زواج السعوديه من غير السعودي ( الأجنبي ).

أسعد الله صباحكم جميعا
معاملتي اتحولت من الادارة العامة للحقوق الخاصة الى الوكالة المساعدة للحقوق
ممكن احد يوضح لي ماهو هذا الإجراء والإدارة ؟
و هل المعاملة في مسار طبيعي؟
للعلم انا من امارة مكة
شكرًا سلفا

المشاركة الأصلية كتبت بواسطة لحظه تفائل

سااره اي معقب تقصدين؟
عاطف والا واحد ثاني

لا مااتوقع عاطف

لاني لمن سجلت بالمنتدئ ماكانت موجوده ساره

و دي اول مره اشوفها من وقت سجلت

ف اكيد شخص تاني

المشاركة الأصلية كتبت بواسطة حكايه

صادقه والله

العام مصدر اقامتي كانت من الخفجي
فقالو لنا روحو قدمو من هناك
وكان في شخص نعرفه هناك
بالواسطه من الاماره سو لنا المعامله
وفي اسبوع عملو لنا خطاب موجه من اماره الشرقيه للمحكمه. حتا مااخدو اوراق التحاليل والله من دونها
بس الي اخدوه مني صوره اقامتي وشهاده ميلادي وخطيبي صوره ل بطاقته وتعريف بالعمل وبس
للاسف لمن اعطونا موعد العقد كانت اقامتي منتهيه ف المحكمه ماقبلت قالت لازم اقامه ساريه
ولمن اتجددت بعد 8 شهور رفضو قالو لازم خطاب جديد
ف بعدها كملنا المعامله هنا في مكه ومنتظرينها تخلص

االشاهد بالموضوع
ازا عندك واسطه في الشرقيه ع طول امورك ماشيه
وسهلين مرررررررره ومتعاونيمن جدااااا
حتا البرج الطبي لو عملتو التحاليل فيه ماتاخد 4 ايام ويعطوكم النتيجه لو عندك واسطه كل امورك تمشي زي الحلاوه

وربي شي يقهر يعني علي موعد العقد يرفضوووو ،ان شاء الله تتسهل امورك ياررررب ،وفعلا كلامك بالواسطه كل شي يمشي
،ان شاء الله بعد العيد نسمع اخبار حلووووووه ياررررب ...

‏قال تعالى :

{ وَ لَسَوفَ يُعطِيكَ رَبكَ فَتَرضَى }

كم هي مريحة هذه الآية
نسأل الله أن يعطينا واياكم
خير الدنيا والآخرة

صباح_الخير

المشاركة الأصلية كتبت بواسطة حكايه

لا مااتوقع عاطف

لاني لمن سجلت بالمنتدئ ماكانت موجوده ساره

و دي اول مره اشوفها من وقت سجلت

ف اكيد شخص تاني

سارة من دفعتنا يعني من الدفعه القديمة
على قول اجمل انثى

لكن الله يفرجها علينا جميعاً يااا رب

المشاركة الأصلية كتبت بواسطة ساره ماجد

خطيبي راح الشرطه بعد ماعدت على الادارات كلها ولما رحلهم قاله كم عمرك وعم خطيبتك قلهم قله خلاص حفظت مو مستوفي الشروط بس احنا مسوينها قبل ماتطلع قرار 30 العمر
يقول خطيبي اصلا الشرطي ولا طالع لا في ورقه ولا جهاز ولا شاف بس كدا من راسه الكلام

ورجع كلم المعقب وقله انا عندي واحد في الشرطه و حكلمه واشوف وجلس شهر ولا رد علينا ودحين ماعرف ايش صار تاني لاني مافي بيني وبين خطيبي اتصال بس سمعت انه المعقب دق وقال انه نقل الورقه بس فين مادري

وهذا استثناء

حسبي الله ونعم الوكيل
يعني ليش ماشاف ??????
هي استثناء مو معاملة يعني طبيعي ترجع الشرطة
مو معاملة عادية خرجت من الشرطة ورجعت تاني
زي الاخ ديدو لمن راح قالولو الشرطة احنا مانعرف انت تروح البحة الجنائي وتعرف

فليييش اتكلم من راسووو حسبي الله ونعم الوكيل

وحكاية مقدمتها قبل ال 30
انا مقدمتها من شوال 1434 وتحفظ في 6 1435
بحجة العمر

مع انو بيقولو العمر في رمضان للدفعه الجديدة

وهو كذب العمر نازل من اووول واطبق علينا
لانو اساسا جاي من الامارة
الشرطة مهي عارفة شي
طيب استثناءكم فين قدمتوه اصلا من البداية
الامارة ولا الداخليه ولا المحافظة ??


