|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
12-09-2002, 08:31 AM | #1 | |||
( عضو دائم ولديه حصانه )
|
ادخل وقل موقف طريف حصل لك!!!! وسع صدرك
السلاااااااااام عليكم ورحمة الله
اولا شروط المشاركة 1-ان يكون الموقف يضحك ،،،،،، او محرج اما لو طلع الموقف يحزن ترى بنطلب من نفساني يسحب العضوية،،، 2-الا يقل عمر المشارك عن ست شهور. 3- الا يزيد عمره عن 71 سنة ( بتقولون ليش 71 سنة مو 70 سنة ، اقولكم غيرنا الدستور الاعلى لكي يوافق عمر البتاااااار!!!!! جدي وتاج راسي) 4- يفضل ان يكون المشارك دب ( سمين) لان الدراسات اثبتت ان السمين اكثر مرحا ودعابة وخفة ظل وقدرة على اكتساب علاقات اجتماعية(هذي الدراسات اللي اثبتت مو انا) 5-الا يكون فيها تجاوزات ادبية ،، والا يكون فيها من ذكر خصوصيات النساء والبنات او الازواج بما يدعو للفتنة . واحب اقولكم شي مهم وهو ان الناس مو ناقصين هموم ،،، يعني هالدردشة ودي تكون متنفس من مواضيع المنتدى اللي يغلب عليها الجدية واحيانا الرتابة في الطرح.... وابدا انا اول واحد ،،،،، وانا على فكرة عندي موااااااااااااااقف كثر المطر لكن باقول واحد عشان افتح الشهية وبعدين اذا اشتد اللعب كملت الباقي. في احد الايام ،، كنت في الجبيل .... احمل وقاري وشخصيتي وامشي.. انا وخمسة من اصدقائي دخلنا احد المطاعم التي تنتج شيئا يقال له بروستد .. لعلنا طلبنا خمسة او ستة بروستد موقفي ليس في المطعم كما تتوقعون لا .. لا والف لا(واحد متحمس) انما كان موقفي في الخارج (خارج المطعم لا تفهمون غلط ) عندما قلت لاخويائي (اصدقائي) لو سمحتم باروح دورة المياه اغسل واجيكم لا تاكلون لين اجي طلعت برى المطعم ادور دورة مياه(الله يعزكم والملائكة) رحت لقيت هنااااااااك دورة مياه رحت لها وبعد ما طلعت ... وانا راجع الا بجنب المطعم مكتبة ... وواقف عند بابها العامل اللي فيها .. وانا واثق طبعا قلت لو سمحت اخوي عندكم كتاب " افاق بلاحدود ولا باقي ما وصل" العامل: شو ؟؟؟؟؟ شو تفضلت اخي (((( سوري))) صوت الشباب (بكل ثقة) : كتاب افاق بلا حدود .. اكيد ما وصلكم لانه جديد .. اهه اهه ( ضحكة الغرور) العامل : شو كتاب ؟؟؟؟ اخي هذي صيدلية مو مكتبة . صوت الشباب (تغير وجهه) ( يناظر في القزاز اللي بجنب الباب ويدقق الا والله شامبو وحفايظ الله يعزكم) قلت اسف والله العتب عالنظر .... قال : هههههههههههههههههه عندي دوا للنظر ولا عدسات انما ايه قلت : ههههههههههههههاي انت باقي ما عرفتني هذا من الجوع بس خلني ادخل الحين واتعشى وتشوف. وهذا موقفي الطريف واتمنى اسمع منكم كلكم ..كلكم....كلكم والسلام :) :) :) :) المصدر: نفساني
|
|||
|
12-09-2002, 03:29 PM | #2 |
( عضو دائم ولديه حصانه )
|
اليك موقف حصل لقريبة لي " مرتن مره "
كانت تقضي اجازتها الصيفيه مع زوجها وابنائها في اندونيسيا وتعلم أن اختلاف العادات تسبب في اختلاف الاطعمه ....... قررت العائله الذهاب الى الجبل الاخضر وهي منطقه جميله جدا في اندونيسيا ... سكنوا في فيلا تقوم على خدمتها اندونيسيه لا تفهم العربيه في اليوم التالي قامت السيده الزوجه المصونه :) لتعد طعام الاسره اكيد بيكون الغدا كبسه باللحم المهم قال الزوج لزوجته : بنروح نتسبح واذا جهز الغدا نادي علينا بينما كانت تعد الطعام وجدت ان هناك بعض الاشياء ناقصه مثل الليمون ...