فضفضه ويوميات اصحاب نوبات الهلع

هلا أخوي أبو هلع. اليوم رحنا البحر نتشمس و نأخذ فيتامين د أنا و صديقاتي عندنا نادي سيدات. و الله لا يوريك
النوبات و الخفقان و السرحان و الأفكار الغبيه و الوهم بس آلحمدلله حاولت اضغط. على نفسي عشان الموضوع ما يتطور
بس للأسف ما قدرت أسوق خليت صديقتي تسوق بدالي :'( بعد ما بديت السبرالكس أحس القلق و الخوف زادوا بس اللي سمعته
منكم إنه الدوا بدايته متعبه و لازم أصبر لين ما يأخذ مفعوله و الله كريم

تمام اذا تتشمسي والريااضه جدا ممتاازه وعنادك للقلق وتجاهله صحيح نتعب بس بالنهايه راح يتحسن بالتدريج والعلاج صح توك في البدايه واذا زاد عندك الهلع هذا دلال على ان مشكلتك نفسيه يعني خلال اسبوعين او ثلاث راح يبدا مفعول العلاج بس محتاجه صبر

ان شاءالله اتمنى ...... الحمدلله كنت امارس الرياضه و نشيطه و اروح النادي ( الجيم ) يوميا و مواضبه ماشاءالله
بس للاسف بعد اللي صار الحين صار لي 3 اسابيع ما اروح الجيم نفسي صعبانه عليه للاسف مب قادره اضغط على نفسي
و اتشجع و اروح النادي مره ثانيه لانه زحمه و صرت ما احب الزحمه بعد ما كنت اجتماعيه و جريئه و بعدين ف النادي
تكون مركز على جهاز او جهازين او ثلاثه ف خلال تركيزي احس باعراض النوبه و ما اكمل :( ان شاءالله بحاول هالاسبوع
اضغط على نفسي بالتدريج 10 دقاىق لعب بعدين 30 دقيقه بخليه مثل تحدي و ان شاءالله اجتازه يارب ادعوا لي :( و عندي مشكله فضيعه
ف النوم نفسي انام مثل الناس نوم عميق و هادي .....

EMFWWWFE كيف اقدر اسيطر على سرحاني و قلة تركيزي كل واحد يكتب 3 او 4 نقاط

حمدلله دامك تتحدين وطريقتك صح بالتدريج ابتدي كل يوم زودي من وقتك شوي المهم لا توقفين وماعليك راح يتحسن وضعك بس اصبري
حتى السيبرولكس يعالج مشكلت النووم ماعلييك والله الرياضه كويسه لا تتركينها

في البدايه اعملي تحاليل للفتامينات والغدد ترا لها دخل في التركيز

وبعدين العبي العاب خاصه بالتركيز اغتقد متوفره بالجوالات وغيرها تختبرين قدراتك
وحطي لك جدول بشكل يومي للاعمال اليوميه واكتبها بجوالك وخلي فيها تذكير

إن شاءالله بحاول ما أترك الرياضه ، بالنسبه للتحاليل مسويه. كل شيء تمام
ما عدا فيتامين د و الكالسيوم ... إن شاءالله بحاول ألعب ألعاب ذكاء و تركيز
و إن شاءالله خير :) شكرا أخوي على نصيحتك. ..

اسفه إني وايد أسأل و أتكلم .. جد سوري ، بس والله
أنا ما صدقت القى ناس تفهمني و تحس فيني. و أقدر
استشيرها كل الشكر لكم جميعا ً ... إنزين آخر سؤال
القلق و التوتر و العصبيه اللي فيني طول اليوم. هل هذي
طبيعيه ؟!! أنا بطبيعتي أساسا حساسه و مزاجيه و مع الهلع
أحس القلق ما يروح و دائما أوسوس و دائما أتوقع أخبار سيئه
و دائما متشائمه :(

عادي اسألي وقولي كل شي بخاطرك احنا هنا نفضفض ونتكلم عن معاناتنا وكيف نتغلب عليها
بالنسبه لسؤالك انا مثلك تماما احس بعصبيه ومزاجي وتقلبات بالتفكير والشي هذا يعتمد على الشخص نفسه وكيف يحول الفكره من تشائم الى تفائل يعني اذا كنتي مثلا خايفه وفية الم بصدرك اكيد بتتشائمين وتوسوسين لكن اذا قلتي في نفسك الالم هذا طبيعي وجاني قبل كذا ولا صار شي راح تتغير الفكره ومع الزمن يخف القلق واكيد مم اسباب الهلع حساسيتنا وتشائمنا يعني طريقت تفكيرنا

