اااخ منك يالخوف من الموت متى بتعتقني وارتااح من همك...

اااخ منك يالخوف من الموت متى بتعتقني وارتااح من همك...

السلام عليكم ورحمة الله

ياربي متى برتاح من هذا الهم والخوف..
حاسة بكتمة وضيق في النفس والدنيا ضايقة فيني من كل جهه
عندي امتحانات وابغى اذاكر ماني قادرة
كله تفكيري في المووووت
كل مااسوي شي اقول اكيد اني بموت عشان كذا سويت كذا
حتى اخواتي او امي لمن اكلمهم واذا قلت لهم كلمة حلوة ولا شي اقول شكلي بموت عشان كذا قلت لهم هالكلام
حتى بناتي لمن الاعبهم واحس اني احبهم من كل قلبي اقول انا قرب موتي وجالسة الاعبهم عشان اشبع منهم قبل مااموت
وماابغى اشكي لاحد عشان لايستخف فيني او يقول الموت لابد منه ومفروض منانخاف ومن هالكلام
وكله كوم لو حسيت بكتمة ولمن اخذ البخاخ ومااحس بتحسن كوم ثاني
حتى الاخبار لمن اسمعها يحيني احباااط وخوف زياده واحس ان علامات الساعه ظهرت والناس في قتال وحرب واحس كان العالم بينتهي
والاحلام اخاف منها لاني اشوف احلام وتعقدت منها اجلس اوسوس فيها بشكل فظيع
ياربي وش اقول واش اخلي

مالي الا انتم في هذا المنتدى اشكيلكم لاني اعرف انكم فاهمين حالي

طيب الى متى هالحال عذاب نفسي طول الوقت

وذحين عندي كتمة وضيق نفس وجسمي مكسر وراسي مصدع واحس اني بدخل في نوبة هلع وابي انام بس خايفه يزيد الضيق والكتمة

الله يفرج عني ويبعد عني هذا الوسواس والخوف

واسال الله ان يعطي من يرد عليه ويطمني مثلها ياااارب

المصدر: نفساني

اللهم اني عبدك..ابن عبدك..ابن امتك..ناصيتي بيدك..ماضٍ في حكمك..عدل في قضائك..

اسألك بكل اسم هو لك..سميت به نفسك..او انزلتة في كتابك..او علمتة احد من خلقك..

او استأثرت به في علم الغيب عندك ..ان تجعل القران ربيع قلبي..ونور صدري..وجلاء حزني..

وذهاب همي ...

اسال الله العظيم رب العرش العظيم ان يشفينا ويشفيك .\\

الصبر والفرج قريب باذن الله .

و الله كنت مثلك اختي و الله يعني كل مااقول شي حلو اقول يمكن اموت يعني الفكره ماسكه معي بس هلااا راحت الفكره و الله لحالهاا الواحد لازم يطنش و اكثري من السماع للقران و كانت كمان فكره الجنون ماسكه معي و ارتحت منهاا و وسواس المرض بس كل الافكار راحت بفضل الله و الرقيه

يا اختي عافانا الله واياكم
كانك تكتبي عن حالتي ويمكن انا ازود
و المشكلة انه كل هاد وسواس و المشكلة الاكبر مو عارفة كيف اتخلص منه وكيف اقتنع انه كله وسواس و تخويف من الشيطان اعوذ بالله منه
حتى النو ما ارتاح فيه واكون نعسانه و ما انام وعدد ساعات النوم قليلة ومتقطعة بس عشان ما اشوف احلام
الله يشفينا
مالنا غير الدعاء اقوى سلاح

الله يشفينا جمعيا يارب عليك بالرقيه انا هذي الايام زايد عندي الوسواس حتى النوم اصحا منه مفزوعه وتجيلي نوبات كثيره وانا نايمه بس الرقيه الشرعيه لما اقراءها ارتاح كثير وتتحسن حالتي

عافانا الله واياك ياختي الكريمه

انا عن نفسي صراحه استغرب وانا ماجربت ولكن استغرب من شي كيف تسألين وتجاوبين

انتي تقولين تفكير يعني الحل بكل بساطه لاتفكرين واذا جتك الفكره قولي طيب خلاص بموت وقولي قول الله عز وجل في نفسك : كل نفس ذائقة الموت .

واتركي الموضوع وخلاص لو جاك مره مرتين ثلاث عشرين كلها نفس بعضها يعني الموت لو جاء بيعطي الواحد فرصه يفكر ماحد يدري متى او اين سيموت فاتركي الوساوس ولا تلعبين مع الشيطان تراه حريص يخرب عليك حياتك .

العلاج الوحيد للوسواس التطنيش فقط

وشوفي توقيعي لعل وعسى تستفيدين من قرآته .

(( التطنيش فن رآقي لايتقنه إلا محترفوا السعاده )).
روعه هذه المقوله والله اعجبتني كثيرا

الفارس
ميراك
ام اسامة
ام الهلع
ابو فارس

الله يجزاكم خير ويعطيكم العافية..

انا تماام الين تجيني كتمة او ضيق في النفس على طول تبدا الافكار والخوف

مع اني عندي حساسية في الصدر وعارفة انها تسبب كتمة لكن وقت الخوف انسى اعوذ بالله

سبحان الله كنك تتكلمين عني انا قبل فترة قلت لأمي مع السلامه وبس طقتني الهواجيس شكلي بموت شكلي بموت وماقدرت أنوم في الليل نمت شوي بشكل متقطع

نصيحتي لا عادا تقرين قصص عن الموت وهذي وشلون ماتت ووش كانت تسوي وووو وحاولي قد ماتقدرين تتجنبين المواضيع والبرامج اللي عن الموت والقصص المؤثرة
فرجك لنا يارب