شو صار معاي أمس ،، ؟

شو صار معاي أمس ،، ؟

السلام عليكم و رحمة الله و بركاته

انا من قبل يوم أو يومين كتبت موضوع عن نوبة الهلع
أصلاً ما كنت اعرف شو هي النوبه و كيف تكون ..

هالأيام تيني واايد ..
أمس كان يومي حلو من الصبح لين الفليل
حتى ما فكرت أبد بالموت و الأفكار الثانيه
كنت شاغله عمري ،

الفليل : كنت يالسه مع أختي و اسولف وياها .. فجاءه حسيت بالإحساس ان خلص الهوا و الحين بيصير فيني شي
على طول قمت من مكاني سايره اشرب ماي او اسوي اي شي كأني بس اهرب من هالإحساس !
قلت ماعليه مب أول مره بشغل عمري ، رديت اسولف مع اختي بس بعد كان الإحساس أكثرر و المشكله قلبي يدق بسررعه و ألم قوي في نص صدري
تمت النوبه تقريباً أكثر من ٥ دقائق
خفت وايد حتى طلبت عشا و ما تعشيت من الخوف
الألم كان وايد قوي و الإحساس يخوف ماقدر اوصفه !

لين عقب و خف .. قريت عن النوبه ان عادي تصير مره او مرتين ، خفت
الحين خايفه ان تيني مره ثانيه و انا ماريد هالاحساس لان يخوف والله و اللي مر فيه بيحس فيني
المشكله ان اعرف ان بس احساس مافي شي بس ماقدر ..

هل صدق ان في اكلات او مشروبات تسبب النوبه ؟
يعني انا امس شربت كوفي مرتين !
و اكلي صح مش صحي صحي يعني نص نص !

اللي مر بهالحاله كيف تعامل معاها ؟ يعني هل هناك طرق تسوينها تخلينها تروح أو تخف ؟
أو ماذا ..

الله يشفيني و يشفيكم جميعاً ياربّ ..

المصدر: نفساني

طبعا اللي معك نوبة هلع
نوبة الهلع تجي ع حسب الشخص
بمعني اذا جالس يفكر انها بترجع له
اكيد بترجع له لكن بكل الاحوال ماهي
خطيرة ولاتخوف وماتسبب اي مشكله صحيه
مجرد هلع ياخذ دقايق وتختفي ..
لكن نصيحتي روحي لطبيب نفسي
وخذي لها علاج من بدري ع شان تقضي.عليها نهائي
العلاج مايطول فترة وتتركيه ..ما ابغا اخوفك
لكن ممكن تسبب لكي توتر كن مثل ما قلت
لكي حتي لو سببت توتر برضوا عادي لكن ليش
ما نقضي ع الوضوع من بدايته ونرتاح
ولا تخافي مهما تحسي اعرفي انها اعراض
هلع لا اكثر ولا اقل ..وع فكرة الادويه الخاصه
بالهلع ما تسبب ادمان ولا لها اضرار ولا تزود وزن
مثل اي دواء عادي ..

ماقدر اروح لطبيب نفسي صعبه شوي :(

إسأليني أنا عن الكوفي ونوبات الهلع والخفقان .. نعم الكوفي كثرته تسبب هذا الشيء ..

مع اني ما اشرب وايد وايد يعني الا اذا كنت في الجامعه بس :(

هذه نوبة هلع يا اختي ،،
معروفة الاعراض ان لم تكوني تعانين من اي مرض عضوي ..
تبدأ بضيق في التنفس و رغبة بالهروب يليها تسارع في دقات القلب و ضيق بالصدر و رجفة ... الخ

نوبة الهلع قد تاتي من غير اي سبب ،، هكذا فجأة
و قد تأتي نتيجة مواقف معينة تثير خوف شديد للمصاب ،، او بعد تفكير سلبي

بالنسة للقهوة يا عزيزتي ينصح عدم الافراط في شربها هي و كل المنبهات فهي قد تأثر بشكل سلبي على حالتك ..

شكراً أمل الروح على المرور.

العفو اختي

اسأل الله لك الشفاء التام و الاجر ..

القهوة ياعزيزتي تزود من حالة الهلع خصوصا انك شاربتها على معدة خاوية ماينفع ابدا
انا مرة كذا خرجت م اختي وشربت كوب قهوة مخفوقة على لحم بطن ي رب الصباح أكلت ك بسكوت وبعد ك تني نوبة هلع شديدة فعلا ايقنت بال وقتها لكن الحمد لله عدت
هي كذا الهلع مهما اشتتتتدت النوبة ستذهب وترجعين ترتاحي أهم شي شي تفكري فيها
وإذا حسيت ياعزيزتي من الامر زا تستشيري الطبيب م صعب ولاشي ا ا انك تعيشي مرتاحة ولا يضيع عمرك في الهلع والوساوس

تصير والله كثير تكونين ما تفكرين بشئ وعادي فجأه تحسين بخوف وكذا شعور غريب وعلى طول تغيرين مكان و تدورين في البيت كانك تهربين من هذا الإحساس ،وكوفي على فكرة يأثر كثير خاصة في هذي حاله ف حاولي لا تكثرين منه احسن..