|
|
||||||||||
ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
|
أدوات الموضوع |
30-06-2015, 03:22 AM | #1 | |||
عضـو مُـبـدع
|
محتاج مشورتكم تكفوون
السلام عليكم ورحمه الله وبركاته
اخواني انا معي الوسواس القهري له خمس سنين تعالجت بالسايروكسات وتشافيت ثلاث سنين ورجع لي السنه اللي طافت استخدمت بروزاك وباكستيل وسيبرالكس والحين جالس على الفافرين 300 وريميرون بس الريميرون سبب لي دهون على الكبد سويت تحليل ولقيت الدهون مرتفعه وخفت زياده انا الان لي شهر على الفافرين بس التحسن بسيط بسيط جداً واحيان تمر اوقات ابكي فيها بكاء شديد والعمل يالله اروح ولي خمس ايام غاااييب قريت موضوع لاخوي عزيز يقول فيه واحد تشافى من فتق الراس مدري تنسيم ورحت لنفس الرجال الشمري وربطت راسي جلستين الجلسه الاولى ماحسيت بشي الجلسه الثانيه شد علي باقوى ماعنده راسي بغى ينفجر ولا حسيت بأي فرق هو يقول لقيت اربع اصابع فرق والله احسه خراط كذوب الحين احس بألم شديد خلف الراس من الشد والله ي الربع انها ضايقه فيني الوسيعه مدري وش اسوي سؤالي هل استمر على الفافرين 300 هل اوقف الريميرون نصف حبه لانه بسببه زادت الدهون بالكبد هل الم الشد اللي من الخلف يذهب لوحده لاني اذا لمست رايي من الخلف يعورني انصحوني ي الربع انا ساكن لوحدي بالرياض والبكى والضيقه ذبحتني تكفون المساعده المصدر: نفساني
|
|||
|
30-06-2015, 03:29 AM | #2 |
عضـو مُـبـدع
|
قولي لي اي شي علاج سلوكي ولا علاج بالخارج خلاص مليييت ورب الكعبه
عايش لوحدي والوسواس شغال والله مدري وش اسوي دلوني على دكتور ولا مكان ولا اي شي انا قريب اخطب وشكلي بطلت الزواج كله والله حرام وظيفتي زينه وامي تتمنى اليوم قبل بكرة اتزوج ي ناس والله حياتي حاس انها ضاااااعت اه ي قلبي الشكوى لله وحسبي الله ونعم الوكيل |
|
30-06-2015, 04:32 AM | #3 |
عضـو مُـبـدع
|
ي الربع ردو علي ابي خبرتكم
الله لا يحط احد في مكاني لا مسلم ولا كافر حرام بالله عيشه نكد ردو علي ابي اناااام ومابي اكل ريميرون لانه زود الدهون عندي ي اخوان قولوا لي اروح مصر ولا الاردن ولا اي مكااان والله مليييييت |
|
30-06-2015, 04:39 AM | #4 |
عضو نشط
ناوي أرحل
|
الله يفرجك همك وهم كل عليل
|
التعديل الأخير تم بواسطة ناوي أرحل ; 30-06-2015 الساعة 04:41 AM
|
30-06-2015, 04:54 AM | #6 |
( عضو دائم ولديه حصانه )
|
للأسف مالي علم بالأدويه وأثرها
بس الأفضل تتبع علاج سلوكي عليك انك تعرف وين المشكله و ايش سببها وتجاهل كل الوساوس وكل المخاوف لأن محد راح يقدر يغير ذا الشي فيك الا انت اذا اقتعنت انه مجرد وسواس غير كل فكره سلبيه لإيجابيه والزواج ممكن تأجله شوي لحد ما تتحسن بس ما تلغيه انت مستوعب انك بكذا راح تتراجع وتدمر حياتك بنفسك عشان مجرد أفكار واوهام و وسوسه ؟! ما يصير اخوي لازم تساعد نفسك ومسألة الفتق ما اعتقد انها صحيحه وهذي الأشياء اللي بالراس :/ ما قد شفت شي مثل كذا ولا اعرف احد تعالج كذا المهم كلنا مرينا بنفس حالتك ولا يخفى عليك مره نتغلب ومره لا بس نحاول نتغلب و نتماسك والله يشفيك ويشفينا يارب تحياتي |
|
30-06-2015, 05:01 AM | #7 |
عضـو مُـبـدع
|
والله وانا اخوك نحاول نطرق كل باب ماودي ايأس ولا استسلم
بس وشلون اداوم وانا كذا والله وجهي وجسمي تغير ابي اداوم مثل الناس والله ماني حاس بطعم رمضان يالله عفوك |
|
30-06-2015, 06:27 AM | #8 |
عـضو أسـاسـي
عالمة المستقبل |
شافاك الله وعافاك أخي الفاضل ويارب يجعل شهر رمضان فاتحة خير عليك وتغير لوضعك للأفضل
