شو صار أمس ؟

شو صار أمس ؟

السلام عليكم و رحمة الله و بركاته

مرحبا يا الأعضاء شحالكم ؟!

طبعاً انا اليوم اهنيه ابا احكيلكم شو صار فيني أمس الفليل

الفليل قبل الرقاد

انا متعودة ساعات اتصفح في الانترنت

اكتب شيء يخص وسواس الموت
علشان لما اقرا القصص و جي اريح نفسي ان في ناس مثل اعراضي
و يمكن اكثر

المهم كتبت الإحساس بقرب الموت

ودخلت على موضوع من المواضيع

كانت الكاتبة كاتبة سؤال هل هاي العبارة صدق

يعني الإحساس بقرب الأجل

آههه .. نصهم كاتبين هي
و لا المشكلة انهم ذاكرين قصص حقيقة
اللي تقول يدها حس ومات

وولد عمها
و مادري منو

وانا طرشت لكم الموضوع بس مادري ليش ما دخلتوا موضوعي و قريتوه و عطيتوني رايكم فيه ؟

المهم الموضوع هون للي حاب يدخل و يقولي بالكلام اللي مكتوب فيه

http://www.alamuae.com/vb/t212414.html
المهم دخلت موضوع ثاني

و عاد القصص هنااااااااااااااك اكككككثثثررر

كذا فلان قبل لا يموت كان حاس
واللي حلم و قعد وكتب قصيدة ومات

يعني مادري خفت وااايد

احس احساسنا صدق

المهم عقب فترة بسيطة نمت

و حلمت :(

آه يا الحلم مابا أتذكره

حلمت إني في المدرسة مادري الجامعة

المهم اني في حلمي كان عندي احساس حقيقي بالموت
يعني وانا في الحلم احس موتي قرب


و عقب يت ربيعتي و قالت لي مادري منو من ربعها مادري اهلها توفت

و تميت زايغه
وانا في الحلم يالسه اقول

بالمثل يعني اني ناقصة تزيدني هاي بعد

و عقب طلعت من الصف

و رحت في مكان اصيح و انا خايفة

عقب رحت صوب ربيعاتي و سلمت عليهم

انا مادري شو هالحلم

صدق من الشيطان او حديث نفس لاني افكر
او حقيقة

اللي يخوف اكثر اني سلمت على ربعي

يا ترى ليش سلمت عليهم

من بعد المواضيع اللي قريتها

احس بخوف
يعني احساسنا حقيقة يا ناس ؟

يعني اللي نحسه بيتحقق !

و نحن مثل اللي ذكروهم في المواضيع الثانية

بس نحن حسينا من زمان والحمدلله ما صار شيء

يا ترى الحين بيصير شيء

خايفة أنا وايد !

يالسة أقول هم ما قروا الموضوع اللي طرشته لهم اليوم
لأن أنا بموت صدق وما بيقرون لان ها احساسي مب احساسهم

هم غير عني و أنا غير عنهم





خايفة وايد والله

الله يعين كل مبتلي ... :(...

المصدر: نفساني

و الله يا اختي السويدي انا كنت دائما ولازلت احسد الي عندهم وسواس الموت

والله الموت ارحم من اشياء كثيرة نعيشها في الحياة الله المستعان وبس

الاحساس قاعد يتحول لحقيقة.

أختي انتي عندش وسواس وتروحين تزيدين الطين بلة وتخشين على قصص مالها داعي
انسي الموضوع ولعاد تقرئين شيء نصيحة مني
وشوفي كيف تتحسين بعدها

أنتوا قريتوا الموضوع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!! !!!!.......

انا قرئت لاكن هنالك جمل لم افهمها اضنها باللهجة المحلية

هيه هو المنتدى إماراتي أخوي.

كيف يعني المنتدى امراتي ؟؟ ههههههه


يعني المنتدى تابع لدولة الامارات؟؟؟!!!

لم افهم

انا الي اعرفو انو المنتدى عربي فيه مصرين و جزائرين و مغاربة مثلي



عموما لا يهمني الامر و انا دخلت موضوعك للمساعدة فقط

ولن ادخل مواضيعك مرة اخرى ان كان هذا يضايقك

أختي السويدي ، الظآهر حلمج من أضغاث الأحلام . .
فـالرسول قآل إن أضغاث الأحلام ما نفسرهآ . .
التفسير فقط يكون للرؤيآ . .

أصغاث الأحلام هي عآدة تكـون الأحلام المتتآلية والمتدآخلة في بعضهآ . .

وبعـدين لا تخآفيـن من الحلـم اللـي حلمتيهَ ،
أنا ما لي دخل في الأحلام ، ولكـن من حلمـج مآ في شـي يخـوف
السّـلام هـو شي جميـل وأعتقــد هـو بشـآير الخيـر ، وحتـى لو سألتي عن تفسيـره ما بيكـون التفسيـر أبعد من جـذي ،

وبعديـن دلآلآت المـوت في الحلـم كثيـرة ، ودآيمـآ تكـون بعيده عن كلمـة أو إحساسج بالمـوت نفسـه
يعني العـرس أو الزفـة أحيـآنا يكون تفسيرهمـ غير محبب ، والعكـس
إذا حلمتـي بـ شخص مآت مثـلا ، فبيكـون التفسير في آلغـآلب إنه عمره طـويل !

