يوميات المكتئبين تعال نسولف

[قطرات الندا]

هلا وسهلا متأرجح
ابشرك اني بخير ونعمه من الله تمر اشياء بعض الاحيان مزعجه لكني اقلب صفحتها من راسي وتعدي لكني بشكل عام انا وضعي ممتاز بفضل الكريم .
انا استخدم كلاريتين مضاد هيستامين على طول لأن معاي حساسيه في الانف والجيوب الانفيه انزعج من الروائح والغبار والحمدلله تصدق انها تساعدني كثير يالذات بثقل الراس من العطاس والحكه ولكن يمكن جسم عن جسم يختلف .
على فكره فيه مضاد هيستامين اسمه كلارينيز هذا من اسوأ مضادات الهيستامين اللي جربتهم يعمل لي ارق وتوتر وضيق ولايفيدني بشي .
الحمدلله انك تحسنت ومن احسن لأحسن يارب .
ابو نجلا هلا وسهلا
والله انك بشرتني انك بتروح للدكتور علي السلامه الله يكتب لك معاه الشفاء التام والعافيه يارب .
ابو نجلا علمه انك عرفته عن طريق منتدى نفساني لاني اسولف له عن المنتدى واسأله عن الحالات اللي اقرأ عنها وهو يعرف المنتدى ويمدحه انه فيه ناس عندهم خبرات جيده .
ابو نجلا تراه دكتور هادي جدا لاتستغرب منه راح يقعد معاك ساعه يستمع اكثر من مايتكلم وبعدين يتناقش معاك لاتخبي اي شي فضفض كل اللي بقلبك وبحول الله انك بترتاح له .
طمني عليك امانه بعد الموعد

[كحيلان *]

بإذن الله قطرات راح أفضفض له كل اللي بقلبي و الله يوفقه لي و يلقالي كل حل و مخرج لكل نقطةمأثره فيني و كل أزمة عايشتها

أنا بكتب الفضفضه بورقة عشان إذا جيت عنده و ثم طلعت من عيادته ما أتحسف على شي كنت بقوله و لا قلته

أوك إذا سألني و قال كيف عرفتني بقوله عن طريق المنتدى و الناس تذكرك بالخير

و إبشري راح أطمنك بإذن الله

أنا الحين كليت علاجي و أبنام عشان أصحى بدري و أروح له

أشوفكم على خير 🌹❤

[مبتلاه بالهلع]

المشاركة الأصلية كتبت بواسطة الوردة المغربية

صار لي شي بمشاعري بخبش بجسمي

كثري من
الحوقله اذا جتك افكار بإذن الله تروح والله يكون بعونك

[قطرات الندا]

ورده مغربيه سلامتك الف سلامه
اقرأي سورة الشرح وخذي شاور بارد وبتشوفين كيف المود والانشراح ان شاء الله

[متأرجح]

المشاركة الأصلية كتبت بواسطة قطرات الندا

هلا وسهلا متأرجح
ابشرك اني بخير ونعمه من الله تمر اشياء بعض الاحيان مزعجه لكني اقلب صفحتها من راسي وتعدي لكني بشكل عام انا وضعي ممتاز بفضل الكريم .
انا استخدم كلاريتين مضاد هيستامين على طول لأن معاي حساسيه في الانف والجيوب الانفيه انزعج من الروائح والغبار والحمدلله تصدق انها تساعدني كثير يالذات بثقل الراس من العطاس والحكه ولكن يمكن جسم عن جسم يختلف .
على فكره فيه مضاد هيستامين اسمه كلارينيز هذا من اسوأ مضادات الهيستامين اللي جربتهم يعمل لي ارق وتوتر وضيق ولايفيدني بشي .
الحمدلله انك تحسنت ومن احسن لأحسن يارب .
ابو نجلا هلا وسهلا
والله انك بشرتني انك بتروح للدكتور علي السلامه الله يكتب لك معاه الشفاء التام والعافيه يارب .
ابو نجلا علمه انك عرفته عن طريق منتدى نفساني لاني اسولف له عن المنتدى واسأله عن الحالات اللي اقرأ عنها وهو يعرف المنتدى ويمدحه انه فيه ناس عندهم خبرات جيده .
ابو نجلا تراه دكتور هادي جدا لاتستغرب منه راح يقعد معاك ساعه يستمع اكثر من مايتكلم وبعدين يتناقش معاك لاتخبي اي شي فضفض كل اللي بقلبك وبحول الله انك بترتاح له .
طمني عليك امانه بعد الموعد

