يوميات المكتئبين تعال نسولف

قال صلى الله عليه وسلم : مَن قالَ حِينَ يُصْبِحُ وَحِينَ يُمْسِي: سُبْحَانَ اللهِ وَبِحَمْدِهِ، مِائَةَ مَرَّةٍ، لَمْ يَأْتِ أَحَدٌ يَومَ القِيَامَةِ بأَفْضَلَ ممَّا جَاءَ به، إِلَّا أَحَدٌ قالَ مِثْلَ ما قالَ، أَوْ زَادَ عليه. رواه مسلم

قال صلى الله عليه وسلم : من قَالَ : لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، عَشْرَ مِرَارٍ كَانَ كَمَنْ أَعْتَقَ أَرْبَعَةَ أَنْفُسٍ مِنْ وَلَدِ إِسْمَاعِيلَ . متفق عليه

قال صلى الله عليه وسلم : مَن قالَ: لا إِلَهَ إِلَّا اللَّهُ وَحْدَهُ لا شَرِيكَ له، له المُلْكُ وَلَهُ الحَمْدُ، وَهو علَى كُلِّ شيءٍ قَدِيرٌ، في يَومٍ مِائَةَ مَرَّةٍ؛ كَانَتْ له عَدْلَ عَشْرِ رِقَابٍ، وَكُتِبَتْ له مِائَةُ حَسَنَةٍ، وَمُحِيَتْ عنْه مِائَةُ سَيِّئَةٍ، وَكَانَتْ له حِرْزًا مِنَ الشَّيْطَانِ يَومَهُ ذلكَ حتَّى يُمْسِيَ، وَلَمْ يَأْتِ أَحَدٌ أَفْضَلَ ممَّا جَاءَ به، إِلَّا أَحَدٌ عَمِلَ أَكْثَرَ مِن ذلكَ، وَمَن قالَ: سُبْحَانَ اللهِ وَبِحَمْدِهِ، في يَومٍ مِائَةَ مَرَّةٍ؛ حُطَّتْ خَطَايَاهُ ولو كَانَتْ مِثْلَ زَبَدِ البَحْرِ. متفق عليه

معنى كانت له عدل عشر رقاب : كانت له مِثلُ ثَوابِ عِتْقِ عَشَرةٍ مِنَ العَبيدِ المَملوكين

قال صلى الله عليه وسلم : أَحَبُّ الكَلامِ إلى اللهِ أرْبَعٌ: سُبْحانَ اللهِ، والْحَمْدُ لِلَّهِ، ولا إلَهَ إلَّا اللَّهُ، واللَّهُ أكْبَرُ، لا يَضُرُّكَ بأَيِّهِنَّ بَدَأْتَ. رواه مسلم

قال صلى الله عليه وسلم : لأَنْ أَقُولَ: سُبْحَانَ اللهِ، وَالْحَمْدُ لِلَّهِ، وَلَا إِلَهَ إِلَّا اللَّهُ، وَاللَّهُ أَكْبَرُ؛ أَحَبُّ إِلَيَّ ممَّا طَلَعَتْ عليه الشَّمْسُ. رواه مسلم

عبدو عمر ,ظل امرأة معجبون بهذا

المشاركة الأصلية كتبت بواسطة للغايب عذر

السلام عليكم

الموقف اللي قلت بقولكم عنه هو التالي

انا من صغري عندي لتغة او لثغة او لدغة ( صارت لدغة ثعبان هههههه ) في حرف الراء

وانا صغير ماكنت ادري ان هالامر عندي وكنت منطلق في الكلام وعلى نياتي احسب كل شي تمام ههههه

لما بدأت بعض الناس تقلدني وتستهزئ بطريقة كلامي .. بعدها اكتشفت انه عندي اللتغة هههههه

المشكلة انه السخرية جت من عدة اشخاص وفي مواقف متعددة

الشي هذا دمرني حرفيا .. ماهو مبالغة لا فعلا دمر شخصيتي وثقتي بنفسي

طبعا الشي هذا جا مع الوقت ماهو من اول مرة جا واحد وقلد نطقي لحرف الراء .. بالعكس يمكن في البداية كنت اضحك مع الشخص وماكنت فاهم وش يقصد

لكن مع الوقت وتكرر المواقف تأثرت شوي شوي لما تدمرت

صرت شخص قليل الكلام جدا لاني اخاف احد يتنمر علي .. طبعا الكلام شي مهم جدا في العلاقة مع الناس

يعني تخيل تجلس في مكان وعدد الكلمات اللي تقولها ماتتجاوز اصابع اليد .. هذا شي متعب

حتى كثير من الناس صارت تسالني ليش ماتتكلم وتخيلوا صار البعض يسخر مني مثلا يقولون الفتى الصامت ههههههه

يعني اذا تكلمت ماسلمت واذا سكت ماسلمت

ياجماعة والله بدون مبالغة جلست سنوات طويلة جدا اتجنب اي كلمة فيها حرف الراء واحاول بكل جهدي لو اضطريت اقول كلمة فيها الراء استبدلها بكلمة ثانية مرادفة لها

حتى بعض الاحيان مايجي في بالي مرادف للكلمة واجيب كلمة مقاربة في المعنى لكن ماتوصل الشي اللي ابي اقوله

ترى الشي هذا صار جزء مني يعني ماهو بس برا البيت .. لا حتى مع اهلي في البيت

يعني تخيلوا في ابسط الاشياء مثلا ابوي بيجيب عشاء ويسألنا وش تبون مشروب ويقولي تبي بيبسي او ميراندا اضطر اقول بيبسي مع اني ماكنت احبه وكنت من عشاق الميرندا هههههههه

او مثلا يقول تبون شاورما او فلافل وانا احب الشاورما لكن اختار الفلافل ههههههههه عاد النكبة الكبيرة لما يقول تبي برقر او شاورما هنا اتوهق واقول عادي اي شي

هذا بس امثلة بسيطة .. الامر اثر علي بشكل غير طبيعي حتى في الدراسة

صرت اخاف من حصة القراءة لاني مابي اقرأ تخيلوا اجلس في قلق وخوف لما تنتهي الحصة لاني اخاف المدرس يقولي اقرأ

