قصة حقيقية عن موسوس اين كان واين صار !!

قصة حقيقية عن موسوس اين كان واين صار !!

السلام عليكم الحمدلله والصلاة والسلام على رسول الله .. احبكم في الله اخواني و خواتي ;;

بقولكم قصة واحد واقعية وهالواحد أنا أعرفه معرفه شخصية الله يحفظه و يكتب له ماهو خير له ..

(خ) كان في الصف الاول ثانوي (اعدادي) وكان مصاب بالاكتئاب في البداية و كان وحداني وماعنده أحد وظروف حياته كلها كانت ماتساعده ان يضحك ولو حتى ضحكه وحدة تخيلو ان ولا حتى صديق واحد كان عنده ماكان عنده اصدقاء واهله كلن لاهي في شغله و حياته يعني حياته مجرد مدرسة بيت واكتئاب ودموع وماله خلق يسوي شي ويعني لو تشوفون شكله مسكين يعور القلب مايهتم بمظهره و تحت عيونه سواد من كثر ما أهو ماينام و يفكر وعنده اكتئاب مزززمن والعياذ بالله ..

ضل (خ) على هالحال اولى ثانوي وثانيه ثانوي وثالث ثانوي و رابع حتى تخرررج و خلص من المدرسة ولكن ماكان (خ) فرحان من هالشي تعرفون ليش ؟؟ لان خلصت المدرسة هذا شنو معناته هذا معناته ان راح يصير بروحه اكثر و اكثر و يعيش بوحدة اكثر واكثر وتقل نشاطاته اليوميه الى صفر نشاط لا دراسة ولا شي يعني بس قاعد بالبيت ومكتئب ..

المهم ان (خ) صار اللي صار فيه بامر الله سبحانه واكتئاب اكثر واكثر واكثر و صار طول اليوم قاعد ومجابل الطووف لا شغلة ولا مشغلة و الملل والاكتئاب و التعب النفسي لابسه لبسسسس !!

بل وللاسف تطورت المشكلة الى تدرون شنو ؟؟ صار عنده وسواس قهري افكار تسلطية يعني يفكر بافكار مو بايده وطبعا كلكم فاهمين شنو هالافكار التسلطية وصار عنده هلع وبنفس الوقت وسواس نظافة !!!

المهم ان قبل لا يبلس تقديم الجامعة بأسبوع .. صحى بيوم من الايام من النوم .. و لقى نفسه يبي شي غريب .. تدرون شنو ؟؟

الولد يبي يوقف وقفه جدية مع نفسه ويبي يووقف على رييله و يتحدى الوسواس و يتحدى عقله ونفسه و اكتئابه مهما كانت الظروف ضده .. ضاعت ايامه على شنو وسواس و كئابه ؟؟ شنو هالتفاهات و السخافات اللي احنا فيههههههها عن جد ؟؟

قام و حط حق يومه جدول منه رياضه و مشاهدة تلفزيون وصلوات وقراءة قران و حفظ القران و اشترك بدوورة من الدورات عشان يلهي وقته و مع الايام ماشاءالله شفناه انسان ثاني مو الانسان الموسوس مو الانسان التعبان المكتئاب كان من وسواس النظافه يخاف حتى يمسك يدت الباب الحين صار عنده قطو بالبيت وينظفلها وصخها بعد ههههههههههههه

المهم ..

ان سالته قلت له شلون قدرت تتخلص من الوسواس ؟؟

قالي توكلت على الله والتزمت بصلاتي وعبادتي وحطيت قناعة في مخي ان الوسواس مجرد نكته سخيفة تحوس في المخ و قمت اضحك عليها كل ما طرتلي و اتجاهلها وما اسمع كلام الشي اللي قاعد يلح ويحن و يزعجني في مخي انساه او اتناساه شوي شوي لقيت نفسي ماقمت افكار بشي مع قرائتي للقران والصلاة والرياضه و الدورة وغيره صرت ما اقعد فاضي ولا دقيقة واما الاكتئاب فالاكتئاب مع الصلاة والقران رااح

المهم ..

الولد دش الجامعة و تخصص في تخصص معين وتخرج و الحين هو موظف

لكن تدرون موظف شنو ؟؟

تدرون وين يشتغل ؟؟

صار اخصائي نفسي و في أمريكا هناك بعد اوكي ؟


انا مابي اعلق عالموضوع .. ابي اترك لكم التعليق


احبكم في الله :: عبدالله

والحمدلله والصلاة والسلام على رسول الله

المصدر: نفساني

سبحان الله و بحمده سبحان الله العظيم ،،ان تنصروا الله ينصر كم و يتبث ا قدامكم ،، صدق الله العظيم

ماشاءالله تبارك الله عنده عزيمه واراده قويه انه يتغلب على الوساوس

صباح الخير ارادة وكلاام رائع ولو عملنا بنفس الاسلوب ما بنخسر شي انا بالنسبة لي راح اعمل بهااد الششي والاتكال على رب العالمين تمنيااتي للجميع بالشفااء

شكرا عالمرور وطبعا اككككككيد الموضوع نفسي و سهل ومايبيله شي ان شاء الله اهيه مجرد انك عارف ان هالفكرة هي وسواس وليست حقيقة معناها انك سهل انك تتخلص منه لكن لاتكبر الموضوع ولاتعطي الموضوع اكبر من حجمه و كا هاذا الشخص بيوم من الايام كان مكتئب وموسوس و لكن الحين صار اخصائي نفسي و معالج للوسواس ؟

ماكو شي مستحيل انت و انتي اذا تحبون نفسكم اجتهدو عشان نفسكم

وقال الله تعالى

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ[1]

حبو نفسكم و لاتهلكونها و اجتهدو وسوو كل اللي عليكم من علاجات سلوكيه معرفيه عشان تتشافون و خلكم متوكلين على الله

وبالنهاية نقول

حسبنا الله ونعم الوكيل و كفينا بالله وكيلا


احبكم في الله