اقتباس:
المشاركة الأصلية كتبت بواسطة راجيةالفرج
وش اسوي والله تعبت تعب شديد من القلق والخوف والانتظار طلعت من البيت رحت لصديقاتي كلمت فضفضت القلق متمكن مني تمكن شديد كرهت نفسي صرت ادعي على نفسي بالموت احيانا ملل شديد من كل شي تفكير مستمر والله الدنيا كلها ماتشيلني ولا صرت اطيق نفسي مليت يأست من نفسي
ودي اتعامل مع الاكتئاب ببساطه ماودي اشيل همه بس والله شايله همه وخايفه اني اجلس طول عمري كذا حاولت ابعد هذي الفكره اشغل نفسي عنها الخوف متمكن مني تمكن شديد قرأت كتب عن التفاؤل قرأت حديث احفظ الله يحفظك ابي ارتاح شوي والله ماقدرت ارتاح ابي انسى ان عندي اكتئاب وقلق ماقدرت اشغلت نفسي باشياء ثانيه ابي انشغل عن القلق ماقدرت ابي اطبق كلام الاخصائيه اللي قالت لي القلق والخوف متمكن مني ما أدري وش اسوي
|
حياك الله اختي راجية الفرج وان شاء تستفيدي وتفيدي
صدقني اول شي لازم تعرفين انك على اجر عظيم الكل يتمنى هذا الاجر من عند الله على صبرك ومقاومتك
كلنا نعاني نفس المعاناة كل اليوم يروح في القلق والتفكير كل خليني اقولك شي بعد 15 سنة اكتئاب وانفصام ما ينفع ابدا التفكير حاولي تشغلين نفسك باي شي صلي او قراءة قران او ادخلي على الشات كل يوم وسولفي وسع صدرك
او ادخلي كل يوم هنا في الملتقى راح تلاقين ناس حريصين عليك وكل يوم معك
انا اول ما جاني المرض اقول متى بشفى ومتى بس لما عرفت ان اجر الصابر من الله عظيم قلت خلاص خلني صابر ومحتسب والله بيعوضني احسن من الى عند الناس من الراحة
هذا قدرنا ولازم نصبر بس الملل تخيلي انا وامي واخوي في البيت بس ما عندي اخوات كلهم تزوجوا ما فيه احد اخوي يطلع كل اليوم وامي كبيرة في السن وانا اخدمها ومع كذا وظيفة وعمل
لو تحصلين عمل راح يروح الوقت مع النت والوظيفة
هل تاخذين ادوية
الله يصبرك ويفرج عليك وعلينا