الامر اثر على شخصيتي ونفسيتي واضعفها بشكل كبير

انا متأكد ان اللي كانوا يتنمرون علي ماكانوا يتصورون مدى التأثر اللي راح اتأثره .. كانوا يتوقعون انه موقف وينتهي في وقته وماله اثر

طبعا التنمر حصل لي من ناس في نفس عمري ومن ناس كبار اكبر مني بكثير

الفترة الاخيرة اخر سنتين تقريبا او ثلاث بديت اتجرأ على الكلام اكثر حتى لو الكلمة فيها حرف راء اقولها

والشي الكويس اني شفت ناس كثير عندهم صعوبة في نطق بعض الحروف وعادي يتكلمون وماهمهم احد

وهذي شجاعة وشي كويس وممكن يكون شي ملهم للي عنده صعوبة في بعض الحروف .. انه اذا شاف غيره عنده هالامر وعادي يتكلم طبيعي فـ يصير يتجرأ على الكلام

طبعا الى الان باقي الاثار في شخصيتي وحتى في علاقاتي وكلامي يعني احاول اتجنب الكلام وحتى بعض الكلمات اللي فيها راء اتجنبها لاني احسها صعبة

يعني تحسنت لكن ماهو بشكل كامل .. تخيلوا مع ان الموضوع قديم مره لكن اثاره مازالت معي

لذلك انتبهوا من السخرية والاستهزاء بالناس ولا تقول هذا صغير وماراح يتأثر !! بالعكس التأثير ممكن يكون اقوى على الصغير ويبقى مجروح طول العمر

طبعا ماهو التنمر بس على طريقة الكلام .. لا حتى على الشكل او الحالة المادية او اي شي

يعني للاسف اشوف كثير جدا ناس تتنمرعلى اللي وزنه زايد .. كثير منهم يكون يمزح مع صديقه او قريبه ويقوله كلمة من باب المزح والضحك

وتلقى المتنمر عليه يضحك ويكتم في قلبه لذلك الناس تحسب انه عادي يتقبل ومايتأثر

وهو كاتم في قلبه وهالشي بيأثر عليه وممكن يدمر شخصيته

احذر تقول كلمة عابرة ماتلقي لها بال وتكون سبب في دمار شخصية انسان

قال تعالى : يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَن لَّمْ يَتُبْ فَأُولَٰئِكَ هُمُ الظَّالِمُونَ

يسعد صباحك وكل أوقاتك يا طيب
ومتل ما حكيتلي جهزت قهوتي
وبدأت بمتابعة المسلسل قصدي الحكاية ههههه

ضحكتني والله اضحك الله سنك ههههه
ماشاءالله عليك اسلوبك حلو كتير وفكاهي ومشوق
طبعا كل شيء من الله نحمده عليه ونشكره

ومافي إنسان خالي
والكمال لله وحده..كل حدا عنده نقص بشيء ما ..
سواء ظاهر أو باطن...
مشان هيك واجب على كل إنسان يحترم نفسه اولا..ولو رأى الإنسان عيبه ما عاب أحد على أحد...المهم انت اخي خليك متصالح مع نفسك و واثق بحالك.. وراضي بما عندك ..
واكيد انت هيك اخي مشاءالله إنسان خلوق وطيب
.ربي يحفظك ويزيدك من فضله

ومافي شيء يستدعي الخجل اصلا...
.هذا أمر الله والحمدلله على كل شيء

والأمر بسيط وعادي اخي..ربي يسعد قلبك..
والعيب الحقيقي هو إساءة المسلم لأخيه المسلم كلاميا او فعليا
ف الويل لهم حسابهم عند الله عسير....
وانت ما شاءالله عليك دائما تستشهد كلامك بآيات قرآنية

وأحاديث شريفة..بارك الله فيك وجزاك كل الخير
وكل الاحترام لك يا طيب🌹🌹

للغايب عذر ,عبدو عمر معجبون بهذا

المشاركة الأصلية كتبت بواسطة للغايب عذر

هلا بالاخت الفاضلة ظل .. صباحك وايامك كلها رضا وسعادة يارب

ابشرك نزلت الحلقة بس ترى طويلة شوي ههههههه

يبي لك كوب قهوة وانتي تتابعيها عشان ماتصدعين ههههههه

احلى صباح ..كوب قهوة و متابعة الحلقة هههههه
يسعد كل ايامك هههه🌹🌹🤗

للغايب عذر معجب بهذا

ما دام في السماء كريم يُجيب. .

فلا تحزن ولا تَخيب...
طبتم حيث كنتم
صباحكم ورد🌹🌹

للغايب عذر ,عبدو عمر معجبون بهذا

المشاركة الأصلية كتبت بواسطة ظل امرأة

يا هلا وغلا اخي عبدو
وانت بخير وصحة وسلامة
العيد كان سعيد ومليء بالمفاجآت السارة ههههه🙆‍♀️🤦🏻‍♀️🤭
وهي حصتك من حلويات العيد ولا يهمك


تفضل .. تفضلوا جميعا هههههه🤗😄

السلام عليكم
صباح الخيرات و البركات
الحمد لله..ونسعد باخباركم الطيبة
شكرا على حلويات العيد ههههه‍هههههه
بالتوفيق دائما

ظل امرأة معجب بهذا

السلام عليكم
صباح الخيرات و البركات
يبقى الأمل حافزا للاستمرار
بالتوفيق للجميع

ظل امرأة ,للغايب عذر معجبون بهذا

المشاركة الأصلية كتبت بواسطة ظل امرأة

يسعد صباحك وكل أوقاتك يا طيب
ومتل ما حكيتلي جهزت قهوتي
وبدأت بمتابعة المسلسل قصدي الحكاية ههههه

ضحكتني والله اضحك الله سنك ههههه
ماشاءالله عليك اسلوبك حلو كتير وفكاهي ومشوق
طبعا كل شيء من الله نحمده عليه ونشكره

