|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
18-09-2002, 02:29 AM | #31 |
عـضو أسـاسـي
|
قويه الطيحـــــات حقتكم
أجل مادريتوا عني كنت داخله سوق صحارى أول مافتح أنا وخالتي ..وأنا عاد بسم الله علي كل شئ فيني عملي خصوصا في السوق أحب أقضي أشيائي بسرعه وأمشي .. المهم كنت لابسه ذيك الجزمة الرياضيه وخالتي وراي وأنا داعسه البنزين وأقول ميد خالتي (( تعالي تعالي في محل جديد فتحوه يهبــــل إمشي أوريكيـّاه )) ..المهم وأمغط وا عاد مغطه وجزمه كورة وعبايه تطير يعني وخر عن دربي إلاّ وصلنا المحل واقول ميد خالتي أيوه شوفيه شوفيه وصلنا تعالي ندخل )) وأجي وأمغط زيادة ووخروا عني بدخل المحل إلاّ دردب طاع أأأأأأأأأأأأأأأأأأأأأأأأأأأأأأي الله يسلمكم ماشاء الله على المحل منظفين القزاز حقــهم لدرجة إنك تحسب مافي شئ فأنا يوم جيت أدخل أحسبه الباب صار قزاز فخبطت ذيك الخبطه ياهو طلع صووووووووت .... يا هي دمان خرخرت من مناخيري ...ياهو الناس ضحكوا علي ...ياهو فشيلة تفشلتها ...................:3: طبعا على طول ثلج على راسي وعلى البيت :D مرجووووووووووجه لا مؤاخذه :D |
|
18-09-2002, 01:42 PM | #32 |
( عضو دائم ولديه حصانه )
|
محد يلومك لميااااء اصلا من يوم تسوين استرخاء بعدين تقولين السلام عليكم ورحمة الله السلام عليكم ورحمة الله وانا غاسل يدي
مره دخلت المسجد انا وواحدو من اخوياي وبعد الصلاة كان فيه مباراة واحنا طالعين من المسجد واجي من ورى الرجال وامسك يده واقول رح الحين قل الوالدة تجهز لنا شاهي باجيك اشوف المباراة عندك واذا فيه عشا عادي ما ازعل ولو فيه بعد كيك وعصير يكون احسن والتفت الرجال ياللمفاجئة انه ليس خويي انه واحد يشبهه في البودي قلت سلام عليكم وانا قلت سلام وهو يضحك يضحك حتى السلام ما رده وعرف اني مشبه بس انا من باب الذوق قلت اسف والله مشبه تفضل معنا :D :D :D |
|
18-09-2002, 07:43 PM | #33 |
عضـو مُـبـدع
|
مساكم الله بالخير جميعا
صراحة اعجبني الموضوع ومواقفكم خاصة الاخت لمياء واخي العزيز صوت الشباب ....... وانا عندي هالموقف ابذكره لكم ..... كنت اصلي صلاة العشاء وكان فايتني الظاهر ركعتين المهم كان اللي جنبي بزر تقريباً عمره 10 سنوات وبعد ما سلم الإمام قمنا لإكمال ما فاتنا من الصلاة المهم كان هو طاير الله يهديه الظاهر عنده مشوار والا شيء ... المهم وانا واقف في الركعه وهو جالس للتشهد جتني العطسه الصامله اللي ما تتفاهم تطلع غصب ... وانا ما مداني احط يدي والا اشماغي على فمي الا وهي تجي على ظهر هالمسكين اللي جالس والله وشوفه يمسح راسه وظهره ويديه وكان ما لبس ثوب لا بس بدله رياضيه ... المهم قعد له شوي وهو يمسح وانا والله ادق اللطمه يعني الف شماغي على وجهي من الفشله ....... واحاول اتأخر شوي بالصلاة علشان يروح واشوى اني ما كنت مصلي في مسجدنا علشان ما يصير يعرفني :D ولنا عودة بإذن الله |
