يوميات المكتئبين تعال نسولف

انثى الجدي لاتعتذرين حبيبتي عادي تحصل كثير والله اني ما انتبه لبعض الردود من اخواني هنا .
انثى بقولك شي انا انولدت لاسره عظيمه بكل ماتحمل الكلمه من معنى اخذت اكبر النصيب من الحب والدلال والتفاهم والفرص الجميله بالحياه مثل التعليم وخياراتي واهدافي أب عظيم يعطيني قوه ويشكل سند لي وأم حنونه من جيل الطيبين اللي لو حتى تجيني زكمه وانا بغله وش كبري طول اللي ماتنام رايحه جايه علي تسمي علي وتشوف حرارتي وكلامها كله ياخلف امي وابوي وجدي .. اتذكر اذا جاء الشتاء وجابو لنا كرتون فقع والله ماتذوقه هي وابوي لين اكل منه تقول مايهناني ولا ينزل من حلقي وانتي ماكلتيه وفجأه يا انثى فقدتهم الثنين بنفس السنه كبرو بالسن وانا لسا كنت بالثلاثينات ومرضو وتوفو عليهم رحمة الله انهزيت من داخلي تغيرت بيوم وليله صارت حتى الزكمه تبكيني لاني اتذكر يدين امي لكن وش حيلتي ؟ مابيدي شي وجاني اكتئاب هالسنه وقلق حاد ونوبات هلع مع انهم متوفين من ١٤ سنه وقالي الدكتور الم فقدهم وموتهم ماتقبلتيه ابدا وتجمع هالشغور هنااااااك بالعقل بالاطن وطلع علي هالسنه لكني ما يأست دائما عندي مصباح اشوفه هناك بعيد منور ولله الحمد اللي عديت فيه ماكنت اظن اني بطلع منه ابد لكن طلعت بفضل العظيم الله سبحانه .
صحيح انا معاك تجي لحظات يأس وشك وتساؤلات بينك وبين نفسك احيانا تخافين منها لكن تأكدي ان الله احيانا بذكرك ان الحياه قدامك بتتغير وبيعوضك ربي بشي ماكنتي تحلمين فيه فقط حطي في بالك وقلبك الأمل ادري انه شعور ويقين وصعب توصلين له لكن ترى مالك الا هو . خذي لك خط بالحياه وسايري اهلك وتدرعي ابيك تعرفين قانون التدرع هو مثل الاذكار بالاسلام راح تلاقي فيديو كثير عن التدرع باليوتيوب . تصيرين زي التمساح معد يوجعك اي شي من احد ولا اي كلمه ولاتصرف .اعملي التدرع وواجهي الحياه صدقيني راح تشوفينها غير .لاتيأسي ابد انتي لسا باجمل سنين العمر لاتضيع بالحسره والألم .
حبيبتي صخيح الظروف البيئيه بالصغر تأثر على الانسان مدى الحياه لكن يقيني ان الانسان يقدر يتجاوزها انسي الماضي وارميه ورت ظهرك واعشقي نفسك وبدي نفسك على الجميع مش انانيه لكن لنفسك عليك حق .
حسابات الله تختلف عن حسابات البشر احيانا نشعر اننا مظلومين وندعي على من ظلمنا ولاتستحاب دعوتنا تدرين ليه ؟ لأن الحقيقه اننا احنا الظالمين مو اي شخص اخر يمكن حتى نكون ظالمين لانفسنا .
حبيبتي الله يكتب لك الخير ويفتح لك باب سعاده من حيث لاتحتسبي

عبق الذكريات معجب بهذا

ابو نجلا شلونك ؟
عندي لك بشاره هيئة الدواء والغذاء اصدرت موافقتها على استخدام التحفيز المغناطيسي للدماغ في علاج الاكتئاب والحزن والشقيقه والان توصلو انه يعالج الوسواس القهري بشكل ممتاز وراخ يستخدم بمستشفياتنا قريبا .
طبعا مو جلسات كهرباء لا شي ثاني بسيط ومريح اذا تبي تعرف عنه اكثر ادخل تويتر على الدكتور وجدي مختار وتلقى الموضوع بالتفصيل .
ياويلك لو تقولي ياقطرات ماراح ينفع ترى بجي ادبج ركبتك الثانيه 😂😂😂 دائما خلي عندك امل من كان يتوقع قبل ٣٠ سنه عمليات الليزك بالعين اللي تعيد النظر ٦ على سته ؟
قريب راح تبشرني انك خطبت بنت الحلال وبتعرس وتعزم ال نفساني على عرسك وعقب سنه بنشوف ورعانك يطامرون عندنا قل يالله بس