ومافي إنسان خالي
والكمال لله وحده..كل حدا عنده نقص بشيء ما ..
سواء ظاهر أو باطن...
مشان هيك واجب على كل إنسان يحترم نفسه اولا..ولو رأى الإنسان عيبه ما عاب أحد على أحد...المهم انت اخي خليك متصالح مع نفسك و واثق بحالك.. وراضي بما عندك ..
واكيد انت هيك اخي مشاءالله إنسان خلوق وطيب
.ربي يحفظك ويزيدك من فضله

ومافي شيء يستدعي الخجل اصلا...
.هذا أمر الله والحمدلله على كل شيء

والأمر بسيط وعادي اخي..ربي يسعد قلبك..
والعيب الحقيقي هو إساءة المسلم لأخيه المسلم كلاميا او فعليا
ف الويل لهم حسابهم عند الله عسير....
وانت ما شاءالله عليك دائما تستشهد كلامك بآيات قرآنية

وأحاديث شريفة..بارك الله فيك وجزاك كل الخير
وكل الاحترام لك يا طيب🌹🌹

اهلا وسهلا اختي الطيبة الفاضلة ظل

مشكورة على الكلام الجميل جزاك الله خير

وكلامك صحيح من ناحية التصالح مع النفس وعدم اعطاء الامور اكبر من حجمها

لكن بصراحة تطبيق هالامر احيانا يكون صعب لاننا بشر وعندنا مشاعر ونتأثر

والناس تختلف شخصياتها وحساسيتها .. البعض ممكن موقف صغير يدمره ويبقى معه للابد

لكن مثل ماقلتي لازم الواحد يتصالح مع نفسه ويحاول يكون اقوى

حتى لو تأثر فترة لازم يعالج نفسه ويتخلص من اثار المواقف اللي تحصل له

والحمدلله انك ضحكتي واعجبتك القصة ههههههههه

الكتابة اسهل بالنسبة لي .. لو كنت اتكلم بالصوت ماراح اقدر اوصلكم الفكرة لاني راح اتجنب بعض الكلمات اللي فيها حرف الراء هههههههه

صرت ما اعرف اتكلم لفتره طويله واحيانا ما اقدر استرسل في الفكرة

الحمدلله على كل حال

ومرة ثانية اقول انتبهوا لكلامكم مع الناس ولاتكونوا سبب في ايذاء غيركم

رررررررررررررررررررررررررررررررررررررررررررررررررر ههههههههه

المشاركة الأصلية كتبت بواسطة ظل امرأة

احلى صباح ..كوب قهوة و متابعة الحلقة هههههه
يسعد كل ايامك هههه🌹🌹🤗

ههههههه بالعافية

انا القهوة المفضلة عندي العربية .. باقي الانواع نادر اشربها

اهم شي قهوتك تكون بدون سكر

اذا تشربيها مع سكر حاولي تقللي كمية السكر تدريجيا لما تتخلصي منه بشكل كامل

انا كنت كذا اذا شربت قهوة غير العربية احط سكر معها وكذلك مع الشاي

بعدين صرت اقلل كمية السكر بشكل تدريجي لما صرت ماعاد احط نهائي

ولاحظت الشاي يطلع له طعم بدون السكر .. الحين ما اقدر اشربه اذا معه سكر

ظل امرأة معجب بهذا

اعزائي المتابعين اربطوا الاحزمة واستعدوا موعدنا مع قصة جديدة

قصة حزينة لكن فيها عبرة وفائدة

في سنة 2010 تقريبا او نهاية 2009 تعرفت في النت على شخص اسمه صلاح .. كان النك نيم او اليوزر حقه اسمه : نكد

وبعدين اكتشفت انه حتى حروف لوحة سيارته كانت : ن ك د

بس العجيب انه ماكان شخص نكدي بالعكس اسم على غير مسمى

كان هو اللي يسولف علينا ويضحكنا

مرة وانا اسولف معه بالكتابة طبعا .. كنت باقي ماكلمته بالصوت .. قالي انه بيسافر من مدينته للمدينه اللي انا فيها

عشان يبي يحضر مباراة للفريق اللي نشجعه ( وشرايكم باسلوب الغموض مسوي شخص مهم ماذكرت لكم اسم المدينة او النادي ههههههه )

المهم اتفقنا انه نروح للملعب مع بعض .. يجي ياخذني من البيت ونروح مع بعض

الغريب في الامر انه قبله تعرفت على ناس بالنت لكن ماعمري فكرت اقابل احد خارج الشبكة العنكبوتية << متعوب عليها الكلمة ههههه

لكن هذا الشخص ماترددت اني اقابله مع اني مثل ماقلتلكم ماسمعت صوته ولا شفته وكل اللي بيننا بس رسايل كتابية

جاني للبيت ورحنا للملعب مع بعض وبعدها بفترة كان فيه مباراة مهمة وقالي وشرايك نروح للملعب قلت اوك

وفاجأني انه شاري تذكرتين لي وله في منصة الملعب يعني مكان مميز وسعرها غالي طبعا هو دفعها وما اخذ مني شي

بعد المباراة عزمني على مطعم فخم وصرنا كل فترة نحضر مباراة في الملعب او نروح لكوفي

المهم الشخص واضح انه طيب القلب ونظيف وكريم جدا .. بصراحة وقتها انا احسب تعامله معي لحالي كذا

وتوقعت اني صديقه الوحيد او على الاقل صديقه المفضل .. عايش الدور اني شخصية محبوبة هههههه

لكن بعدين تفاجأت ان عدد اصدقائه كبير جدا .. وكلهم يعاملهم بالنفس الطريقة ويحسس كل واحد انه صديقه المفضل

ويهديهم هدايا ويكرمهم

مرت الايام وبعد كم شهر من تعرفي عليه ( اتوقع معرفتي به ماتجاوزت سنة وممكن اقل )

في يوم من الايام قالي وشرايك نروح للملعب نحضر مباراة قلت اوك وقالي بمرك بعد المغرب للبيت

جلست انتظره وتأخر علي .. وحنا في العادة تواصلنا بالرسايل ماهو بالمكالمة .. ارسلت له قلت ليش تأخرت ومارد

بعدين ارسلت قلت شكلك انشغلت ونفس الشي مارد .. هنا انا قلقت وقلت بتصل اتطمن

اتصلت لقيت جواله مقفل .. المشكلة اني ما اعرف احد من اهله ابد يعني ماقدر اعرف وش صاير .. حتى بيته ما اعرفه