فحاولت بالاشاره ان تفهم الخادمه لتحضر لها ليمون أو على الاقل عصير ليمون معلب وبدأت الزوجه الوااااثقه الطبخ بكل ثقه ..:) عادت الخادمه تحمل جميع الاغراض المطلوبه حتى الليمون تعودت هذه السيده ان تضع بضع قطرات ليمون على الكبسه قبل انتهائها لتزيد لون الارز بياضا :) بحثت عن الليمون في الاغراض بشكل سريع لأن الكبسه قاربت على الانتهاء وجدت كيس مرسوم عليه نصف ليمونه ...:) طبعا التعليمات المكتوبه عليه لم تكن با العربيه وانما باللغه الاندونيسيه اخذته بسرعه وقطعت طرفه الجانبي ووضعت منه بعض القطرات على الكبسه وفجاءه وفجاءه رأت منظر غريب تدرون وش ها المنظر؟؟ بدت الرغاوي تطلع لها من الكبسه وفهمت أن اللي حطته على الكبسه كان صابون سايل :D :D المره توهقت اولادها وأسد الغابه "اللي هو ابو عيالها " ينتظرون الغدا :) راحت لهم عند المسبح وقالت لهم ماشالله عليكم اجل عجبتكم السباحه ؟؟ قالو لها :اييييييييييه بس يمه جوعانين وين الغدا خلص ؟؟ ضحكة لهم ضحكه بريئه وقالت : الرياضه اهم من الاكل وترى ما يصير تطلعون من المسبح وتغدون على طول, خلكم شوي في مسبحكم وبعدين اشربوا العصير اللي برسله لكم مع الشغاله ............والغدا لاحقين عليه ورجعت بسرعه للمطبخ وسوت لهم كبسه سريعة التحضير ;) يعني كبسة 2020 مو 2002:) بصل على زيت على ما على رز وطلعت لهم كبسه ولا احلى ولا اطعم وتااااااااااااااابت الزوجه عن وضع الليمون على الرز ولو يطلع لها الرز فسفوري وصاح الديك فسكتت شهرزاد عن الكلام المباح :) |
|
12-09-2002, 04:49 PM | #3 |
عـضو أسـاسـي
|
ههههههههههههه ...
حلووووووو ..عجبني الموضوع .. بس ادور في ارشيفي .. وعقب اقولكم ....... ;) |
التعديل الأخير تم بواسطة مثايل ; 12-09-2002 الساعة 04:54 PM
|
13-09-2002, 06:09 AM | #4 |
عضـو مُـبـدع
|
مسسسسسسسسسسسساء الرياحين والجوري;)
صوت الشباب : الحمد لله كل الشروط متوفره ماعدا الشرط .. 1 و 2 و 3 و 4 الا على فكره أخوي تراي ماشاركت الا عشان اللعب اللي قلت عليه(لأني أحب اللعب والخطوه:D ) ... الموقف صار معاي بشهر رمضان (الله يعيده علينا وعليكم انشاء الله) لما رحت للحرم مع جدتي وخوالي .. أخذنا العمرة قبل صلاة المغرب وفطرنا ومشينا ، طبعا تعرفون اشلون الزحمه برمضان (بعدت عنهم مسااااافه ) بس مطمنه لأني شايفتهم قدامي ،، وشوي شفت خالي جاي جهتي وشوي الا وذاك الصوت (( اوعى .. اوعى ... سبني )) طبعا مع الربشه وخوفهم علي تورط خالي بوحده وقام يجرها من ايدها يحسبها أنـ:D ــا .. ولما التفتوله الناس ضيع وش يسوي المسكين من الفجعه ... تعالوا دوروه ماتلقونه .. وأنا بعد ماتلقوني من الضحك (لا وبعد لي عين) (تفكروني سلمت ... الا يازييييييينه من دش) انغسل شراعي:( سلاماتي .. |
|
13-09-2002, 07:18 AM | #5 |
( عضو دائم ولديه حصانه )
|
اول شي حيااااااااااااااكم كلكم ومروركم على موضوعي شرف لي فما بالكم بالمشاركة
واهمه ،، اهلا وسهلا بك ، وبعدين موقف حلووووو اللي في اندونيسيا بس تستاهل ثاني مره تناظر تتاكد تعرفون الاسيويين ذولي عليهم تصانيف ... مثايل ،،،، اعجابك بالموضوع ..........يجعلني اشعر بالفخر همس الغمام اثبتي ان الشرط الاول ينطبق عليك ،،،، والظاهر الرابع ;) اهلا بكم وننتظر موقفك مثايل والسلام |
|
14-09-2002, 04:03 AM | #6 |
عـضو أسـاسـي
|
مـــــرة الله يسلمكم هبطت الطيارة في مطار ألمانيا هبوط مؤقت ....
