يفتح لك باب ماكنت تتوقعه بحوله وقوته انه على كل شي قدير

المشاركة الأصلية كتبت بواسطة أبو نجلا

السلام عليكم و مساء الخير ع الجميع

أيام تجيني متدهور تفكيري للحضيض خلاص مقفلة معي الحياة و متشآئم لحد النخاع وقتها أتمنى لو مت و لا أكون بهكذا وضع

وضع مزري من ذا المزاج و التفكير السلبي المفروض علي فرض و أكره نفسي فما بال الكره للنفس يتعدى لأبعد من ذلك حتى يكون بالمحيطين بك و بالعالم كله

العيد له أيام قليله و لاا حاسين فيه و لا لنا أي شغف بقدومه

يا رب لطفك حسبنا الله و نعم الوكيل لا حول و لا قوة إلا بالله

صدق المزاج هو الحياة و الحياة هي المزاج

المزاج فيه الإرادة لا طاح مزاجك فعلى الإرادة السلام

و حلاوة الحياة في المزاج الطبيعي و الموت أرحم بكثير من حياة يكتنفها ألم و قهر و مزاج سيء

طاحت أعمدة الصبر طاحت بيوت المنى و جارت عليها السنين

يا رب مالها إلا أنت مقوم حظوظنا المتلاشيه و مشيدها و مقويها و منفضها من غبار جور الزمن عنها

لا إله إلا أنت سبحانك إنا كنا من الظالمين

اللهم إنا نعوذ بك من جهد البلاء و درك الشقاء و سوء القضاء و شماتة الأعداء
اللهم إنا نعوذ بك من زوال نعمتك و تحول عافيتك و فجأة نقمتك و جميع سخطك


!! خطوة متعثرة !!

آه على آه و أوف بس أوووف أوووف

حياك الله أخوي أبو نجلا..

أنا بالنسبة لي الطفولة لها دور باللي أنا فيه حاليًا كنت أعاني من أعراض نفسية من أيام الطفولة وللأسف المدارس لم يكُن فيها طبيب نفسي..

ولم يكن بعد عندي أي أمال ولا أفكار للمستقبل ولا هوايات

https://