:-[ هطول الثلج على وهج النيران ]-:

البارح الساعة 12 و عليها جالس بذا المكان 👆🏻 و مع اني اجيه كثير و اشوف الشجرة السدرة كثير بس البارح فجأءة شفتها و جتني حالة فرح بشوفتها و قبلتها ، حتى فارقت المكان الساعة ثلاث و انا ماشي اشوف سيارة من بعيد جايه و وقفت قريب مني ثم سارت و وقفت عندي و كانوا ثلاث ارجال سألني واحد منهم : ما شفت حرمة ضايعة من البارح ، قلت : لا والله ما شفتها ثم قالوا انها ضايعة من الساعة 7 المغرب و الحرمة مريضة قلت : الله يعافيها . سألتهم من وين ضايعة من بيت و الا سيارة قالوا : طلعت من البيت و الى الحين ختمت قولي لهم : الله يعقلها عليكم و راحوا

ثم كملت مشي

ظل امرأة معجب بهذا

ماشاءالله ما احلاها الشجرة علوو..🤗🌿🌱
ربي يفرح قلبك بكل شيء جميل
وان شاءالله ترد الحرمة سالمة لأهلها 🤲
صباحك رواق وفرح وفرج يارب⚘⚘❤🤗🤲

وعل الثلج معجب بهذا

هلا ياسمين و الله ضايق قوة و مزاجي متكدر للآخر ما هو بإكتئاب لكنه متكدر

الوقت متأخر و انا جيت ناصيك
‏و من كبر ذنبي منت برضاي ملزوم

‏متحسف و مستسلم و بين اياديك
‏ما للعتب داعي و انا جيت مهزوم

‏عزيز قوم و حدّه الشوق ياتيك
‏و ذل الهوى ما يقطع وجيه و خشوم

‏سدد ديون اللي من الوصل معفيك
‏من ماضيٍ عشناه في مامضى تُوْم

و اسمع عذر قلبٍ بصدري يناجيك
‏الوجد فيه من اربع اسنين مردوم

‏و قدام ترقد يا دوا جرح شاريك
‏تذكر ان قلبك من الحقد معدوم

‏تصبح على خير و على حب مغليك
‏انت ( الطرف الاقوى ) و لا يلحقك لوم

‏ارقد و انا بسهر بدالك و احاكيك
‏يحرم على عين ( الطرف الاضعف ) النوم

ظل امرأة معجب بهذا

غرتك الدنيا و اغراكك التـرف

https://youtube.com/shorts/8sl05L7jh_0?feature=share

بحر يغدرك مرّة لا تآمن أمواجه

ظل امرأة معجب بهذا

هلا علوش
إن شاءالله المزاج رايق
والبال سليم
صباحك خير وعافية
من رب رحيم❤🌹🌹

وعل الثلج معجب بهذا

و الله و يا مساء السعد

حبيت اسم علوش ههههه ذكرني بواحد زمان جدا .
و هلا بك زود يا خيتي الغالية الله يسعدك
الرواقة مقبولة ما عليها بس 😂 جيت اليوم حطيت راسي و اسمع خبط على السرير و الخبط منتظم يعني مثلا كل ربع دقيقة و قلت اكيد جني تحت السرير المهم قلت و الله ماني فاضيلك و ماني ابدا أطل اشوفك تحت السرير ، استمر الجني بالخبط حوالي 30 دقيقة و انقهرت انه طوّل المهم قلت ما يمكن يصير . يمكن شي غيره فوق السرير لأن حالف ما أطل تحت السرير و آخر شي فيه شي فصلته ؟ 😂

قبلها بأسبوع مثل السالفة بس مو خبط إلا واحد ضرب رجلي و خصوصا الركبة المتعورة و دفّها على ورى بقوة و مو ركبة وحدة الا أخذ الصحيحة معها . مع ان هزة الرجل الفجآئية و كأني طايح من عتبات درج من زمان عندي من الطفولة تحديدا .

صرت افكر بالحلم اللي حلمتو اظن قبل شهرين و وقتها دق قلبي منه و قمت من السرير صرت امشي علشان يروح تأثيره من خوف و فزع .

