يوميات المكتئبين تعال نسولف

كل عام وانت بخير يا البدراني..... اللهم شافي كل مريض في هذا المنتدي وخارجه يا رب..... اللهم اكشف هذه الغمة عن هذه الأمة يا رب.....

ظل امرأة معجب بهذا

يشهد الله غيمه مابيك تبكين ولا تحزني لكن ابي كل اللي موجعك يطلع فرغي كل احزانك احذفيها خارج جسدك وروحك وعقلك صدقيني حبيبتي اذا ظليتي محتفظه فيها بالداخل الحياه راح تكون صعبه عليك و موحشه .. صحيح اني انصحك وانا بنفسي مريت بحالات قلق واكتئاب لكن ما استسلمت ابد كنت ملي ثقه بالله سعيت وحاولت وعملت علاج سلوكي عند كذا اخصائي وتجاوزت نصف المرحله وفي الاخير اخذت دواء يعالج النصف المتبقي وهو الاعراض الجسديه وقبل كل هذا شعوري ويقيني بأن الله لن يتركني وحدي ابدا .
تأكدي ان السعاده حق من حقوقك لازم توصلين لها انا والله احزن لما اشوف بنت باجمل عمر تعاني . صحيح الظروف والمحيط يحكمون الشخص لكن اخلقي سعادتك اعملي صداقات اكتشفي شغفك وين .
يمكن كلامي يضايقك لأن بتقولين مالي حول ولا قوه بقولك اوكي اتبعي ابسط الطرق وهي انك تفرغي كل شي بالورق بعدها برمجة العقل راح تتغير وتجذب لك اشياء ماكنتي تشوفيها قبل بتصيرين من جوا بيور ورؤيتك اوضح للاشياء وردات فعلك كمان بتكون غير .
غيمه انا كنت عصبيه لدرجة ان جسمي كله يرجف واسناني تضغط على بعضها لاتفه سبب بعد مابديت العلاج السلوكي ابتديت اهدا ختى ارتفاع ضغط الدم ابتدا يستجيب ويكون بمعدلات طبيعيه عندي قناعه انه مافي اهم مني عندي ولا اهم من صحتي ومزاجي والشخص اللي ينكد علي ارميه من حساباتي حتى لو قريب اتعامل معاه بما يرضي الله لكن اقفل مشاعري يعني مايهزني لاكلامه ولا تصرفاته معاي .
ابيك تبحثين عن قانون التعلق وفك التعلق وهو باختصار من تعلق بشي جعله الله سبب عذابه .
اللي يتعلق بالمال يخسره واللي يتعلق بحبيب يهينه واللي يتعلق بولد يموت صحيح احنا بشر تحكمنا مشاعر لكن احط لهالمشاعر حدود بمعنى اي شي واي شخص يتعبني اشيله من حساباتي .
انا كثر ماتعلقت بأبوي بغيت انجن يوم توفى قعدت سنه كامله ماصلي فرض فيني غضب وزعل الى ان جاني موقف يوم كنت مسافره برا السعوديه وتعرضت لعملية نصب سيئه وكنت بدخل بورطه كبيره من غير شعور قمت توضيت وفرشت شرشف الاوتيل حتى مامعي سجاده وصليت ودعيت ربي انه يطلعني من هالازمه بغمضة عين تغير كل شي وانتهى الموقف بخير .
بعدها عرفت ان ابوي من الله والله خذاه لكن مالي بهالدنيا قوي غير الله هو اللي بيده فرحي وحزني وفرج همي . اقتنعت وارتحت ورجعت لصلاتي يارب لك الحمد .
كثرت عليك الحكي سامحيني لكن انا اكبر منك سنا وحزينه انك بهالسن وتعانين .. انطلقي وقولي انا استعد للفرح والحياه وخلي بكره لبكره وامس انسيه تماما ولو طرالك غصب قولي طز .
ربي يوفقك

