![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
![]() |
|
أدوات الموضوع |
![]() |
#34006 |
( عضو دائم ولديه حصانه )
بنت الكرام ![]() |
الله يرحم الوالد و يحفظ الوالدة لولو
تدرين لو ما عنده القصور الذهني ما كان خفت لأنه وقتها يتحمل ما يجيه و ذنبه على جنبه، لكن وش ذنبنا نروح كلنا غلطة بسببه و ذاك وجه الخير مريض الفصام بسبب ادوية الفصام على طول نايم ما يدري عن شي حبيبي ربي يعافيه، وش ذنبي انا و اياه يصير لنا شي من وراء ذاك الارعن و امه اللي تشجعه بالله انا تعبت من القلق و التفكير و الأرق |
![]() |
![]() |
#34007 |
مراقب اداري
فانز ظل إمرأه
![]() |
هذا انتي قلتيها عنده قصور ذهني يعني مريض
يعنى تصرفاته مو بايده وطبعا امه بتكون معه لانه باختصار ابنها وهي ام طيب عشان ماتحتكين فيه وترتاحين وبما انك تحبي المساعده وقلبك يتالم اذا شفتي احد يتالم حاولي تعملي اشياء تطوعيه يعني اخرجي مع فرق تطوعيه راح تحبي هالمجال وتنفتح نفسك انا ودي اسوي هالشي بس شايله هم مين فاضي يودي ويجيب زمان كنت اشتغل بالجامعه بس ماكملت تصدقي انا امي صعب التعامل معاها صرت مدري ايش يرضيها وهي زعوول وانا اذا زعلت اظل الوم نفسي ليش وليش مع اني اكون سويت وحاولت ارضيها بس هي تعند الله يهديها ادعي لهم بالهدايه ياعيون |
![]() |
![]() |
#34010 |
( عضو دائم ولديه حصانه )
بنت الكرام ![]() |
الله يعين لوليتا ما لنا وياك الا الصبر لكن إلا فيما يهدد الحياة و الأمن ، يعني الواحد يسكت لين نغرق كلنا ، ذاك وجه الخير حبيبي من كثر ما كانت تحرض الوالد الله يرحمه عليه من صغره جابوا له الفصام غير محاولات الانتحار من سن المراهقة
و كل ما جيت أتدخل صرت من المغضوب عليهم ، عشانه طيب و ما يحمل في قلبه مكر و اذى لمخلوق تسلطوا هم و الدنيا عليه . أنا متأكدة لو عاش في بيئة بعيدة عن المشاكل تبي تتحسن نفسيته ، لذلك صارت أمنية حياتي إني وياه نبعد عن المشاكل و الشحن النفسي اليومي اللي دمر كل شي فينا و نعيش ببيت مستقل لو جنبهم بس أهم شي أحس بالأمان و هذاك قلتيها العناد سبب كل الشرور و الدمار و المصائب لأنه يورث الكفر و العناد و الانتصار للرأي يعمي البصيرة عن النظر للعواقب و بالله تقولين اخرجي كيف اخرج و انا رهاب الخروج اللي غزاني من سنتين يبي يقضي علي ، انا داخل البيت اشعر بخوف من السطو كيف لو أخرج و تقولين عقله تعبان ما منه ضرر أقلك هذا لو ما يخرج ، لكن هي تسمح له بالخروج و يخالط كل من هب و دب و هذا اللي يرعب ، انت ما تشوفين يوم يجي من برا وش جايب معاه كان نشف دمك مكانك ، و اوريها اقول شوفي وش جايب تقول ما لك صلاح ولدي مو ولدك ، يشهد الله لو ما كانت بهذي الطريقة معاه ما صار كذا و تخرب كل علاقة طيبة ابنيها معاه ، لو نمشي انا وياه على خطة معينة بحيث يترك اللي يضره ممكن يستجيب لكنه ما يصمل فترة طويلة بسببها خربت خلاص عنده موازين الخير و الشر و اختلطت عليه الأمور يوم يشوف واحد يبني و الثاني يهد و ليس الذي يبني كمن شأنه الهدم انا مدري وش اقول حتى توصل الفكرة ، يعني لازم افضح فينا حتى يظهر أن الموضوع جلل ما هو بسيط ، يعني يوم تلقين بيوم علبة غرا موكيتات تحت سريره و ربي يوم اراد لقيتها ، هذا كله من اللي يماشيهم ، هل انتظر بيوم يجون يسطون علينا مثلا و اقول الأمور سهالات |