يلا اهم شي تعدي بخير

ظل امرأة معجب بهذا

ياللي تسآءل عن سبب ضعف حالي
حالي عسى ما يمر بك ما دمرها

فرقى الولايف هم كبر الجبالي
يا ويل من مثلي غرق في بحرها

فارقت انا يا صاحبي شخص غالي
تسعين ليلة ما وصلني خبرها

سافر و خلاني وحيد لحالي
و الشوق ناره في فوادي سعرها

حلفت انا ما انساه طول الليالي
لقضي حياتي كلها انتظرها

وش هي حياتي كان هو ما صفالي
اكيد روحي رآحلة من قهرها

و ان عشت اعيش كله لحالي
يمكن تخفف من عذآبي صورها

كنت في مكان ما قبل امس الى قبيل الصبح
في اثناء قعدتي في المكان أتفاجأ بسيارة شاص فيه اثنين ، أوقفوا سيارة كورولا و فيها اثنين ، راعي الشاص سقط على الكورولا و أوقفهم بالقوة
نزلوا الاثنين اللي في الشاص يبغون راعي الكورولا ، نزل سواق الكورولا ، انا انقهرت من الحركة لكن السالفة انهم كانوا على شارع تقاطع و ما ادري من اللي ما ترك للثاني يعدي

ما دار من حديث في اثناء المعركة ماني ذاكره مع انهم ضحكوني يعني شوفة الهيئة و الشكل مع الحركات شي يفطس ضحك لأن راعي الشاص صار يضرب راعي الكورولا كم ضربة متفرقة بس الجميل ان الراكب مع سواق الشاص ما عزز لأخوه بس خلاه ياخذ المقسوم المهم آخر شي فرع بينهم أخو سواق الشاص .

و راح كلٍ في طريقه و انا صاير اقكر فيهم و اضحك من ردود الإثنين و اللي زود الضحكة ضربات سواق الشاص هههههه

تميت في مكاني إلى الصبح
ثم أردت البيت و لفت نظري البراحة اللي جنب بيتنا ما جاها الشيول لأن بالعادة بين كل فترة و فترة يجي الشيول يبرح الأرض الخلاء و يقلع الشجر و العشب اللي فيها و هذي العادة صادرة من البلدية في جميع نواحي حيّنا و الأحياء الحادين لنا

المهم أناظر الشجر اللي بالبراحة الا كبر و كثر و لقيت النحل وش كثره قلت خلني اصورهم



زادت خضرتها طبعا علشان الجو مع انه ما نزل المطر بس الضباب جانا كم مرة و تعدل خصوصا جو الليل أما النهار صحيح تعدل بس مو ذاك الزود المهم حماة الشمس كل مالها تخف

ظل امرأة معجب بهذا

لا زلنا في أواخر نجوم سهيل ( الصرفة ) و يعقبه موسم الوسم

يا رب لا تحرم خلقك الغيث المبارك

ظل امرأة معجب بهذا

ما يجي يوم أكون فيه أشوى و طيب إلا شي يدخل عرض يخرب

الحين مزكم

ظل امرأة معجب بهذا

https://youtu.be/oWaHcywGjSM

لا تستسلم لديك القدرة على التحمل uh-oh
لن أستسلم
أنا حي

قاعد اقرا المعوذتين و بحط فايدة في الملتقى الاسلامي عنهم من الدكتور فاضل السامرائي

البارح بلشت بنفسي و الايام اللي مضت مافيها نوم و صار عقلي يقول لي : انت فيك شي و تبغى تعرفه بس ما تقدر أبدا

اقول بلا وسوسة انا ناقص اتعاب يلا غور غور بلى بشكلك

ظل امرأة معجب بهذا

فاقدهم حيل

و اتمنى يكونون بخير

@ ظل إمراءة
@ يا سمين
@ بنت فلسطين
@ راعية البستان الأحمر
@ عبدو عمر
@ شعاع الروح
و اللستة مليانة بس العين ما تشوف و العقل شبه غايب و غائم و شكلها من خشمي لأن عليه مطر عنيف

عبدو عمر ,ظل امرأة معجبون بهذا

تغابيتُ عن قومي فظنوا غباوتي
بمفرقِ أغبانا حصىً و ترابُ

ظل امرأة معجب بهذا

الحمدلله يمكن قتلت ثلاث وزغات في خلال اسبوع و نص

من ضربة وحدة طبعا و فيه واحد ضربته و انتظرته و اكتشفت انه عامل نفسو ميت و هو حي و يحسبني تركتو ههههه

هذا قبل قليل و جلدو فيه شبه من الضبع أو إنو مهجن من ضفدعة