|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
16-06-2014, 03:27 AM | #32 | |
عضو نشط
|
اقتباس:
احب اقولك انو هذي الاعراض كلها تعتبر وتصنف من ضمن اعراض القلق العام مع نوبات الهلع، اكيد لازم تعرفي ايش السبب وليش بيصيرلك كدا؟ انا حاقولك ببساطه في هرمون في الجسم يتسمى الادرينالين : ) هذا الهرمون يفرز بكميات عادية اذا كان الانسان طبيعي وفي حالة الخوف يفرز بكميات عالية الان لو فرضاً رحتي الملاهي وركبتي السفينة او قطار الموت، بايش تحسي؟ خفقان؟ سرعة تنفس؟ ع شوية خوف وحماس؟ بس نجي في النهاية هل الاعراض هذي وقت ماركبتي اللعبه خطيرة؟ اجابتك اكيد لا ابداً طيب لو وحده نزلت من سبع جولات بلعبه السفينه مثلاً و نفسها سريع وقلبها بينبض بسرعه وقالت الحقووني ايش دي الاعراض وقتها اول شي حتقوليلها ارتاحي وعادي انتي اول مرة تركبي ملاهي!! طيب اعطيكي مثال ابسط، الان لو مارستي رياضة الجري لمدة 10 دقايق متواصلة جربي وتعالي ها بايش حاسه؟ خفقان؟ سرعه في ضربات القلب؟ شوية نشفان بالحلق؟ اتوقع الاجابه جميع الثلاثه، طيب هل خايفة من دي الاعراض الي جاتك بعد الجري وحسيتي انو خلاص بتموتي؟ اكيد اجابتك لا طبعاً شي بديهي انسان بيجري راح قلبه يزيد عدد دقاته والتنفس يسير سريع صح؟ اذن لما نجي لنوبات الهلع، والي فجاه تحسي بنشفان في الحلق وخفقان وغيرو من الاعراض، هذي بالضبط زيها زي الاعراض الي تجيكي وقت ماتجري 5 دقايق او 10 بمعنى انها ابداً مو خطيرة ولا لها اي علاقة بالموت : ) هذا اول شي لازم تحطيه ببالك، الشغله الثانية زي ماقلتلك لازم تشتغلي ع نمط حياتك لانو ماراح تتخلصي من التفكير دا الا اذا اشغلتي عقلك ب حاجه تسليه اكثر شي هذا الشي يعتمد عليكي انتي تعرفي ايش الاشياء الي تسعد قلبك مثلاً انا احب العمل وجلسة الاصحاب، هنا اركز انو اولاً الاقي وظيفة لو ماكنت اشتغل وثانيا اخطط انو اتصل باصحابي او اتعرف ع شلة جديده عن طريق العمل مثلاً انتي ممكن تكون لكي رغبات ثانية وكلها تؤدي الى نفس الغرض وهوا اشغال العقل بحاجه مسلية ومحببه الى نفسك، ابعدي عنك التفكير السوداوي ولاتفكري انو الله بيعذبك وتربطي السواد والغموض والخوف بعلاقتك مع الله بالعكس هذا كلو من حديث النفس ومن الشيطان ربي يحب التفاؤل و حسن الظن بيه، ويحب كمان الشخص القوي الي يتحدى ظروفه وواقعه وهوا متوكل انو الله حيكون جنبه : ) اربطي الله بالفرح والسعادة واشراقة الشمس و الورود و اي شي جميل وابداً لاتفكري انوالله مقدر عليكي موت وبعده عذاب وبعده نار لالا خلي املك بالله انو ارحم الراحمين وارحم بيكي من امك وابوكي ايش رايك : ) اذن هنا اشتغلنا ع تفهم هذي الاعراض ايش سببها وانو زياده في مادة الادرينالين نتيجه الخوف والقلق الزايد، علاجها يكون اولاً بتفسير هذا الاعراض تفسيرات واقعيه بعيدة عن الشي الي تظنيه ثانياً تغيير نمط الحياة حسب الشي الي انتي تحبيه وتتسلي بيه اكثر شي ثالثاً الظن الحسن بالله وربطه بالجمال في هذي الحياة والله امرنا انو نتفكر في مخلوقاته وابداعه اخيرن بعد هذا كله اذا حسيتي حالتك لسا ممكن تستشيري طبيب نفسي ويصف لكي دواء خفيف يساعدك بس انا احس انو انتي اقوى وان شاءالله حتنتصري ع هذي المخاوف وتعرفي تفسري الاعراض الي تجيكي صح وتعتبريها شي جداً عادي شافاكي الله وعافاكي وطمنينا عليكي : ) |
