زواج السعوديه من غير السعودي ( الأجنبي ).

المشاركة الأصلية كتبت بواسطة أصداف الحلم

اخويا ورقة العمدة ضرورية للخاطب والمخطوبة
مثلا انا جبتها على اني ربة منزل
وبتوقيع اخويا وواحد شاهد
ولان خطيبي من المدينة وانارمن جدة لما اتحولت معاملتنا للمدينة
الشرطة رفضو يفتحو المعاملة الا باثبات سكن وجابلهم من العمدة
عشان يتاكدو انه اقرب فرع شرطة
كونك انت وخطيبتك من نفس المدينة حيساعدكم في الوقت
انا بصراحة ماتدخلت تحاليلي في ورقة العمدة جبتها قبل تطلع نتيجة تحليلي
والله ييسر لنا كلنا يارب

بس هي موظفة حكومية وعندها ورقة تعريف فما اعتقد العمده مطلوب
حاليا اهم شي اروح بكرى برقم المعاملة واشوف كل المطلوب صح واذا ماعطوني اي تفاصيل هي تروح ان شاءالله

المشاركة الأصلية كتبت بواسطة توته محمد

اللي في المستشفى قالوا لبابا انه المعامله حتحفظ اكيد بسبب المرض
وحولوها من عندهم ما اعرف فين
اول ما يكون عندي اي خبر حخبركم
الله ييسر للجميع

اذا عندك رقم معاملة تابعي عن طريق موقعهم
هو المصيبة من اللي في المستشفى اذا هم الفاهمين يكتبوا للشخص الحامل لمرض والاخر سليم غير متوافق هم اللي يعقدوها الله يعقدهم
روحي للداخلية اذا حفظت ان شاءالله يمشوها لك وطمنينيا
في شي راح اقولوا للي حابين يقدموا جديد مدري اذا عندكم خلفية عنو او لا
لما خطيبتي راحت تقدم قابلت ناس قالولها انهم قدموا معاملتهم عن طريق الموقع وارسلوا كل الاوراق والخطابات من خلال الموقع المحافظة طبعا في جده
اسهل واوفر وقت خصوصا اللي مرتبطة بدوام وكدا ربنا يسهلكم ويسهل للجميع

المشاركة الأصلية كتبت بواسطة سكلنس

اذا عندك رقم معاملة تابعي عن طريق موقعهم
هو المصيبة من اللي في المستشفى اذا هم الفاهمين يكتبوا للشخص الحامل لمرض والاخر سليم غير متوافق هم اللي يعقدوها الله يعقدهم
روحي للداخلية اذا حفظت ان شاءالله يمشوها لك وطمنينيا
في شي راح اقولوا للي حابين يقدموا جديد مدري اذا عندكم خلفية عنو او لا
لما خطيبتي راحت تقدم قابلت ناس قالولها انهم قدموا معاملتهم عن طريق الموقع وارسلوا كل الاوراق والخطابات من خلال الموقع المحافظة طبعا في جده
اسهل واوفر وقت خصوصا اللي مرتبطة بدوام وكدا ربنا يسهلكم ويسهل للجميع

ربنا يسهلها وينصرنا عليهم
المشكله لمن نفس التحاليل اللي بتطلعلنا يكون في حالات زينا بس عشان الطرفين سعوديين طبعا ما يكون عندهم مانع
ما اقول غير ربي أنت حسبي ونعم الوكيل

المشاركة الأصلية كتبت بواسطة توته محمد

ربنا يسهلها وينصرنا عليهم
المشكله لمن نفس التحاليل اللي بتطلعلنا يكون في حالات زينا بس عشان الطرفين سعوديين طبعا ما يكون عندهم مانع
ما اقول غير ربي أنت حسبي ونعم الوكيل

في حالات يكون الطرفين مصابين واحيانا واحد منهم مصاب والاخر حامل وتمشي لانهم سعوديين
ولو الطرف السعودي تمشي
ربنا كريم المهم قوليلي عم وضعك ايش صار عليه

المشاركة الأصلية كتبت بواسطة ارووبا

طمنيني ايش يصير معاكي اول باول لأن صحبتي نفس حالتك بس ماكتبت شي

حاضر حبيبتي انا لسة الاحد قدمت هما خلال كم يوم يردو عالخطاب؟

اخوي اذا الطرف الغير سعودي عنده مشكله ف الفحص تحفظ المعامله وماتطلع يرجعوها للعمده و تروح هناك يقولولك حفظناها خلاص
اما اذا التحاليل سليمه يعطوك هيا ف يدك
بالنسبه للموقع ففعلا اسهل بكثير و يوفر وقت وجهد لكن مشوار الشرطة والمباحث لا زم منه
و ع فكرة اخوي انت ممكن تراجع كل شي برقم المعاملة انا عن نفسي والله ماااادريت الا ابوي قال اليوم نروح نفحص شوي بعد فتره قال قومي اليوم نروح الشرطه والحمدلله الحين ف المحكمة انا مادريت عن المعامله ولا راجعت و لا شيكت عليها ف النت هو العريس اللي كان يراجع و يشوف كل شي يعني ممكن انت تراجع ..