وأنزل أنا وأهلي ....ولين الدنيا ما أدري وش قايلن بها ربي ... وما أدري الله يتوب علي كم فرض صلاة فاتني ... المهم فرشت سجادتي في أحد الأزقه<---------(( لا تفوتكم بس كلمة الأزقه معناها أحد الأسياب :D )) وأقعد أروكع ...وأصلي ... شــــــــوي إلا أشوف كم بزر حولي .. المهم وأقعد أصلي وأروكع .. شـــــــوي إلا تجمع علي بزااااااااارين وشــــــوي إلأ يتجمهر علي عشرين طعش بزر ...أشكــال وألوان الأشقر والأسمر والصيني والياباني وكلهم صغـــــار قلبوسيين ...يدننـــــون يهبــــلون ..يطيرون العقل ... ويقعدون يتفرجون علي .....وأنا أروكع ويتهامسون ...وأنا ما عطيتهم وجه ...أخلص من صلاة أبدى الثانيه ... وهم يتأملون فيني ...ويتفرجون ...تقول ولا يتفرجون على أفلام كرتون ..ويتفرجون ....ويتأملون ..وأنا أروكع ..ويتفرجون وأنا اروكع المهم ....... يوم خلصت صلواتـــــــــي ... ألتفت أنا عليهم ....وقعدت أناظرهم ...وأنا قاعده .. هم ارتابوا وخافوا وقاموا يرجعون ورا ..............لأن معزبتكم طالعه ننجا لابسه أسود ومتلثمة بقوه برصاصي ....:rolleyes: المهم نرجـّـع الكامير للأطفال .....أيوه وقفنا يوم إنهم طيّــروا عييناتهم وصاروا يرجعون ورا ولسان حالهم يقول ...وشذا اللي كان صنم يسوي حركات غريبه وفجأة التفت علينا .... المهم وقاعده أنا أناظرهم ....وهم يبعدون ...وأناظرهم ...وهم يبعدون .. بعديـــــــن قلت واااااااااااااااااااااااااااااع :25: <--------ترى على بالي بأروعهم بس والله قلت وااع ولا ماقلت ... يااااااااااااااااااااااااااااااااااااااااااااااااا ااااااااااااااااااااااااااااااااااااااااااا هييييييييييييييييييييييييييييييييييييييييلب ميييييييييييييييييي ماااااااااااااا أبد ماشفت إلاّ عجتهم وصراخهم ....قاموا يتصاقعون في بعض وينحاشون وحالتهم حاله وإلي ينادي أمه وإلي ينادي أبوه أنا خلاص تبـــوني أسكت ....بطني بغى يتقطع من الضحك ....يعني والله لو تشوفون أشكالهم شئ خيالي .... المهم بس في الأخير بغت تفوتنا الطيارة ....لأن أمهات البزارين الله يسلمكم كل وحدة إستلمتني عشان تقنع بزرها إني مجرد فتاة ....:3: عاد حلوها كل وحده قاعده تقنع في ولدها ساعه وتوريه وجهي وحاله ..... عاد هم ما عندهم تعطي ولدها كف ويسكت لا تقعد تقنعه لين عمنا يسكت ويقتنع:9: |
التعديل الأخير تم بواسطة لمياء ; 14-09-2002 الساعة 04:08 AM
|
14-09-2002, 04:50 AM | #8 |
( عضو دائم ولديه حصانه )
|
لمياء اللي يسمعك يقول ما طاح وجهها
الا والله انتي اللي ياحليلك .. لكن عندي افتسار بسيط (استفسار) وش معنى " ملثمة بقوة رصاصي " والله ما فهمتها اذا كان مافيه احراج يعين واقولكم موقف ثاني اسكت من اللي قبله اسكت=اكثر سكاتة=مسكت مرره بس مو الحين انتظرووووووووووه |
|
14-09-2002, 11:10 AM | #9 |
عضـو مُـبـدع
|
صراحه انا الحين ما اتذكر شيء
بس ان شاء الله اذا تذكرت شيء ماراح اقصر والا اقول لكم هذي مشاركتي الله يعطيكم العافيه هاه ان شاء الله اعجبتكم |
