زواج السعوديه من غير السعودي ( الأجنبي ).

المشاركة الأصلية كتبت بواسطة انكسار ملكه

انا لمن سألت خطيبي قال عملته 6700 وانا طبعا راتبي 5000
وين اروح مكه انا من جده ماعلينا مالنا الا بالدعاء وربك يفرجها

الله يسرها ويفرجها عليكي

المشاركة الأصلية كتبت بواسطة لقيت نفسي

الله يعينك أحبك ديني و ان شاء الله تتسهل عليك صعبة بس الفرج قريب
انا خطيبي سوالي اثبات زواج على اساس نمشي على نفس الخطة بعد الطفل الاول يسويلي الموافقة لكن دامها قبل و بعد نفس الشيء فخلاص كله تعب والله، انا خطيبي سوالي اثبات زواج لكن لسى مافي دخلة لانه اهلي مصممين يسوي اوراق رسمية خايفين عليا مع انه ابوه مشي على نفس الموال، المشكلة في الغرامة السجن و المية الف ريال و الترحيل للطرف الاجنبي هاد لحالة مخيف كمان لسى لما تتمشوا مثلا تسافروا او تروحوا مطعم او فندق اظن صعبة اذا ما عندكم ورق صحيح؟؟

كمان انا مصابة بانيميا الفول و ما اكتشفت الا بعد الفحص العجيب هذا، يعني حتى لو مشيت على اثبات الزواج برضو حعمل تحاليل زي زوجتك. الله يعينك و ان شاء الله تسمع اخبار طيبة من الشرطة

الله يسر لك امرك اختي لقيت نفسي :

شوفوا انا بحكيلكم موقف صارلي في معاملتي

يوم رحت الامارة بمكه وسلمت المشهد انى غير موظفه قالت لى بعد اسبوع وحتمسعي خبر مره حلو

وبعد اسبوع وخلال الاسبوع كنت اتابع بالنت ولا زي ماهى المعاملة ماتغيرت

بعد اسبوع راح عمي طلعت الموظفه نسيت تغير حاله المعامله من باقي المشهد الى مكتمل الاوراق راح عمى وعدلوها له و كل يوم تتغير الحاله الين ماجاءت الموافقه واتحولت على المحكمه باقي الاملاك وارتاح

فيا اخت انكسار ملكه لازم تروحي لنفس الامار ة والافضل رجال من طرفك يتابعها لكي

بنات كيف بتكون ناقص ورقه ولاشي مو هيا تخرج من الشرطه والمحافطه لازم تكون كامله كل شي

المشاركة الأصلية كتبت بواسطة سوسو عزوز

شوفوا انا بحكيلكم موقف صارلي في معاملتي

يوم رحت الامارة بمكه وسلمت المشهد انى غير موظفه قالت لى بعد اسبوع وحتمسعي خبر مره حلو

وبعد اسبوع وخلال الاسبوع كنت اتابع بالنت ولا زي ماهى المعاملة
ماتغيرت


بعد اسبوع راح عمي طلعت الموظفه نسيت تغير حاله المعامله من باقي المشهد الى مكتمل الاوراق راح عمى وعدلوها له و كل يوم تتغير الحاله
الين ماجاءت الموافقه واتحولت على المحكمه باقي الاملاك وارتاح

فيا اخت انكسار ملكه لازم تروحي لنفس الامار ة والافضل رجال من طرفك يتابعها لكي

بنشوف خطيبي يروح اللي عندنا في جده لأنه ماحد بيطلع مكه وربي يشهلها لنا ولكمممم يارب

المشاركة الأصلية كتبت بواسطة نسج الخياال

الله يسر لك امرك اختي لقيت نفسي :

امين نسج الخيال و ييسرلك كل امورك

انا اليوم عملت فحص للانيميا بمستوصف جنبنا قالي الهيموجلوبين كويس يعني ما عندي فقر دم بس هوا المشكلة بالوراثي الفول دا ماله حل، عالعموم اعطاني دوا CENTRUM 30 TAB ممكن ابدا اخده من بكره اذا قرروا نعمل فحص مرا ثانية فيتامينات و حديد و فوليك اسيد مرا وحده

