|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
26-05-2008, 09:27 AM | #1 | |||
عضو
|
ساعدوني ارجوكم... إيش عندي
السلام عليكم..
كيفكم أحبائي.. هذي اول مشاركة لي في منتداكم.. واتمنى اني الاقي عندكم العون والمساعدة... لأني تعبانه كثيييير أعاني من حالة غريبة.. بدأت تحصل لي من 4 شهور تقريبا .. الحين الحالة اخف من أول .. لكن لازالت ترجعلي.. والحالة هي: احس فجأة بخوف بس ما ادري من ايش .. واحس بشي يكبت على صدري وما اقدر اتنفس .. واضل خايفة يصير لي شي لأني مو قادرة اتنفس.. واحس كأن صخرة على صدري ألم في الصدر واحيانا في الظهر.. أحاول اعالج نفسي بالقرآن ولن أيأس من رحمة الله.. لكن ارجوكم افيدوني اريد اعرف ايش عندي بالضبط.. كيف ممكن اعالجه بس بدون ادوية وعقاقير طبية.. لأني رافضة تماما خوفا من المضاعفات الاخرى .. ارجووووووكم ساعدوني المصدر: نفساني
|
|||
|
26-05-2008, 09:39 AM | #2 |
مراقبة إداريه سابقه
|
حبيبة قلبي امونه انا نفسج احس بخوف مااعرف من شنو .. مااحس اني بامان احس بضيقه مادري شنو مصدرها اصيح من غير سبب !!! وطلعت الحاله معاي: اكتئاب والحين اخذ حبوب .. انتي شكلج مسوية ابحاث عن المضاعفات فديتج لا تخاافين .. بالنسبة للدوا اللي اخذه .. مافيه مضاعفات اللهم بس كثرة النووم.. واذا في مضاعفات ... راح تكون في الايام الاولى بس حبيبي اذا فيج اكتئاب لاسمح الله .. لازم تعالجينه بالعقاقير.. لانه يعتبر مرض عضوي.. شي بالمخ... عرفتي؟ وانتي قلتي الحاله من 4 شهور ذكرتيني بوحده من معارفي.. ودوها لمشايخ قران .. والكل قرى عليها بس ماتحسنت .. لان الحاله : اكتئاااب حاااد لانها ماراح للدكتور بسرعه .. تمت 7 شهور جذي وبعدها تشافت الحمدلله .. احسن من مايكون.. وانتي مثل ماذكرتي 4 شهور والمفروض ما تتمين جذي.. روحي حبيبي اشرحي حق الدكتور النفسي الاعراض واللي تحسين فيه.. وقولي له عن خوفج من الحبوب والمضاعفات بيصرف لج ان شاء الله ادوية مالها مضاعفات كثيرة ومزعجه.. والله يبعد عنج كل شر... |
|
26-05-2008, 03:25 PM | #4 |
مراقبة إداريه سابقه
|
انا مادري ليش متخوفة من الحبوب جذي شوفي تغيير الروتين والافكار يسااعدونج وايد انا لما رحت حق طبيبي قلت له في البدايه مابي حبوب وبتعالج بتغيير الافكار والروتين.. قال لي ان ممكن تتعالجين بهالطريقه بس المسأله بتطول.. وان العلاج اسهل واسرع وبتعيشين حياتج مثل كل الناس.. دام الله موفر العلاج.. خذيه وتوكلي على الله والحمدلله انا الحين احسن من اول .. : ) فـ اقولج تقدرين تتعالجين بهالطريقه بس عن طريق اخصائي نفسي يعني يعلمج شلون تفكرين باشيا ايجابية وتطردين الخوف بعطيج مثال حلو .. كله يقولون لي سويه لمده 21 يوووم ,, اكتبي على ورقة 14 مرة.. مرتين في اليوم انااا شجااعـة .. وسعيييدة تحملي تكتبين .. " انا لا اخاف " لانه مانبي نذكر الخوف.. وبعلمج على طرق ثانيه ان شاء الله .. بخصوص للروتين سجلي بنادي رياضي امشششي.. المشي وايد وايد زيييين وشي ثاني اشربي بابونج 3 مرات يوميا يحسن المزاج وحتى عصير الموز والله يبعد عنج كل شررر ,, |
|
26-05-2008, 03:54 PM | #5 |
عضو
|
مشكورة حبيبتي كثييييييير..
