زواج السعوديه من غير السعودي ( الأجنبي ).

كيفكم يابنات يارب في هذا الشهر الفضيل يحقق كل امانيكم ناي ايوه انا تصحيح وضع بس ماقتيلي انتي ايش صار معاكي وين وصلت المعامله
والرضوى مدري ليش كلامك اثر فيا بس انت مالك الاالصبر عموما شوف انا زيك قدمنا في الداخليه وجلس شهر وبعد اتحولت ورحت واخذت لفه طويله بين الامار ه والادارات وفي نهايه راح شرطه جده وهناك الله لايوريك أنواع البهدله اتخيل الرقم معامله صحيح يقولز غلط عشان بس يطفشو الواحد وحولها للبحث ولجنه الزواج طبعا هذاي كلها جلست شهر ونص امس طلعت معاملتي من عندهم وراحت شرطه الحي عندنت ويستكملو باقي الطلبات فانا شايفه الوضع عادي بس انت ازم تراجعهم الرقم المعامله الي معاك تراجع واتحمل لانو لو حغظو المعامله يقولك في وجهك بس هما عندهم اساليب تطفيش وانت اتحمل واصبر خليك وراهم وبس

وهما في لجنه الزواج لازم يعطوك ورقه التحاليل انت اكيد معاك رقم معامله حق لجنه ابزواج روح لهم وطفشهم روح وراجع بس ترى وضع طبعي التاخير بسبب نفسيات الموظفين وكمان ماارح تنحفظ في الشرطه بسبب العمر هما لهم بالتحاليل والجنسيات ومن هذا الامور اما الاماره لها براتب والعمر هما يرفضو يارب يسهلك

الله يجزاكم ألف خير يا أخواتي أنتوا أدعولنا و أنا بعد بدعيلكم في الحرم يارب سهلنا في حلالنا و في جنيع أمورنا يارب عاجلا على كل خير وليس آجلا يا الله يا رحمن يا رحيم يا جامع يا كريم.
ربي أشرح لي صدري و يسرلي أمري.
بخصوص سؤال الأخت نعم يا أختي أنا من مواليد ال سعودية و من أمم سعودية و مقدم للجنسية من 7 سنوات و أخواتي كلهم متزوجين من السعوديين و حتى هم سعوديات أخذوا الجنسية الله يحفظهم و ما عندي أخوان أنا الولد الوحيد.
الي يحسسني بالظلم انه حرام قيدني متلطع عشان موض ع الجنسية الخين 7 سنوات و الموضوع واقف و أخرها طلبوا حفيظة جد أمي علما انه جد أمي كان من أشراف مكة و أتوفى من قبل تأسيي السعودية بس إثباتات عندنا انه أتولد في مكة ولكن يقولوا لا الا رقم الحفيظة حسبي الله عليهم كده يسوون معنا و إحنا من أصل الأشراف حتى أصل الوالد من الأشراف و جدي من الوالد هاجر قبل سنين للإسلام كده يظلمونا و إحنا من أهل الرسول عليه أفضل الصلاة والسلام و يارب أنتقم كل ظالم والله ماني مسامح الي لطعوني كده حرام أنا و الي مثلي ما لنا ذنب أعمامي كلهم هاجروا أمريكا قبل 30 سنة و كلهم أتجنسوا من سنين و عيالهم و كلهم عايشين مواطنين أمريكان و أنا الي من هذا التراب ماني عارف إني مواطن ولا أجنبي علما أن تعريف كلمة أجنبي إنسان غريب و لا أظن أنا بحالتي إنسان غريب لهالبلد و أنا من ترابها...
أسف طولت عليكم أدعولي يا أخواتي والله يوفقنا جميعنا في حلالنا و في جميع أمورنا يارب!

أسف على الاغلاط الكتابية فوق لاني كتبت من جوالي...