أخي متفهمة جا لوضعك وشاعرة بشعورك انت اللي عليك الآن أن تتجاهل الوساوس وتقرأ ع نفسك الأذكار ليهدا بالك وروحك وهذا ماعليك فعله وعليك أن تتابع مع الطبيب ليرشدك للعلاج السلوكي أو الدوائي حسب حالتك لكن ثق برحمة الله وأن الله سيجعل لك بعد كل عذرا يسرا لا نيٲس مهما بلغت حالتك فالكثير ممن هم أشد منا وطاة ولله الحمد تعافوا ،ثق بٲن الله سييسسر لك امورك |
|
30-06-2015, 06:32 AM | #9 |
عضـو مُـبـدع
|
يارب يارب يارب مالي غيرك
والله تعبت من المقاومه تعبت من رفض الفكرة وخاصتاًافكار سخيفه شاذه مالها داعي وتأتي في مواضيع حساسه يالله رحمتك مدري وش السالفه تحسنت قليلاً على الفافرين وبعدين نكست قسم بالله ان دموعي ماوقفت من الفجر يارب رحمتك |
|
30-06-2015, 07:46 AM | #10 |
عضـو مُـبـدع
|
ابي افضفض تعبت من الكتمان تعبت اضحك وبصدري الف خنجر تعبت من كل شي
اروح عند اهلي واقول انا بخير ويوم اروح من عندهم ابكي دم احيان افكر واقول هذي النهايه واتذكر ميمتي وابكي احساس عجيب غريب معقوله الوسواس يسوي كذا والله شي عجيب افكار واحساس وشعور غريب مالها داعي افكار جنسيه عجيبه غريبه احاول اطردها واسخفها واتناقش معها بس مافيه فايده لاصقه تقول غرا هذا ثاني رمضان يمر علي بدون طعم بكى تفكير وحدة اصحابي تزوجوا وخلفوا ودرسوا وانا مكانك سر اه ي قليبي حرام بالله اني ابكي دم حسبي الله ونعم الوكيل |
|
30-06-2015, 05:19 PM | #11 |
عضو نشط
|
احمد ، ترا اول ما كنت كذا ، لازم تتبع علاج سلوكي ، والعلاجات ملياااااانه بالنت ، يمديك تشوف علاجي او علاج عيسئ حق قبل كم شهر ، وبعدين اذا تبغى علاجك يكون مزبوط لازم ماتجلس فاضي ..
|
|
30-06-2015, 05:34 PM | #12 |
عضـو مُـبـدع
و ما كان ربك نسيا
|
و عليكم السلام و رحمة الله و بركاته
أخي بما أن العلاج الدوائي لم ينفعك هل جربت الرقية الشرعية ؟؟ الرقية الشرعية فيها الخير الكثير و القرآن كله شفاء بإذن الله و مع الرقية العلاج السلوكي مفيد للتخلص من الأفكار الوسواسية التي تزعجك لا تستسلم فالله سبحانه و تعالى جعل لكل داء دواء التزم بصلاتك في وقتها و حافظ على الأذكار و تلاوة القرآن و عليك بالدعااااااااء فأنت مضطر و الله يجيب المضطر إذا دعاه مع الإكثار من الإستغفار و الصلاة على النبي صلى الله عليه و سلم و لو استطعت أن تقوم الليل و لو بركعتين في الثلث الأخير من هذه الليالي المباركة كان أفضل أسأل الله العظيم رب العرش العظيم أن يشفيك و ييسر أمرك و يرزقك الطمأنينة و السكينة و يوفقك لما يحب و يرضى |
|
30-06-2015, 11:33 PM | #13 |
عضـو مُـبـدع
|
يالربع مشكور الله يعطيكم العافيه
الرقيه استمريت عليها كثير بس ماستفدت والله ابي دكتور سلوكي كويس ولا تدلوني على علاج سلوكي كويس ابي اصغط على نفسي ابي اعيش ابي اقاوم هذي الافكار السلبيه اللي لاصقه في مخي |
|
01-07-2015, 12:42 AM | #14 | |
عضـو مُـبـدع
و ما كان ربك نسيا
|
اقتباس:
للأسف لا أستطيع إفادتك لأني منقطعة عنه حاليا بسبب غياب طبيبتي بالنسبة للرقية إن قصدت أنك تستمع لها من جهازك فهذا لا يكفي أخي و شخصيا لم يجدي معي نفعا بل يجب أن تطبق برنامجا علاجيا يناسب حالتك و لابد من جلسات رقية يقوم بها راق متمكن يخاف الله كما أن العديد من الحالات لا تظهر إصابتها إلا بعد فترة من الجلسات المتتالية و هذا ما حدث معي أما إن فعلت كل ما سبق و تبينت سلامتتك فالحمد لله رب العالمين و لكن الزم تلاوة القرآن ففيه الخير الكثير بإذن الله و لا بأس من الجمع بين العلاج الروحي و النفسي و الدوائي أكثر من الدعاء و اسأل الله أن ييسر لك أسباب الشفاء و يهديك لما فيه صلاح حالك الله يشفيك و يعافيك |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|