أسمحولي أفضفض لكم شوي ..~

أسمحولي أفضفض لكم شوي ..~

السلام عليكم ورحمة الله وبركاته

شحالكم يا أعضاء منتديات نفساني !؟.

إن شاء الله بخير و ما تشكون باس .

هممم أسمحولي أفضفض لكم شوي

أنا حقيقةً هالأيام بدأ وسواس الخوف من الموت يزيد عندي

أدري مب شيء يديد

بس الخوف مب طبيعي

و أحسه كل ما يمر عندي يوم يزيد أكثر و أكثر

الحين أحس ب حرارة أو حمى وأحسها النهاية

صدري يؤلمني شوي

بعد أحس بالنهاية

قبل شوي بنت أخوي الصغيرة كل شوي تي عندي وتقولي يا حبيبتي و حبيبتي

خفت .. أحس بموت .. عسب جي متعلقة فيني

ماقص عليكم لو أقولكم

قمت أشوف وجوه أهلي و أحسها تخوف

يعني أشوفهم ييني إحساس مادري شو أسميه بالضبط

خوف .. غربة .. موت ..

كله ويا بعض

و من يرمسون أخاف

صرت أخاف من كل شيء

و أحس ما بكمل

وهالمرة الإحساس حقيقي

مب مثل قبله و غيره

قبل شوي رديت من برع

كنت مستانسة هناك

ما بقولكم إن مافكرت

بالعكس الوسواس ملازمني

بس بعد يمكن نسيت شوي

نسيت طشونة

بس من أي البيت يزيد

وخصة عند النوم

أنام بصعوبة

والحين الحرارة متعبتني وايد

شو حلها ؟؟

شو علاجها ؟؟

و أسمحولي على الإطالة

فمان الله

المصدر: نفساني

السلام عليكم
هذا وسواس قهري خوف من الموت وكل مازاد الوسواس زاد الخوف
كل ماتحسي بهالشي طنشي وقولي اعوذ بالله من الشيطان الرجيم
وااسترخي وتنفسي بهدوء وغيري تجاه تفكيرك الى شي تحبينه

شكرا اختي دموع القلب

تخيلوا اللي احسه يصير ؟

ليش قاعد يصير جي هل لاني بموت ؟

أنا حاسه بخوف كبير لا ادري من مادا بالضبط !!!!

شو سالفتي احلم في ابوي المرحوم بإذن الله هالأيام

بس هالمرة ما كنت خايفة

عادي

بس أنا الحين خايفة ،

شو نهاية هالأحلام يا ناس !! هل ه الموت أم لا !!؟!.ز.

وعليكم السلام
تطمني حبيبتي هدامجرد وسواس وخوف فإن حالتك حالة بسيطة وشائعة جدًّاهي إحدى حالات القلق النفسي،

عمومًا الحالة بسيطة وسهلة جدًّا، وأنت بفضل الله تعالى تحافظ على صلواتك وعلى قراءة القرآن، ولا شك أنه بذكر الله تطمئن القلوب، وعليك أن ترقي نفسك أيضًا

هل تعانين من ضيق تنفس