اللي اخذته انا كلارينز ههههههه

شكلي بجرب كلاريتين

[قطرات الندا]

اييييييه قول كذا متأرجح هههههههه
جرب الكلاريتين وراح تدعي لي وخليه عندك بالبيت دايم مثل البنادول اي بوادر احتقان او زكمه خذ حبه وسلامتك من كل شر

[الوردة المغربية]

اشكركم من قلبي والله .. سامحوني جدا ارجوكم لاني ما برد على كل واحد منكم لما يرد علي والله اني افرح اشد الفرح لما اشوفكم رديتو على مشاركاتي خصوصا لما اكون اتالم

[نجمة الفلك]

هلا بالجميع ...لي كم يوم ماانام انام ساعهواصحي من بديت بهرمون الغده بعد ماشلته واخذ قبل امس نص حبة ريميرون وانام نومه بس النفسيه امس منعفسه هذا عيبه انا ماادري كيف يقولون دواء للاكتئاب وهو يجيب الاكتئاب ..الله يعين احترنا بااعمارنا ماندري وش نعالج النوم والا الاكتئاب ... ابسالكم الله يعافيكم انا يمكن اروح للقاهره وش الدواء اللي زين للقلق والضيقه وموجود بمصر لاني قريت احد الاخوان كتب انه يوجد بمصر دواء زين بس ممدري وش اسمه شاكره لكم

[قطرات الندا]

سلامتك نجمه من كل شر
انا وصف لي الدكتور للقلق بوسبار وفيه كمان موتيفال لقيتهم بالقاهره لكن استشيري طبيبك افضل لانه عارف تشخيصك وحالتك .

[مبتلاه بالهلع]

اليوم النفسيه ماش من قوة ان النفسيه👎 اهلي يقولون سوي الشي الفلاني وهو شي مهم مره اقولهم لا 🙂 وبدم بااااارد احس بكتمممه شي يتحرك بجسمي تنمل فظيع كريه والحمدلله على كل حال

[مبتلاه بالهلع]

والم من الرقبه الى اسفل الظهر مع الاكتاف فظيع ولله الحمد والشكر في سراء والضراء😔💔

[لميا الحزينه]

طلقت الدنيا بالثلاث ماعاد لي أمل فيها أبد .. انتظر رحمة الله تنزل علي واتمنى الله يسامحني ويغفرلي ابي الله يهديني اتمنى الله يردني اليه ردا جميلا امين يارب

[قطرات الندا]

مبتلاه حبيبتي ترى حتى الانسان العادي اللي ماهو مصاب بهلع واكتئاب يمر بحالة ضيق وكتمه وقلق احيانا لاتنسين انك لسا بالدوا مابعد استقريتي .
لاتخافين ابد طنشي وكل ماجاك هالتعب اقلبي الصفحه .
ماتشوفين شر .
لميا الحزينه اسال الله العظيم ان يفتح لك باب فرج من حيث لاتحتسبي ويختار اللي فيه خيره لك انه ولي ذلك والقادر عليه

[محمد البدراني]

اسعد الله اوقاتكم بكل خير ايه الاحبة

اشتقت لكم جميعا

اتمنى تكون بخير ونعمه الله يرفع قدركم على راسي والله الغوالي

وشلونك اخبارك ابو نجلاء

[نجمة الفلك]

المشاركة الأصلية كتبت بواسطة قطرات الندا

سلامتك نجمه من كل شر
انا وصف لي الدكتور للقلق بوسبار وفيه كمان موتيفال لقيتهم بالقاهره لكن استشيري طبيبك افضل لانه عارف تشخيصك وحالتك .

هلا اختي قطرات ... الله يسلمك يارب ... انتي قصدك مايوجودون الا بالقاهره والا موجودين هنا وبعدين رايك يؤدون الغرض يعني تنفع للاكتئاب مع القلق لاني اعتقد القلق هو اللي سبب اكتئاب صار عندي خبره هههههه من كثر الادويه ...وهل هم زي زانكس تقريبا مفعولهم وعند تركهم لهم اعراض انسحابيه واهم شي يجيبون النوم ...كثرت اسئله بس بما انك تاخذينه ابشوف كيف مفعوله ...شاكره لك ياعيوني