|
|
16-06-2014, 08:54 AM | #33 |
عضو نشط
|
طيب بقيت اسال انا يجيني ثقل في لساني وزي اني مو موجوده بالدنيا ودوخه
خلاص لو جاتني الدوخه ونشفان ردقات قلب بقول نفسك عادي بس ثقل باللسان والإحساس اني مو بالدنيا من ايش |
|
16-06-2014, 01:31 PM | #34 | |
عضو نشط
|
اقتباس:
بس ابغا انبهك ع شغلة مهمة، القلق ونوبات الهلع معروف انها توتر الجسم لانو طول الوقت وانتي بتراقبي الاعراض، كاننا حاطينك في غابه وبتراقبي اسد ممكن يجي يفترسك في اي وقت وهذا الشي غلط، لازم تهدي نفسك وتعرفي انو دي الاعراض اكثر من عادية وتكاد تكون عند الاطباء من الاعراض البسيطه جداً والي مايلتفت لها وكمان في شغلة مهمه انو بما انك انتي بتراقبي اي شي بيصير في جسمك ف بالتالي راح تركزي ع نقاط محدده وتبدا تفسريها غلط فمثلاً افراز ماده الادرينالين بسبب القلق يسس جفاف الفم الدوخه الارق الخفقان وغيرو --- > تفسيرك المشكله بيكون انو اعراض موت وانا خلاص ماراح اعيش ودا مررررا غلط انتي طيبه ومافيكي الا العافية يجيكي الم في الراس نتيجه الشد العصبي ---> تفسيرك انو مرض خطير في الدماغ وهوا مجرد شد في العضلات نتيجه التفكير الزايد خفقان بسيط مع جفاف باللسان وتقل ----> تفسيرك انو نوبه قلبيه وخلاص مافي امل والحقيقه انو بسبب القلق الزايد ونتيجه للادرينالين زي ماوضحتلك فوق الخلاصه راقبي تفسيراتك للاعراض وحتلاقي انو السبب في خوفك هوا تفسيرك ولانو دا عرض جديد عليكي ف تحسبي انو شي خطير وهوا مجرد شد نفسي يبغاله راحه من التفكير بالاساليب الي سبق شرحها : ) |
|
|
16-06-2014, 01:38 PM | #35 |
عضو نشط
|
كلامك كله صح وهذا اللاشياء انا اسويها اذا جاني نشفان اجلس ابلع كل اشوي اشوف ابلع والا
طيب وش تنصحني فيه اذا جاتني نوبه وايش اسوي ممكن تساعدني |
|
16-06-2014, 01:50 PM | #36 |
عضو نشط
|
النصيحة العاشرة: وعنوانها طفشونا المهلوعين!!
قرأت قبل فترة احصائيه انو اغلب الي يراجع الطوارئ هم مرضى في الحقيقه لايشتكون من امراض خطيرة بل مايدفعهم للذهاب القلق الحاد والتوهم المرضي!! وهذي حقيقة واقعيه حاصله عندنا وهيا كثرة المرضى المراجعين للمستشفيات من المهلوعين والمتوهمين : ) مابالومكم لاني انا شخصياً قبل فترة من الزمن كنت اداوم هناك وعملت اغلب الفحوصات الي ممكن اسويها لدرجه سرت اعرف اقرا اغلبها وافسر اذا النسبه طالعه او نازله وكاني باقرا نشره لسوق الاسهم!! المهم مالكم بالطويلة من الاشياء الي تخلي اغلب الدكاتره يطفشوا مننا احنا معشر القلقين، هوا ببساطه عدد المرضى الي بيجو بحالات فعلاً صعبه وابداً ماهي نتيجه قلق او توهم يسموها في الغرب اعراض سيريس او خطره لما تجي تقارن الاعراض الي عندك حتلاقي انها شي تافه ولايذكر، ماقول ابداً انو الاعراض هذي ماتضايق او تزعج لا ابدن بس ماهي خطيرة ، وانا عانيت وطفشت منها ولا زالت بعض الاعراض للان معايا لاكن سرت اتجاهلها ولا اركز عليها ابدنً وصراحه فادني كثيرفي هذا الموضوع بالذات تحميل تطبيق اسمو Figure1 موجود ع الايفون واعتقد الاندرويد ايضاً وهوا موجه للاطباء، كل يوم يطرحوا حالات بالصور ويتناقشو في حلها او احيانا استفسارات من مرضى بالصور راح تشوف الحالات الي قصدتها بانها خطره واعراض تستوجب مراجعه المستشفى!! انصحكم بتحميله وراح تحمد ربي ع النعمه الي انت عايش فيها : ) وفي النهاية اتمنى انو نقدر نعمة الصحة الي عايشين فيا مهما كانت الاعراض مزعجه ف غيرنا قد لايستطيع تحريك اطرافه شافاهم الله وعافاهم |