![]() |
![]() |
#34011 |
( عضو دائم ولديه حصانه )
بنت الكرام ![]() |
الواحد لو ما حس بالأمان في بيته وين يبي يلقاه
الأمن اللي من الحاجات الرئيسية الأربعة اللي يحتاجها أي مخلوق قبل فترة قرأت حادثة حصلت لعايلة بسبب خطيب بنتهم المجرم، تخيلي هذا و البنت بكامل قواها العقلية و البيت مليان رجال من أخوان و اب و مع ذلك سطا عليهم مع مجموعة و قتل و خرب حياتهم، هذا و هو خطيب ما هو زوج حتى كيف ذا اللي يسرح على كيفه بدون محاسبة كله لاجل اغاظتي و قهري و تدمير معنوياتي فوق ماهي مدمرة أنا عارفة و مقدرة انه اجتماعي و ما يطيق قعدة البيت، خلاص هذا طبع سيء و تعود عليه لذلك كنت اسوي برامج كثيرة له و كنت اخرجه في كل مكان بس الحين مع رهاب الخروج تقيدت ، حتى السيارة ودي اسوقها عشانه لاني غير إني راح أشبع فيه رغبته للخروج يبي يبعد عن كل من يحرضه على الشر من اللي يماشيهم و مستغلين قصوره الذهني حسبهم الله و نعم الوكيل اللي يقهر إن حتى الدخان ممكن يقطعه بالشهور الطويلة الحمدلله و احيان سنة و سنتين ما شاء الله بدليل انه مو ادمان عنده كن من يوم الوالدة تتدخل يخرب كل شي الولد يجي منه و بالتشجيع و المتابعة يتعدل لكن ما لقي حوله ناس تستشعر حجم المسؤولية و عظم الأمانة و يتكاتفون كلهم من اجل اصلاحه و ينظرون لمصلحته بدال العناد و الكيد اللي جرح قلبي و ملاه قيح و صديد و بنفس الوقت دهور سلوكه |
![]() |
![]() |
#34012 |
( عضو دائم ولديه حصانه )
بنت الكرام ![]() |
انا صرت زي الأم اللي ودها تشرد عن عيالها لانها تشوفهم يتعذبون من أب ظالم و ما بيدها حيلة تدفع الأذى عنهم و هذا الشي يزيدها عذاب لدرجة الهلاك ، بل على العكس يكيدها و يقهرها فيهم بزيادة التسلط عليهم لين افقدهم عقولهم
و بعض الاباء من زود الاجرام حتى يفقدون الضعوف حياتهم نكاية في الامهات و شفنا حالات كثير قرأنا عنها و صارت قضية رأي عام الدنيا تخوف و بعض الناس في سبيل المكايدة و العناد عندهم استعداد يسوون اي شي نسأل الله السلامة لذلك ما قيل العناد يورث الكفر من فراغ يا الله نطلبك من النكبات تأمنا و تحفظ علينا ما بقى من عقولنا و تهدي ضال المسلمين إنك على كل شي قدير |
![]() |
![]() |
#34013 |
مراقب اداري
فانز ظل إمرأه
![]() |
لاحول ولاقوة الا بالله
ياعيون مدري ايش اقولك الله يكون بعونك ويحميك طيب حاولي تقفلي على نفسك الغرفه انتي واخوكي ولاتطلعي الا للضروره مع ان هذا غلط بس لانك خايفه على نفسك من اخوكي او ابني لك غرفه بعيده عنهم وقولي ابغى ارتاح الله لايضرك ان شاء الله يحميكم ويهدي لك اخوكي |
![]() |
![]() |
#34014 |
( عضو دائم ولديه حصانه )
بنت الكرام ![]() |
هلا لولو أطمئني قلبي ما هو لدرجة الاعتداء البدني لا لا
