حسبي الله ونعم الوكيل

أخي صاحب الموضوع صلى على النبي (ص) (إن مع العسر يسرا)

الله رحيم ولن يسمح إن شاء الله أن تبقى كئيبا طوال حياتك

كل ما عليك فعله هو تصلي الصلوات الخمس وتكثر من ذكر الله
وتصدق على الفقراء شهريا بمبلغ محترم
ولا تحمل هم ولا تبالي
ورفه عن نفسك واصبر
وتناول مضادات الكآبة
وشوف اشلون يتغير وضعك

صح اخي (ضروري)رح لصيدليه واشتري حبوب زيت الحـــوت كل يوم حبتين ذي تساعد على تحريك الدوره الدمويه وانا استخدمها من شهرين ومفيده جدا تخيف من اعراض كثيره

وبالنسبه للحلويات ب حاول تخفف منها شهر كامل قدر الامكــان وانصحك بتمره تجربها تاكلها كل صباح واذ بغيتها ابشر ارسلك التمره من الجوف

الاشياء اللي كتبتها سسابقا اشياء بسيطه وباذن الله راح تسساعدك كثير شد الهمه وجربها

لازم تجبر نفسك على الخروج ومارس الرياضة يوميا وحاول تبسط الأمور وتفاءل بالخير واكثر من الصدقات وذكر الله وحافظ على استخدام الدواء يوميا وبإذن الله تتعافى وتطلع من حزنك واكتئابك...اسأل الله ان يشرح صدرك وأن يشفيك عاجلا غير آجل

الله يشفيك استخدم الرقيه الشرعيه اقرا على نفسك حافظ على اذكار الصباح والمساء اكثر من الاستغفار والصدقه وربك كريم

شكرا للجميع لكن يعلم الله اني ما خليت شي ما سويته من اللي تقولونه ..

ما في شي نافع .. مادري ليش انا احاول والله .

حياتي بائسة لابعد حد .. انا اتكلم عن اللي اشعر فيه داخليا حزن مب طبيعي وكراهية لنفسي وشكلي وكل شي فيني ..



ان الله مع الصابرين

يا اخوان انا مالي حاليا بعد الله الا الادوية .. لاني ولمدة اربع سنين حاولت اعالج نفسي بنفسي يعني كافكار ايجابية كرياضة كدراسة الخ الخ حاولت اسوي كل شي اقدر عليه بس خلاص طفح الكيل وما قدرت وما استفدت من اي شي بالتالي لجات للطب النفسي وللاسف زادني احباط وزاد اكتئابي واصبحت مدمن على المهدئات ومع ذلك ما زلت اعاني وحزن وكراهية لنفسي واحتقار لكل شي يتعلق فيني .. للاسف الشديد فقدت الامل من كل شي وحاليا بجرب دوا ثاني لكن احس اني خلاص ما في حل مسكرة من كل صوب ,, عندي امل بالله وهذا اللي مصبرني .. لكن انا بشر وافقد صبري وللاسف ياليت ايماني قوي واصبر لكن ما اقدر احس بضجر وقهر من حالي .

الحمد لله على كل حال .. اسال الله الصبر والثبات وشاكر لكم كلامكم الطيب .. ربي يشفيكم ويشفيني .

المشاركة الأصلية كتبت بواسطة صابر وراضي

أخوي كيف حالك السلام عليكم أول شي اذكر الله وستعن به وهو خير من يستعان به مشكلتك هينه وترى الي فيك عندنا يمكن وكثر كثير ونمر فيه ومرينا بأكبر منه غيرك فيه اكتئاب وسواس ونوبات هلع وقلق ومخاوف من المرض وصابرين وينتظرون رحمة الكريم .. المهم أنت من كلامك الحين ومواضيعك السابقه اكتئابك ماهو شديد المهم الحين مشاء الله عليك مستخدم علاج واحد وضايق صدرك بقولك شغله اذا ما تعرفها أن مضادات الإكتئاب أنواع كثيره ولي يمشي معك يمكن ما يسوي شي مع غيرك وغير كذا بعض المضادات ما تعطي مفعولها مع شخص لين يتم تدعيم المضاد بمضاد ثاني يبداء يعطي مفعوله المضاد الثاني حتى الطبيب يوم يعطيك سبراليكس يدل على انه حريص عليك بدى بمضاد واحد ومن الأدويه الحديثه المؤمونه بإذن الله رجعتك لطبيب ولما تقوله النتيجه مراح يتضايق من شي لأنه حاط في باله أن مضاد واحد مراح يسوي شي بس عن قولتهم بيبداء معك من أول السلم بادي و حبه حبه ما جاء وجرب عليك خمس أو اربع ادويه من أول الطريق المهم ارجع له وعلمه وضعك أن ما سوى معك شي المضاد ومع الوقت بإذن الله بتطيح في العلاج المناسب لك يمكن يكون دواء واحد يمكن ثنين يمكن ثلاثة وصدقني العلاج أول ما تستخدمه يعطيك أعراض تضيق الصدر بس اصبر أسبوعين وفيها تحس بإن الله بتحسن وتحس أنك بديت ترجع بحاله افضل كثير من أول المهم رح لطبيب ترى الطبيب ما عطاك العلاج وهو حاط في باله أنك بتمشي مع الدواء هذا وبس هو متوقع أن الدواء بالحاله مراح يعطي نتيجه بعدها بيجرب يزيد الجرعه أو بيعطيك مضاد ثاني يدعم المضاد الأول وهكذا لين يصيد التركيبه أو المضاد الي يمشي معك لا تتأخر رح له و نسق مع معالج نفسي عشان يسوي لك علاج معرفي وسلوكي المهم تحرك ترى نفسك يوم تحس انك متجرك هذا بحد ذاته خطوه للأمام بإذن الله في الوصول للعلاج والعافيه .. الله يعافينا ويعافيك و يكتب لنا ولكم السعادة في الدنياء واللآخره .. لا تنسى الأستغفار والدعاء وكل شي قبل ما تسويه أستخر الله وتوكل على الله ومن توكل على الله فهو حسبه

كلامك ممتاز ومليان تفائل