يوميات المكتئبين تعال نسولف

انا كان ودي اجيب لي وحدة بمقابل مادي تدربني في ارض فضاء حولنا ، عاد يا كثر الفضاء اللي حولنا ثم اذا تمكنت يصير ما اطول يوم اتدرب رسمي و آخذ الرخصة

الوالدة الله يحفظها كل يوم تقول متى تسوقين يلا روحي تعلمي في المعهد و انا قلبي يرعد بوسط ضلوعي لا طروا لي الخروج

سبحان الله عندي استعداد أواجه خلايق جدد و غرباء و اتجادل الا الخروج

حتى السواقة ماشاء الله تبارك الله ما عندي رهبة منها الا ان احد يقلي اخرجي

فيني غصه هنا وعيوني فيها مويه وفمي صار مايل لتحت
احس بضيقه ودي اصيييييييح اصيييييييييح
لازم اصيح عشان ارتاح
بس عيت الصيحه تجي !!

هلا بسمه الغاليه

المشاركة الأصلية كتبت بواسطة عيون متفائلة

إذا شغالين حصد في ارواح البشر عشان عطوه ابرة في الطوارئ ما ناسبته بدال يسوون له قبلها تحليل و هذي تحصل كثير ، اخرهم بنت جيراننا الله يرحمها صغيرة ما كملت سطعش عشان الآلام الشهرية تجي قوية لدرجة تطرحها راحت طوارئ عشان ابرة مسكن اللي متعودة تاخذها كل مرة ، و يغزونها ذيك الابرة الخطأ قضوا عليها ما خرجت من عندهم غير جثة هامدة ، مع ان عندها ملف و عارفين نوع الابرة اللي تاخذ لكن الاستهتار مشكلة و هذا اللي دهور المرأة اللي خلدت بالنار يوم استهترت بقطة ضعيفة و حبستها الى ان ماتت ، مع انها ما كانت مترصدة للقطة و لا هي مستفيدة اصلا من موتها ، بس لانها استهترت و قالت قطة وش يعني ، زي يوم قالوا ابرة وش يعني و حطوا لها محلول آخر ، هم ما هم مترصدين و لا كان فيه ثأر قديم لكنه استهتار و الاستهتار دليل على انعدام الامانة و انعدام الخوف من المطلع على الغيب و الشهادة

الله يرحم البنيه و صدقتي أما الأمانه في الشغل راح إلا من رحم ربي قالوا نزاهة و نزاهة يحتاج لها نزاهة خصوصا في مستشفيات البشر إللي ينسى سكروب و الا شاكوش في راس و الا بطن المريض و أخطاء طبيه مميته مثل ما حصل لهذي البنت الله يرحمها و حسبي الله على من كان السبب

المشاركة الأصلية كتبت بواسطة عيون متفائلة

اما بالنسبة للسواقة ابو نجلا ، و الله ودي لكن انت خابر الطواري اللي طرت علي من تالي و قيدتني اعوذ بالله منها ، رهاب الخروج اللي منعني حتى من تأمين التموينات للبيت ، من قبل رمضان ما ظهرت للسوبرماكت ، و الا الوالدة تلح علي يوميا ، غثيتهم بالبانكيك ، كل ما قالوا نبي خبز ، رحت خبزت لهم في دقايق سائل البانكيك و صبيته في الصاج ، حتى صرت اسويه لهم بدون سكر حتى يستسيغون اكله مع الجبن ، الحمدلله ان فيه اجبان طويلة الأجل و تقعد بالاشهر و الا كان امداني رصيت لي بقرة جنب غرفتي الخشب احلبها ، شي فظيع اعوذ بالله مقيدني ، حتى الوالدة قطعت قلبي لقيتها فاتحة مقطع على اليوتيوب تبي تتعلم صنع الجبن عن طريق الحليب تقلي مافي شاش جيبي لي شاش

قلت لو اقدر اجيب شاش كان رحت وفرت الخبز

تشجعي يا بسمه للخروج و الله أدعي من كل قلبي و الله يعينك بعونه و توفيقه أدعي الله يفك عوقك
هههههههه أما بقرة و الله حقها لو إنا بالريف كان جبت لي بقرة أتمنحها خصوصا إن في لبنها شفاء و سمنها دواء

المشاركة الأصلية كتبت بواسطة عيون متفائلة

انا كان ودي اجيب لي وحدة بمقابل مادي تدربني في ارض فضاء حولنا ، عاد يا كثر الفضاء اللي حولنا ثم اذا تمكنت يصير ما اطول يوم اتدرب رسمي و آخذ الرخصة

الوالدة الله يحفظها كل يوم تقول متى تسوقين يلا روحي تعلمي في المعهد و انا قلبي يرعد بوسط ضلوعي لا طروا لي الخروج