|
20-06-2014, 09:02 AM | #38 |
عضو نشط
|
الحلقة الحاديه عشر وعنوانها: بروفيسور علم النفس
كما ذكرت لكم في السابق اني كنت اتعالج سلوكياً في بريطانيا، ومرة من المرات ذكرت لي الاخصائيه انه لكي ياتي العلاج النفسي السلوكي بنتائج يجب ترك الدواء بشكل كامل!! كان هذا تحدي بالنسبه ليا خاصة لاني اعرف مسبقاً طبيعه مرضي وانه شبه مزمن واحتاج الى الدواء ولو بجرعات بسيطة!! ذكرت لها مخاطر التوقف المفاجئ وقالت لي لاتستعجل حاستشير بروفيسور علم النفس في الجامعة واعطيك الاجابه، فعلاً الاخت استشارت البروفيسور والي ايد فكرها وطريقتها وقال لازم تتركه نهائياً وماراح يضر اذا كان بشكل مفاجئ عادي!! في الحقيقة انا كنت انسان ماعترف باي راي ولو كان من بروفيسور اذا ماعندي قناعة فيه!! وهذا الي خلاني اخد موعد عند الطبيب العام عشان اسأله بنفسي. سألت الطبيب العام عن ترك الدواء وكانت اجابته اكثر من منطقيه بالنسبه لي حيث قال: انت بتمر بفترة عدم استقرار وسفر ودراسه واختبارات، واعتقد ان توجيه الاخصائيه السلوكيه غير صحيح تماماً مع احترامي لها ولاستاذها نحن في الطب نعرف شي اسمه تعود الجسم ع الدواء وسحبه فجأه ممكن يؤدي الى انتكاسه انت في غنى عنها!! هذا غير عدم جدوى ترك الدواء في هذي المرحله وايضاً لأن الدواء سيساعدك كثيراً على تثبيت المزاج بدلاً من الترنح في الاعراض الجانبيه الكثيرة للقلق والي انت لديك استعداد اصلاً لها!! بصراحة حسيت كلامه هوا الصح وهنا اكتشفت السر، السر هوا ان الطبيب ادرى واعلم بتأثير الادويه ع المريض، اما الاخصائي النفسي مهما بلغ علمه ف ليس لديه اي معلومه عن الادويه النفسيه و طريقه عملها الا بشكل عام جداً!! الدليل على ذلك هوا سؤالي للاخصائيه عن الدواء الي باخده وقالت لي لا ادري!! ولاكن الادويه النفسيه متشابهه!! من هذا الباب اجد اغلب الي في المنتديات وخاصه العربيه هم من فئه هذي الاخصائيه والي بتنصح بترك العلاج وللأسف قله هم الي مثل الطبيب يعطوك نصيحه طبيه تستفيد منها ولا تسبب تناقض لك!! كنت ولا ازال اقرء في المنتديات الاجنبيه عن مرض الهلع والاكتئاب والقلق وتجارب الناس، ووجدت انه يوجد العديد منهم الي يفكروا بترك العلاج بشكل نهائي لاكن سرعان مايرجعوا اما بسبب الاعراض الانسحابيه او بسبب ان القلق رجعلهم بشكل مضاعف، السبب في تفكيرهم بالترك اولاً لقلة خبرتهم وثانياً لتحسن الاعراض مع الدواء والي يجعلهم يعتقدوا انهم تشافوا وبمجرد الترك يرجع المرض ثاني!! النصيحه بشكل مختصر: ترك الدواء اختيار زي ما البدء في اخذه اختيار وقد يكون اضطرار! لاتفكر بترك الدواء من تلقاء نفسك ودايماً استشر طبيبك فهو الادرى بحالتك. هناك فرق بين الطب النفسي وعلم النفس، غالباً الطبيب النفسي بينصح بالاستمرار بالعلاج اطول فترة ممكنه وان استمرت عشرات السنين!! اما المختص النفسي بينصح بالترك لقلة