خليها على ربك هذاي اقدار يااخوي ونصيب نصيبك كده في الدنيا بس مانقول غير حسبي الله ونعم لو تجلس تقهر نفسك من هنا لبكره ماارح يصير شي غير يجيك الضغط وانت الخسران فاانت انسى الموضوع وعيش حياتك وادعي ربي انو يطلعلك المعامله حقه الزواج الحين وانسى موضوع الجنسيه وفكر حاليا في موضوع الموافقه وبس وادعي

الرضوي
اخوي الكريم
اولا امورك ولله الحمد ماشيه تمام مبدئيا و مدام وصلت لمكتب الزواج بالشرطه يعني الموافقه الاوليه طلعت
بالنسبه لوضعك معليش انا حاسه فيك
والصبر زين ( ان بعد العسر يسرا )
خذ الاوراق المطلوبه منك اوراق الفحص وً الاوراق الباقيه كلها
وروحو افحصو و بعدين حتتحول للشرطه و المباحث حياخذو البصمات و العروسه توقع تعهدات وًكذا
و بعدين ماتاخذ شهر الا وتوصل المحكمة و تاخذ موعد تعقد على خطيبتك

اعتقد التأخير في حالتك الان بسبب دوامات رمضان
نوعا ما يكون فيها تأخير و عطله
لكن مومشكله الاكيد ان التأخير خير من عند الله
برضو انت روح كل شويه وراجعهم مرره لا تستنى هما يتصلو
حتى لو قالولك بعد اسبوعين انت راجع بعد 10 ايام

والله يوفق الجميع يارب

عموما علشان اريحك مافي معاملة تنرفض الا بأسباب
احد الطرفين يكون له سوابق
او الفحص غير سليم بالنسبه للطرف الغير سعودي
او كان العمر غير مناسب بس في حالتك العروسه 23 مو صغيره
غالبا ترفض المعامله للبنات اللي تحت 20
اختي تزوجت وعمرها 21 من اجنبي ومااااايقربلنا لبنااني
يعني اتطمن هو بس مسألة وقت مو اكثر

المشاركة الأصلية كتبت بواسطة الرضوي

السلام عليكم يا اخواني / اخواتي
كل عام و أنتم بخير
كيف حالكم و كيف الرمضان معكم؟
يا احبابي انا ليا تقريبا يومين متابع الموضوع عندكم و شفت معلومات كثيرة و حبيت استفسركم بخصوص موضوعي و إن شاء الله أستفيد من عندكم
المهم أنا موضوعي إني أنا أبن مواطنة من أب اجنبي غير عربي و عمري 25سنة

وعليكم السلام ورحمة الله !

أبغا أسألك أخي بما أنك ابن مواطنة سعودية ونادرا ما ألقى ابناء سعوديات عشان اسألهم. وهذا الموضوع يهمني جدا. انا مقدمة على هذي الخطوة باذن الله - الزواج من غير سعودي - وكنت ابغا قبل ما اتخذ هذي الخطوة اني اعرف بعض المعلومات والتجارب الشخصية وكنت قبل سألت في هذا المنتدى عن وضع الأبناء بعد الزواج. المهم انا حابة أعرف كيف الوضع بالنسبة لك ولأخواتك؟ هل حسيتو يوم بالظلم ( بغض النظر عن موضوع زواجك الآن - اسال الله أن يوفقكم ويجمعكم على خير ) وهل حسيتو يوم أنكم تلومون والدتكم على هذا الزواج ؟ بالنسبة لعائلتكم هل كان صعب عليكم التأقلم مع إختلاف الثقافات ؟ ( خطيبي ليس عربي أيضا وماعندي أي مشكلة في هذا لأني بالنسبة لي اتألقلم بسرعه وأميل وأحب تعدد الثقافات ولو ان الوضع قد يكون مختلف قليلا في الزواج لكن اللي يهمني اولادي اذا بيحسون بتشتت بين الثقافتين ). هل تحس ان الوضع أصبح أيسر من الناحية القانونية لأبناء السعوديات. وخصوصا من ناحية الإقامة هل يكتبون أبناء مواطنة أو لازم أحد غريب يكفلهم ؟

أخيرا وهذا اللي يخوفني أكثر شئ, في حال وفاة الزوج الغير سعودي والي عنده أبناء من زوجته السعودية هل تضطر الأم أنها تنقل لبلد ثاني عشان مافي كفيل لهم او كيف الوضع ؟!

شكرا جزيلا وآسفه على الإطالة لكن والله هذا الموضوع يؤرقني كثير ....