التعديل الأخير تم بواسطة أبو لطيفة ; 18-09-2002 الساعة 08:07 PM
|
18-09-2002, 09:41 PM | #34 |
( عضو دائم ولديه حصانه )
|
حياك ابو لطيفة حياااااااااااااااك
بس لو انا مكان الولد كان قمت وصليت الوتر وصليت التراويح اليييييييين تخلص من صلاتك بعدين اتفاهم معك:p لكن حظك انه راح وننتظر رجعتك وباقي الاعضاء :) :) :) :) |
|
18-09-2002, 11:50 PM | #35 |
عضـو مُـبـدع
|
أقوووووووول كني أسمع أحد يناديني00000:confused:
آآآآه هذا أخوي صوت الشباب أخــــــــ لمو وسهورةــــــــو إشبك عليه يالمو ماتنتهي هوشاتكم أبد0 المهم كيف حالكم جميعاً إسمع ينعم الأخ صوت الشباب ((اللهم يافارج الهم وياكاشف الضر تفرج لأخوي صوت الشباب كل غمه وتوفقه وتيسر دروبه كلها وتخلي حياته هناء×سعاده)) دعيتلك لإنها كانت قآآآآآآآآآآفله معي خلاص شوي إلي بنفجر يارب وكل واحد في ذا المنتدى الطيب اللهم آآآآآآآآمين كيف أحوالكم جميــــــــــــــــــــــــــعاً أقــــول الدراسه 19 أسبوع خويتكم مثل الخدامات بدت تشطب في ذا التقويم عشان موعد الترحيل :D قصدي الإجازه أقول لأمي مر أسبوع بقي 18أسبوع:3: على العمـوم أساهير لقيت الحياه بدونكم مووووووووووت محقق وحطيتكم في الجدول كماده أولى سميتها ((مادة السعــــــــــــــــــــــــاده)) خلاص أبلى واهمه ولمو وكل الي يحب اساهير:31: طيب تبون الموقف ,,,هذا ياطيبين الذكر مره جاء عند أخوي ضيف وكان مزعلني قال قومي سوي شاي قلت لا لا لا أحسن من قللك تضربني قامت عاد أختي الصغيره عاد تبغى تسوي نشميه قالت أنا بسويه راحت بنت الناس وتقوم تسوي الشاي وترسله عليهم أول ماشرب أخوي :3: تخيلو حاطه ملح بدل السكر والله يقول الولد شرب فنجانه ورجله فوق رقبته ,وخدوده داخله خارجه ،حتى لون وجه متغير الظاهر أنها مكثره السكر أقصد الملح أم أنا وأخوي الثاني يقول قعدنا نلقط في وجيهنا,ونصرف ونضحآآآآآآآآآآك :D بدون داعي عشان نصرف تفشيلتكم ياذا البنات ـ ــــــــ ـــــــــــــ ــــــــــــــــ ــــــــــــــــــــــــ ومره من المرررريت رايحين نتمشى وشفت أخواني كللللللللهم طالعين نازلين على ذا الجبل إلا أنا قمت عاد وأنا بنت أبوي أتسلقُ الجبل ويسلالالالالالام والله مايخوف شوي يييييوم أناظر تحتي0000:3: آآآآآآآآآآآآآآآآآآآآآآآآبووووووووووووووووووويييييي يه آآآىىىىىههههههههآآآآآىىىىىهههه بكى وصريخ ولاصق زي ((الوزغ ))على الجبل المهم إلي ميشتري يتفرج ويجون أخوني عطينا يدك لالالالالالالا مييييييييييته من خوفي وصررررررررررراااخ لمن جاء أبوي ويمد يدينه لي وأنقزلكم عاد ذا المره زي سبيدرمان بس تقليد وكلللللللللللللللللللللهم ميتين ضحك وأنا بس شلالالت دمووووع صدق إلي قال ومن يهب صعود الجبال 0000يعش عمره مابين الحفر بس بالله الحفر مو أرحم من الفضايح:D صوت الشباب ترى ولايهمك أختك راحت مره الجامعه ناسيه تشيل الورقه تقول زميلتي ((الله لنا نازلين السوق ومشترين ملابس :3: )) لقطت وجهي وإلى بعد يالمياء بس لاتخنصرين منه عوايدك تذكررررررين |