انا اخوي طبيب ويحاول معي أخذ الحبوب بس انا رافضة.. وقلت له بعالج نفسي بنفسي.. بس احس اني لازم حد يساعدني.. متخوفة من الحبوب لأني سمعت انها ضاعفت كثيير من هالحالات وكانت نتائجها عكسية.. عشان هالشي انا متخوفة منها. |
|
26-05-2008, 04:48 PM | #6 |
عضو نشط
|
اختي الغالية امونه حزينه
لاتخافين يالغاليه ترى اللي تحسين به كلنا حسينا به ومادام خفت الحاله هذا بداية خير ان شاء ودام انك تقرين على نفسك والتجاتي الى ربك والى القران فأبشري بالخير وستعودين كما كنت سابقا اما بالنسبه للدواء انا كنت شايل هالفكره من راسي وقبل مده استخدمته لمدة 3 شهور وتركته من وحدي لاني ماكنت مقتنع فيه والحمد لله تشافيت بفضل الله عز وجل ثما الرقيه الشرعيه والصبر والمقاومه وان شاء الله اكون افدتك دمتي بصحه وعافيه ان شاء الله |
|
26-05-2008, 05:18 PM | #7 |
عضو
|
تسلم اخوي المعتبر على مرورك واهتمامك..
بجد شايلة فكرة الحبوب من راسي .. بس لا تتخلوا عني.. لأني خايفة كثير.. والله خايفة.. وادعولي بالشفاء العاجل |
|
26-05-2008, 05:42 PM | #8 |
عضو نشط
|
الله يشفيك ان شاء الله
ممكن اختي امونه توصفين الاعراض اللي تحسين بها بالتفصيل علشان احطيك الحلول المناسبه باذن الله |
|
26-05-2008, 06:41 PM | #9 |
عضو
|
الأعراض :
- احس بضيق في التنفس وكاني بموت .. وهذا اكثر شي يتعبني ويخوفني. - احس بالخوف بس ما ادري من ايش وكأن حد يقوللي اني راح اموت باي وقت. -احس بألم عند المعدة وكأن معدتي ثقيلة ومنتفخة - احس بشي عند الحلق وكأن هالشي ينزل ويطلع ويكبت ع نفسي. - افكر اني بعيدة عن ربي وان ربي غاضب علي مع اني والله دايما قريبة من ربي واصلي القيام واحافظ على الأذكار والاستغفار وقراءة القرآن... -لما اطلع من البيت او اروح الجامعة او التقي مع صاحباتي أنسى الحالة وتخف عني كثير. كان أخوي يعالجني بالرقية وتحسنت كثير وتركتها .. ورجعت الحالة بس اخف من الاول وبدات أرقي نفسي بنفسي.. احس بتحسن بس بعدها ترجع فجأة وتزيد وتخف. اريد اتخلص منها وما ترجعلي ابد.. اريد ارجع مثل الاول |
|
26-05-2008, 07:22 PM | #10 |
مراقبة إداريه سابقه
|
حبيبتي.. بعطيج احسن حل اذا انتي خايفه من الحبوب ومن مضاعفاتها استخيرررررررري .. وماخاب من استخار ... استخيري وروحي عند طبيب نفسي : ) .. ربج معاج.. وكلنا معاج.. لا تخااافين |
|
26-05-2008, 08:03 PM | #11 |
عضو نشط
|
اختي العزيزه
انا مثلك بضبط الاعراض الي تحسين فيها تقريبا نفس الاعراض ومثلك رفضة اخذ الاعلاج او الذهاب للطبيب النفسي لكن الحمد لله نصحتني الاخت العزيزه الامل الجديد في هذا المنتدي بالاستخارة وذهبت للطبيب وضليت مدة شهر العلاج عندي و اناماني قادر أخذ الدواء لكن الحمدلله استخرة وبدأت العلاج والحمد لله انا أحسن الحين لذلك انصحك توكلي علي الله وبداي بالعلاج |
|
26-05-2008, 08:24 PM | #14 |
عضو نشط
|
اختي امونه الحزينه
الله يبعد عنك الحزن ان شاء الله والله ثم والله اني كنت احس باشياء اقوى من كذا طبعا كل الاعراض اللي ذكرتيها مرت علي وزياده بعد وعلى فكره ترى هي فتره مؤقته وتروح والاستخاره زينه استخيري ربك واستمري على الرقيه الشرعيه ومسالة الحبوب او الاوديه النفسيه ترى مو خطيره ولا تسبب ادمان ولا شي بس انا كنت من النوع اللي يصبر وهذي يمكن ميزه حلوه فيني لاكن استخيري ربك ومافيه مانع تتوجهين للطب النفسي بس اهم شي لا تتركين الرقيه نصيحه اخويه وان شاء الله ماتشوفين شر |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|