حتى عينه حبيبي ما يستطيع رفعها فيني ، الولد على الفطرة بحكم قصوره الذهني عرفت يعني يجي منه يوم يلقى نصح و توجيه و يميز هذا صح و هذا غلط الحمدلله، لكن ما دهوره غير التناقض في التربية و كونه يثق في كل مخلوق يعني مندفع، لو يجي اصغر واحد يقله ابلع ذا اتحداك يبلعه بدون تفكير يعني لازم ناصح أمين يرافقه و يخاف الله فيه و بنفس الوقت العين ما تغفل عنه نفس الاطفال بالضبط بالرغم من طوله الفارع و هيئته المهيبة و وسامته الظاهرة ماشاء الله بحيث تشوفينه من بعيد تقولين ما بوه شي لكن من يوم يهرج كلمتين تظهر الخوافي حبيبي ربي يعافيه و يجنبه الشر و الأشرار و يبصر الوالدة و يرشدها للتعامل معاه على الوجه اللي يرضي ربها و ضميرها و تتعاون معي على حمل الأمانة و مسألة السطو الله يكفينا شرها تبي تكون بدون قصد اكيد من شدة ثقته في اللي يسوا و اللي ما يسوا ممكن يتصرف تصرف غير محسوب يدهورنا كلنا هذا اللي مارقني و مزود علي الرهاب |
![]() |
![]() |
#34015 |
( عضو دائم ولديه حصانه )
بنت الكرام ![]() |
هو يوم كان الوالد الله يرحمه عايش كان يروح معه كل مكان، حتى يوم الوالد قبل وفاته بعام كان يبني بير في ديرتنا اللي بالمدينة لوجه الله كان مرافقه طول ذيك الفترة و فجأة لقي نفسه بالبيت
و أنا بعد وفاة الوالد الله يرحمه كنت تقريبا يوميا نروح وياه مع السائق فترة العصر نقعد عند شاطئ البحر معي سنارة الكروشيه و خيوطي و أحيك كل يوم قطعة و قدامي ترمس الشاهي و نصلي المغرب و نضوي للبيت انا حتى السواقين صرفتهم و اعتمدت على مواصلات كريم كله بسبب انهم يساعدونه على الشر و يوفرون له بكتات الدخان حتى يناصفونها بينه و بينهم و يدخنون على حسابه الله ينتقم منهم ما عاد أثق في أحد و حسبنا الله و نعم الوكيل الحين مع الرهاب تقيدت و قيدته معي ، ودي اسوق عشانه و الا المستلزمات نتصل على البقالة يوصلونها يعني سهالات |
![]() |
![]() |
#34016 |
( عضو دائم ولديه حصانه )
بنت الكرام ![]() |
شفت يا لولو لو كان ولدي و ما في تدخل يدهوره و يخليه يعجز عن التمييز بين الخير و الشر كان نفع نفسه و نفعنا بدال اتابعه و اخاف عليه
لأن قصوره الذهني ما هو ذاك الشديد، كأنك تتعاملين مع طفل ابو سبع سنين بالضبط، حتى يفرح بالحلويات و تسالي الصغار أجيب له منها و اطلعها له اذا أحسن التصرف و حنون على القطط ماشاء الله تبارك الله على الفطرة و قابل للتوجيه و التدريب و يوم انصحه و يعرف خطؤه يجي يقبل راسي لكن مهنا مساعد و الله المستعان |
![]() |
![]() |
#34020 |
( عضو دائم ولديه حصانه )
بنت الكرام ![]() |
مدري ليش الخلايق كلهم نياما و الا انا اللي نومي ملخبط
معقول كلكم عندكم مدارس و دوامات حتى عسل ما جات اليوم اكمل علاج خدها مع اني امس نومتها عندي و رغم ذلك يوم صحيت ما لقيتها و ان حكرتها على الاقل كم يوم على بال يبرا جرحها اخاف تضوي و لا عاد اشوفها لانها من النوع الزعول الخواف و المشكلة الخراج غاير تقعد تحكه و يصب دم الله يستر عليها و يردها سالمة |
![]() |
![]() |
الذين يشاهدون محتوى الموضوع الآن : 93 ( الأعضاء 1 والزوار 92) | |
عمار البحرين |
|
|