ظل امرأة معجب بهذا

تقبل الله صيامكم وقيامكم وكل عام وانتم بخير

ظل امرأة معجب بهذا

وانت بألف خير اخي اندريه

يسعد مساك ومساء الجميع ..واضحى مبارك ان شاءالله

اندريه معجب بهذا

المشاركة الأصلية كتبت بواسطة غيـمة فرح

الا فهمت عليك يابعد الدنيا
فعلا العوائق والحواجز .. هي الطامة تربط الواحد
واحد اكبر عيوبي ما اعرف اتصرف لحالي.. واشك كثير
واحيانا افسر الامور بمفهوم خاطىء
ماعاد افهم وش الصح !
لاني متربيه ومتعوده .. من وانا صغيره اتلقى توجيهات
افعلي كذا او لاتسوين كذا .. هذا زين .. هذا شين
لا هذا صح .. لا هذا غلط... ونقد في نقد
ودايم اي شي اسويه.. حتى لو بسيط !
لازم يطلعون فيه اخطاء وعيوب
شخصيتي صارت .. شخصية تابعه ولوامة
صرت ما اعرف اتصرف من نفسي
واشياء كثيره متوقفه بحياتي .. بسبب الخوف

حاسه بتذبذب وما ودي اتكلم بامور اكبر تضايقني
صرت احب احساس الضعف امام ربي وبس
ولا ودي اضايق وانكد على احد
خلونا نبتسم ونرضى بما قسمه الله .. وننسى مايكدرنا

انتي ماشاء الله تخصصك علم نفس 👍
بس الاحظ اكثر المتخصصين بعلم النفس هم اللي معرضين للاضطرابات النفسيه
مدري لان عندهم علم واطلاع زائد
تدرين احيان كثيره .. الجهل ببعض الامور نعمه
احيانا كثيرة ،، مابي اتعمق وافتح ابواب
عن الاضطرابات النفسيه
عشان ما اضيع بمتاااهات

وترى اسلوبك مفهوم ، جدا سلس وبسيط بدون تعقيد
وارفع لك القبعة ، احترام وتقدير يامبدعه 😘
الله يسعد قلبك💕

غيمه انا احس فيك طاقه مكبوته او مكنونه يعني الا الان انتي ماعطيتها المجال تطلع منك وتبدعين فيهااا
تراك منتي هينه والله منتي هينه صاحبه فكر صاحبه راي صاحبه حكمه عطي عطي مابداخلك وانطلقي للحياه

أمس وديت أختي للسوق المهم قاعد أنتظرها برى رحت البوفيه و تعشيت و قعدت ع الرصيف أقلب الجوال المهم كلمتني أجيها المهم قطعت الخط و في سيارة وقفت لي و في سيارة شطفتني من جنبها متهور و بغى يصدمني و أنا على رجلي أبي السيارة المهم إنقهرت منه و قعدت أسبه و أنا أناظره وقف الزلابه و نزل القزازه سبيته بألعن سب فتح الباب و يعنني بيطلع شي من السيارة عجرة أو سكين قال أنت قدها و السيارة الآخرى يقول الرجال فيها أذكروا الله يااخوان حصل خير

أنا ما طقيت خبر لو أهاوشه بايعها بس خايف يركلني على ركبتي و آكلها خابور لأنها قاعدة تآلمني و تو الكسر أخضر ما أستقوت الصابونه المهم تركته و لما تركته قال ترى لا أصفقك على وجهك رحت مشيت و خليته و رحت للموتر و خذيت أختي و مرت السالفة بخير

أنا اللي زاد قهري كان بيصدمني و ركبتي بتروح فيها
ناس آخر زمن ودك العينات ذي تمحطها بالعقال لين تحترم الطريق و الناس
ليت ركبتي ماهي مكسورة و الله لأوريه نجوم الظهر أستغفر الله بس

مساء الخير و كل عام و أنتم بخير و عاد عيدكم بالخير و المسرااات و الفرح و الشفاء و القوة و النصر و الرضا و الطأنينه و السعاده

السلام عليكم

كل عام و الجميع بخير و الأمة الاسلامية بخير و سلامة و قبول و نعيم

الحمد لله على سلامتك أبو نجلا

وسع صدرك دام جات سليمة الحمدلله

اوقات الواحد يوم يشوف ذا التهور يتخيل إنهم يتعاطون ، لأنك بالفعل تراهم بايعين حياتهم و حياة الآخرين بعلبة بيبسي ، و هذا اللي خلاني إلى الان مترددة أسوق

ما عندي احد من اخت او اخ او قريبة او صديقة يجسرني و يقوي قلبي ، و لا ظروف الطريق أصلا و المواقف أعلاه تساعد