سبحان الله عندي استعداد أواجه خلايق جدد و غرباء و اتجادل الا الخروج

حتى السواقة ماشاء الله تبارك الله ما عندي رهبة منها الا ان احد يقلي اخرجي

أنتي حددي يوم معين و تشجعي و إسألي عن المدربات و حددي موعد معها السواقة مافي أسهل منه بس إنزعي الخوف هذا من قلبك و حنا نقولك روحي الطبيب النفسي و أغصبيه غصب يعطيك علاج مضاد صرع بالحاله يا اما ديباكين يا اما لامكتال و الا تجريتول أخوي اليوم كان عنده موعد للأعصاب عنده تشنج و يتعالج بتجريتول و الثاني يتعالج بديباكين اللي يتعالج بالتجريتول سألته كيف نومك قال نومي طبيعي

دام مضادات الإكتئاب ما ارتحتي عليها فما لك إلا تطرقين باب مضادات الصرع

الحكة بسبب اللامكتال لا تخافين أنتي بس خذي لك حبه و لاحظي إذا في حكه بطليه إلى ما فيه إستمري

وضعك إذا إستمر على ما هو عليه راح تفوتك فرص و تغبنك و يصيبك الإكتئاب حتى أهلك ما يعجبهم أبدا وضعك الله يعينك و يقويك و يسعدكم جميع

اللهم لا إعتراض في قضاه
لكن أسأله الصبر و اللطف فيه

إبن عبده و أعبده و أطلب رضاه
و أحمده و أستغفره و أتوب إليه

ما حمدنا عقب مكروهٍ سواه
و لا كرهنا كل ما يحمد عليه

يا إلهي و أنت ما غيرك إله
المصاب يفوق حزنٍ مكتسيه

أجبر اللي ضاع صوته من بكاه
و قوّ عزمه كان صبره بيهديه

كل ما شاف القبر قبّل حصاه
و كل ما أقفى خطوةٍ عوّد عليه

سلامتك ميموري من الضيقه و من الصياح

صيحي في مكان مغلق بس لا يسمعك أحد عشان ما يقولون فيك جني

ياليتني نوّام خلقة كان أرتحت :(

-----------------------

الدنيا توافيق وحظوظ............ وانا من الثنتين ما حصلي


اقدار الله ماضيه في عباده

منهم الصحيح ومنهم المريض ومنهم الغني ومنهم الفقير ومنهم المقبول ومنهم المرفوض

حسبي الله وكفى

================================================== =====

https://

===============

امس كان عندي موعد مهم في البنك وطوفته

ان شاء الله بعد بكرا ما يطوفني ودي اخلص شغلي

ثم بمر الحلاق ثم بمر المغسلة ثم بروح للمستشفى الامل

عندي موعد صرف علاج

مدري ليه هالمستشفى كريه من تدخل يتبدل الاكتئاب تقول مسكون بالجن

==========================

اليوم جالس اتصفح الانستقرام وطاحت عيني على شركة كويتية تبيع اقمشة ثياب

والله شكلها رسمي وحلوة بس طبعا الصورة مدري عن الحقيقة

وتعرفوني مهلوس شراء طلبت اربع قطع عشان يشملني الشحن المجاني

حسابي 400 ريال فقط لى اربع قطع ثياب

خذيتها كلها ابيض ناصع ما احب غيره

وقالوا حول الفلوس قلت على هذا الخشم واحول الفلوس وبكرا الشحن وتوصل الاحد

اهدااااااااااااااااء الى ابونجلاء الغاااالى


https://

أبو نجلا معجب بهذا

المشاركة الأصلية كتبت بواسطة أبو نجلا

سلامتك ميموري من الضيقه و من الصياح

صيحي في مكان مغلق بس لا يسمعك أحد عشان ما يقولون فيك جني

الله يسلمك
انا اقصد بالصياح = البكاء مع نزول الدموع بغزاره
عادي اصيح بأي مكان بس خلها تجي هالصيحه ناشبه مدري الدموع ناشفه مدري المشاعر بليده
بعدين لا تخاف اصلا انا يقولون عني عفيريته هذا بدون صياح

اجل اذا صحت مع الكحل ونافشه كشتي 😂
وش بصير ؟ ام العفاريت 👹👹
بعدين وش فيهم العفاريت
ترى انا اخاف من الاوادم اكثر من العفاريت 🤔

اداره خلاص لو سمحتو للمره الاخيره والله ماعاد ازعجكم
حطو اسمي من غدا اجمل الى عفريته من الجن

كل البيت نايمين الا انا الا انا الا انا

وش اسوي بعمري مع هالغصه و هالكتمه
بروح اسوي حليب مع زنجبيل عشان انكتم زياده
الله يرحم جدتي كانت دايم تسويه وتقعد تقص لي قصص وتغني لي دنياك يازين ... لين انام 😪
يارب اجمعني بها و خذني لها اشتقت لها

احس حالتي غريبه انتم مثلي جالسه الحين.احس بزوع ولاابي أتحرك وأحس بشي وسط صدري

keep your head up