وعليكم السلام و رحمة الله و بركاتهيا أخواتي
أولا أشكركم كلكم على ردودكم الطيبة و طمنتوا قلبي شوي الحمدلله و يارب يطمن قلبوكم بعد و يسهل في أمر زواجنا كلنا و في جميع أمورنا الباقية يارب
طيب بالنسبة لإستفسارات الطهر ترى يا أختي بالنسبة لنا أول كانت الوضع سيئه جدا الين سنة الي فاتت وربي اتبهدلت كثير بس عشان تجديد الإقامة ولكن الخين الحمدلله مع القرارات الجديدة الي نزلت قبل كم شهر ترى صححوا وضعنا كثير و نقل على كفالة والدتي بمهنة أبن مواطنة و أتجددت إقامتي مجانية و الحمدلله ريحونا شوي من نحية الجوازات لانه الجوازات وربي اكبر قرف يكرهوكي من حياتك و بالنسبة ﻷخواتي هم أتجنسوا من زمان لانهم متزوجين بسعودين و حتى زواجهم كانت سهلة جدا بدون موافقة بدون شي دايركت من المحكمة.
و بالنسبة للظلم ف أكيد أحس بالظلم بسبب عدن حصولي على الجنسية الى الأن مع أنه أهلي كلهم سعوديين ولكن ما قد فكرت باللوم على الوالدة بالعكس بسببها أنا مستفيد من بعض الحقوق ولله الحمد و من ضمنها الوظائف و العلاج و الدراسة و يارب تنفرج و أخذ الجنسية كمان قريبا...
و أبشرك أنا مدير شؤون الموظفين بفندق برج الساعة و أتوظفت بهالمنصب بناءا على إني سعودي في مكتب العمل و من ضمن السعودة و حتى مضاف بالتأمينات الحمدلله و ما شاء الله تبارك الله.
بالنسبة لإختلاف الثقفات ف إحنا ما واجهنا أي صعوبة لانه صح جنسية والدي غير عربي و لكن إحنا أصلنا عرب لانه جدي من الوالد كان من أشراف مكة بس هو هاجر للباكستان لدعوة الإسلام قبل سنين و أتزوج هناك و خلف و رجع لسعودية مع عياله بس بعدين هاجر للأمريكا و أتوفى ف ما لحق يقدم لأولاد للجنسية و أصلا وقتها ما كان في باله لانه وقتها السعودية ما كانت لها قيمة و جدة كانت كلها بحر ولا كانت في العنصرية في الناس ولا أحد كان يعرف شي أسمه سعودي و أجنبي كانت كل الناس عايشة بالمحبة و الأخوة على أساس أنهم مسلمين وبس كان ربنا كاتب لي كده والله على كل حال و في كل الأحوال أنا احسن من غيري الي محرومين من أنعام كثيرة.
و بخصوص السؤال الأخير ترى يا أختي لا تخافي بالنسبة لعيالك راح تكون في تسهيلات كثير لانه الحكومة جالس يدرسوا موضوع أبناء السعوديات و في السنوات الجاية القريبة جدا راح يجيبوا قرارات جديدة متسهلة كثير لتجنسيهم و ما أدري مو متأكد بس خالي الي طيار بالخطوط السعودية قال انه سمع من أحد أنه قريبا راح ينزلوا القرار أنه عيال المواطنة السعودية متزوجة من أجنبي راح يأخذوا جنسية أمهم من وقت ولادتهم زي عيال أي مواطن سعودي و يارب يبشرنا بهالخبر قريبا أنا خلاص أتمرمطت و الي صار صار بجنسيتي أنا توكلت على ربي بس أبغى عيالي ما يتمرطوا مثلي يارب أستر على جنيعنا و وفقنا في حياتنا في الدنيا والآهرة يارب و يبشرنا كلنا بزواجنا قريبا يارب على كل خير.
أتمنى إني ساعدتك
ترى أسف أنا رسالتي طويلة دايما لاني تعرفوا مدير شؤون الموظفين ما شاء الله ف أحب أدقق في كل تفصيل ههههههههههههه
تدوم إبتساماتكم يا أخواتي و أي خدمة مني بالفندق كلموني والله تحت أمركم هذا ايميلي
yr676?live.com
استودعتكم الله الجميع

اقين سوري على الاغلاط الاملائيه بسبب اني اكتب من الجوال ولا اراجع الكتابة السابقة...
و دمتم