واحد من كفرات السيارة شفته منسم من كم يوم من الوقفة حز في خاطري كثير

دعواتكم يقوى قلبي و يحل عني رهاب الخروج

و بالنسبة للبسوس عندي واحد اسمه غالي يعاني من تلف في وظائف الكبد و الكلى و البنكرياس يوم سويت له التحاليل من اسبوعين لانه قبلها قعد حول اربع ايام طايح ما ياكل و وديته

الحين يبي يكمل اسبوعين على وضعه لا حي و لا ميت ما غير منسدح يقلب عويناته عايش على السوائل المغذية اللي اعطيها اياه كل ساعتين ثلاث و المشكلة و لا يشتهي الأكل ابد

سبحان الله ذكرني بالوالد الله يرحمه قبل نكتشف سرطان الكبد كان ما يشتهي الاكل ابد لين توفى بعد ذي الاعراض بعدة أشهر الله يرحمه و يرحم موتى المسلمين

المشاركة الأصلية كتبت بواسطة قطرات الندا

ابو نجلا شلونك ؟
عندي لك بشاره هيئة الدواء والغذاء اصدرت موافقتها على استخدام التحفيز المغناطيسي للدماغ في علاج الاكتئاب والحزن والشقيقه والان توصلو انه يعالج الوسواس القهري بشكل ممتاز وراخ يستخدم بمستشفياتنا قريبا .
طبعا مو جلسات كهرباء لا شي ثاني بسيط ومريح اذا تبي تعرف عنه اكثر ادخل تويتر على الدكتور وجدي مختار وتلقى الموضوع بالتفصيل .
ياويلك لو تقولي ياقطرات ماراح ينفع ترى بجي ادبج ركبتك الثانيه 😂😂😂 دائما خلي عندك امل من كان يتوقع قبل ٣٠ سنه عمليات الليزك بالعين اللي تعيد النظر ٦ على سته ؟
قريب راح تبشرني انك خطبت بنت الحلال وبتعرس وتعزم ال نفساني على عرسك وعقب سنه بنشوف ورعانك يطامرون عندنا قل يالله بس

بخير يا وجه الخير طيب و مجاهد
تذكرين الصندوق اللي في الأسلحة
كل مرة أشطف عليه مرة شطفته و لقيت بدال القفل قفلين و آخر مرة ما عاد شفت الصندوق دروا أبناء اللذينا :) و الله حزنت على نفسي و الصندوق ليش كذا تشيلون حبيبي عن عيوني

حلو ذكرتيني عن التحفيز المغناطيسي راح أطلبهم و إن ما لقيت عندهم بالله إسألي دكتورك عنه إذا كان موجود عندهم راح أروح لهم مركز السلامة

راح أدخل على تويتر و أشوف التفاصيل و حفظت إسمه بجوالي هو و داير واين و راح أتابعهم

دام داير واين أنجب في الثمانين راح أتفائل بعمري إن شاء الله و يا رب تحقق دعوات هالبنت النشميه

يا رب

و الله يرحم موتاكم و يسكنهم فسيج جناته أنتي و عيون متفائله و أنثى الجدي و أبو عبدالرحمن و لولو

ياويلك لو تقولي ياقطرات ماراح ينفع ترى بجي ادبج ركبتك الثانيه 😂😂😂

يا ويلي خلاص على خشمي

ما شا الله بكالوريوس علم نفس الله ينفعنا بفوايدك و إشاراتك

و الله إنك قويه ما شا الله عليك و هنيئا لك هذي القوة و هذا الأمل و التفاؤل و المعلومات الزاخرة بالفوايد

المشاركة الأصلية كتبت بواسطة حمال الأذية

أخي الكريم أبو نجلا..... الله يعوضك خير إنشاءالله عما عانيت في هذه الدنيا الدنيئة..... ومن منا من لم يعاني من أقاربه وأهله إلا القلة القليلة..... وعسي ان تكرهوا شيئا وهو خيرا لكم وكم من متزوج لم يري طعم الراحة مع زوجة ظالمة وقاسية وهمها الدنيا وجمع المال والسفر ولو علي حساب راحة زوجها المسكين..... كونك مظلوم افضل من تكون ظالم.... اللهم اجعلني مظلوما لا ظالما يا رب.....