عبق الذكريات معجب بهذا

أخي الكريم أبو نجلا..... الله يعوضك خير إنشاءالله عما عانيت في هذه الدنيا الدنيئة..... ومن منا من لم يعاني من أقاربه وأهله إلا القلة القليلة..... وعسي ان تكرهوا شيئا وهو خيرا لكم وكم من متزوج لم يري طعم الراحة مع زوجة ظالمة وقاسية وهمها الدنيا وجمع المال والسفر ولو علي حساب راحة زوجها المسكين..... كونك مظلوم افضل من تكون ظالم.... اللهم اجعلني مظلوما لا ظالما يا رب.....

عبق الذكريات معجب بهذا

ابو نجلا وقطرااااات 😢😢😢😢
لا تقلبون المواجع ارجوكم
الاسى والحزن متشبع في كلماتكم😞
قلبي والله مايتحمل ضربتين
وهالشي يضايقنا كلنا كإخوة
والله نتألم لألمكم .. وننجرح لجرحكم ..

وصعب جدا ويعز علينا نقرأ وجعكم
ومانقدر نسوي شي
ومابيدنا شي الا ندعي لكم بجوف الليل
لان ما أظن فيه كلمات بتواسي اكثر

وترى للقرب من الله لذه وراحة
وشعور الالتجاااء لله وحده ..
والاستغناااااء .... عن النااااس والدنياااا
شعور ما يوصف ماله مثيل ..
يعني الواحد يوصل لمرحلة انه يشوف الدنيا صغيررررره وتافهه
وماتسوى اي ضيق وزعل
هذي هي السعاده الحقيقيه .. بالرضا والتسليم وحسن التوكل على الله

عبق الذكريات معجب بهذا

قطرااات ذكرتيني برحيل ناس احبهم
ولامستي جرح كبير فيني
😞 بكيتوني وبس.

عبق الذكريات معجب بهذا

المشاركة الأصلية كتبت بواسطة قطرات الندا

انثى الجدي لاتعتذرين حبيبتي عادي تحصل كثير والله اني ما انتبه لبعض الردود من اخواني هنا .
انثى بقولك شي انا انولدت لاسره عظيمه بكل ماتحمل الكلمه من معنى اخذت اكبر النصيب من الحب والدلال والتفاهم والفرص الجميله بالحياه مثل التعليم وخياراتي واهدافي أب عظيم يعطيني قوه ويشكل سند لي وأم حنونه من جيل الطيبين اللي لو حتى تجيني زكمه وانا بغله وش كبري طول اللي ماتنام رايحه جايه علي تسمي علي وتشوف حرارتي وكلامها كله ياخلف امي وابوي وجدي .. اتذكر اذا جاء الشتاء وجابو لنا كرتون فقع والله ماتذوقه هي وابوي لين اكل منه تقول مايهناني ولا ينزل من حلقي وانتي ماكلتيه وفجأه يا انثى فقدتهم الثنين بنفس السنه كبرو بالسن وانا لسا كنت بالثلاثينات ومرضو وتوفو عليهم رحمة الله انهزيت من داخلي تغيرت بيوم وليله صارت حتى الزكمه تبكيني لاني اتذكر يدين امي لكن وش حيلتي ؟ مابيدي شي وجاني اكتئاب هالسنه وقلق حاد ونوبات هلع مع انهم متوفين من ١٤ سنه وقالي الدكتور الم فقدهم وموتهم ماتقبلتيه ابدا وتجمع هالشغور هنااااااك بالعقل بالاطن وطلع علي هالسنه لكني ما يأست دائما عندي مصباح اشوفه هناك بعيد منور ولله الحمد اللي عديت فيه ماكنت اظن اني بطلع منه ابد لكن طلعت بفضل العظيم الله سبحانه .
صحيح انا معاك تجي لحظات يأس وشك وتساؤلات بينك وبين نفسك احيانا تخافين منها لكن تأكدي ان الله احيانا بذكرك ان الحياه قدامك بتتغير وبيعوضك ربي بشي ماكنتي تحلمين فيه فقط حطي في بالك وقلبك الأمل ادري انه شعور ويقين وصعب توصلين له لكن ترى مالك الا هو . خذي لك خط بالحياه وسايري اهلك وتدرعي ابيك تعرفين قانون التدرع هو مثل الاذكار بالاسلام راح تلاقي فيديو كثير عن التدرع باليوتيوب . تصيرين زي التمساح معد يوجعك اي شي من احد ولا اي كلمه ولاتصرف .اعملي التدرع وواجهي الحياه صدقيني راح تشوفينها غير .لاتيأسي ابد انتي لسا باجمل سنين العمر لاتضيع بالحسره والألم .
حبيبتي صخيح الظروف البيئيه بالصغر تأثر على الانسان مدى الحياه لكن يقيني ان الانسان يقدر يتجاوزها انسي الماضي وارميه ورت ظهرك واعشقي نفسك وبدي نفسك على الجميع مش انانيه لكن لنفسك عليك حق .
حسابات الله تختلف عن حسابات البشر احيانا نشعر اننا مظلومين وندعي على من ظلمنا ولاتستحاب دعوتنا تدرين ليه ؟ لأن الحقيقه اننا احنا الظالمين مو اي شخص اخر يمكن حتى نكون ظالمين لانفسنا .
حبيبتي الله يكتب لك الخير ويفتح لك باب سعاده من حيث لاتحتسبي