الله يسعد كل وحده دعتلي وافتكرتني ويارب يسهلكم كلكم انا عشان وضعي غير عنكم انا تصحيح وصع يعني متزوجه بدون تصريح وقال العسكري المفروض يكون عد ع زةاجكم 5 سنين هذا النظام وتكونو جايبن ولدين وانا مده زواجي سنتين وعندي ولد والحمدالله الولد انضاف في كرت العايله يعني مافي مشكله في الاطفال بس العسكري يقول شروط تصحيح الوضع كده عندنا او حتى مو مشكله يقول انو المده بس لازم ولدين وانا اشوف ايش نهايتهم اذا صار كويس اوذا لا بنسى واعيش حياتي عادي

معليش يابنات ماسالت عنكم عشان جالسين نقشع البيت وترتيب وسوق عشان رمضان جاي ويارب يبلغان رمضان بصحه وعافيه ونكةن معتوقين ومغفروين من النار يارب يسهل لكل وحده في حياتها وتكون مبسوطه في دنيتها واخرتها ويرزق كل وحده ذريه صالحه يارب في اذان الفجر هذا يستجيب يارب دعاي يارب

ربي يسهل لك حبيبتي ويكتب لك مبتغاك عاجل غير اجل انتي وكل البنات يا رب

سارة خلال يومين تتحول للشرطة بالنسبة ليا يومين وراحت للشرطة قدمناها الاحد وتحولت التلاتاء

المشاركة الأصلية كتبت بواسطة ارووبا

مره وحده في الشرطة بس والبرنت في نفس اليوم بس انتي تدخلي عند الحريم بصورة من هويتك والاصل والاوراق كلها مع خطيبك

بس سؤال خطيبك مواليد السعودية ؟؟

شكرا ليكي أختي اروبا ايوا من المواليد

المشاركة الأصلية كتبت بواسطة أصداف الحلم

جذور الورد ؛ الحاجات المطلوبة منك كلها يعطوكي خطاب عشانها التحاليل وبرنت الاحوال و العمدة
لاتستعجلي ، بعد ماتخلصي الورق وتسلميه يطلبوكي يوم تجي توقعي الاقرارات وتقولك الموظفة هناك اقرايها
تسالك يقربلك لانه اتوقع في تساهيل اكثر للقرابة ، انا سالتني كدا قلت لا قالتلي اجل ليه بتتزوجيه قمة اللقافة ومارديت
المهم يومها ركزت عليا انه اقراها وانا مع التوتررمافيا كنت اوقع رجعت قالتلي اقراي كويس سويت نفسي اقرا
وووقعت وخلصت وطلعت الحمدلله
وعقبال تبشرينا جذور الورد

أروبا بشرينا خلاص لفت الاقسام ولا باقي ، ماعندي خبرة كيف تصدر للمحكمة ان شاء الله البناتراللي عقدو يجاوبوكي

ههههههههههههههههه حلوة دي ليش تتزوجيه مو بني ادم يعني والله موقف صعب
ان شاء الله ابشركم وتبشرونا يارب

المشاركة الأصلية كتبت بواسطة نـــــاي

معاملتي خلصت من كل الادارات باقي علي قولهم هما تترسل ع المحكمه وكل ماجاهم يقولو بعد يومين
الله يتمملك علي خير اوروبا انت واصداف واندلسيه وجذور وترف وكل البنات يارب

ويتمم لك انتي كمان على خير تفرج ان شاء الله مسالة وقت
الله كريم

الله يوفقكم يابنات وشباب ويسهل لنا معاملتنا وتمشي يارب
شكرا لكل اللي ردوا لي الله يسعدكم وين ماتكونوا
وراح اكتب لكم كل خطواتي باذن الله وايش يصير معايا

الححدلله رب العالمين خطيبي اليوم سلم جواز سفره و الراتب واعطوه موعد بكرة للبصمات وفي ورقة بانه حسن سيرة وسلوك يوقع عليها اثنين شهود
والله ييسر لنا وييسرلكم اجمعين
الاندلسية ربي يفرجها علينا وعليك من حيث لانحتسب
ترف المعاملات عادة تحفظ في الشرطة ، العمدة مو من صلاحيته يتدخل في امور الزواج
الا لو مدينتكم نظامها كدا
عموما كل مدينة لها طقوس في تمشية الاجراءات
الحمدلله مع خوفي من شهادة الميلاد خطيبي قال مكتوب في جوازه وانه من مواليد السعودية اعتمادا على شهادة ميلاده
والشرطي قال جيبها لو تبغا خلاص
الله ييسر يارب
مايخيب ظننا والله ربنا ان شاء الله