أنت تقولها بالعكس أنا متيقن لو اني متزوج ذيك الفترة راح أكون بسرور لا نهاية لها و خلها تكون ظالمة و قاسيه راح أعفس رقبتها و أطوعها أهم شيء عندي زوجه و أفتخر فيها و بعيالي و أشوف طلتهم كل حين و حين
خلها تطلب عيوني و تسرقني عادي و أسفرها وين ما ودها أفديها بروحي

اللهم لا تجعلنا لا ظالمين و لا مظلومين ( و أنصرنا على من عادانا و إجعل ثآرنا على ظلمنا و لا تسلط علينا من لا يرحمنا ) هذي دعوات الرسول اللهم صل و سلم عليه في دعاء مقدمته اللهم أقسم لي من خشيتك ما تحول به بيني و بين معصيتك

حذاري تقول اللهم إجعلني مظلوما لا ظالما

و الله يشفيك و يقويك و ينصرك و يسعدك حمال الأذيه

المشاركة الأصلية كتبت بواسطة غيـمة فرح

ابو نجلا وقطرااااات 😢😢😢😢
لا تقلبون المواجع ارجوكم
الاسى والحزن متشبع في كلماتكم😞
قلبي والله مايتحمل ضربتين
وهالشي يضايقنا كلنا كإخوة
والله نتألم لألمكم .. وننجرح لجرحكم ..

وصعب جدا ويعز علينا نقرأ وجعكم
ومانقدر نسوي شي
ومابيدنا شي الا ندعي لكم بجوف الليل
لان ما أظن فيه كلمات بتواسي اكثر

وترى للقرب من الله لذه وراحة
وشعور الالتجاااء لله وحده ..
والاستغناااااء .... عن النااااس والدنياااا
شعور ما يوصف ماله مثيل ..
يعني الواحد يوصل لمرحلة انه يشوف الدنيا صغيررررره وتافهه
وماتسوى اي ضيق وزعل
هذي هي السعاده الحقيقيه .. بالرضا والتسليم وحسن التوكل على الله

سلامة عمرك

وش نسوي يا هديل كل إناء بما فيه ينضح

تسلمين ربي لا يوريك مكروه بنفسك و بعزيز و حبيب على قلبك

الله يقويك و ينصرك و يسعدك

المشاركة الأصلية كتبت بواسطة * لـولـيـتـا *

ههههههه ياحليلك اجل للامام سر والخلف ههههههه
من جد والله نحتاج نمشي كلنا سيده ولانفكر نرجع وراء
عاااالي انت لاتفكر بمواقف البايخه الللي صارت بينك وبين ابوك لان هذي الشيطان يكبرها بعقلك ويخليك تحقد وتنقهر وتحزن الشيطان يعجبه هالشي يحب يشوف البني ادم حزين ويدخل له من مداخيل زي هذي عشان يجره فانت استعذ بالله منه بيجي يوم وتتزوج صدقني بكره عرفه استغله بالدعاء والح فيه وكثر دعوات ربي مايخيب رجاء احد ان شاء الله
والله كنت اتمنى احج هالسنه بس ربي ماكتب والا كان رحت ودعيت لكم مثل مادعيت في العمره
وزين رجعت عالي اللي نعرفه لاتزعل نفسك بسبب افكار شيطان يحطها بعقلك

يآلله تسلمين على القلب الطيب و الحنون يالولو
ههههههههههه يا رب أرجع أحسن من علالي أووووه أثري أنا عالي ما دريت إلا الحين :) والله ناسي نفسي كثير الله أكبر على الحزن و يسلط عليه

المشاركة الأصلية كتبت بواسطة عبدو عمر

السلام عليكم
مساء الخير على الجميع
كيف حالكم اخواني اخواتي
بالتوفيق دائما

عليكم السلام

هلا عبدو عمر يالله حيه

تسأل كيف أعيادنا

يصلون العيد ثم يرجعون يحدون و يسننون سيوفهم بالضعيفات الذبايح و يذبحونها و في أثناء الصلخ و الدحس و التقطيع يآكلون الكلاوي نيئه ثم يعطون النساء شيء من اللحم و الكبدة و الأمعاء و الكرش و يطبخون طبخه الفطور وهي ما تسمى بالمقلقل مليء بالمرق مع الشاهي أو البيبسي ثم ينامون إلى العصر ثم يبدا السلام و المعايدة

