|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
20-02-2004, 11:33 PM | #3 |
عضو فعال
|
الله يهديك ويش السبب اللي يجعلك تتجنين
قولي الحمدلله على نعمة العقل ........................الا اذا أصابك جنون فعلا هذا شي ثاني ................. وترى الجنون أنواع الله يبعدك عنها!!!!!!!!! مع تحيات / القائد |
|
20-02-2004, 11:36 PM | #4 |
( عضو دائم ولديه حصانه )
|
وش دعوة ضحى........
أنا ودي أصرخ بأعلى صوتي .. بل عكس إنت في غاية الادراك والعقل وماعاش من يقول عنك كذاا...... وإلا عشان رد الشهيدة ماكانت تقصد... بس متحمسة شوي.. ... |
|
21-02-2004, 05:09 AM | #5 |
عضـو مُـبـدع
|
أولا ياضحى الدليل أنك عاقلة جدا أنك قاعده تسألي هالسؤال لأن المجنونة مايحس أنها مجنونه ماعند إدارك .
a::5 ثانيا شعورك طبيعي أنا بعد أحيانا أحس كذه لأن الأنسان يشعر أحيانا برغبه با التنفيس عن شيء بصوره عدوانية أنصحك إذ حسيت كذه مارسي الرياضه أو الكتابه .::12 تحياتي لك يالغالية . سموررررررررررررررررررري |
|
21-02-2004, 12:08 PM | #6 |
عـضو شرف
|
الله يعطيكم العافية على الردود
لكني عن جد أحس هذا الإحساس جروح تبتسم اختي ... مو عن كلام الشهيدة ... أنا من زمان كان ودي أقول هذا الكلام ... ولو تقرين بعض من مواضيعي ... ذاكره فيها كذا لكن الشغلات إللي أحس فيها ... كثيرة يعني ... مثال : ودي أصرخ ودي أقولها أولا إذا قلت لكم بتقولون متأثرة كثير بالروايات لكني عن جد ودي أسوي جريمة ودي أكسر الجامات ( الزجاج ) و دي أطلع على البحر و أصرخ بأعلى صوتي ودي أقعد في جزيرة مهجورة ودي شغلات كثيرة ... ما أدري ليش ... يمكن عشان صار لي 3 أشهر ما رحت البحر ؟ غرامي البحر و حارميني منه.... عشان اختي الترفة ما تحب القيلة ولا أحد راضي حتى لو ياخذني لوحدي يوديني البحر حاسة إني بجن ... إلا جنيت و خلصت ألحين قبل كم يوم ... بغيت أحرق أختي الصغيرة إللي عالة كبدي بالأوتي ( المكواة ) ما أدري ليش كان يراودني هذا الشعور أمانة ساعدوني |
|
21-02-2004, 04:02 PM | #7 |
عضـو شرف
|
جاك الموت يا تارك الصلاة !!
آسفه .......قصدي جاك الفرج يا ضحوة !! انت مجنونه وبس ؟؟ تعاملي مع الواقع لا تتهربين حتى لا تنفجري !! صااااارخي خذي راحتك وانا اخيتك لا تكبتين مشاعرك الانسانيه !! واذا سألتك امك او ابوك قولي ودوني البحر / ابي البحر / احب البحر / يا ناس اموت واشوف البحر // صدقيني مرة مرتين ثلاث ما تلقين نفسك الا قدام البحر !!! ودك تسوين جريمه هم خذي راحتك !!! خذي الجامات القديمه اللي مكدسه بالمخزن وروحي يم زاوية السور او الحوش الخارجي اكسري واصرخي اكسري واصرخي //لابد من التنفيس والا ممكن تسوين جريمه حقيقيه في اختك بعدين نخسرك !!!؟؟؟ واذا احد سألك ليش طالبي بحقوقك المسلوبه !! اذا ما نفعت هالحركات المجنونه ردي علي يمكن اعطيك افكار اكثر جنونيه هاه لا تزعلين قلبي معك وانا اخيتك |
|
21-02-2004, 05:14 PM | #8 |
( عضو دائم ولديه حصانه )
|
لالا حبيبتي ضحى انا المجنونه بس في هذا المنتدى تدرين ليش لاني كل يوم الاعضاء معايا وانا نايمه وانا قايمه دايم ببالي ......... بالنسبه للبحر انا اموت عليه ودايم اروح وياحظي اجلس اصارخ بس مو قدام اهلي طبعاً ..اروح في مكان منعزل عن الناس فاضي مافي الا انا والبحر ............... الله مرررررررررررره حلو ....تعالي معايا للبحر...... بس دحين مشتاقه للبحر بس في الاجازات اسافر مع اهلي مو عشانهم عشان اشوف البحر... لاتزعلي نفسك شوفي انا ايش صار لي والله مؤلم صراحه ..ولسه الفكره ببالي بس انشاء الله بشيلها قريباً ..جروح وهند حبايبي بساعدوني..... انتبهي على نفسك......حبيبتي [HR] الله لايحرمنا من ضحكتك الحلوه ياحلوه.........::7 [HR] ايش رايك نروح لهذا الجزيره صح مررررررره حلوه....... |
