|
|
||||||||||
عيادة الطب العام والإستشارات الطبيه للاجابة على استفساراتكم في مجال الطب الباطني وطب الاورام ..الدماغ والاعصاب، الصدر، الحساسية والمناعة، القلب والاوعية الدموية، الدم والاورام، الكلى، السكري والغدد الصمم، الامراض المعدية، الروماتيزم والمفاصل، الجهاز الهضمي والكبد |
|
أدوات الموضوع |
17-03-2016, 07:10 AM | #1 | |||
عضو جديد
|
ساعدوننا :'(
اسلام عليكم ورحمة الله وبركاته
صباح الخير .. بدخل بالموضوع على طول واشرح لككم مشكله اخوي ااتمنى الرد بسرعه بسبب تدهور حال اخي بداية الموضوع كان اخوي بالمتوسط قبل سنتين وطقوه عيال بالمدرسه وبغى يتركها ورجعه ابوي واجبره يكمل طبعا واجهنا مشاكل ويالله خلصها ودخل ثانوي . من دخل الثانوي وهو يقول العيال مايحبوني العيال يصلحون لي حركات ويضحكون علي العيال ماينادوني اسولف معهم وبس يناظروني من هالكلام وهو توه بداية الترم وصار يغيب اسابيع واسابيع ويقول بترك الثانوي وكنا رافضين مرا هالفكره وخليناه يكمل الترم الاول غصب وجاء هالترم ومن بدايته داوم يومين وترك المدرسه وداه ابوي لدكتور نفسي لان طول هالترم يبكي ويضيق تنفسه وصرف له علاج •(ساليباكس)• المهم بعد استخدامه بفتره انقلب اخوي 100٪صار يقول كلام ماكان يقوله من قبل قبل كان اخوي الفاظه اقل من عمره واسلوبه ودايم يلعب مع الصغار الحين صار يقول طفح الكيل الى متى وانا ساكت لكم ويستخدم القاظ ابدا ماكان يقولها مو وصخه الالفاظ بس ماكان يتكلم بهالاسلوب ابدا صار عصبي على اي هوشه ياخذ السكاكين يبي يذبح الي تمشكل معه مثل خالتي مااخذته معه السوق يبي يطقها وبصعوبه نمسكه لدرجه نقفل البيبان ويصقع البيبان ويصقعنا ويكسر الي حوله ويصايح وينفعل بشكل قوي لدرجه اننا 6 حريم ماقدرنا نمسكه وهو على طول عالمطبخ وياخذ السكين صرنا نخاف وبعدين يجي اخوي ياخذه ويهدا ويجي يتاسف ويوعدنا مايسويها ويرجع يسويها صرت اخاف عليه احس حتى نظراته تغيرت ولاحظة عليه شيء مره اتكلم انا واخوي بالمجلس والصغار يلعبون بالحوش بعدين قال اسكتي واسكت وهو يتسمع ثم قال شفتي يتكلمون عني وهم محد تكلم فيه واليوم خالتي تكلم بجوالها وجاها يركض وريني من تكلمين ولا بضربك ويمد يده ويسحب الجوال منها يحسبها تكلم اخوي تعلم عنه وصاير اي احد يرفض طلب ه يعصب ويهاوش مانقدر نسيطر عليه حتى لوماجبنا له من المطعم يعني اوقات مامعنا فلوس حتى غصب تجيبون لي مره صايره افكر اتعبنا واتعب ابوي حتى يمد يده على ابوي وامي وهو معصب لدرجه انه يقول لابوي يوم عصب اطلع من البيت تعبنا كلنا منه وامي وابوي فيه سكر مرا تعبان بس يفكر واخر شيء انا لاحظة عليه شيء غريب ان خالتي تقول جاها يقول روحي اسالي بنت خالتي الي كبره عن شعورها تجاهه وهل تحبه او لا لعلعلم انها تتغطى عنه ! وهو صغير توه اول ثانوي انصدممة حتى بعد الهوشه ماخذ جوالي وقراا محادثتنا ثم قال ماسالة عني يقصدها قلت لا وش بينكم عشان تسال عنك خايفه يتطور الي فيه مرا حتى مو قادرين نكمل نروح للدكتور نفسي ما معنا فلوس واحس مانفعوه الي راح لهم بالعكس احس بعد العلاج جته حاجات ماكانت فيه :( المصدر: نفساني
|
|||
|
09-04-2016, 07:02 PM | #2 |
عضو فعال
|
الله يشفيه ويهديه
لاتهولين الموضوع اخوك في سن مراهقة وهو في هذي السن يبدأ في التخبط في الشخصية اللي راح يتشكل عليها مستقبلا واعتب عليكم تصرفون له حبوب هو فقط محتاج دعم وثقة ورفع معنويات وتبعدون تركيزكم عنه لان ضغط التركيز يسبب العصبية والانفعال انتوا 6 يعني تخيلي 6 حريم يناظرونك من جهة وانتي بالجهة المقابلة مثل الجمهور المتفرج وممثل علي خشبة المسرح لاتعطونه هذا الجو ابدا بالعكس عاملوه بكل احتواء وتقدير وثقة وابعدوا عنكم انه مريض ويحتاج علاج وادوية لان الادوية اغلبها ان لم تكن كلها مجرد مسكنات وليست حلول فعالة |
التعديل الأخير تم بواسطة متفائل_جدا ; 09-04-2016 الساعة 07:03 PM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|