ثم الإجتماع و عزيمه ( عيد اللحم ) عند فلان عشاء و اليوم الآخر عند فلان و هكذا حتى إنقضاء العيد

بالتوفيق دائما :)

المشاركة الأصلية كتبت بواسطة غيـمة فرح

‏

ايه قطرات تكفين اذا ماسمع كلامك وجرب هالعلاج
ادبجي ركبته وانا بدبج راسه بالمشعاب 😂

ويارب نشوفه معرس ومعه فروخه 🐣🐣
وراح نسوي له اكبر حفله هنا
وانا بصير المطربه 🎤 🎶
بس هاه بفلووووس انا مافيه شي بلاش عندي 😑

حرام عليكم هههههههههه يكفي عقال أبوي و تمسطيه لي و لا سمعت كلامه أبد تجون أنتم تآخذون محل أبوي ههههههههههه

يا رب يحقق دعواتك يالنشميه

المشاركة الأصلية كتبت بواسطة عبق الذكريات

صباح الخير يالاحبه

صباح الإصباح و المصباح و الصبوح عليك يا بو فايز الغالي

المشاركة الأصلية كتبت بواسطة عبق الذكريات

اللهم ارحم لمن استاقت لهم انفسنها وابدلهم بدار خير منها

اللهم آمين يا رب و يرحم الأحياء منهم

المشاركة الأصلية كتبت بواسطة قطرات الندا

ابو نجلا ذكرتني بفيلم الرساله 😂😂😂
داير شنو يازول داير نبيذ ويحك يا وحشي سوف اكسر ركبتك الاخرى الى ان تتوب وترجع الى دين ابائنا .
الله يوسع صدرك بالعافيه ضحكتني وانا ميته جوع .
على طاري الجوع بفطر مكرونه بسم الله على قلبي وبطني

:) الله يسعدك وش أسوي هو داير يعني يبغى بلهجة السودان و الواين نبيذ

الله يسعدك يالغاليه قطرات الندا

المشاركة الأصلية كتبت بواسطة محمد البدراني

صبااااااااااااااااااااااااااااااحوا جميلا لكل الاحبة

هلااااااا لولو موجود يا غالية بس كسل وخمول

هلااااااااا حبيب قلبي خااااااااااااااالد بشر عنك

هلااااااااااا بالجميع


وكل عام وانتم بخير

تقبل الله منا ومنكم صالح الاعمال

هلا أبو عبدالرحمن الله يشفيك و يقويك و ينصرك على المرض و العدو و يسعدك

و عاد عيدك بالخير و الطيبه و الرضا و الطمأنينه و كل عام و أنت بخير

المشاركة الأصلية كتبت بواسطة اندريه

صباح الخير والاحساس والطيبه صباح ما يليق الا باحبابه

المشاركة الأصلية كتبت بواسطة * لـولـيـتـا *

‏صباح يوم التاسع من ذي الحجه
‏صباح الغناائم
‏صباح يوم الصوم
‏صباح يوم التسامح
‏صباح يوم الدعاء
‏صباح يوم المغفره
‏صباح يوم العتق من النار
‏صباح اليوم = سنه قبله وسنه بعده
‏لا إله إلا الله وحده لا شريك له له الملك وله الحمد وهو على كل شيء قدير

اللهم آمين يا رب

المشاركة الأصلية كتبت بواسطة عيون متفائلة

السلام عليكم

آه يا لوليتا الصيام قهر : (
ربي ما كتب .. دعواتكم

هلا بكم جميعا يا من لا تغيبون عن البال و لا انساكم من دعائي

ودي اذكركم فردا فردا بالاسم و لكن أخاف تخونني الذاكرة و أنسى اسم

أهم شي ندعوا لبعضنا اليوم و لاحبابنا و جميع المسلمين الاحياء و الميتين و نكثف الدعاء من بعد صلاة الظهر لقبيل صلاة المغرب و ربي يحقق الأماني و يتقبل من الجميع و يكون العام القادم عام خير و بداية السعادة الموعودة في الدنيا و الآخرة

اللهم آمين

هلا بك بسمه و يالله حيها لك شوق وين مغيبه يا بنت الأكارم
تسلمين يالغاليه

المشاركة الأصلية كتبت بواسطة حمال الأذية

كل عام وانت بخير يا البدراني..... اللهم شافي كل مريض في هذا المنتدي وخارجه يا رب..... اللهم اكشف هذه الغمة عن هذه الأمة يا رب.....