التعديل الأخير تم بواسطة مريام ; 22-02-2004 الساعة 01:10 PM
|
22-02-2004, 06:13 PM | #9 |
عـضو شرف
|
اختي قمر الدجى ... شلونك ؟
الصراحة وش تبغيني أسوي ...أنا من غير شي و يقولون عني في البيت المعقدة المينونة ... و بعد تبيني أصارخ جدامهم ؟ ودي مثل ما قالت حبيبتي مريام ... بمكان بروحي ما فيه أحد و أصارخ بأعلى حسي ... و إذا بسوي جريمة ... ودي أسويها باختي .... اذبحتني هالاخت قلبت البيت كله على راسي ... ولا حد ألحين يشتهي يقعد معاي إذا قعدت معاهم في المجلس ... تقوم هي تبدأ بالنجرة ... و أنا عاد وقتها ما أقصر ... أحيانا أسكت عنها عشان أمي و أبوي قاعدين ... لكن ما كو فايدة على بالها ما أرد عليها معناتها خايفة منها أو ما أقدر عليها لأني صج ما أقدر عليها أم لسانين .. الكل واقف ضدي ... وش لون أجابل العايلة كلها و أنا وحده ؟ الصراحة إللي مونسني الكمبيوتر .... أحلى هدية من ابوي و الله ما أدري وش كنت راح أسوي من غير الانترنت لكن مو بس ودي بجامات ... حرام الجامات ما سووا لي شي ... ودي أكسر راس اختي ... إللي أستخسر فيها هذي الكلمة ... ودي أسوي الجريمة .... بطريقة ما يكشفونها ... يعني مثل سم الكيورير, و ستافيلوكوكس , و استربتوكوكس , أو الزرنيخ .... هذي سموم ما يظهر أثرها بتشريح الجثة .... ودي بكل ما أقدر ...... لكن خوفي من الله هو إللي يمنعني شسوي هذا ابتلاء ..... لكني طلعت مو قد هالابتلاء الله يسامحني و يسامح الجميع |
|
22-02-2004, 06:26 PM | #10 |
عـضو شرف
|
لا حبيبتي مريام أنا المينونة ....
صحيح إن الأعضاء ما يقصرون دوم معانا ... لكن إللي معاك 24 ساعة أهلك ... و اكثر ناس تتأثرين فيهم ... و الله أقول لك شغلة ... يوم في امتحان الجيولوجيا الكورس إللي فات قلت لأمي و أبوي أبي أنام في بيت جدي ... هم طبعا أول شي رفضوا لكن كثرالدق يفك اللحام ... رحت شيشت جدتي .. _ هي تحبني كثير _ و قلت لها أبي أنام عندهم كم يوم ... هي بالتأكيد رضت , و حنت على أمي و أبوي عشان يرضون .. ليمن رضوا ... و الصراحة نمت عندهم 4 أيام لكن هي كانت أحلى أيام عمري أقول لجدتي .. ممكن تصحيني الساعة الفلانية ... _ طبعا أكون مكوكة الساعة لكن .. احتمال اسكر الساعة و أنام _ المهم ... تجي تصحيني ... من الصبح بالبخور و ماي الورد ... و يا حبيبتي و يا عمري .... , مو في البيت , قمي قمم جيلك تكسرت عصاقيلك _ طبعا هذا على تقعيد اختي العودة _ فرق السما عن الأرض بيتنا و بيت جدي ... بهالأربع أيام نفسيتي تسنعت .. مخليتني جدتي يا دهينة لا تنكتين .. ما تخليني أسوي ولا شي كان ودي إني أعيش معاهم على طول ... أصلا نسيت كان عندي بيت أو لا بس لو الله يفكني من شر اختي شان أنا بألف خير و إذا على الجزيرة مرررررررررررررة حلللللللللوة تهبل ... و أحلى ما فيها البحر ... على فكرة مريام .... لا تحطين بالك على الرد إللي لقمر الدجى ... اتفقنا ؟ الله لا يحرمنا من ضحكتك الحلوة |
|
23-02-2004, 03:51 PM | #11 |
عضو نشط
|
انت شوي فيج حالة ( شجنييشن ) مشتقة من الشجن ... لا تاكلين لاسمج ولابيض وراح تكونين بألف صحة وسلامة ... وماتشوفين شر ... يقولون المينون مايحب الماي ... كتي على ويهج ماي اذا استخفيتي أكثر يعني انت مينونة فلا تدشين المنتدى لأن في خطر علينا كأعضاء ... وتوجهي للمصحة العقلية اليديدة اللي مسوينها عالدوار ... أما إذا كل شي اوكي والماي ونّسج عطيني خبر عشان أوثق سلامة قدراتج العقلية ... وأعرضج على كونسولتو يشوفون ليش تبين اتصرخين ... يمكن ودج اتنادين شخص قريب من قلبج بعيد عن عينج ؟؟؟ كل شي راح يبين بالأشعة ... وسلامتج ألف سلامة ...