|
19-09-2002, 07:38 AM | #36 |
( عضو دائم ولديه حصانه )
|
من هذاااااا؟؟؟؟:confused: :confused:
مو معقول :eek: :eek: :eek: اساهير الفرح ويييييييييييين من زمان ننتظر هلا بك ،، اولا امين الله يسمع منك الجميع انشالله ثانيا ترجعين للوالدة بالسلامة ولكل من يغليك بس بنت ابوك صراحه واثبتي انك بنت ابوك خاصة بعدما ناظرتي تحت :) :) |
|
15-10-2002, 10:42 AM | #37 |
( عضو دائم ولديه حصانه )
|
هذا موقف سلمكم الله محرج من كل قلبي ،،، واقوله لكم ولاخوي عسول خاااااااصة
بس خلوه بيني وبينكم لاحد يدري :p هذا يوم من الايام قبل تقريبا اسبوعين كنت في مسجدنا الصغير الي نصلي فيه اربعة او خمسه واذا كثرنا عشرة واحيانا يصلي الامام والحارس بس :rolleyes: المهم كان في المسجد حوالي 10 مصلين والامام سلم .. انتهت الصلاة وانا بقى لي ركعة باقوم اكملها المهم وانا واقف اقرا الفاتحه الا ذيك البسه ( وفي رواية اخرى قطوه ) وقفت قدامي وتناظر في ذا الادمي الي يصلي وانا اقول الله يستر الله يستر:p المهم خلصت الفاتحة والسورة انتظرها تروح ما راحت قلت خلاص اكيد بتشوفني بس وانا اصلي وتروح ويوم ركعت وقمت الا وتجي مكان سجودي وتقول ميااااااااااااااااو وانا توهقت لو انها جايه قبل ما اركع كان قريت سورة البقرة لكن المشكلة بعد ما رفعت من الركوع يعني لازم اسجد خلاص والله وتفهم الموقف الامام الله يجزاه خير وقال واحد من البزارين قم طلع البسه وانا واااائف واهبل :p :p وبعد ما طلعها وخلصت صلاة يناظرون فيني الجماعة وانا اضحك وهم يكرونها ضحك وعاد تبدا الاقتراحات اللي يقول لو انك دفيتها برجلك ،،،،، واللي يقول لو انك سجدت واذا قربت دفها بيدك ،،، واللي يقول لو انك قلت لها وخري :D الله يقبل ذيك الصلاة والله اني اصلي وعيني عليها الله يقبل اكيد كل الاعضاء الحين عندهم مواقف جديده ننتظرها :) |
|
17-10-2002, 02:05 AM | #38 |
عضـو مُـبـدع
|
صباح الخــــــــــير
أحوال الجميع زينه انشاء اللّــــه
على طاري البسه .. خرّجت قبل يومين تقريبا قفص العصافير بالحوش .. قلت تتنفس مسكينه .. المهم وصيت أخوي الصغير ينتبه لها .. لأنه وقتها كان يلعب " حجه وحاجه:D " شكله غفل عنها .. وخرج الشارع .. خرجت أنا بعد فتره الا الريش على الأرض .. (البسّه كلتها ).. وأقوم أرسل من يناديه .. ويوم جاء هو عارف انه أكيد فيه شي وقف يطالعني من بعيد لبعيد .. قلت : قرّب .. قرّب ........ ولا أمداه يقرب وألحقه ودواره بهالحوش ويوم قربت منه الا وتصفق رجلي بركن الجدار .. جلست عالأرض أمسك اصبعي "واللّه انها سوّدت ".. وقف ولد الحلال يطالعني ويضحك .. آآآآآآآآآه .. زاد الضيم .. ومن القهر نسيت من الألم وأرجع ألحقه .. فقبضت عليه وذوقته ضربا مبرحا .. وسلامتكم .. |
|
17-10-2002, 02:44 AM | #39 |
عضو نشط
|
بصراحه مواقفكم رائعه جداً..
