جعل والديكم بالجنه اقروا موضوعي...

جعل والديكم بالجنه اقروا موضوعي...

السلام عليكم ورحمة الله وبركاته...

انا عمري 23 قبل تقريبا سنتين من الان كنت نايمه وحلمت حلم يخوف ومن بعدها جاني وسواس توهم المرض ...اي الم فيني ابدء اوسوس واخاف منه الموهم مره وسوست في بطني وبعدها راسي وبعدها صدري وهكذا ....الحين انا يوجعني صدري الايمن مع العلم ان فيني كيس دهني في ابطي ....ومدري انا اذا فكرت يزيد الالم ؟ولا هو صدق يوجعني حتى وانا نايمه اول مااقوم احس يوجعني....
ارتاح بعد الدعاء والاستغفار واذا كشفت وطمنني الدكتور...علما اني حاليا انا اكل حبوب سبراليكس حبتين كل يوم 40 جم..مدري شقول الحين الحاله رجعت لي بس ماودي اروح للمشفى اولها ماعندنا بمدينتنا الاجهزه الي اقصدها وثاني شي محد بيوديني اهلي اخر مره هاوشوني كلهم قالو اخر مره وتعرفون الي معد لي خلق اصيح بقوه واشكي لهم وافتح موضوعي من جديد ...ضايق صدري مرررررررررره اصيييح اناظر صديقاتي اقول ماشاء الله يضحكون ويسولفون في الحياه والملابس وانا وييين تفكيري في جهه ثانيه مره ....تعبت النوم صرت انام عشر دقايق وافز من نومي وهكذا واخاف من الاحلام ....والله اكتب ودموعي تحجرت احس مدري وش اسوي لي سنتين على هالموال والله والله حالتي مايعلم بها الا ربي مستحيل اجلس 10 دقايق ماااوسوس ...

المصدر: نفساني

أسأل الله العظيم رب العرش العظيم أن يشفيك
أختي لا تنسي أذكارك و الدعاء في جوف الليل و بين الاذان و الاقامة

الله يجزاك الجنه يارب ومايوريك مكروه بحياتك جزاك الله خير...والله معد اطبخ ولا اسوي شي واصيح كل شوي واخاف من المستشفيات من كل شي ...ياااااارب انك تشفيني وتشفي جميع المسلمين يارب......

وعليكم السلام ورحمة الله وبركاته
ربنا يشفيكي ويعافيكي يارب
ربنا يبدل وسواسك طمأنينة وراحة
حبيبتي انتي عارفة انه وسواس ف تجاهلي الافكار اللي بيوسوسلك بيها وخلي ثقتك بالله كبيرة وان شاء الله انك كويسة وما فيك الا العافية

عافك الله لا توسوسي طالماكشفتى والحمدلله انك طيبه
ليه تمرضى نفسك بالوسوسه الله يهديك
وطبيعى الالم لا تخافى بإذن الله طالما كشفتى
ولعلمك تحسي زيادة بالالم ان كنت تفكرى فيه ونفسيتك متعبه
لاتهمى نفسك انت اقرئي اذكار الصباح والمساء يوميا واقرئي الفاتحه والاخلاص والفلق والناس7 مرات كل سورة وانفثى وامسحى على مكان الالم
وبإذن ماراح تشعرى الا بالراحه النفسيه والجسديه
والله ربنا رحيم بعباده بس العباد همو اللى بيظلم نفسهم
سبحانه وماظلمناهم ولكن كانو انفسهم يظلمون
وشوفى انت بتقول لمن بدعى برتاح سبحان الله دى نعمه وفضل من الله
انصحك لا تمرضى نفسك بالتفكير كل امورنا على الله
انت بتلجئي لكريم احسن الظن بالله والله مايخيبك
اسئل الله لك العافيه والراحه والطمائنينه امين

اولا مشكورين جدا على الردود يكفي حسيتو فيني ....حاليا انا ماكشفت معد ودي اكشف لان اهلي اصلا لو بفتح لهم موضوع الكشف بيرفضون لان قبل كشفت في منطقه اخرى فهمتي قصدي .....والله اني اسهر لحالي بس عشان صرت اخاف من النوم ....وكلما سالت بنت اقولهم صدرك يوجعك ساعات صح ؟ تقولي لا ابدء اخاف اقول شوفي مايوجعهم ليش وليش يالمك ؟؟؟واجلس اتلمس واتحسس بجسمي واصيح وانطوي ومااحب اجتمع مع احد وماحب اروح زيارات ....