الخبرة والدرايه باعراض هذي الامراض اذا شار عليك الطبيب بالترك هنا راح يعطيك ادويه مسانده، والي تقلل من الاعراض الانسحابيه، الترك مفيد اذا كنت توك بادئ في العلاج مالك اسبوعين وحبيت تترك لتحسن الحالة او كان عليك ضغط لفترة كبيره وزال هذا الضغط تماماً مما جعل تفكيرك يرجع طبيعي بدون قلق... وغيره من الحالات الي الطبيب ادرى بيها. هذا وصلى الله على سيدنا محمد وعلى آله وصحبه وسلم وارجو ان تكون النصيحه مفيده خاصه للي بيفكرو بالاستمرار او الترك |
التعديل الأخير تم بواسطة مابنكسر صابر ; 20-06-2014 الساعة 09:04 AM
|
20-06-2014, 11:28 AM | #39 | |
عضو نشط
|
اقتباس:
لانو هذي حاجه طبيعيه بيسويها الجسم، في نوبات الهلع وقت النوبه والي ممكن تستمر لدقائق لايمكن السيطره ع الاعراض والحل هوا قبل هذي النوبه والمحاوله بالاساليب الي ذكرتها انو تخرجي نفسك منها وتحاولي بقدر المستطاع انو تعتبريها شي عادي وماتخافي انو تجيكي. اذن خلاصة الموضوع حاولي تشتغلي ع تفسيراتك للاعراض وكمان نمط الحياة ووقت النوبه لاتحاولي تمنعيها خلاص قيدها سارت حاولي تمشي في البيت الين تخف لان المشي يخفف من الاعراض وقت النوبه : ) |
|
|
21-06-2014, 07:12 AM | #40 |
عضو نشط
|
الحلقة الثانية عشر: المكملات الغذائيه والصحة النفسية
هل فكرت للحظه ليش اوصى الرسول صلى الله عليه وسلم باعطاء التلبينه لمن توفى له قريب؟ ثبت علمياً ان الشعير يقوي الروابط العصبيه مما يؤدي الى تحسن سريع في المزاج وجبر للخاطر. من هذا المنطلق حنقول انو فعلاً يوجد اغذيه ومكملات تنفع كثيراً مع حالة القلق والهلع، انا عن نفسي جربت التلبينه وماستسغتها وبالتالي ماقدرت استمر عليها. كنت بابحث عن البديل وقرات في العديد من المنتديات الاجنبيه والعربيه عن العديد من المكملات الغذائيه المفيدة جداً لحالات الهلع والقلق عن تجربه 1)اول منتج ينصح بيه هوا فيتامين ب12 يوجد العديد من المكملات تحتوي على مجموعه فيتامينات ب وهي من الفيتامينات المهمة جداً للجهاز العصبي ومن افضل هذي الانواع الستريس تاب ويباع في جميع الصيدليات وللامانه انا ماستخدمته الا فترة قليلة وماحسيت بفرق كبير لاكن الابحاث الي قراتها تقول انو من افضل المكملات الي يمكن اخذها. يعطى ايضاً في الفترات الانسحابيه عند ترك الدواء النفسي لانو يخفف منها. 2) عسل المانوكا الاصلي: من افضل ماجربت للصحة العامه، يحسن ويقوي ويغذي الجسم، ايضاً يعمل على تحسين الهضم ويخفف من اعراض القولون والمعدة ومفيد جداً للي حالة القلق عنده مرتبطه باضرابات معديه او معويه. بس انتبهوا، اغلب الي منتشر بالاسواق هوا المنتج التقليد لعسل المانوكا، يفضل انك تطلبه بشكل مباشر من نيوزيلندا من الشركات المعتمده في هذي اللسته: http://www.umf.org.nz/licensees طبعاً الجهة الي ارفقت رابطها والمسماه بي UMF بتعطي اعتمادات ورخص للشركات الي تنتج المانوكا الاصلي ويوجد ايضاً ختمهم على اي شركة معتمده فقط لتسهيل الامر على الناس لشراء المنتج الاصلي، يفضل اخذه بتركيز +18 وان اخذ باقل من هذه النسبه فما يضر وحتلاحظ النتيجه مع الاستمرار عليه. البريطانيين مدمنين عليه ومن اكثر انواع العسل مبيعاً عندهم ومصدره نيوزيلندا 3) الماغنيسوم!! قد