يوميات المكتئبين تعال نسولف

[مراقب بالرادار]

لا مو زعلان من أحد بس هو ألقى القنبله عشان ما تنفجر في يده ويموت فقال يرميها و لسوء الحظ كانت رميته في موقع مكتظ من البشر و أبشرك أصدرت الوزارة بيان بتبرئته أما المجني عليهم فلم يتعرفوا عليهم و يمكن يكونون من آل نفساني ما أقول إلا الله يرحمهم :)

[مستكفّة]

الله يصلح الحال

طيب و محمد البدراني ؟ تتواصل معه
ترى فكرة ان كل من غاب عن المنتدى شفي او مستغني او مبسوط خاطئة مو الكل

الله يحفظ الجميع فين ما كانوا ..

عاجبني عدد زوار الصفحة ما شاء الله هم تقريبا نفسهم اللي متابعينا كل يوم

[مراقب بالرادار]

المعروف عن العناكب تبني لها بيوت مرتفعة عن الأرض لإصطياد فرائسها أما عنكبوت يحفر في الارض ههههههههههههههه الله يقطع إبليسك على فكرة هناك معلومة عن بعض العناكب و هي تشبه إلى حد ما هذا العنكبوت المصور
لكن أكبر منه و هو أبدا ما يحفر الأرض بس بينه و بين العقرب صداقه و ربما يخرج هذا العنكبوت من جحر ليس له فيتوهم انه هو اللي حفر الجحر

هذا العنكبوت اللي خوي العقرب يسمونه شبث أو سطحة العقرب :) شفتي كيف النسيج في التحليل هههههههههههه

[مستكفّة]

انا اشوف هالعناكب في الأفلام بس مدري عنها
عموما معلومات حلوة منك تسلم والله

[مراقب بالرادار]

صادقه في كلامك بس بعضهم فترات يتواجدون و فترات يغيبون و هذولا مامن خوف عليهم بس اللي يغيب و ما هي عادته الغياب فهذا اللي ينحط عليه اليد في القلب و ان شاء الله يكونون بخير

[مستكفّة]

انا والله يا غامر مدري كم غبت و متى غبت و متى رجعت
عارف صرت اكره اركز في اي شي او احاول اتذكره
بس يوم رجعت حسسوني الاعضاء ان لي مدة طويلة غايبه

[مراقب بالرادار]

إن كان هناك شكر فالأولى تشكري مخي يا آنسة مستكفة

اليوم غبت عن الدوام و سبب لي أزمة و أظن قرار الفصل عن قريب الله يستر مع هذا متحمليني و الله ما ألومهم لو يفصلوني

أنا باخذلي شاي و أفكر شوي و أنام بدري عشان ما أسحب عليهم بكرة

[مستكفّة]

انت غايب معذور والرزق بيد الله مالهم فضل عليك يعني لو داومت وانت تعبان بتنجز شي ؟
وبعدين الشاي في هالوقت ما يسبب لك أرق المفروض تشرب شي يساعدك على النوم
الله يعطيك العافية و يقويك و يسهل دربك

[مراقب بالرادار]

لا يا مستكفه سالفة الغياب موجودة حتى في الأجواء فالجو الرومانسي ما يجي إلا بعد حر و رطوبه و سموم و إذا جا الغيم و المطر و الجو الزين راح المر و جاء الحلى

الله يعين بس أهم شيء الحضور يا مستكفة لا عاد تغيبين و الا عطينا خبر :)

يلا فمان الله ألتقيكم على خير و دمتم سالمين

[مستكفّة]

طيب بإذن الله
تصبح على خير و نوم العافية

[مراقب بالرادار]

المشاركة الأصلية كتبت بواسطة مستكفّة

انت غايب معذور والرزق بيد الله مالهم فضل عليك يعني لو داومت وانت تعبان بتنجز شي ؟
وبعدين الشاي في هالوقت ما يسبب لك أرق المفروض تشرب شي يساعدك على النوم
الله يعطيك العافية و يقويك و يسهل دربك

آه و الله تمنيت لو أنتي مديرة عملي كان عشت في جنة المشكلة غيروا وظيفتي و نزلوا راتبي لكن ما همني وش يسوون فيني غير الفصل

الشاي علشان التفكير و الإسترخاء قبل النوم

نوما طيبا سعيدا :)

[الوردي]

نوم الهنا يا حبيبي انا

شلون تبي تنام و انت شارب شاهي , الشاهي من المنبهات ههههه اشرب لك حليب دافي مع شوي زنجبيل هذا يخلي اعصابك هادئه باذن الله

احلام سعيده مراقبنا :)

[ظل امرأة]

ويا زين سواليفكم العنكبوتية يا مستكفة وراداراتو axs

ربي يسعد مساكم يا طيبين

وطبعاً الوردي منور المضافة بلا شكwewed

[بنت الظبي]

مرحبا بالجميع

اهلا ظل امرأه ومستكفه

ايام صعبه مريت فيها ولكن الحمدلله على كل حال

[ظل امرأة]

المشاركة الأصلية كتبت بواسطة بنت الظبي

مرحبا بالجميع

اهلا ظل امرأه ومستكفه

ايام صعبه مريت فيها ولكن الحمدلله على كل حال

اهﻻ حبيبتي بنت الظبي
الحمدلله على سلامتك
ما تشوفي الا العافية يارب
بعين الله على كل شي..