|
14-09-2002, 11:15 AM | #10 |
عضو جديد
|
قبل ايام قليلة كنت ابحث عن وظيفة في المدارس الأهلية للبنات
فوجدت مدرسة في طريقي ......... ودخلت المدرسة بكل ثقة ....وشادة حيلي في المشي........ فجاة......... حطيت رجلي وجري على برة........ تعرفوا لييييييييييييييييش ؟؟؟ رأيت رجال قدامي فتفاجأت بأن المدرسة مدرسة بنيييييييين......... الله يسامحهم ماكتبو على لوحة المدرسة انها للبنين. |
|
14-09-2002, 01:34 PM | #11 |
( عضو دائم ولديه حصانه )
|
..........ها المره بقول لكم موقف سويته مع " ابوي " الله يرحمه ويغمد روحه الجنه ويجمعنا فيه بجنات الخلد ....قولوا امين
اذكر طلعنا من بيتنا بنسوي فيه شوي ترميمات وسكنا في بيت عمي مؤقتا , ذاك اليوم رجعت من المدرسه وفيني ملل وطفش , يمكن لأن البيت تغير علي والا زحمة الخلق في البيت , مدري ...........المهم قررت اسوي مقلب " اضيع فيه الملل ".......................... بس في مين ؟؟ قررت اسويه مع أبوي رحمة الله عليه رحت وأخذت عباة لجدتي الله يعطيها الصحه والعافيه جمّعت على العباة " برقع " وشيله و.......يعني طلعت طقم واحده مسكينه على باب الله لبست الطقم وانتظرت رجعة ابوي رحمة الله عليه من العمل كنت كل شوي اطالع مع الشباك اشوف وصل والا تو يوم سمعت صوت سيارته رحت اركض وجلست عند الباب الرئيسي وجلست بعباتي والبرقع على طرف الباب وقلت لا اخواني يا ويل اللي يعلم ابوي بشي " رحمة الله عليه " المهم دخل ابوي رحمة الله عليه وطالع يمين الا ذيك المره المبرقعه مادتن يدها له وتطلبه صدقه طالعني شوي ثم دخل يده في جيبه وعطاني اللي فيه النصيب اخوي يوم شاف الدعوه جد وأني طلعت بفلوس , فتّن علي طالعني ابوي مره ثانيه وما قدرت امسك الضحكه وعيونكم ما تشوف الا النور صار في حوشنا سباق الماراثون , اركض وهو يركض وراي وعباتي صارت لي مثل جناح سوبرمان :) :) :) .....................وتوته توته خلصت الحدوته ياربي ترحمه وتكسبنا بره ورضاه .............................طبعا ها الحدث التاريخي كان قبل الزواج يومن واهمه في المرحله الثانويه ;) |
|
14-09-2002, 02:32 PM | #13 |
عـضو أسـاسـي
|
هيييييييييييييي
ابله واهمة والله إنك شقيه ............عاد طرارة مرة وحدة ........:D بعدين يا أبو الشباب ......ابفهم إنت وشلون ماتفهم ....يعني لا بسه خمار لونه رصاصي ومحكم الإغلاق ............... غريبه لا تنسين قصة الحمامة تراها تجنن :D |
|
14-09-2002, 05:01 PM | #14 |
عضـو مُـبـدع
|
السلام عليكم ورحمة الله وبركاته 000