السلام عليكم اخواتي انا ليا شهر اتابعكم وانا سجلت عشان اقولكم عن موضوعي اللي هوا انه تقدم لخطبتي شاب مقيم من مواليدالسعوديه وانا سعوديه موظفه في قطاع اهلي وراتبي اعلى من راتب خطيبي طبعاىراتبه 3500 وانا خايفه انهم يرفضو معاملتي عشان دا الشي وممممره خايفه لانه الناس قالو ليا كدا انه لو كان اجنبي وانتي موظفه وراتبك اعلى يرفضو لانه يقولوا سعودي احق فيها طممممنوني بليز

المشاركة الأصلية كتبت بواسطة انكسار ملكه

السلام عليكم اخواتي انا ليا شهر اتابعكم وانا سجلت عشان اقولكم عن موضوعي اللي هوا انه تقدم لخطبتي شاب مقيم من مواليدالسعوديه وانا سعوديه موظفه في قطاع اهلي وراتبي اعلى من راتب خطيبي طبعاىراتبه 3500 وانا خايفه انهم يرفضو معاملتي عشان دا الشي وممممره خايفه لانه الناس قالو ليا كدا انه لو كان اجنبي وانتي موظفه وراتبك اعلى يرفضو لانه يقولوا سعودي احق فيها طممممنوني بليز

يااختي انكسار الراتب ماله دخل والشي الثاني مو داخل بالشروط اهم شي الوظيفة ماتكون من الممنوعة من الزواج وبتكون اصلا حكومية
اذا انطبقت عليكي الشروط راح تجيكي الموافقة هما اكثر شي يركزوا على العمر
في كثير رواتبهم اعلى من ازواجهم وجاتهم الموافقة واعرف وحدة شخصيا جاتها الموافقة وهيا وظيفة حكومية راتبها اعلى من زوجها فعادي لاتشيلي هم ربك كريم
الله يوفقك ويوفقنا يارب

المشاركة الأصلية كتبت بواسطة ترف ~

الرضوي
اخوي الكريم
اولا امورك ولله الحمد ماشيه تمام مبدئيا و مدام وصلت لمكتب الزواج بالشرطه يعني الموافقه الاوليه طلعت
بالنسبه لوضعك معليش انا حاسه فيك
والصبر زين ( ان بعد العسر يسرا )
خذ الاوراق المطلوبه منك اوراق الفحص وً الاوراق الباقيه كلها
وروحو افحصو و بعدين حتتحول للشرطه و المباحث حياخذو البصمات و العروسه توقع تعهدات وًكذا
و بعدين ماتاخذ شهر الا وتوصل المحكمة و تاخذ موعد تعقد على خطيبتك

اعتقد التأخير في حالتك الان بسبب دوامات رمضان
نوعا ما يكون فيها تأخير و عطله
لكن مومشكله الاكيد ان التأخير خير من عند الله
برضو انت روح كل شويه وراجعهم مرره لا تستنى هما يتصلو
حتى لو قالولك بعد اسبوعين انت راجع بعد 10 ايام

والله يوفق الجميع يارب

نفس كلامها ماقصرت أختنا ترف

و عليكم السلام يا اختي العزيزة بالنسبة لإستفسارك اولا حسب علمي الراتب ما له دخل بس برضوا عشان تكونوا انتو مرتاحين خليه يكلم الشركة الي فيها او كفيله يضبطله راتب فوق 5000 ريال بما انه اجنبي مو مسجل في التامينات الحكومه ما راح تعرف راتبه الحقيقي و أنا كمدير شؤون الموظفين كثير من المرات اسوي خطابات تعريف للموظفين براتب اعلى و تمشي امورهم ما احد يدقق الا البنوك بس يعرفوا عشان اذا كانت الراتب محول اليهم.
موفقة يا أختي اسأل الله أن يقضي حاجتك و يحقق جميع أمنياتك على خير و جميعنا يارب يبشرنا ببشارة طيبة تسعدنا بشهر المبارك هذا يارب يجمعنا بحلالنا بفضيلة الشهر الكريم هذا.

و أنا أدعولي يا أخواتي والله حاس شوي زعلان ترى يوم 18 رمضان عيد ميلادي و كان نفسي نكون مملكين أنا و خطيبتي هذاك اليوم عشان تكون أحلى عيد ميلاد بالنسبة لي بس الله كريم على قولتهم كل تأخيرة فيها خيرة من الله.
ربي أشرح لي صدري و يسر لي أمري!!! أللهم أمين....

الله يبشركم ويبشرنا بكل خير يارب في هذا الشهر الكريم
ويوفقنا ويسهل لنا أجمعين يارب