مافهمت فى منطقه اخرى عن مثلا فى جدة وانت فى الرياض ؟
لك كم على ماكشفتى من قبل ؟
بعدين تسالى وتتحسسى والله دى وسوسه وشك لانك خايفه لا يسيطر عليك الخوف بالشكل دا
هو طبيعى تخافى بس إذاقيل انك طيبه فخلاص ،،،اجلس وراى الالم لين اخليه فعلا مرض
وتسئلى غيرك ليش انت فيك كيس دهنى يعنى عارفه سبب الالم غيرك ماعنده الناس يختلفو
يعنى عادى بإذن الله وعشان ترتاحى اكشفى،،
معنى متاكدة انك راح تنخوشى فى جع ثانيه لانك بتوسوسي شكلك كثير
مافيك الا العافيه،،
ولعلمك
وحدة اعرفها زميله كان عندها الم تحت الابط ومع الصدر من قبل ماتتزوج وجلس معاها الا ان تزوجت وخلفت والى الان بتقولى
فقلت لها اكشف بس عشان تطمنى وفعلا بعدها كشفت وقالولها عصب سبحان الله يعنى ابدا ماهو شئ فظيع الحمدلله
لا تهمى عمرك وعيشى صح ولا تنشغلى بشى مايفيدك بالعكس يمرضك
الله يعافيك

السلام عليكم ورحمة الله وبركاته

مساء الخـير أختي السائلة عافاك الله وشافاك ،

أختي الكريمة أولاً ما يحصل معك هو ما يحصل مع أغلب من لديهم قلق نفسي وهو ما يسمى بـ Medical student syndrome ، .. وزيادة على ذلك فأنتي تستخدمين جرعة عالية من السيبراليكس ولا أعرف سبب هذه الجرعة

أختي السائلة : الوسوسة الشديدة كما ذكرت في أغلب مواضيعي هي بسبب تهيج الأعصاب .. عندما تبدأ المشكلة من ظرف نفسي كحلم مزعج أو غيره ثم تستمر ولا تتوقف فهذا أغلب ما يكون سببه تهيج بالأعصاب عضوي وغالباً ما يكون من الجهاز الهضمي .. لأن القلق الحاد أو التوتر يؤثر على الجهاز الهضمي والعكس صحيح فكم من شخص حدث له القلق والوسواس بعد أكله معيـنة أو شراب معين .. أنصحك أختي بالذهاب لإجراء فحوصات عن إلتهابات وتقرحات المعدة وبإمكانك البحث عن جرثومة المعـدة H.Pylori عن طريق إما النفخ أو التنفس Breath test أو عن طريق تحليل البراز ( أكرمكم الله ) أو عن طريق الدم ، أو عن طريق المنظار .. ويكفيك لتعرفين عن وجود الجرثومة أحد الإختبارات السابقة ، أما عن قوة الجرثومة أو كثرتها فالنفخ هو أدق الإختبارات ، أما لمعرفة الحالة كاملة هل هي إلتهابات أم تقرحات ولأخذ عينة من جدار المعدة للفحص فالمنظار هو أفضلها ، وعند اكتشاف وجود الجرثومة يجب التوقف عن استعمال دواء سيبراليكس ( الذي وصف لك وصفة خاطئة ) باستشارة الطبيب تدريجياً وعلى حسب خط زمني معــين .. أيضاً ما تحسين به الآن من شعور بخفة الرأس أو إحساس غريب جداً وترين الأمور بتعمق ما هو إلا مجرد تهيج أعصاب فقط وإحساس بغثيان مستمر يجعلك تحسين بخفة في الرأس أو شعور دائم بالضيقة ( والرغبة في التقيؤ أحياناً ) .. وإن أشكل عليك شيء أو تكلمتي وطال انتظار الرد هنا فأرقام تواصلي موجودة على التوقيع وشكــراً