في اليوم الثاني تفاجأت بخبر وفاته الله يرحمه

وهو جايني للبيت وفي نفس الحي اللي هو فيه يعني قريب من بيته صار عليه حادث وتوفى

اسال الله ان يرحمه ويعوضه شبابه بالجنة ويعوض اهله خير

بعد وفاته تفاجأت برسالة هو كاتبها ونشرها في منتدى او موقع قبل وفاته بفترة بسيطة شهر او شهرين .. وكأنها رسالة وداع

بنسخ لكم كلامه في الرد الجاي

ظل امرأة معجب بهذا

مساء يوم الأحد 19\12\2010 تعرض اخونا صلاح الغامدي لحادث مروع اودى بحياته رحمه الله

هل تخيلت نفسك وأنت تبحث في ملامح الناس في الشوارع عن ملامح إنسان أحببته او صديق عرفته وترى في كل هذه الوجوه شيئا منه ؟‏..‏ تجد كل هذا في صلاح (الله يرحمه)

عدنآ والعود أحمد .. قصة غيآبي وأسبآبهآ .. ومآتعلمته منهآ

بـسم الله الرحمن الرحيم

أسعد الله أوقآتكم بكل خير ..

قبل فتره مو بالبعيده .. وهنآ في الفورم سبرينق .. شفت شخص كتب موضوع بمآ معنآه .. إن الأيآم هذي مآ ينفع لآ صديق و لآرفيق ولأآحد .. ومآبينفعك إلآ قربك من ربك وكذآ..

صرآحه أول مآشفته قلت كلآم غلط في غلط يعني مستحيل أحد مآبينفعه صديقه .. او أحد مآعنده خوي وخصوصآ إذآ كآن يمر بظروف صعبه..

بس قصتي أتوقع إن ربي خلآهآ عبره لي و درس تعلمت منه صحة المقوله اللي كتبهآ الشخص

((مو نآفعك احد غير قربك من الله ))

وبقربه يقرب كل بعيد .. ويهون كل صعب .. ويزول كل هم .. ويجتمع حولك كل شخص يحبك وتحتآجه..

من أسبوعين تقريبآ .. مريت في أيآم وليآلي كآنت من أصعب أيآم حيآتي .. لدرجه .. كل مآ أتذكرهآ مآ أتصور كيف عدت على خير..

وخصوصآ يوم السبت المآضي.. مريت في حآله .. ومحتآر بين أمرين.. وربي بغيت أسويهآ

إمآ أنتحر .. وهذآ أسهل حل .. أو أطيح في المخدرآت ع الأقل تهدي نفسي وتريحهآ وتخليني أنآم..

..

خلاص مآعآد صرت أقدر افكر في أي شي..

العقل تقفل أحآول أفكر مو قآدر.. الهم لعب فيني والتفكير..

أيآم بليآليهآ تمر ..لآ أكل .. لآ شرب .. لآ نوم .. لآ رآحه .. والهم يلعب بي على كيفه..

صرت مثل السفينه والهم أموآج.. مره تحذفني يمين ويسآر مرآت ..

..بعدي عن الله .. وهجري للقرآن .. علآقتي السيئه من سنيييين مع أهلي .. تغير شخص عزيز وغآلي علي وإنقلآب حآله علي وكأني مسوي له شي أو أكن له شر !!.. خروج نآدي المفضل وأهم شي بحيآتي من الأسيويه بعد كل التعب اللي وآجهته والجهد اللي بذلته والسفر ووو وفي الأخير خروج بلآ مبرر ….

دوآمي والضغوط اللي فيه..

ولد عمي وظروفه الصعبه اللي يمر بهآ..

خويي والظروف اللي صآرت لعيآل خآلته ..

وأشيآء كثييييييييييييييير كثير لاتعد ولاتحصى كلهآ إجتمعت في فتره وحده ..

———–

علآقتي مع ربي كآنت سيئه وفيهآ من التقصييييييير الشي الكثير .. و كنت مهمل ومقصر في حقه وكأني بآعيش مليون سنه .. بعدين أتوب وخلآص!!

لآ صلاه في وقتهآ .. طبعآ هذآ إذآ صليت .. صلاه بدون وضوء أو وضوء من الصبآح ..

وووووالكثيييييير

وفي الأخير أنآم بكل رآحه وطمأنينه وكأني قآيم بوآجبي تجآه ربي!!

هجري للقرآن .. تصدقون .. إني هآجر القرآن ولافتحته من خمس أو ست سنين!!

لآ قرآة قرآن ..ولآ شي

أحس فيه شي يمنعني عنه . يبعدني عنه .. يقول لي بعدين مو الحين .. بعدين..

الى متى يعني وانآ على هالحآله خمس سنين يآ إبليس!!

سمآع القرآن .. مآ أحب أسمع أحد يقرأ قرآن قدآمي..

أكره أسمع الأذآن والدعآء.. أكره موية زمزم اللي كل مآشربتهآ أحس بدوخه مدري ليش ..وووو الكثيييير

وفي الأخير أروح أنآم وكأني طول اليوم أقرآ قرآن .. وطول اليوم أشرب زمزم..وطول اليوم أصلي..!!!

علآقتي مع أهلي سيئه بسببي .. يحآولون يتقربون مني بس أنآ أبعد .. يضحكون لي وآنآ أصد .. يسولفون لي اهجرهم .. يبون يقدمون لي أي شي أرفض ومآ أبغى أي شي بنفس شينه ؟!!!

أمي تسألني وش فيك أرد بنفس خآيسه مآفيني شي ..

تقول وش تبي أسوي لك من أكل أرفض وأقول مآبي شي بنفس شينه

وربي كل مآ أتذكر نفسي أحقد على نفسي

وودي أقتل نفسي

أمي تبي تطلب شي والله تستحي أو تطلب برسآله جوآل

أنآ أنغبن وأنقهر .. ودي أرجع مثل وأول وأعآملهم أحلى معآمله .. بس مو قآدر..

أحس فيه شي مآسكني .. شي يمنعني من هالشي..