|
|
23-02-2004, 03:55 PM | #12 |
عـضو شرف
|
مشكورة اختي ميرلا على الرد
لكن الصراحة ... أنا ما أحب البيض ... و لا مشتقات اللحوم ... إلا السمك و خاصة الصبور ... ما أقدر أستغني عنه ولا يوم و اذا على الماي ... أحب الماي كل يوم أغسل ويهي 15 مرة في الوضوء الله لا يحرمنا من ضحكتكم الحلوة |
|
23-02-2004, 04:23 PM | #13 |
عضو نشط
|
عيوني لا .... لا تقولي كذا ....أنتي عاقله وام العقل بعد....
أنا بعد مثلش ويكون بعلمش بعض الأحيان تجيني أفكار غريبه وأسوي حاجات عجيبه ما تخطر على بال أحد..... طبعا ماراح أقول وشهي لأني لو قلت بتجزمون أني مجنونه و مبصاحيه..... بس أنا قانعه حالي أن هاذي حاله طبيعيه نتيجة الظغوط اليوميه الي نعيشها... بقولش شي تسوينه اذا كنتي مضايقه وتبين ترتاحين .... دخلي غرفتش أو صيحي قد ماتبقي... أو أخذي دفتر أومزعيه وسويه نتفه نتفه علشان ترتاحي وماتأذي أحد.... جربي وعطيني النتيجه..... وأقول المريام عيوني اذا كان المنتدى شاغل تفكيرش لحد الجنون أجل أنا وش أقول جنيت وخلصت حتى الجامعه هونت ماطيق الروح تدرين أني بعض الحيان تكون عندي محاضره من الصباح لين الساعه 9ونص ومحاضره ثانيه تبدأ الساعه 1الى3 تدري أني أطلع من الجامعه ورجع البيت أقعد بس ساعه وكلها أقضيها على النت...ورجع الجامعه وانا ميته من الجوع حتى أكل وشرب مافي مجال تصدقون..... |
|
24-02-2004, 02:23 PM | #14 |
عـضو شرف
|
اختي ملكة سبأ مشكورة على مرورك
لكن إللي يريح بالي هو مو إني آخذ دفتر و أشققة , ودي آخذ اختي و أنتفها , ما أخلي فيها وصله صالحة لكن إللي ألحين أسويه للتنفيس ... اشتريت قبل يومين قطعة من الخام ... ( القماش ) و كل ما أعصب أقعد و أشقق فيه , أنتف القطعة , صار لها يومين بس ..ما صلح منها ولا سانتي خوش طريقة للتنفيس .... لكن الصراحة , ودي أهج من البيت , لكن وين أروح ودي أطلع منه و ما أرجع نهائي أبدا كلششششششششش بس وين أروح , عند جدتي , ما أتوقع إنها راح ترفض , لكن أبغى أروح مكان ما توصل له عيون أهلي , ولا توصل لهم أخباري نهائيا عشان أفتك من الصيحة و الحنة |
|
24-02-2004, 04:39 PM | #15 |
عضو نشط
|
حبيبتي ليش شايله الدنيا على راسش...... الكل عنده هموم ومشاكل .......
أجل انا لو أقولش عن سوالف أختي وياي وش تقولين؟؟؟؟ أنا زيش دايما أفكر أهج من البيت علشان أرتاح وبعض الأحيان وحنا مسافرين أفكر أضيع علشان أنحاش من أهلي..... وبعد الي يزيدني قهر لما كنت صغيره دائما اذا أمي جبرتني على شي أقول يارب أموت وترد علي وتقول أنشا الله.... مع ان كل الناس اذا قعدوا معنا يقولولي يا الله شقد أمش و بوش يحبونش ويدللونش .... لكن أنا أحس غير وما يعجبني شي... بس لما كبرت قمت أقعد مع أمي وأقول الها شلي في خاطري صحيح أن أفكرها دائما تتعارض مع أفكاري بس الحمد الله أحس أن الضغط النفسي خف عليي.... ونصيحتي لش قولي لمش عن الي في خاطرش صارحيها وبترتاحين في البدايه راح تحسين صعبه لكن شوي شوي راح يصير كل شي مايحتاج حتى لو صارخت عليش في البدايه بلعيها وبعد ماتهدى كلميها بالهدوء وقوليلها أنش ماتحبين تصارخ عليش وقوليلها كل شي برواق .... وصدقيني بعد فتره راح تصير معاش أمش سمن على عسل ... وبطريقها راح تنحل أغلب مشاكلش في البيت... وآسفه اذا طولت عليش حبيبتي.... |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|