تستغرب ياعزيزي ان هذا العنصر من اهم المعادن الي يحتاجها الجسم لاتمام عملياته الحيويه ووجد في اكثر من 300 انزيم يفرزه الجسم، حاجه الجسم للماغنيسوم يوميه ويوجد في الخضار بشكل عام والمكسرات، ولاني من الاشخاص الي ماهتم بالغذاء كثير ومانوع فيه فانا افضل اشتريه ك مكمل غذائي، في العديد من المكملات الي تحتوي على المغنيسوم وبعضها يجي مع الكالسيوم والزنك وفيتامين د3 وهذا الي انا استعمله ومرا حسيت بتحسن عليه. قرات دراسات اجنبيه عديده عن ارتباط نقص الماغنيسوم بالضعف العصبي وايضاً ارتباط فيتامين د3 بحدوث الاكتئاب، وخلاصتها انو اخذ هذي الفيتامينات بمقدار معتدل وموزون يومياً ساهم في التخفيف الملحوظ في الحالات المصابه بالاكتئاب والقلق. انا استخدم منتج اسمو osteocare موجود في كل الصيدليات يصنف من ضمن المكملات الغذائيه. هذي خلاصة المكملات الي اتفق اغلب المجربين على فائدتها للقلق والهلع، حالياً استخدم فقط الماغنيسيوم، واحيانا العسل لاكن مو كل وقت، اكيد زي مانوه في كل موضوع لازم استشارة الطبيب قبل اخذ اي مكمل او دواء لان مثلاً الكالسيوم ممكن يسبب ترسبات وحصوات للي جسمه عندو قابليه لذلك فيجب اخذه بكميات محدودة لاتتعدى 800 مج ويجب ان يكون مع الماغنيسوم لان الاخير يمنع حدوث هذا الترسب والمنتج الي وصيت فيه من افضل المنتجات في هذه الناحية وعن نفسي اخذه بمقدار حبه يومياً رغم ان التوصيه على علبه المنتج تقول حبتين لاكن اشوف ان الحبه كافية لانك بتاخذ كالسيوم من الاطعمه الي تتناولها فما يحتاج تعطي الجسم اكثر من احتياجه. هذا والله تعالى اعلم |
التعديل الأخير تم بواسطة مابنكسر صابر ; 21-06-2014 الساعة 07:14 AM
|
22-06-2014, 05:15 AM | #42 | |
عضو نشط
|
اقتباس:
في العديد من المسببات لنشفان الريق، لازم تروحي عن دكتور يعملك فحص للغدة الدرقية وصورة كاملة للدم وايضاً فحص للسكر في الدم وكمان اذا عندك حموضة وارتجاع في الحمض ممكن يكون احد الاسباب حتى يتم استبعاد اي مسبب عضوي اذا كلها ان شاءالله سليمه فهنا انصحك بحلويات المص زي حلاوة سكر النبات تتباع عند العطارين ومره تساعد لحل هذي المشكلة شافاكي الله وعافاكي |
|
التعديل الأخير تم بواسطة مابنكسر صابر ; 22-06-2014 الساعة 05:16 AM
|
23-06-2014, 07:54 AM | #44 |
عضو نشط
|
النصيحة الثالثه عشر وعنوانها: طبيعة الحياة
الحياة عبارة عن طلوع ونزول وضيق وتساهيل، وعسر يتبعه يسرين. الي يقول غير كدا شخص لايفقه شي والي يتوقع ان الحياة كلها افراح و انها مكان للراحة والاستمتاع هذا اكبر شخص واهم!! الحياة لو كانت حتصفو لاحد كانت صفت لسيدنا محمد صلى الله عليه وسلم!! طيب ليش هذا كله؟ الاجابه بكل سهولة ذكرت في القرآن (ليبلوكم) نعم اخي واختي الكريمة، لازم تعرف ان الحياة هذي اختبار طيب من هذا المنطلق نجي لموضوع ظروف هذي الحياة، فلو جينا لبيوت الناس وعرفنا اسرارها لشاب راسنا من المشاكل والهموم نعم ف جارك الي يمتلك سيارة اخر موديل اصيب مؤخراً بالسكر، و قريبك الي اتولى منصب كبير مات له اعز اولاده وهكذا! مافي احد مرتاح بالعربي كلو بيعاني وحتى الشخص الي مؤقتاً ماعنده ولا مشكله ومعاه فلوس وسيارات وطيارات وغيرو، هل عندو اكثر من ال 24 ساعه الي عندك؟ هل معدته تتحمل طعام اكثر من معدتك؟ هل لو عمل مجهود بدني التعب مايجيه؟ هل هوا قادر على النوم اخر الليل براحة وبدون اي هموم؟ الاجابه على هذي الاسئله الحياتيه حتبين لك ان الحياة ماصفيت ولا حتصفو لاحد واعيد واكرر ماهي مكان للمثالية ابدن بس استنى لحظة من اكثر المخلوقات الي خلقها ربنا تعقيداً هوا انت وانا وباقي البشر!! خلقنا وعندنا القدرة على التكيف! كيف؟ ايوه التكيف مع اي ظرف انت مارر فيه، فقدت وظيفه؟ مانجحت في دراسه؟ زوجتك ماتطبخ!! اي مشكله كبيره في نظرك تقدر تتكيف معاها وتحولها لنعمة بدل ماتندب حظك!! راح اضرب مثال بسيط وقيس عليه، احياناً تلاقي مجموعة من النمل ماشيين في حال سبيلهم وانت تجي ببرود دم ترش عليهم موية عشان تتخلص منهم النمل حتلاقيه عمل نفسه ميت عشان لاتزيد عليه بس تعال بعدها بكم دقيقه حتلاقي الشعب حط رجله وانت ماتدري!! ايش السالفة وكيف ومتى؟ حاقولك ببساطه لان النمل هنا ماستسلم للواقع الي هوا فيه، اتاقلم معاه ومثل انه ميت، ولما راح الخطر قام ونفض ثوبه ومشي!! بالله لو في نملة مكتئبه ومهلوعة ايش حتسوي؟ ماظن انو حتكون معاهم اصلاً لانها في بيتها ماتبي تخرج! او تلاقيها غرقت نفسها في الموية بدل من انها تنقذ نفسها! هنا اخي المهلوع او القلق درس انو الظروف من حولك ماحد قال ماهي صعبه والحياة بطبيعتها فيها تعب ومشقه ومع جونا الحار عاد لا احكيكم انتو عارفين التفاصيل!! لاتتصور انك حتتخلص من مرضك وانت جالس في بيتك مخافة الخروج وانو حيسيرلك شي! لا تظن انو ربي حيغيرلك حياتك وانت ماتحركت ولاسويت اي مجهود!! اكثر شي راح يخليك تتخلى عن الدواء النفسي هوا تغييرك لنمط حياتك! ومو تركه بالتدريج وانت جالس في بيتك بدون اي تغيير اكبر خطأ اشوف اخواني المهلوعين يسووه هوا ترك الدواء وهوا لسا ماغير شي في حياته، وكل شي عالق!! الدواء نعمة واستغل فترة اخذه بالانجاز حتفشل حتطفش حتمل حتنقهر كلها اعراض جانبيه لبداية النجاح وبداية الطريق الصح مرضك هذا جا نتيجة ضغوطات كثيرة، هون على نفسك وخد كل شي بالتدريج، عصيت الله يوم استغفر وتوب وماعليك من الي يقولك ربي ماراح يغفرلك مهما سويت او فعلت، بالعكس ربي يحب التوابين ويحب المستغفرين ذكر الله في قصة سيدنا يونس مثال عظيم قصد بيه تعليمنا نحن معاشر المؤمنين، القصة تعرفوها وهيا بلع الحوت لسيدنا يونس ايش عمل النبي الكريم صلوات الله عليه، قال لا اله الا انت سبحانك اني كنت من الظالمين!! ماقعد مكتوف الايدي دعا الله وهوا في مكان هلاكه فيه 100٪ فايش قال الله (فنجيناه) ياسلام طيب يابش مهندس دا الكلا بس لسيدنا يونس ايش دخلنا نحن!! لا دخلك ياحبيبي ايش قال بعدها (وكذلك ننجي المؤمنين) !!! اذن الشغلة هنا مو بس معونة الهية لنبي كريم لا، انت وانا كمان قد نكون داخل هم وغم اشبه بجوف الحوت! لاكن هل الله يصعب عليه انو ينجيك! لا ابدنً بس اذكره بقلب وقوله يارب عصيت وظلمت نفسي فسامحني واخرجني من حلق الضيق وادعي بدعاء سيدنا يونس ففيه الخير كله اعاننا الله واياكم على مشوار الحياة وتذكر ان الحياة مكان اختبار |
التعديل الأخير تم بواسطة مابنكسر صابر ; 23-06-2014 الساعة 07:57 AM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|