وكل هذآ من خمس سنوآت .. نفس هجري للقرآن وتقصيري مع ربي وبدآية تغيير حيآتي بشكل غريب ومختلف مليون درجه عن حيآتي السآبقه

\.

وآحد من أخويآي يمر بظروف الله العآلم بهآ .. وحآلته مآتسر لآعدو ولا صديق.. حآولت أسآعده مآقدرت .. مدري وش فيه أصلا..

هو من النوع اللي يكتم همه وغمه في نفسه ومآدرى إنه كتم نفسي معآه

كرهت نفسي يوم شفتني مقيد مآبيدي شي أسآعده فيه لآنه هو مآتكلم

وهذآ أسوأ شي عندي .. إني أشوف أخويآي او نآس حولي فيهم ضيقه ومهمومين ومآقدرت أسآعدهم

يآخي أرم همك علي وأنسآه ..

عطني همك وإرتآح..

مستعد أشيل هموم العآلم .. بس أشوفهم مرتآحين..

مآهمتني نفسي كثر مآيهموني أخويآي

..طبعآ كل شي تغير في حيآتي

طبعآ كلكم بتستغربون من اللي كآتبه.. مو مصدقين إن أنآ نفس الشخص اللي تعرفونه .. دآيم يضحك ودآيم يستهبل .. بس هذآ الشي الوحيد اللي مآتغير في حيآتي..

علآقتي مع أخويآي والعزيزين علي..

وهذآ الشي تفسره الصوره اللي أنآ حآطهآ

ضآقت علي الوسيعه بمآ رحبت..حتى فكرت في أشيآء .. الله يفكنآ ويبعدنآ عنهآ

——————-

..

من أسبوعين بس .. بديت أفكر .. إلى متى وأنآ على هالحآل؟؟

إلى متى وأنآ مقصر مع ربي؟؟

إلى متى وأنآ هآجر القرآن؟؟

إلى متى علآقتي مع أهلي كذآ؟؟

إلى متى؟؟

كيف أوقف مع أخويآي وأسآعدهم حتى لو هم بعيدين او مآيتكلمون

قلت مآفيه الا حل وآحد .. بس إني بعيد عنه..

مقصر بحقه..

ومآفكرت فيه الا وقت الحآجه

اللي هو ربي ..

بس إني بعيد عنه..

وش أسوي؟؟!!

فضفضت للغآلي علي

شخص عرفته عن طريق النت

إرتحت له من أول جلسه معآه

شخص حبني وحبيته

عزني وعزيته

قلت مآفيه الا هو

وربي مآقصر

وأنآ أتكلم طلعت كل اللي في خآطري

مآصدق بحآلتي

واللي أمر فيه

ومآصدق كل هالهم فيني

ووقف بجنبي ومآزآل وآقف

بديت أغير من وضعي .. بديت أعدل علآقتي مع ربي اول شي..

بديت أصلي

بديت أدعي

بديت أقرأ القرآن

تحسنت حآلتي .. وضبطت أوضآعي من بعد مآقربت من ربي..

صرت أقوم الليل .. بس ليش؟؟؟

عشآن أدعي لأخويآي قبل كل شي

بعدين أدعي لنفسي..

بصرآحه من قربت من ربي بدت تزين حآلتي

بدت تضبط اورآقي..

بدت تضبط أحوآلي

خويي دآيم يسأل ويقول وش صآر عليك..

نصحني بكذآ شغله أسويهآ..

وبدآ ويآي مرحلة العلآج

وصآر يتآبع وش صآر علي..

يهآوشني ويزعل إذآ لقآني أجلت الحل والعلآج

من بعد مآرجعت لـربي لقيت اللي يوقف ويآي..

أوجده ربي بعد مآقربت منه..

وبقربي له هآنت كل مصآيبي..

وبديت أشوف الدنيآ من زآويه ثآنيه..

أصدق مع ربك بالتوبه..

إرجع لربك ..

وصدقني بتلقى كل النآس بجنبك..

زبدة الكلآم….

يآلغآلين .. كلكم تعرفوني .. والله لآني مطوع ولآ شي..

بس من وآقع تجربه حبيت أشآرككم بهآ .. حبيت أعلمكم قصتي فقط من أجل شي وآحد..

ألآ وهو .. تقربون من ربكم

إقربوآ من الله

وصدقوني كل هم بيفرج

وكل مآضآقت بتفرج

إن مع العسر يسرآ.. إن مع العسر يسرآ..

أنآ مجرب..

ضآقت وكل مآقربت من ربي تضيق زيآده وكنت متوقع إنهآ بتضيق لأني مؤمن بآيآت الله..إن مع العسر يسرآ..

والحمد لله فرج الله همي وغمي وضيقتي..

وتحمست من أجل تغيير مآكنت عليه إلى الأفضل

الحمد لله .. الصلاة في وقتهآ..

صرت أحآفظ على قيآم الليل..

وأحرص ع الدعآء بعد كل صلآه لأآخويآي أول ثم لي ..

أدعي للشخص اللي وقف معآي..

أدعي لخويي اللي ضآيقه به الدنيآ ولاتكلم وكآن بعيد عني..

أدعي لكم وآحد عزيز علي هنآ بالفورم

مآهمني نفسي ولادنيتي .. كثر مآتهموني إنتوآ..

أدعي لكم قبل أدعي لنفسي

—————..

هذي نصيحة مجرب…

خلك مع ربك قريب.. وبتهوون كل كربه..

الحمد لك يآرب على مآأنعمت به علي من نعم لآ أحصيهآ..

والحمد لك على قضآئك وقدرك.. وعلى مآ كتبته لي من هم وغم قربني إليك..

…..

يآرب وفق كل من قرأ هذآ الكلام..

يآرب وفق كل أخويآي .. في الفورم وغيره..

يآرب إرزقهم كل خير وأبعد عنهم كل شر..

يآرب فرج همهم وغمهم وكربهم..

يآرب فرج همهم وغمهم وكربهم..

يآرب فرج همهم وغمهم وكربهم..

يآرب وفقهم لمآ فيه خير و صلآح..

يآرب وفقهم في دينهم ودنيآهم..

يآرب وفقهم ..

