يوميات المكتئبين تعال نسولف

ماسكة يا بو حميد على يا من هواه أعزه و أذلني هههههههه

وعليكم السلام
هلا بندر وياك يارب
منووور

اهلاااااااااااااااااااااااااااااا بندر حياك الله منور .

------------------------------------------------------

هلا نووووووووووووايا والله ملل بقوة بس وش نسوي اكيد نسوي كافي وزقارة ونانسي مستنياك

هلا رسوم منور

حالة غريبة

وش اللي مخليني أطب و أفكر بأسماء المواليد هههههههههه لا و قاعد أحفظهم على بالي اني متزوج و مخلف عيال رشا شيماء لين مبارك حبيب

شكلي مهبول و أنا ماادري هل انتم ضانين ذلك فيّ

المهم ما عليكم من ذا الخبال :) الله يفك أسري و أسر كل عزابي قولوا أمين

اتوب اتوب اتوب من شرب الخمر والله انا اتوب اتوب من الحب والله اتوب فهرررررررررررررررررررررررررررررررر

وين طس مسافي ماله حس

الله يجيبه بالسلامة

نفر من الجن كيف حالك عساك طيب

يا رب تكون بخير في كل الأحوال

ايييييه وتقفلت الحديقة حق المنتدى (صندوق المحادثات)!!

خلاص كلن يدخل بيته ...حارتنا ما فيها حديقة !!

اليوم ضايق خلقي باالحيييل كتمه قويه

......,,,.....,,,......,,,........,,,....,,..,,... ,,..,,..,,
اييييه...مهوب بس انتي ياوخيتي..
اني ضايقن صدري بالحيييييل حيييل سثير(كثير)..
لكن وش الحيله وش الخطة يازعيمة ..
اني يبدو اني ابجلب النوم عن طريق الدواء..
......,,,.....,,,......,,,........,,,....,,..,,... ,,..,,..,,

المشاركة الأصلية كتبت بواسطة محمد البدراني

ههههههههههههه احمد لو بيدي لفجر وزارة الزراعة بكبرها مليت يا خوي ما صارت معاملة مرتين ضاعت والحمدالله الحين يقولون الامور تمام على الاسبوع الجاي خالصة نقول يا رب يا كريم .

اما الجراك ما هنا نفس على قوة السحب قل معسل يمكن هذا حدي الجراك للشياب توني شباب ياخوي لا تشيب بنا اما الروحة للعمل الله يسعد روحتي لهم اطل عليهم ادق الكرت وانحاش الهروب الكبير .

ههههههه الله يسعدك يا احمد ضحكت ضحك على سالفة العمدة والفوطة حسيت اني ابو حجز احنا بدوي قل عند النياق نشرب حليب خلفات ونرقص على الربابة تخيلت نفسي في مسلسل بدوي هههههه

الله يعينك على الزراعة ووزارة الزراعة شكلك انزرعت عندهم هناك وطلعلك جذور ضاربة في الارض 70 متر عشان كذا معاملة التقاعد عندك ماهي راضية تطلع ناشبة في سابع ارض مع الجذور 😂😂
وانكان ودك تعرض عليهم عرض تقلهم باتقاعد بس فيه واحد بيجي مكاني والرجال عاطل من 7 سنوات
وماعليك ما باقصر معهم بازرعلهم ثوم وبصل يستاهلونه هههههههههه

واما التقعد اذا تبغاهم يقاعدونك اضربلك عشرين نفر ابو قوسين وروحلهم الدوام واستلمهم هرج وترفيع ويخافون منك ويقعدونك ثاني يوم ومعاملتك صدقني بتمشي اسرع من الضوء ولو انها في كوكب بلوتو بتوصلك ثاني يوم😂😂

اذكر مدرس عندنا الله يذكره بالخير كان مريض نفسي يوم كنت ادرس في الثانوي حجازي وكان مرفع ويجي المدرسة معه المشعاب ومسجل ومشغل ام كلثوم ورافع الصوت على اعلى شي اهل الحب صحيح مساكين هههههههههههههههه
وخافوا منه المدرسين ورفعوا فيه تقاعد ومن يومه تقاعد
بس انت شوف الوضع اذا فيه بزوطة مالك الا كذا تمشيهم بالغصيب وماهو بالطيب ومن له حيلة فليحتال 😂

المشاركة الأصلية كتبت بواسطة رسوم متحركة

نفر من الجن كيف حالك عساك طيب

يا رب تكون بخير في كل الأحوال

الله يسلمك انا بخير ولله الحمد وحتى الاجواء عندنا الايام هذي الجو يرعد والسماء غيم وبروق وضباب وبرد وامطار
مير مدري متى يقشع الغيم الاسود عن قلوبنا
ودام انكم بخير انا بخير
وانتم كيفكم يا اهل الشرقية عساكم بخير وكيف الحر معكم
ولا اوصيك مع هذا الحر الشديد ينصحون بالكثير من شرب قواطي التفاح والرمان عشان ترطب جسمك من الحر 😁
بس انتبه وانا اخوك انت والبدراني من القواطي اللي في البحرين لا تقربونه ابدا ههههههه

مدري وش صاير فيني هالايام احس اني ودي اقتل كذا مدري وش السالفة!!
تابعت مسلسل الحجاج وشكله اثر على نفسيتي وصرت سفاح مثله 😂
دورولي واحد هنا في المنتدى اذا انه وده ينتحر وأريحه من الحياة واكسب فيه اجر واريح نفسي عز الله عندي في الدولاب رشاش ورصاص متفجر يجيني بس واحد وافرغ المشط كله في راسه
بس تدرون شكلي باتابع من بكرة مسلسل تركي عشان اقلب رومانسي مسلسلات زي كذا ماتصلحلي لا ازيد اجيب العيد في احد الكائنات الحية لا سمح الله :)

اناااااااااااااااااااا اقتلني وتكسب فيني اجرررررررررررررررررررررررر

الشماااااااالي جربنااا النووووم ماصار حلللللل