لا حول ولا قوة الا بالله بنفس السنة !!
الله يجعلهم بالفردوس الاعلى يارب ويجبر كسرك ياكريم
والله شي مو سهل الله لايفجعنا ، طيب في احد واساك ووقف معك بعد وفاتهم ؟
اقصد الين ماتتجاوزين الصدمة .. ؟؟

اول مرة اعرف عن التدرع بروح اشوف عنه

عبق الذكريات معجب بهذا

المشاركة الأصلية كتبت بواسطة أبو نجلا

و الله إني أجاهد نفسي و اشقد أعاني خليها على الله بس
الإخصائي النفسي لما فضفضت له قال أنت تعاني من ضغوطات سلبيه أجل كيف بتحمل الضغوطات الإيجابيه يا ربي حنانيك بالمرضى النفسيين و بعبادك الصالحين سخر لهم كل محال بحياتهم
عندي موعد بعد العيد معه
هناك يا هديل ما يعرف بفعل و رد فعل و هذا معروف و لا تلوميني هذا الأقرع بن حابس التميمي ما قبّل أحد من أبنائه فقال الرسول اللهم صل و سلم عليه أوا أملك أن نزع الله من قلبك الرحمة و قال له من لا يَرحم لا يُرحم و قال ( حق الولد على والده أن يحسن اسمه ، ويعلمه الكتاب ، ويزوجه إن أدرك ) لاحظي و يزوجه إن أدرك
أجل كيف اللي عانى من أبيه القسوة و التعنيف و الإستحقار و الإستهزاء بي بمقارنتي بفلان و علان و أني لا شيء و لا أسوى شيء قدامهم أيام المراهقة هذا غير نظراته و تكشيراته اللي تقهرني
لو إنك محلي و هذا أبوك و هذي حياتك فاقدة للحنان و إختلت عواطفك و ملأ قلبك الجفاء و القسوة كان إنتحرتي لأنها ليست بحياة و الحياة سلام مع النفس و الروح و الا الصراع إذاً
أتجاهل السلبيات إن شاء الله بس كيف إن كان التجاهل لا يأتي بنتيجة إيجابيه لي بالمستقبل
بس ماشي راح أعيش لحظتي باللي هي به فقط و راح أسامح أبوي عشان ربي يسامحني

ههههههههه أي أسد إلا قطو ليتني قطوة عند عيون متفائلة بسمه ألقى الحنان و العطف و لا البني أدميين الوحيش :)

و الله يعطيك العافية و تسلمين




نوم العوافي

العميد جدنا :) مشغول و المشغول لا يشغل أليس كذلك يالعميد ربي يسعدك و يسعدكم جميع

شكله يفكر بالأضاحي الرجال عنده أربع حريم الله لا يحرمنا و متوهق فيهم :)



أوك برجع أبو نجلا الأحسن بس تقولين وش دراك بكون مبسوط و فرحان وقتها امممم عيت تخش مخي إي أكيد لو متزوج هذاك الوقت كنت مرتاح و معين خير
يا رب يجي هذا اليوم إللي أتزوج فيه و لكم بطاقات دعوة من دون إصطحاب الأطفال لأن بضل أنقهر لين أخلفهم و أفرح بهم و أعزمكم ثانيه مع أطفالكم و أطفالي :)