يآرب وفقهم ..

يآرب وفقهم ..

يآرب أشف مرضآهم ..

يآرب أشف مرضآهم ..

يآرب أشف مرضآهم ..

يآرب هون عليهم مصآئب الدنيآ ..

يآرب أرزقهم كل خير ..

يآرب أإرحهم..

يآرب أرحهم ..

يآرب أرحهم..

يآرب إرحمهم..

يآرب إرحمهم..

يآرب إرحمهم..

——————–

::: كلمة شكر :::

أول شي أشكر ربي واحمده على كل شي

أشكر ربي واحمده على مآ أنزل به من هم وغم علي حتى قربني إليه ..

أشكر ربي وأحمده على مآانعم به علي من رآحه وهون علي ضيقتي..

أشكر ربي على وجودكم في حيآتي..

أشكر ربي على معرفتكم..

أشكر ربي على نعمه اللتي لاتعدى ولاتحصى..

ثآنيآ ..

شكرآ لصديقي وحبيبي وغلآي وكل أبو شي

شكرآ لك على وقوفك بجنبي وقت ضيقتي

شكرآ لك على الأيآم اللي قضينآهآ مع بعض وصدقني كآنت من أجمل أيآم حيآتي..

صحيح في نظرك بتقول مآسويت شي..بس عندي ترآك سويت كل شي..

شكرآ على كل شي يآ عزوز

شكرآ من كل قلبي على وجودك في حيآتي

إنت الوحيد بعد ربي اللي وقف ويآي..

والبقيه معذورين لآنهم مآكآنوآ يدرون عن اللي فيني..

وأنآ أعذرهم..

أأعذروني على طول الكلام .. لكن شي في خآطري ونصيحه من وآقع تجربه..

الحمد لله بعد مآكتبت هالكلآم حسيت بجبل إنزآح عن صدري..

لأأني حسيت إن هذي أمآنه بغآني ربي أوصلهآ لكم عشآن تتعلمون وتعتبرون منهآ..

أتمنى تعذروني وتسآمحوني على أي خطأ أرتكبته في حقكم..

أعذروني وسآمحوني على كل شي أرتكبته وسبب لكم ضيقه او زعل مني..

أنآ أسف لكل شخص أسأت إليه عن قصد أو غير قصد..

أنآ آسف لكل شخص أغتبته أو طعنت فيه عن قصد أو غير قصد..

أنآ آسف لكل شخص جرحته أو كنت سبب في ضيقته او زعله..

وأنآ مسآمحكم ومسآمح كل شخص أسآء لي عن قصد او غير قصد..

أسآمح كل شخص إغتآبني أو سبب لي أي ضيقه أو مشكله..

أسآمح كل من أخطأ في حقي..

الدنيآ زآئله .. والوآحد مآيبي إلآ الذكر الطيب والدعآء…

ولآتنسون.. إرجعوآ إلى ربكم .. وأبقوآ قريبين منه ..

والسلام عليكم ورحمة الله وبركآته..

أخوكم ومحبكم

صلاح الغامدي

ظل امرأة معجب بهذا

هذي رسالة لوالد صلاح نشرها في النت :

بسم الله الرحمن الرحيم
والصلاة والسلام على رسول الله وعلى اله وصحبه اجمعين .. وبعد..
السلام عليكم ورحمة الله وبركاته
حاولت ارسال المقاله التاليه بعد نهاية ايام العزاء لكل الاسماء الموجوده في جوال المغفور له باذن الله ابني صلاح ولم اتمكن من ذالك بسبب عطل في الشريحه والجهاز معا وعدم مقدرتنا لحل المشكله حتى الان. وقد تكون خيره من الله عز وجل لي ولكم. ولهذا قررت ان انشرها عن طريق الموقع لتصل لكل معارف ومحبي صلاح.

قال صلى الله عليه وسلم (مَنْ لمْ يشْكُر النَّاسَ لَمْ يشْكُر الله )
ان كان الشكر واجب للاعتراف بالفضل فالشكر والحمد لله الذي من علي بكل شي وقصرت معه في كل شي ولكنه اهل التقوى والمغفره ثم الشكر لكل من شاركنا مصابنا وعزائنا في ابننا سواء بالحضور او بالاتصال فلقد كنتم نعم الاخوان والاعوان. اسال الله ان يوفقني لمشاركتكم افراحكم وان يجنبنا الاحزان ويرزقنا الصبر الجميل عند النوازل وان يرحم امواتنا وامواتكم واموات المسلمين والحمد لله رب العالمين.
العذر من الاخوه الذين لم اتمكن من الرد على اتصالاتهم.

تعليقي على رسالة صلاح الله يرحمه
ما كان عندي خبر عن رسالته الا اول يوم في عزائه عندما اتصل بي احد المشايخ يعزيني ويقول ولدك باذن الله في خير وذالك من خلال قرأته رسالة صلاح المرسله له من قبل احد اصدقائه حيث طلب مني الشيخ الاذن لبناء موقع خاص باسم المرحوم ونشر الرساله للعبره فما كان مني الا ان طلبت منه الاذن للاتصال مره اخرى لوضع سماعة الجوال على العالي ليسمعوه الحضور من افراد العائله وذالك بسبب عدم التركيز لدي. وافقت على بناء الموقع ونشر الرساله بتاييد الحضور فشكرا جزيلا للشيخ ومن معه في تبنيهم الموقع وجعله الله في موازين حسناتهم.