دآيمـآ إذا حلمـتي بحـلم وخفتـي منـه ، الأفضل لج إنج تستعيذين بالله من الشيطآن ثـلاث مرآت في جهة اليسآر
وما رآح يصيبج أي مكـروه بإذن الله ،


وعـن أن الميـت يحـس بمـوته ، فمآ أعتقد إنه يحـس
لكـن سبحآن الله يسويَ شيَ قبل موته بيـوم ، وبعديـن نحـن نقـول هذآ كان يحس ،

يعنـي مثـلا، أنا ولـد خآلـي قبـل ما يتوفى رحمة الله عليـه بسآعات
جـآنا لبيـت يدي ع السآعة 12 بلـيل ، وسلـم علينآ فردا فردا . .
وعقبهآ رآح لبيـت خآلتـي ونفـس آلـشي سلّم عليهم ، ورآح لرآعي الـ مغسلـة يشيل ملآبسهَ
وقـآيل لـه صـوّرني .. ومتصـل على ريل أخته بأمريكآ وتم يسـولف معآه . . و الفجـر ربّي قبـض روحهَ ,

إحنا اللي نتصـور إنه اهـو كآن يحـس لكـن اهو مـو حآس ، مجـرد أفعآل سبحـآن الله يـمكن الملآئكه
تجبرهَ إنه يقـوم بـه ويشوف هله قبل لا يودّع الحيآة ،

فطمّني من هالنآحية ،/ وحآولي ما تقرينَ مثل هذي القصصَ ، وإذا حلمتي حلم وخفتـي منـه
حآولي تذكريـن شغـلة حلـوة صآدفتج في حيآتجَ ، أو أي شي جميـل حتـى ولو هـو مو مألوف

أهم شي لا تشغليـن بآلج بالأحلـام وبـالموت ،



وبينـي وبينـج ، أنا كآن الشيطآن دآيم يوسوس بـي
ويقـول نهآيتج 22- أغسطس ، وكنـت دآيمـآ أتحدآه ، وأقـول خل ايي هالتآريخ
وأشـوف شنـو بيصيـر ، كنت بعضَ الأوقآت أقـول لا أحساسي صحيح ، وأنا مودعه الحيـآة
لكـن بسرعـة ما أغيـر آلسآلفة ، وقـول مو معقولة الوآحد ايعـرف تآريخ موته بعـد ،

وهذآ يوم 22 - 8 وعديته ع خـير ، مآ أشغلت بآلي بأي شي
بالعـكس ، طـول ايـوم خذته حـوآطه مع خوآتي وفلّه ،

لآ تهتمينَ ، وما يصير لـج إلا كل خخيــر

وسآمحيني جآن طـولت عليجَ

السلام عليكم و رحمة الله و بركاتة ...
أخوي أنت كتبت لن افهم اللهجة
ف قلت لك المنتدى إماراتي
أقصد يمكن لذلك السبب لن تفهم الرمسة أو اللهجة
إسمحلي اخوي ما قصد شيء

و بالعكس ما اضايق من دخولك لمواضيعي

يشرفني دخولك و شكراًً جزيلاً

و جزاك الله خير و جعله في ميزان حسناتك.

السلام عليكم و رحمة الله و بركاتة ...
حبيبتي أختي طيف المنال
ردج حلو و يريح البال
بس مب جنج خوفتيني بالقصة ...

و مشكورين كلكم


بس بسألج أنتي من الإمارات !

اعتقد حلم من اضغاث احلام مثل ماقالت اخت طيف المنال والله اعلم
لانه انتي من كثر كل تقرأين قصص واشياء تخص الموت
وغير الوساوس علا كلامك وافكار الي تفكرين فيها و الخوف
كلها تخزنت في عقلك علشان كذا حلمتي بهذا الحلم
واتركي عنك القصص
وبعدين احساس بالموت هذا شي طبيعي
لاني انا احيانا يجيني وسواس واحس ان موتي قريب
وبعد عدة ايام يروح عني الوسواس ويرجع مرة ثانيه
ويروح وعادي موبس انتي
اسأل ان يشفينا ويبعد عنا الوساوس الشياطين

شكرا اختي وأنا اسف اني لم افهم قصدك

سامحيني اختي

إسمحيلي يالسـويدي جآن اللي ذكرته خوفجَ , ،
لكـن من كـلام أهالينـآ والكبـآر ، إن الـإنسآن آلصـآلح والتقيَ قبـل مآ يمـوت
يودّع أو يزآور أهـله وأحبـآبه ، وتكـون اللحظة الودآعية ،

الأنسان يسـوي هالشي هـو مو حـآس فيـه ، فقط يشتآق لهم أو يتذكرهمَ
وبجذيَ يكون أخر يوم بحيـاته ،

مـو إنه يحـس قبـل مـوته بأشهـر وسنـوات ، هذي كلهآ إعتقادات النآس
اهي اللي اتظن جي ،,



وأنا هي من الإمارات = )" . .

ياحيهم هل الإمارات و أنا بعد من الإمارات ,
مرحبا بج زود أختيه

لا أبد .. ما خوفتيني وايد .. هههه

الله يرحمنا برحمته ياختيه