فعلا الحمدلله على كل حال و إلى الأمام سر و إلى الخلف در :)

الله يصبرك على فقد أبوك و بقولك مثل ما قلتي لي خليك عسكريه و إلى الأمام سر لا الخلف در :)



هلا بـ طلة الغاليه قطرات الندا
إبشري حمستني سيرته الذاتيه راح أتابعه
واين داير إسمه كأنه داير واين يعني آي يا زول داير نبيذ :)
بس بقولك رأيي لما أقابله و أسلم عليه أمزح بس ما يجي منك إلا الزين و المفيد يشهد الله كثير تعجبيني

ما في يأس إن شاء الله بس أوقات أضعف و سامحوني و الله مو هذا أنا الضعيف لكن وش أسوي قد نخر السوس و النمل عثوا و عبثوا و رثعوا بنفسي و جسمي يبغالي وايت معبى سم من مكافحة الحشرات و يكافح معي و أنتم معي أهل لهذا الكفاح



و أنتي صادقة مالي وقت الحزن إلا إني أتوسد الفراش خاصة لا أشتد و ضيق علي خناقه
أنا كومة حزن بس لما يخف أحب أكون بمكان عام مزدحم بالناس و أتونس بوجيه الناس و يجيني شعور ماني مصدق إن توي للحين حي :)
و نعم بالله و حسبي الله و نعم الوكيل و كفى بالله وكيلا



صباحك و مسائك نور و سرور يا ظل الحبيبة و اللهم آمين يجيب دعواتك الغاليات



الله يسلمك أنثى الجدي هلا بك و حياك يالغاليه
اللهم آمين يجعله شفيع لي يوم العرض عليه و يعفوا عنا جميعا

ألف ألف لا بآس عليك و الله يشفيك و يقويك و ينصرك و يسعدك



بلى و إلا ليش أنا هنا إلا عشان أخرج كمية الكبت اللي فيني و أرتاح من الوحدة و الصمت و نار الشوق و العذاب

أفلام زي إيش مثلا قصدك أفلام تحكي واقعنا

أنا شفت لي أفلام عن المرض النفسي و كثير كثير مشابهه لحياتي

أفلام أجنبيه روعه



صدقت الله يعيينا على أنفسنا



يالله يا كريم تعوضنا جميعا و تجبر خواطرنا
الله يجزاك خير يالـغالـيهـ قطرات الندا

ربنا إنا مغلوبون فانتصر

ههههههه ياحليلك اجل للامام سر والخلف ههههههه
من جد والله نحتاج نمشي كلنا سيده ولانفكر نرجع وراء
عاااالي انت لاتفكر بمواقف البايخه الللي صارت بينك وبين ابوك لان هذي الشيطان يكبرها بعقلك ويخليك تحقد وتنقهر وتحزن الشيطان يعجبه هالشي يحب يشوف البني ادم حزين ويدخل له من مداخيل زي هذي عشان يجره فانت استعذ بالله منه بيجي يوم وتتزوج صدقني بكره عرفه استغله بالدعاء والح فيه وكثر دعوات ربي مايخيب رجاء احد ان شاء الله
والله كنت اتمنى احج هالسنه بس ربي ماكتب والا كان رحت ودعيت لكم مثل مادعيت في العمره
وزين رجعت عالي اللي نعرفه لاتزعل نفسك بسبب افكار شيطان يحطها بعقلك

السلام عليكم
مساء الخير على الجميع
كيف حالكم اخواني اخواتي
بالتوفيق دائما

* لـولـيـتـا * معجب بهذا

يالله ياقطرات 😭
امك وابوكي بنفس السنه
لاحول ولاقوة الا بالله
انا شخص واحد تاثرت فكيف باثنين
احيانا اشوف امي واتاملها واقول الله يخليها لي
ماعرف ايش راح اسوي لو راحت لاسمح الله
فعلا لما تفقدين احد الوالدين تتغير حياتك فوق وتحت
وتحسين الدنيا انتهت عندك
الله يرحمنا برحمته