خاطرة
بعد اسبوع فتحت الموقع وذهلت بما كتبه صلاح في رسالته كيف كان على ذالك الحال وما عندنا خبر؟ ما كان يبين عليه. كان يدخل علينا بوجه بشوش يضحك مع هذا ويصيح على هذا وبمزح مع اخر من افراد العائله وكذا وكذا والكثير من الذكريات الحلوه وفوق ذالك ماهو راضي عن نفسه بما كان يسوي مع اهله. نعم.. صدق فيما قال ان نفسيته متكدره اثناء تعامله معانا بعض الاوقات وكنت احاول استدراجه لمعرفة وش اللي فيه ولكن يبتسم لي ويقول لا ما فيني شي. حاولت منه تغيير لوحة السياره نكد يضحك مني ويقول وش المشكله ان بقيت اوغيرت .. انشاء الله فال خير. حاولت ازوجه يحدث ما يحول دون الزواج. اخر مره قبل سفرته بشهر كانت نفسيته متكدره بشكل غير طبيعي وانا وياه نتناقش عشان موضوع الزواج قلي وهو مصر انه ما رايح يتزوج الا بعد شراء مسكن قلت له متى قال قريب ان شاء الله لان اسمي نزل في الشركه وجالس ادور بيت. طلبت منه ياخذ اجازه ويظهر خارج البلاد يشوف العالم ويغير جو وعلما لبى طلبي وجاء بعد اسبوعين ومعه التذاكر والحجوزات وطلب مني اذا فيه مجال لو سافرت معاه فقلت ان شاء الله في المستقبل اذا الله اعطانا وياه عمر.
فسبحان الله وش اللي كان فيه.. وش اللي يكدر نفسه بعض الاوقات..وش اللي في خاطره ووده يسويه ومو قادر اكثر من بشاشته وحنانه وطاعته لنا.
من ذكريات صلاح رحمه الله
كان اذا جانا من الشرقيه من وردية اخر ليل يدخل علينا بدون علمنا في الوقت اللي احنا قد صحينا من النوم يسلم علي ومن ثم يسلم على امه واخوته ويرجع لي يعطيني وياخذ مني اهم الاخبار اللي تهم العائله. وفي بعض الاوقات كان يسالني اذا كان فيه مجال او سبب لجمع القرابه لكي يشوفهم ويجلس معهم جميعا.
كان يروح البقاله يحضر اغراض الحلى ويطلع لغرفته يتسبح ويلبس احسن الثياب وينزل عند امه واخواته في المطبخ لتجهيز وعمل الحلاويات اقله ليش لابس هالكشخه وانت في هذا المكان يقول لي كذا زين عشان يظهر الحلي الذ ومقبول.
وفي الليل يروح لزملأه ويتصل وهو راجع للبيت وش احسن أكل نفسكم تاكلون الليله: نقله ما يحتاج- بنتعشى بالبيت او من مكان قريب. يدللنا بمطعم ماما نوره يجيب معه كيس مليان شاورمه لنتعشى ولقد كان مطمعه المفضل.
واحيانا من مطعم صيني او تركي او حمص وفول ابو زكي واوقات وجبه ساخنه من ماكدونالدز او برجركنق.

اليوم اللي وصل فيه من سفرته لبعض من دول اوروبا طلع لنا انا واحد من اعمامه كيس مليان بالشوكلاته احضرها معه من الشركه الام من سويسرا وقال: اذا حملت الصور بالجهاز اباوريكم شكل المصنع وان شاء الله اخذكم معي يالشيبان في سفرتي الثانيه. كان ينقي لنا الشوكلاته المغلفه باللون الازرق يستهبل علينا وحنا عارفين انه يحب اللون الازرق.
اتدرون اني ما ادري انه كان يوصي اخوانه بالحرص علي انا وامه الا بعد ما مات الله يرحمه وذالك عن طريق احد اخوانه
وعندي الكثير الكثير من الذكريات الجميله مع صلاح الله يرحمه و يجمعنا به ووالدينا والمسلمين في جنات النعيم

ظل امرأة معجب بهذا

اخاف البعض من اخواني واخواتي الغالين اذا قرأ القصة يزعل او يتضايق

ويقول حنا مكتئبين وانت جاي تزيد الهم علينا

لا ياحبايبي حاولوا تنظرون للموضوع من زاوية اخرى وشوفوا الجزء الممتلئ من الكوب واتركوا الجزء الفارغ << بدى يتفلسف ههههههه

فعلا شوفوها من زاوية انه الدنيا ماتسوى وانها زائلة ومهما ابتلي الانسان بمرض نفسي او جسدي بيجي يوم وينتهي كل شي

الانسان اذا ايقن ان الدنيا كلها زائلة تهون عليه الهموم

يارب ارحم ضعف اخوتي في هذه الصفحة يارب اشرح صدورهم ويسر امورهم

يارب عجل لهم بالفرج وعوضهم خير مما فقدوا

صورة مراسلة قناة الجزيرة شيرين ابو عاقلة وهي ساقطة على وجهها وجنبها زميلتها الصحفية تذكرنا بصورة محمد الدرة ووالده

يارب فرجك ونصرك لاخواننا في فلسطين وسوريا والعراق ولاخواننا المسلمين في مكل مكان

احاديث في فضل الصلاة

عن عبدالله بن مسعود رضي الله عنه قال : سَأَلْتُ رَسولَ اللهِ صَلَّى اللَّهُ عليه وسلَّمَ أيُّ العَمَلِ أفْضَلُ؟ قالَ: الصَّلاةُ لِوَقْتِها قالَ: قُلتُ ثُمَّ أيٌّ؟ قالَ: برُّ الوالِدَيْنِ قالَ: قُلتُ: ثُمَّ أيٌّ؟ قالَ: الجِهادُ في سَبيلِ اللَّهِ. صحيح مسلم

قال رسول الله صلى الله عليه وسلم : مَثَلُ الصَّلَوَاتِ الخَمْسِ كَمَثَلِ نَهْرٍ جَارٍ، غَمْرٍ علَى بَابِ أَحَدِكُمْ، يَغْتَسِلُ منه كُلَّ يَومٍ خَمْسَ مَرَّاتٍ. صحيح مسلم

قال رسول الله صلى الله عليه وسلم : الصَّلَوَاتُ الخَمْسُ، وَالْجُمْعَةُ إلى الجُمْعَةِ، وَرَمَضَانُ إلى رَمَضَانَ، مُكَفِّرَاتٌ ما بيْنَهُنَّ إِذَا اجْتَنَبَ الكَبَائِرَ. صحيح مسلم

حديث عبداللَّه ابن عمر - رضي الله عنهما - عن النبي - صلى الله عليه وسلم - أنه ذكر الصلاة يومًا فقال: مَن حافَظ عليها كانت له نورًا وبرهانًا ونجاةً يومَ القيامةِ ومَن لم يُحافِظْ عليها لم يكُنْ له برهانٌ ولا نورٌ ولا نجاةٌ وكان يومَ القيامةِ مع قارونَ وهامانَ وفِرعونَ وأُبَيِّ بنِ خلَفٍ

