اي استفسار بخصوص الهلع والخوف انا حاضر

المشاركة الأصلية كتبت بواسطة نبرة حزن

اخوي انا الان ابي انااام وعندي نوم مره .. لكن كل ما انام واغفو احس اني احتضر .. تتنمل ارجولي ويخرج من فمي هواء .. تعبت .. ابي انااام
بس الاحساس حقيقي
.. مادري ليه ..يمكن لاني قرات امس ان طلوع الروح يبدا من الارجل وتتنمل ..
اجبني :(

اختي نبرة حزن هذه الحاله مررت بها واتعبتني كثيرا
ولكن استخدمت علاج ممتاز ومع الاصرار بان لاشي يستدعي الخوف والتفكير تخلصت منها
وكان علاجه هو عقار يسمى بـ (ريميرون ) فهو يعمل على تحسين النوم وتنظيمه ليلا
ويعمل كـ مهدئ بوسط النهار ... وتأكدي اختي العزيزه بان الموت هو حق ولكن لايستدعي كل هذا الخوف
فأنتي بين يدي الله عز وجل وهو ( ارحــــــــم الراحميـــــــــن )
اسآل الله لنا ولك الشفاء

المشاركة الأصلية كتبت بواسطة مريم العواد

شكرا لك ع الموضوع الحلوو ...ربي يسعدك ويفرج همك ويساعدك تتخلص من الحبوب بالتدريج يارب
بما انك ايجابي وتحاول تساعد نفسك قد ماتقدر حاول تتخلص من العلاج باسلوك المعرفي ربي يسهل امرك

العفو عزيزتي واشكر لك هذاالمرور المشرف
وان شاء الله الشهر القادم حسب كلام الدكتوره
بانني احتاج الى نقص الجرعه لحين ترك الدواء
وان شاء الله مااحتاجه

السلام عليكم..
عندي استفسار انا كنت قبل اعاني من هلع السيارة وهو الي بدا فيني
ومرت فترة وزادت الاعراض و.. لكن هلع السيارة تخلصت منه بسرعة وبقى اللي في البيت او وسواس الموت وهذي الاشياء..
الغريب ان توني هاليومين لاحظت ان رجع معاي هلع السيارة! وصايرة لما اركب صعوبة بلع وتنفس وجفاف فم وتعرق وقلبي يدق بسرعة..
كل ماكان المكان ابعد زادت الاعراض.. وهذا الي صار معاي امس حسيت اني بموووت وابي اهرب وابي اصيح
وبعد ماوصلت طول ماانا هناك دوخة واحس موقادرة اوقف.. بس الشي الجديد اللي صار يجيني هو اتنفس هوا حار! لما كنت بالسيارة يطلع مني هوا حار ويصب مني عرق..بس لما وصلت راحت الاعراض بس حاولت اتجاهل التفكير بالرجعة والحمدددللله بالرجعة كنت طبيعية ومافيني شي.. وبقيت طول اليوم كذا ونمت واليوم بعد صرت اقوى واتجاهل واللي يوسوسه لي الشيطان سويه اروح اسوي عكسه مع اني قبل كنت اخاف
بالرغم من ان للحين اعاني بس اتجااهل.. الاعراض من افكر فيها تجي! الحين غصبا عني فكرت ورجعلي وعشان كذا انا اكتب..
الحين وانا قاعدة احس كأن احد ضاغط على راسي ودوخة وصعوبة بلع!! هل هذه الاعراض تموت؟ انا خايفة جدا
وسؤالي الى الآن مازلت مستغربة من الهواء الحار.. اسفة على الاطالة لكن لوحبيت تعرف معلومات اكثر اتمنى لوتدخل مواضيعي السابقة
اخي لوفيه شي خطير، مرض او دليل على الموت اتمنى تقوولي عاادي بس ابي اعرف الي فيني والعلاج تعبت صحيح العلاج يخفي الاعراض لكن مايطول.. الا ماافكر فيه..

التجاهل عفوًا مو العلاج*

مع العلم ان طول فترة معاناتي مااستخذم ولا علاج دوائي ولا مفكرة استخدم بسبب صغر سني
ماابي اتعود على هذي الادوية واثارها الجانبية

اهلا وسهلا بكٍ اختي الورده البنفسجيه ..
اولا / بداية قال علي بن ابي طالب رضي الله عنه وارضاه
(( ان خفت امراً فأقدم عليه ))
بما معناه انك اذا خفتي من شي اعمليه وبدون تردد بعد التوكل ع الله تعالى
وهذا احد خطوات العلاج ..

ثانياً / عليكِ بقراءة القرأن لتحل السكينه في قلبك ( سورة الملك + سورة ق + سورة الانشراح 4 اربع مرات )
واكثري من آية الكرسي والصلاه على محمد وآل محمد

ثالثا / كل ماتعاني منه فقد مررت به وخصوصا هلع الطريق او ركوب السياره ونتيجة هذه الاعراض الخوف والتوترالمفرط
فآنتي تحتاجي الى تدخل سريع للعلاج بحكم تجربتي فانه فعال جدا لعلاج هذه الوساوس والافكار

رابعا / اطمئني انتي بخير وكل ماانتي فيه سببه الرئيسي ( نقصان او زياده في مادة السيرتونين المفرزه بالدم من قبل الدماغ مما يؤدي ذلك الى عمل خربطه بالجسم وليس لها تأثير مخيف ابدا )


ملاحظه/ ابدئي بالتطنيش من هذه اللحظه ولاتعطي هذه الاعراض اي اهميه وباذن الله بالاراده والعزيمه سوف تتحسني

الحمدلله انا قاعدة احاول هاليومين كل مااركب السيارة وبتجي الاعراض..
اتجااهل وانسى اسوي اي شي يشغلني هذي الطريقة الحمدلله نفعت
يعطيك العافية باذن الله ساطبق ماقلته لكن كم يوم استمر؟
والسؤال الثاني.. كيف عرفت ان اللي فيني نقص او زيادة بهذي المادة؟ وايش هي هذي المادة
وشكرا

اخي انا لا اريد ان اتحسن
اريد ان اشفى تماااااما

هذا كلام اكثر من دكتور لي عن هذه الماده
ولا اعلم عنها سوى انها من احد الافرازات المهمه لتصحيح الوضع الداخلي والاستقرار
وبالنسبه لاستمرارك بالعلاج السلوكي فهو لن يطول مجرد تعويد النفس والتأقلم فقط
ومهما كانت شده الاعراض تجاهليها وتذكري انها جاءت اكثر من مره ولم يحدث شيئاً

اتمنى لك التوفيق والشفاء العاجل
وطمنينا عليك