اللهم آمين

المشاركة الأصلية كتبت بواسطة عيون متفائلة

السلام عليكم

كل عام و الجميع بخير و الأمة الاسلامية بخير و سلامة و قبول و نعيم

الحمد لله على سلامتك أبو نجلا

وسع صدرك دام جات سليمة الحمدلله

اوقات الواحد يوم يشوف ذا التهور يتخيل إنهم يتعاطون ، لأنك بالفعل تراهم بايعين حياتهم و حياة الآخرين بعلبة بيبسي ، و هذا اللي خلاني إلى الان مترددة أسوق

ما عندي احد من اخت او اخ او قريبة او صديقة يجسرني و يقوي قلبي ، و لا ظروف الطريق أصلا و المواقف أعلاه تساعد

واحد من كفرات السيارة شفته منسم من كم يوم من الوقفة حز في خاطري كثير

دعواتكم يقوى قلبي و يحل عني رهاب الخروج

الله يسلمك يالأخت الغاليه بسمه

الله يشفيك و يقويك و ينصرك و يسعدك

أنتي تفائلي خير هذا قبل كل شيء و السواقه طيبه أشوف حريم متنقبات و يسوقون يا كم شفت منهم كثير الله يستر عليهم

أنتي كلمي اللي تعرفينها تسوق و تعلمك السواقه و بعدها راح تستمتعين شوفي قطرات الندا ما شاء الله عليها تسوق

إذا تعلمتي أولويات السواقة سوقي بآخر الليل بالشوارع الغير مزدحمة و خطوة خطوة راح تكون السواقة في الأماكن السريعة و المزدحمة سهلة

الله يقوي قلبك و يسخر لك كل خير و يشفيك

يلا تشجعي و خلي أخوك معك البيت بحاجة لك

المشاركة الأصلية كتبت بواسطة عيون متفائلة

و بالنسبة للبسوس عندي واحد اسمه غالي يعاني من تلف في وظائف الكبد و الكلى و البنكرياس يوم سويت له التحاليل من اسبوعين لانه قبلها قعد حول اربع ايام طايح ما ياكل و وديته

الحين يبي يكمل اسبوعين على وضعه لا حي و لا ميت ما غير منسدح يقلب عويناته عايش على السوائل المغذية اللي اعطيها اياه كل ساعتين ثلاث و المشكلة و لا يشتهي الأكل ابد

سبحان الله ذكرني بالوالد الله يرحمه قبل نكتشف سرطان الكبد كان ما يشتهي الاكل ابد لين توفى بعد ذي الاعراض بعدة أشهر الله يرحمه و يرحم موتى المسلمين

ليش ما سميتيه عالي عشان لا مات بموت وراه

لا لا تكفين لا تشيلين النقطة من غالي و أصير سميه إمحق من سماوه أنا تريني كاره إسمي جاي عكس تماما ههههههههههه الله يشفيي غاليك يا رب ما يشوف باس

اللهم أغفر للمؤمنين و المؤمنات و المسلمين و المسلمات الأحياء منهم و الأموات

قريت المشاركات ومافيه ارد😵
سامحوني
بالي مشغول وقاعده افكر باشياء اعوذ بالله

لما اجي انام تجيني افكار تخليني اخاف اغمض عيوني وانام
اعوذ بالله


ابونجلاء الحمدلله على السلامه
كويس انك طنشته ومشيت لان اللي زيه
مايتفاهم مالهم عقول والا مايمشون هالمشي ومايحسبون حساب حياة غيرهم

حزين و اليوم عيد و الناس تعايد

أتذكر أعياد و أنا صغير قبل لا يحل العيد بشهر أتجهز له من شهر و فرحان وشفقان له و ولهان

عسى الله يهون علينا أجمعين

كل عام و أنتي بخير آنسه ياسمين

الله يسعدك دوووووم و يخليك لنا يالمهرة الغاليه الأصيله