قالَ رَسولُ اللهِ صَلَّى اللَّهُ عليه وسلَّمَ: صَلَاةُ الرَّجُلِ في جَمَاعَةٍ تَزِيدُ علَى صَلَاتِهِ في بَيْتِهِ، وَصَلَاتِهِ في سُوقِهِ، بضْعًا وَعِشْرِينَ دَرَجَةً، وَذلكَ أنَّ أَحَدَهُمْ إذَا تَوَضَّأَ فأحْسَنَ الوُضُوءَ، ثُمَّ أَتَى المَسْجِدَ لا يَنْهَزُهُ إلَّا الصَّلَاةُ، لا يُرِيدُ إلَّا الصَّلَاةَ، فَلَمْ يَخْطُ خَطْوَةً إلَّا رُفِعَ له بهَا دَرَجَةٌ، وَحُطَّ عنْه بهَا خَطِيئَةٌ، حتَّى يَدْخُلَ المَسْجِدَ، فَإِذَا دَخَلَ المَسْجِدَ كانَ في الصَّلَاةِ ما كَانَتِ الصَّلَاةُ هي تَحْبِسُهُ، وَالْمَلَائِكَةُ يُصَلُّونَ علَى أَحَدِكُمْ ما دَامَ في مَجْلِسِهِ الذي صَلَّى فيه يقولونَ: اللَّهُمَّ ارْحَمْهُ، اللَّهُمَّ اغْفِرْ له، اللَّهُمَّ تُبْ عليه، ما لَمْ يُؤْذِ فِيهِ، ما لَمْ يُحْدِثْ فِيهِ. متفق عليه

قال رسول الله صلى الله عليه وسلم : أَلا أدُلُّكُمْ علَى ما يَمْحُو اللَّهُ به الخَطايا، ويَرْفَعُ به الدَّرَجاتِ؟ قالُوا بَلَى يا رَسولَ اللهِ، قالَ: إسْباغُ الوُضُوءِ علَى المَكارِهِ، وكَثْرَةُ الخُطا إلى المَساجِدِ، وانْتِظارُ الصَّلاةِ بَعْدَ الصَّلاةِ، فَذَلِكُمُ الرِّباطُ. صحيح مسلم

كُنْتُ عِنْدَ عُثْمانَ فَدَعا بطَهُورٍ فقالَ سَمِعْتُ رَسولَ اللهِ صَلَّى اللَّهُ عليه وسلَّمَ: يقولُ ما مِنَ امْرِئٍ مُسْلِمٍ تَحْضُرُهُ صَلاةٌ مَكْتُوبَةٌ فيُحْسِنُ وُضُوءَها وخُشُوعَها ورُكُوعَها، إلَّا كانَتْ كَفَّارَةً لِما قَبْلَها مِنَ الذُّنُوبِ ما لَمْ يُؤْتِ كَبِيرَةً وذلكَ الدَّهْرَ كُلَّهُ. صحيح مسلم

ظل امرأة معجب بهذا

أنَّ رَسولَ اللهِ صَلَّى اللَّهُ عليه وسلَّمَ ذَكَرَ يَومَ الجُمُعَةِ، فَقالَ: فيه سَاعَةٌ، لا يُوَافِقُهَا عَبْدٌ مُسْلِمٌ، وَهو يُصَلِّي، يَسْأَلُ اللَّهَ شيئًا، إلَّا أَعْطَاهُ إيَّاهُ. زَادَ قُتَيْبَةُ في رِوَايَتِهِ: وَأَشَارَ بيَدِهِ يُقَلِّلُهَا. صحيح مسلم

قال صلى الله عليه وسلم : أكثِروا مِن الصَّلاةِ علَيَّ يَومَ الجمُعةِ ولَيلةَ الجمُعةِ . حسنه الالباني

قال صلى الله عليه وسلم : إذا سَمِعْتُمُ المُؤَذِّنَ، فَقُولوا مِثْلَ ما يقولُ ثُمَّ صَلُّوا عَلَيَّ، فإنَّه مَن صَلَّى عَلَيَّ صَلاةً صَلَّى اللَّهُ عليه بها عَشْرًا، ثُمَّ سَلُوا اللَّهَ لِيَ الوَسِيلَةَ، فإنَّها مَنْزِلَةٌ في الجَنَّةِ، لا تَنْبَغِي إلَّا لِعَبْدٍ مِن عِبادِ اللهِ، وأَرْجُو أنْ أكُونَ أنا هُوَ، فمَن سَأَلَ لي الوَسِيلَةَ حَلَّتْ له الشَّفاعَةُ. صحيح مسلم

قال أبيُّ بنُ كعبٍ : فقلتُ : يا رسولَ اللهِ ! إني أُكثِرُ الصلاةَ [ عليك ] ، فكم أجعلُ لك من صلاتي ؟ قال : ما شئتَ . قال : قلتُ : الرُّبعَ ؟ قال : ما شئتَ ، وإن زدتَ فهو خيرٌ لك . قلتُ : النِّصفَ ؟ قال : ما شئتَ ، وإن زدتَ فهو خيرٌ لك . قال : قلتُ : ثُلُثَين ؟ قال : ما شئتَ ، وإن زدتَ فهو خيرٌ لك . قلت : أجعلُ لك صلاتي كلَّها . قال : إذًا تُكفَى همَّك ، ويُغفَرُ لك ذنبُك . حسنه الالباني وغيره

معنى اجعل لك صلاتي كلها : اجعل لك دعائي كله

قال صلى الله عليه وسلم : من قرأ سورةَ الكهفِ في يومِ الجمعةِ ، أضاء له من النورِ ما بين الجمُعتَينِ

قال صلى الله عليه وسلم : من قرأ سورةَ الكهفِ يومَ الجمعةِ أضاء له النُّورُ ما بينَه و بين البيتِ العتيقِ

احاديث فضل سورة الكهف حسنها الالباني وغيره من العلماء

ظل امرأة معجب بهذا