الله ييسرلكم جميعا

مساء الخير كيفكم بنات
حابه اسألكم الله يسسسسعدكم جاوبووني لاني مو عارفه ايش اسوووي
وربي سجلت بالمنتدى عشانكم لعل وعسى القى كل الاجوبه عندكم
انا تقدملي شاب اردني ووافقت عليه ..وحابه اسأل ايش اول خطوه للزواج من اجنبي مولود بالسعوديه
لأن بابا لما راح امارة منطقة جدة قالوا له اكتب معروض وكتب معروض وبس ماطلبو منه اي اوراق وانا خايفه يكون لازم نقدم كل الاوراق الرسميه ( شهادة الميلاد والاقامه وهويتي و..) مع المعروض
وفي شغله ثانيه قالوا له بتجيك رساله بعد 3 ايام اللي تعرف ايش الرساله اللي بيرسلونها تعلمني الله يسعدها
وايش الخطوات الي لازم اتبعها عشان تطلع الموافقه
ساعدوووووووووني بليييز

المشاركة الأصلية كتبت بواسطة احبك ياديني

السلام عليكم

الله يكون بعوننا ويصبرنا اكثر واكثر

انا حاليا منتظر مستشفى الولادة بمكة المكرمة ترسل تحاليل المخطوبة الى قسم شرطة العاصمة المقدسة وبعد كذا راح تترسل ثاني الى شرطة جدة

يارب يعينني عليهم

اختنا اندلسية الله يعينها ويرزقها بالموافقة وتصريح الزواج


طبعا انا مثل ما انتم عارفين متزوجها بدون تصريح وانا الحين قاعد اتابعها على اساس اني خاطب

وزوجتي الحمد لله ولدت وسويت بلاغ الولادة بالمستشفى لاكن مااستلمه الا بعد مااحضر عقد نكاح

قبل فترة بسيطة رحت واحاول في شؤون الموظفين انه يسلمني بلاغ الولادة حاولت فيه بكل انواع الطرق استغفر الله بس كان باقيلي اعطيه رشوة هههههههههه

لاكن مارضي لازم اجيب عقد نكاح
طبعا سمعت طريقة اني اروح الاحوال قسم الاجراءات
وفعلا رحت ودخلت على المدير وبعد كذا واحد قابلني هناك من المراجعين موضوعه نفس موضوعي مع اختلافات بسيطة
انه هو بنته بتدخل المدرسة وماقدر يدخلها المهم فسجلوا عليه السجن لمدة سنة وغرامة قدرها 127الف ريال
المهم فكتب خطاب استرحام للرياض فشالوا عنه سجن سنة و100الف ريال
واعطوه رقم حساب يودع فيه 27الف ريال
وضم بنته والحين بيوثق زواجه
فلما شفت موضوعه هناك فضلت اني امشي وانا ماني مستعجل والحمد لله
وان شاء الله تتيسر
وانا الحين عايش مافي ولا اي اثبات انها زوجتي ولا اي اثبات انها بنتي

الحمد لله على كل حال

صحيح مش الاندلسية قبل اقترحت عليك تسجل زواجك بالسفارة كحل مؤقت في حالة اذا ما مشيت الامور في مستشفى الولادة؟؟؟

المشاركة الأصلية كتبت بواسطة احبه اكثر شيء

مساء الخير كيفكم بنات
حابه اسألكم الله يسسسسعدكم جاوبووني لاني مو عارفه ايش اسوووي
وربي سجلت بالمنتدى عشانكم لعل وعسى القى كل الاجوبه عندكم
انا تقدملي شاب اردني ووافقت عليه ..وحابه اسأل ايش اول خطوه للزواج من اجنبي مولود بالسعوديه
لأن بابا لما راح امارة منطقة جدة قالوا له اكتب معروض وكتب معروض وبس ماطلبو منه اي اوراق وانا خايفه يكون لازم نقدم كل الاوراق الرسميه ( شهادة الميلاد والاقامه وهويتي و..) مع المعروض
وفي شغله ثانيه قالوا له بتجيك رساله بعد 3 ايام اللي تعرف ايش الرساله اللي بيرسلونها تعلمني الله يسعدها
وايش الخطوات الي لازم اتبعها الين عشان تطلع الموافقه
ساعدوووووووووني بليييز

اهلا و سهلا فيكي احبه اكثر شيء ان شاء الله تتسهل امور زواجك

اذا الامارة ما طلبت وقت كتابة المعروض فخلاص تكملي اوراقك في الشرطة ان شاء الله عشن اكيد الامارة حتنبهكم اذا محتاجين ورق من عندكم، حسب راي البنات في المنتدى يومين بالقليل و تتحول اوراقكم للشرطة و هناك تاخدوا خطاب التحليل عشن تحللوا بالمستشفى و برنت الاحوال الشخصية و ما ادري في كمان شيء نسيت والله بس اكيد كل شيء راح يقولولكم اياه,,,زي ما عرفت من المنتدى انه المعاملة يكون فيها اشكال في حالات مثل السن غير متوافق او التحليل الطبي غير مناسب