ألم الصدر أيضاً الذي ذكرتيه في أحد ردودك هو من مؤيدات تشخيصي لحالتك وهذا الألم في الصدر غالباً ما يكون بمنتصف الصدر مائلاً إلى اليسار ألم ثابت غالباً ما يأتي بعد الأكل أو الشرب ويعتقد الأغلب أنه نابع من القلب بينما ليس له علاقة بالقلب أبداً ولا بالرئتين نما هو فقط إرتجاع للمريء ، وهناك نغزات أيضاً بالصدر غالباً ما تكونً في أعلى الثدي الأيسر أو تحته وهذه أيضاً متعلقة بالجهاز الهضمي وليس لها علاقة أبداً بالقلب أو الرئتين ..

الله يكتب لك الصبر والاجر مافيك إلاالعافيه بأذن الله
اللي فيك خوف وتوهم الامراض طنشي اي الم وبتشوفي كيف يختفي مرت علي حالتك والحمدلله التجاهل افضل حل

يعني يابنات(تقصد ام عيالها وغيرها ) انتم فعلا تحسون بالم في صدر معين كل فتره وعادي يعني الالم موب مره قووي بس وسواس يخوفني ... وزياده اني معد احب احد يقولي اكشفي يوووه اجلس ايام ماانام عشاني خايفه اروح واكشف فهمتوني؟...طمنوني تكفون ...اخ عيسى وضحت لك اكثر عن طريق الواتس جزاك الله خير...

السلام عليكم ورحمة الله وبركاته
حبيبتي اذا علي الالم انا عندي الم في الجهه اليسرا بين كتفي وصدري وماخليت دكتور ماكشفت عنده وسويت اشعه وكله سليم
مجرد وسوسه

لين وصبا

انا اكثر واحد متعبته الاحلام شي غير طبيعي ...

تعبت منهاااا وما اتوقع احد يشوف مثل احلامي .. من زمان معي وسواس الموت والقلق
لكن الفترة الاخيرة كل يوم حلم عن الموت او اقارب ماتووا لازم كل يوم اشوف

فكرة الموت 24 ساعه مصيطرة على تفكيري

الصبر يهون الفجيعة
الصبر عون على كل أمر
الجزع يجعل المصيبة مصيبتين

المشاركة الأصلية كتبت بواسطة رحمتك يارحمان

السلام عليكم ورحمة الله وبركاته
حبيبتي اذا علي الالم انا عندي الم في الجهه اليسرا بين كتفي وصدري وماخليت دكتور ماكشفت عنده وسويت اشعه وكله سليم
مجرد وسوسه

أختي رحمتك يارحمان
تقولين اللي فيك مجرد وسوسه لا والله ماهو وسواس الا فيك اللتهابات أو تقرحات اما أنها في المعده أو القولون وإذا ما كان فيك مستعد اعطيك اللي تبينه بس خوذي منظار وراح تعرفين كان كلامي صحيح او لا وللعلم نصيحة لوجه الله لا ياخذ عينه لإنها تاخذ وقت طويل علشان تطيب قولي ابغى اشوف فيني اللتهابات او تقرحات فقط ولا تخلينه يخدرك تخدير كامل لأنه راح يلعب في بطنك وانتي ما تدرين .
لذلك اختي أطلبي تخدير موضعي بخاخ اسنان يخليك تبلعينه ويدخل المنظار في المعده وحتى اذا جاء يجرحك بالمنظار تنبهينه وروحي لدكتور شاااااااااااطر ويده خفيفه لا تروحين لسواق شاحنه المنظار عندي مثل السيارة يحتاج لسواق ما هر وراح تشوفين شيء في معدك او قولون ما راح تصدقين أنك متحمله إلى الوقت هذا وراح يكون اللي فيك اللتهابات او تقرحات يا في المعده او في القولون .