عبدو عمر معجب بهذا

راسي مصدع ولا فاد البندول ابد
ربطته بالطرحه كني صعيديه

خلونا نتفق
لا نعيد فتح الجروح. انسوا الماضي الأليم

* لـولـيـتـا * ,عبدو عمر معجبون بهذا

المشاركة الأصلية كتبت بواسطة غيـمة فرح

راسي مصدع ولا فاد البندول ابد
ربطته بالطرحه كني صعيديه

خلونا نتفق
لا نعيد فتح الجروح. انسوا الماضي الأليم

ههههه هذا وانتي تحبينه مافادك شكله يتغلى عليكي بعد مامدحتيه
طيب يمكن السبب مااكلتي او مانمتي حاولي تنامين

ايوه لاتفتحو جروحكم مره وجديدخلوها تلتئم

وين محمد ماني شايفته 😵

المشاركة الأصلية كتبت بواسطة * لـولـيـتـا *

ههههه هذا وانتي تحبينه مافادك شكله يتغلى عليكي بعد مامدحتيه

لولو الله يسعد قلبك هههه 🌹 ضحكتيني وانا مالي نفس اضحك
شكلي من كثر ما مدحت البندول طقيته عين
من كثر ما ابلع منه ماعاد يفيد اظن جسمي تعود . بجيب اللي من برا افضل
صداعي اظن من قلة النوم. نومي مترخبط وكوابيس

* لـولـيـتـا * معجب بهذا

‏

المشاركة الأصلية كتبت بواسطة قطرات الندا

ابو نجلا شلونك ؟ .
ياويلك لو تقولي ياقطرات ماراح ينفع ترى بجي ادبج ركبتك الثانيه 😂😂😂 دائما خلي عندك امل من كان يتوقع قبل 30 سنه عمليات الليزك بالعين اللي تعيد النظر 6 على سته ؟
قريب راح تبشرني انك خطبت بنت الحلال وبتعرس وتعزم ال نفساني على عرسك وعقب سنه بنشوف ورعانك يطامرون عندنا قل يالله بس

ايه قطرات تكفين اذا ماسمع كلامك وجرب هالعلاج
ادبجي ركبته وانا بدبج راسه بالمشعاب 😂

ويارب نشوفه معرس ومعه فروخه 🐣🐣
وراح نسوي له اكبر حفله هنا
وانا بصير المطربه 🎤 🎶
بس هاه بفلووووس انا مافيه شي بلاش عندي 😑

انثى الجدي اللهم امين ويحفظ لك احبابك .
ايوا عندي اخت كبيره وما عندي اخوان واختي كنها امي الله يحفظها ويخليها وبناتها قدي الله لايحرمني منهم .. كمان عماني وعماتي وخالاتي كلهم معد صار همهم الا انا وخاطري ووش يريحني الله لايوريني غلاهم .
الحمدلله على كل حال عدت لكن اصعب اللحظات هو الشوق لهم اللي يعصر القلب عصر تمر اغنيه تذكرني اشم عطر اتذكرهم الدخون والعود بطلته لأني من اشمه اتذكر ابوي وامي وبيتنا زمان اللي كان يعج بالناس والضيوف والعزايم وريحة الهيل وحمس القهوه .
الان انا هنا وباللحظه ما ابغى ارجع ورى ابدا لهم مني برهم بالصدقه والدعاء وان كان ربي قدرني اعمل لهم اعمال خيريه ولقائنا هناك بالجنه ان شاء الله .
غيمه حبيبتي هذي هي الحياه يوم تقوينها ويوم تقواك وهي ماشيه ماراح توقف لأحد عسى ربي يمسح على قلبك السلوان ويبدل شتاتك طمأنينه وراحة بال .
لوليتا يسعدلي قلبك .. ايوالله بنفس السنه بينهم ٣ شهور فقط ممداني اقول من وجع ابوي الا لحقته امي لكن الحمدلله تركو وراهم بنت قويه واثقه بالله وقفت وهديت افكاري وابتديت من جديد لأني ماكنت ابغى اكمل وانا بهالشتات والالم .. لوليتا لكل شي حكمه حتى المصيبه والوجع والحكمه اللي شفتها اني صرت اقوى بدل هذيك البنت المدلله الباهته .
ياااااارب احمدك واشكرك كثر ماعطيتني من صحه وعافيه ومال وستر وراحة بال وحب اقاربي وصديقاتي شكرا يا الله .
لوليتا اتمنى لك مثل ما اتمنى لنفسي السعاده وراحة القلب والبال ويعوضك يارب خير عن مافقدتي في دنيتك قولي امين

عبق الذكريات معجب بهذا