بنات انا خطيبي كان مملك قبل عشر سنين على فتاة سعودية و حصل طلاق بدون دخلة لكن ما ارفقنا ورق الطلاق و ما ذكرنا القصة دي للامارة هل ممكن الان نقولهم عليها؟ و هي الان في ادارة الحقوق الخاصة؟ و لا لازم نسوي معاملة من جديد؟ و كمان خطيبي عمل عملية زمان برجله و هوا صغير و ما صار يمشي كويس فقلت اذا جبنا ورقة من المستشفى بخصوص هدا الشيء ممكن يشفعلي عشن المرض الوراثي اللي عندي,,ايش اراءكم؟ هل ممكن نفرق هادول الورقتين الان ولا لازم معاملة جديدة؟

المشاركة الأصلية كتبت بواسطة لقيت نفسي

اهلا و سهلا فيكي احبه اكثر شيء ان شاء الله تتسهل امور زواجك

اذا الامارة ما طلبت وقت كتابة المعروض فخلاص تكملي اوراقك في الشرطة ان شاء الله عشن اكيد الامارة حتنبهكم اذا محتاجين ورق من عندكم، حسب راي البنات في المنتدى يومين بالقليل و تتحول اوراقكم للشرطة و هناك تاخدوا خطاب التحليل عشن تحللوا بالمستشفى و برنت الاحوال الشخصية و ما ادري في كمان شيء نسيت والله بس اكيد كل شيء راح يقولولكم اياه,,,زي ما عرفت من المنتدى انه المعاملة يكون فيها اشكال في حالات مثل السن غير متوافق او التحليل الطبي غير مناسب

هلا اختي اميييييين ياررررررررب تتسهل ..
مرره شكرررا لانك رديتي عليا الله يسعدك ..
بسألك خطيبي في الرياض وانا بجده بتروح الاوراق الرياض ولا بتضل بشرطة جده ؟
وايش قصدك بالسن غير متوافق ؟ هو 31 وانا 28 متوافق صح؟؟ طمنيني؟
وبالنسبه للتحاليل ينفع هو يسويها بالرياض وانا بجده ولا لازم نسويها بنفس المستشفى ؟
وايش هو برنت الاحوال الشخصيه يعني لازم اروح الاحوال ولا يكفي تعريف الراتب؟
لاني موظفة بمدرسه حكوميه
مره سوري كثرت عليكي بالاسئله

بنات الله يسعدكم علموني بالمعروض ايش كتبتو
لان بابا لما قد المعروض ماكتب شيء غير ان خطيبي اردني يعني ماكتب اقامته ولا فين عايش ولاشيء
وانا شايله هم وخايفه لانهم ماطلبو اي اوراق :(

المشاركة الأصلية كتبت بواسطة انكسار ملكه

بنشوف خطيبي يروح اللي عندنا في جده لأنه ماحد بيطلع مكه وربي يشهلها لنا ولكمممم يارب

جده ما يفيدكم بشيئ

خليه يتحمل وروحوا مكه لازم عشان الموضوع يمشي

رقم أمارة مكه

0125727727

اتصلي على الامارة وشوفي ايش يقولون لك

بس الافضل الروحه للأمارة بنفسكم

اوكي ياانكسار الملكه يا قمر

المشاركة الأصلية كتبت بواسطة احبه اكثر شيء

بنات الله يسعدكم علموني بالمعروض ايش كتبتو
لان بابا لما قد المعروض ماكتب شيء غير ان خطيبي اردني يعني ماكتب اقامته ولا فين عايش ولاشيء
وانا شايله هم وخايفه لانهم ماطلبو اي اوراق :(

شوفي يا عسل ليه ما تقدموها في شرطه العاصمة المقدسه اسرع لك من جده

و ما طلبوا اللى هو خطاب بس تعريف من العمده وبرنت الاحوال والتحاليل طبعا الاوراق دي طلب من عندهم ولازم تتحول من عندهم على المباحث ومن المباحث على الامارة وهو مولود السعوديه ماتحتاجي الداخليه ان شاء الله