حاولت ادور موقف بس ما اسعفتني الذاكره إلا بهالموقف.. كانت اختي عندنا و زوجها وبناتها الثنتين طالعين (7سنوات و5سنوات) المهم رجعوا من مشوارهم ورحت افتح لهم الباب.. يوم فتحته دخلت وحده منهم وسألتها ابوك بيدخل قالت لا.. والحلوه الثانيه سألها ابوها من فتح الباب قالت امي.. مادريت الا بالمسكين يطل علي ويقول (دَي) بعدها ما سمعت الا صوت خبطته في الشارع وانا متيبسه في مكاني.. وما تسمعون الا صوت ضحكة هالحلوه واختها يقولون (هاهاها لعبنا عليكم) بعدها اتصل المسكين على اختي يتعذر ويلوم بناته.. ويقولون براءة الاطفال.. اي براءة هذي؟:32: |
|
17-10-2002, 05:28 AM | #40 |
( عضو دائم ولديه حصانه )
|
همس البعارين :p
قصدي همس الغمام عصافير تحطينها مع ولد امانه :D الاولاد بس يسمعون بالعصافير ما يدرون وشي نظرة امل فعلا البزارين عليهم تصرفات احيانا تدل على مكر مو براءه على العموم هالمواقف يااااااااما تصير والله انها تخجل صدق |
|
17-10-2002, 01:09 PM | #41 |
عضـو مُـبـدع
|
اقول اخوي صوت الشباب موقفك كان صعب مرة مع القطوة والله يتقبل صلاتك قل امين....
تعال هاي الافكار الحلوة الا تجيبها خل نتقاسمها مع بعض ...المره الجايه لو طلعتلك فكره حلوة زي هذي تعطين اياها اتفقنا ... يا اخي حب لاخيك ماتحب لنفسك...:) |
|
17-10-2002, 02:48 PM | #42 |
( عضو دائم ولديه حصانه )
|
يحدثني أحد الزملاء في العمل تخرج من الثانوية قبل أكثر من 14 عاما ، وكان من سكان قرية نائيه ،
راح للرياض يسجل يقول انتهيت من الكشف الطبي في المستشفى العسكري ورحت لبوفيه قريب من المستشفى ، طبعا قرأ القائمه وعمل طلب حق ثلاثه نفر لأنه متعافي ( 3كوكتيل يحسبه سندويتش ، 1 حليب بالشاي) المهم جابوا الطلب ويتفاجأ المسكين بأكواب العصير يقول ناظرت للقائمه مرتن ثانيه فإذا الكوكتيل تحت العصيرات 0 يقول ذقت الكوكتيل واعجبني وخلال دقائق إلا والأكواب فاضيه0 وبعدها حرم يطلب غير سندوتش بيض وعصير برتقال0 ومن مواقفه أيضا00 يقول كنت أسمع عن عقارية الستين وودي أشوفها وفي يوم رحت لها وانذهلت من الأسعار ( ما هو متعود إلا على البقالات) وبعد خروجه منها شاف له لكزس عند الباب وهو يتمنى من زمان يشوفها من قرب 00وقف المحروس عند باب الراكب وكانت السيارة مظلله يقول وانا احط يديني واقرب وجهي عشان أشوف اللي داخل، على طلعة راعي السيارة من السوق يقول وهو يستلمني ( يا قليل الحيا ما تستحي تتفرج في محارم الناس) أثر الحرمه جالسه في السياره يقول بغيت أبكي من الإحراج 0 |
|
17-10-2002, 04:36 PM | #43 |
( عضو دائم ولديه حصانه )
|
تابط شرا
وش قصدك بالفكرة .. اي فكر ؟؟ قصدك الموضوع :p عادي تبغى تصير معي بسيطة ........كل شي بحقه القطه ( 15 ريال للموضوع ) يالله ارسل الفلوس تلقى الموضوع باسمك :) هدهد سليمان لايكون خويك هذا اسمه هدهد سليمان ;) الله يعطيكم العافيه وننتظر المزيد |
|
19-10-2002, 01:29 PM | #44 |
عضـو مُـبـدع
|
خــــــــــــــــــــلاص ..اعتبرنفسك استلمت الريالات....
:21: تبغى كاش ولا ........ هاك مد يدك 15 ريال...:17: وينها يدك مدها ؟ |
|
19-10-2002, 03:25 PM | #45 |
( عضو دائم ولديه حصانه )
|
هلاااااااا اخوي
اول شي نزل ارم سقارتك وانت تكلم الرجال ;) ثانيا انت تاااااااااامر امر اخوي خلاص من اليوم ياناس ترى تابط شرا شريك معي ب34% من هالموضوع ولي انا حق فسخ العقد بدون ابداءئ الاسباب ،، والارباح لي كاملة يعني انت دورك بس نحط اسمك على اللوحه:D |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|