زواج السعوديه من غير السعودي ( الأجنبي ).

[يوسف احمد]

فاطمة بنت حسن كم كان مسجل راتب الخاطب في تعريف العمل اللي قدمتوها للشرطة وهل له علاقة في المعاملات اللي انحفظت.

[لا ياس]

فاطمه جزاكي الله خير بس انتي قدمتي فين في جده وﻻ وبن

[لا ياس]

قد ايش تقعد المعامله في اﻻداره العامه للحقوق الخاصه

[لا ياس]

انا ماني من المواليد ومعاملتي في امارة منطقة مكه وخرجت من ادارة القضايا والمطالب الخاصه الي اﻻداره العامه للحقوق الخاصه قد ايش تقعد فيها

[* لـولـيـتـا *]

الله ينصرنا ويفرجها علينا يارب
يابنات في معاملات تحفظ باسباب تافهه
منها اذا كان الراتب عالي جدا او اذا كان متزوج
او اذا وجدو سوابق لاسمح الله
او اذا اقامته كانت اقل من الحد المسموح له
او اذا كان العمر اقل من 25
او مثل حكايتي التحاليل
بس انا مستغربه هما ليش مايضيفو انيميا الفول لفحوصات السعودي مثل الاجنبي
طيب ممكن انا اكون حامله للمرض او مصابه وانا مدري بس يالله ربي يعيننا

[* لـولـيـتـا *]

لاياس انتي كانت عندك مشكله بالتحاليل وحليتيها والا ملخبطه انا ؟؟

[احلام طفله]

المشاركة الأصلية كتبت بواسطة كيندا

هوا ممكن يرجعوها عشان العمر بس ؟
انا عمري 23 وخطيبي عمرو 26

هوا اليوم راح الشرطه بس معاملتنا لسه ماوصلتهم توصل اليوم
وواحد شرطي مع انو مكتب الزواج مقفل بس حب يساعدو
وراه المعاملات اللي رجعتلهم
بعضهم مكتوب بالاحمر حفظت لعدم الموافقه
وبعضها ماعليها شي ومومكتوب شي بس مايعرف الشرطي ليه رجعت
الله يعين ياارب ماعرف ايش حاله معاملتي راح تكون وايش السبب اللي راح يطلعووه

الله يستر ان شاء الله خير ..
سؤال دحين لما تتحول المعامله لشرطه اجباري خطيبي يروح ولا نستنا كم اسبوع ممكن تتحول المعامله الي المحكمه ؟؟
..

[فاطمة بنت حسن]

المشاركة الأصلية كتبت بواسطة يوسف احمد

فاطمة بنت حسن كم كان مسجل راتب الخاطب في تعريف العمل اللي قدمتوها للشرطة وهل له علاقة في المعاملات اللي انحفظت.

تقريبا 6000 .
واتوقع لازم يكون الراتب اكثر من 5000

[فاطمة بنت حسن]

المشاركة الأصلية كتبت بواسطة لا ياس

فاطمه جزاكي الله خير بس انتي قدمتي فين في جده وﻻ وبن

ايوا ياعسل خطيبي اللي قدم من محافظة جدة .

[فاطمة بنت حسن]

المشاركة الأصلية كتبت بواسطة لا ياس

انا ماني من المواليد ومعاملتي في امارة منطقة مكه وخرجت من ادارة القضايا والمطالب الخاصه الي اﻻداره العامه للحقوق الخاصه قد ايش تقعد فيها

أنا قعدت 3 أسابيع
وفي ناس أقل .

[فاطمة بنت حسن]

المشاركة الأصلية كتبت بواسطة احلام طفله

الله يستر ان شاء الله خير ..
سؤال دحين لما تتحول المعامله لشرطه اجباري خطيبي يروح ولا نستنا كم اسبوع ممكن تتحول المعامله الي المحكمه ؟؟
..

المفروض يروح يراجع ويسأل عن السبب .

[احبك ياديني]

لا ماحفظت بس يبغوني في المحافظة اجيب لهم شهادة ميلاد الارقام واضحة

وهذي انا ماني عارف كيف


بالنسبة للي تقول انه لاتفه الاسباب تتحفظ المعاملة هذا شي حقيقي وصار مع اخوي الكبير

قدم المعاملة ورفضت بحجة الراتب
قام دخل على الامير مشعل بن عبد الله
وسوو له استثناء من الراتب
وقدم المعاملة وبرضو حفظت والسبب انه في زوجة باقية على ذمته

[* لـولـيـتـا *]

والله شي يحزن ويقهر انك بعد الصبر والانتظار تنصدمين بالحفظ
انا اخاف احل مشكله التحليل تطلع لي مشكله ثانيه
الله يفرجها يااااااارب

[* لـولـيـتـا *]

احبك ياديني اخوك كيف سوى استثناء عند الامير مشعل كيف دخل عليه ؟
لان احس مشكلتنا مابتنحل الا بهالطريقه ماينفع نرسل بريد لانه ممكن ماتصل له

[كيندا]

اتمنيت ان يكون اجراء روتيني يختلف من معامله لمعامله

بس للأسف اليوم اتقفلت كل التوقعات
وجات بعدم موافقة للشرطة
وحاول واترجى قسم الشرطة عشان يعرف السبب
بس للاسف قالو المعامله مومكتوب عليها اي سبب
بس كدا عدم موافقة

صح كلام انفاله لانو بيقول اغلب اللي رجعت
ماعليهاا اي سبب