تحية معطره لأخي الصغير 000صوت الشباب أخذت أبحث في أرشيف ذاكرتي عن المواقف الطريفه من أجل أن أشاركك بها فأنت والله نعم الأخ 0لك الأن هذا الموقف000000 يا طيبين الذكر جميييييييييعاً هذا كان فيه يوم من أيام رمضان الكريم وأبومتعب ((الوالد الله يرعاه)) عنده عزيمة فطور لزملأه وعاد من لها طبعا غير سهورتكم :cool: المهم أنا والخدامه وأمي في المطبخ عاد خويتكم تبي تبيض وجه أبوها محاشي وإيدمات وماغير أزيد ويالله شوي خطر على بالي أسوي فطيرة تمر و زبيب ومربى تصنيفه عاد وش تقولون :confused: !!! المهم جهزت السفرة والناس عاد يستعدون للفطور جاء أخوي قلت له خذ قال الللللللللللللله إش ذا قلت مفاجأأأأأأأأأأأأه أذن والناس أخذو واجبهم الأول وأنا طلعت حبه من الفطائر أذوقها أول ماحطيتها في فمي0000000:eek: أي ي ي ي ي صخخخخخخخخخخخر موفطيره ناديت على أخوي بسرعه جاء هاه وش تبغين قلت الفطيره لاحد يمد يده عليها قال كيف أسحب الصحون من قدام الرجاجيل قلت ترى إلا بياكلها ذنبه على جنبه شغل طبعاً الدش حقه علي وأعطاني على كل الموجات والله دخل أبو الشباب ;) يقول عيني على الفطيره وأقول حليله إلا اليوم بيمد يده عليك فجأة إلا إلي جنبه بالزبط مد يده 000000000000000000 تكفأ لا ((عقله الباطن)) يقول وأناظر في الرجال مسكين وهويدخلها فمه شوي إلا.................:eek: مسكين نشب الفاس في الراس قصدي نشبت الفطيره بين الأضراس وصار الرجال مسكين يحاول يفتح فمه ويصرف وجه يمين وشمااااال وأخوي يقول أناظرعلي فيني ضحكه وفيني حزن ,والرجال يدخل أصبعه يحاول يمسك فكه بيده مااااااافي فايده ,,,,,,,,, شوي إلا قال كثر الله خييييييييييييييركم ،، وين مأفطرت ,ماقصرتم الحمد لله! وقف عند المغسله المسكين بنخش بين أضراسه و يحاول يفكها من أثار فطيرة سهوره،وراح بعد مأخد بندول وخرج من بيتنا متلطم وأبوي مايدري وش السالفه!!!!!!!!!!!!!! أنا لاحد يمسكني ميته ضحك,عادأبوي يقول لي ضحكتي من غيرسنون إنشاء الله وأنا والله أقول ماهي عوايده دايم مايقوم إلا أخر واحد بين الشباب :D وهذا كان موقف أساهير ومن بعدها حرررررررررمت ما أعمل شيء مفاجأه:D يمكن لي إطلاله تانيه في دي الصفحه قول إنشاء الله:mad: أختك دااااااااااااائماًأساهير دمت في رعاية المولى والجميع |
|
15-09-2002, 12:59 AM | #15 |
عضو نشط
|
اهلا باعزائي
اود ان اشارككم في هذا الموضوع بهذه القصه القصيره في يوم من الايام عندما كنت طفلة صغيره (يمكن ايام المتوسط) دخلت في راسي فكره ورفضت الخروج وسيطرت علي بشده اتعرفون ما هي هذه الفكره؟؟؟؟؟؟؟؟؟؟؟؟؟؟؟؟؟؟ خلاص بقولكم لقد كانت الفكره هي تربية حيوان اليف تدرون ايش هو الحيوان الذي اردت تربيته انه النمر:3: خلاص كفايه ضحك اكمل لكم القصه رحت وجلست جنب ابوي ابوي الله يخليك جبلي نمر طبعا ابويه طالع لي بنظره:confused: وقال لا قلت ليش لا الله يخليك جب لى واحد صغير اربيه واستمر الوضع هكذا كل ما شفت ابويه جالس الصق جنبه واطلب منه الحيوان الاليف وابويه صابر ويحاول يقنعني بس ما فيه فايده احسست اني غثيت ابويه من كثر ما اطلب منه النمر في الاخير وبعد مرور عدة ايام من العذاب صرخ فيني وهددني بالضرب طبعا انا كنت شجاعه ونسيت حكايه النمر الى الابد وسلامتكم اختكم ود الاحبة:rolleyes: |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|