صح معاك حق و مره أصلا قالي الدكتور لا تركزين في نفسج
و في جسمج. حاولي تركزين في أمور ثانيه و نحنا طبيعتنا حساسين
و وسوأسيين و شخصيات قلقه فعندنا. القابليه لمثل هالأمور ،،، شكرا
عيل كل شوي بسال ههههههههه شكله بخلي هالموضوع 100 صفحه
في يومين خخخخ

أبو الهلع ..
والله ياغالي أني ودي افضفض .. واتكلم لاني جداُ مصدوم من للي للصار لي ..
لو تذكرت أن طلبي منك .. هو أني لا اريد أحد يدري بـ الموضوع للي معي .. تتذكره ..؟
للي صار أن زوجتي دخلت وشافت مواضيعي في هنا .. وعلمت أهلها ..
وبدل ما يكلمونها انها توقف معاي .. خافو مني أني مجنون على حسب قولهم ..
وانا ما ادري أنها دريت .. رحت أنتداب لمنقطه تبعد عننا 150 كيلو .. ويوم رجعت البيت ..
لقيت ورقة مكتوب عليها طلق أختنا .. وتراها عندنا ..
يوم حولت التواصل معهم ما ردو علي .. واتصلو بالوالد الله يحفظه وقالو له ولدك مريض نفسي ..
ولازم يطلق بنتنا .. سالهم الوالد هو اعتدى عليها سوالها ششي يقولون لا بس طلع مريض نفسي وما يبي يعلمنا ..
وحنا محنا مارح ننتظر أنه يسويلها شي ... وطبعاً قبل ما اروح الانتداب كنت ماخذها هي وعيالي في البحر لمدة ثلاث ايام ..
والامور احسن منها مافي .. ولا اني مبين لها ان فيني شي .. وحتى كنت حاجز ليونان ببداية شهر 8 وانا وهي سوا ..
ويشهد علي الله اني ما عمري حسستها ان فيني الهلع .. بل بلعكس جميع طلباتها مجابه وتمشيات وأخر حلاوه ..

وللي مضايقني في الموضوع كله اني على قد ما سويت انتركت بسهوله .. والاكثر بضيقه اني جلس بالمنزل لحالي وافتكر ابناء ..

هذي هي القصه ....

والحين مقرر أني اتعالج وابدا حياه جديده ...
واطلب منها دعواتكم ..

هلا اخوي فتى معليش اتأخرت بالرد شوف عزيزي انا مالومك صراحه يوم تتعب واعذرني يوم اقول ان زوجتك تصرفت تصرف خطأ ويمكن مانلومها لانها ماتدري ايش هو طبيعه المرض او بالاحرى الاضطراب اذا قدرت تتواصل معاها ياليت تخليها تقرا عن الهلع وهو مجرد اضطرابات تنشأ من ضغوطات ومشاكل متراكمه والله شف ياعزيزي انا انصحك تتعالج عن دكتور نفسي ونا اعتبر مافيك اي مشكله وتصرفاتك طبيعيه تعال للرياض بكون واقف معاك وماعليك
صراحه جدا تضايقت على وضعك بالحاله هذي المفروض زوجت توقف معاك

المشاركة الأصلية كتبت بواسطة فـتـى المـديـنـه

والحين مقرر أني اتعالج وابدا حياه جديده ...
واطلب منها دعواتكم ..

هذا خيااار سليم وخاصه بالمشاكل الي تمر فيهاا بس تعالج ومثل ماقلت لك تعال للرياض وراح اوقف معااااك طمنا عليك

أن شاء الله قريب بس بـ أحدد موعد مع الدكتور وبعدها بـ أعطك خبر ..

أما بخصوص زوجتي .. أنها مأ تعرف الاعراض الهلع .. واختها مره بنفس المشكله هذا اكبر مصيبه ..
عموماً الله يكون بالعون ويعوض صبري خير .. وأكيد الواحد ما ينسى رحم الله ع عباده ..


وأخيراً لك وحشه أبو الهلع صدقني أدخل المنتدى ابي اتكلم معك والاداره كلمتهم يقولون يرد عليك المشرف العام عأد أنتظر لين يرد المشرف العام