وربي يفرجها عليكي وعليا وعلى الجميع يااارب

المشاركة الأصلية كتبت بواسطة قنوعة

أسعد الله صباحكم جميعا
معاملتي اتحولت من الادارة العامة للحقوق الخاصة الى الوكالة المساعدة للحقوق
ممكن احد يوضح لي ماهو هذا الإجراء والإدارة ؟
و هل المعاملة في مسار طبيعي؟
للعلم انا من امارة مكة
شكرًا سلفا

انا مااعرف هي ايش عملها هذي الادارة

بس ايوة هذا مسارها الطبيعي
بالنسبة لمعاملات الاخوات والاخوان اللي هنا

واعتقد مكتوب عليها باجراء التاشير ???

ان شاء الله ربي يسهلك امرك وامري وامر الجميع

تخيلوا ورقة التحليل حقتي بتاريخ 8/5/1435 ورفضوا المحكمه يمشوها قالوا تحاليل من جديد انا كنت مفكرة انها من شهر 2 بس طلع تاريخها شهر 5 المفروض يعدوها بدال التعقيد هذا

المشاركة الأصلية كتبت بواسطة يارب يسر امري

انا مااعرف هي ايش عملها هذي الادارة

بس ايوة هذا مسارها الطبيعي
بالنسبة لمعاملات الاخوات والاخوان اللي هنا

واعتقد مكتوب عليها باجراء التاشير ???

ان شاء الله ربي يسهلك امرك وامري وامر الجميع

اللهم أمين الله يسمع منك يارب
بس هي توها راحت من الشرطة ع الإمارة وقالوا راح تروح وزارة الداخلية
ايش يعني اجراء التأشير

انا تظهر عندي قيد التنفيذ وأسماء الإدارات كيف تظهر عندكم الإجراءات الحالية على كل معاملة
اشوف البعض يكتب للعرض
للتوقيع
و ابي اسأل كيف استفسر عن طريق رسائل الجوال

السلام عليكم اجمعين
متابعكم من ثمانية شهور تقريبا بس ككل ماابغى اشارك تنسد نفسي لاني قدمت مرتين وانحفظت من امارة مكة .

اخر مرة قدمت قبل شهرين من الداخلية بالرياض عن طريق واسطة اححس انه ماعنده هرجة بس اللي مصبرني عليه حاجتي للموافقة بس
قبل اسبوع ارسلولي رسالة بان المعاملة صدرت الى الاتصالات الادارية برقم جديد
ابغى اعرف كيف اتابع معاملتي الان
ولو هيا موافقة ياااارب كم تاخخد وقت الين توصل المحكمة و فين تمر بالضبط
اللي عنده علم ياليت مايبخل علينا
يارب يسهلنا كلنا و نسعد باللي يكتبه لنا ربنا

السلام عليكم
فصايل أخيرا لقيت احد زيي مقدم من حفر الباطن انا قدمت من جده وانحفظت ودحين قدمت من الحفر وقالو احتمال كبير موافقه ان شاء الله وانحولت لا امارة ابشرقيه واعطوني موعد بعد شهرين يارب تتسهل لنا ولكم دعواتكم

انتظر رد منكم بليزززز

المشاركة الأصلية كتبت بواسطة لحظه تفائل

سلامتك سارونه ماتشوفي شر حتى انا هاليومين تعبانه من الانفلونزا ومافيه افكر بشي صراحه
اعطيت نفسي اجازه وكمان تعودت على خيبات الامل لكن الله كررررريم يااارب

اللي صار لخطيبك نفس اللي صار لخطيبي نفس الكلام ونفس الموقف قال له ميه بالميه حفظت
واحناماكنا نبغي منه غير اننا نشوف الاستثناء ايش مكتوب عليه بس المختلف ان احنا مشكلتنا التحاليل
كذاالشرطي من راسه قال اكيد حفظت ويلا انا مو فاضي لك حسبي الله عليهم
انا ابغى افهم الشرطه ايش دخلها في موضوع زواج ماني عارفه ليش
يلا ربي يكتب لنا الخير ويفرجها على الكل

لحظة تفاؤل انتي وساره المفروض خطيبك يطلب يشوف الملف إيش مكتوب فيه
ويجلسو في حلقه لين مايشوفو

المشاركة الأصلية كتبت بواسطة ولااايف

السلام عليكم
فصايل أخيرا لقيت احد زيي مقدم من حفر الباطن انا قدمت من جده وانحفظت ودحين قدمت من الحفر وقالو احتمال كبير موافقه ان شاء الله وانحولت لا امارة ابشرقيه واعطوني موعد بعد شهرين يارب تتسهل لنا ولكم دعواتكم

ولايف وفصايل انتو من سكان جدة وقدمتو في حفر الباطن وإذا كده
ماطلبو منكم مشهد سكن ولا إيش الاوراق اللي طلبوها