|
|
||||||||||
ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
|
أدوات الموضوع |
14-02-2021, 02:32 PM | #1 | |||
عـضو أسـاسـي
|
ابا حد يطمني .. :(
السلام عليكم ،
شخباركم ؟ ابا اتكلم عن شيء واحتاج حد يطمني ويقول لا تحاتين هذا شيء طبيعي لأني والله شايله هم الموضوع بشكل كبير هو شيء كان يصير لي يعني مب أول مره و كان عندي موضوع تكلمت فيه عن الحالة ، اني اذا غمضت عيني عشان انام فجاءه احس نفسي ينقطع وكأن قلبي فيه شيء فأبطل عيني فجاءه ويتكرر الشيء عقب أنام بدون لا أحس .. كان كل ما يصير معاي يعني بين فترة وفترة الصراحة اتضايق واخاف من النوم واكون متوتره اذا ييت انام .. المهم ان قبل تقريباً أشهر و بعد مدة طويييلة جداً وانا ناسية الموضوع الحمدلله فجاءه في يوم كنت بنام وصار لي نفس الشيء ، ونفس الحالة ردت لي اني اخاف واقعد افكر كيف بنام واذا صار فيني شيء ... والخ قلت يمكن لاني اسهر بحاول ما اسهر .. الصراحه يعني احاول انام وما اسهر وانام يمكن لساعتين او ٣ عقب اقعد واصلي الفجر وما ارد انام الا ببعد ساعتين ف يمكن لان نومي ملخبط ؟ مادري ؟ الصراحه انا والله وايد خايفه .. يعني احس هالفترة تفكيري كله في هذا الشيء .. تعبانه مبب قادره اركز في موضوع ثاني طمنوني ؟ في حد صار له هالشيء قبل ؟ كيف تصرف وهالشيء خطير ولا الامر طبيعي ؟؟ وهل هالشيء من القلق والتفكير يصير ولا ؟ المصدر: نفساني
|
|||
|
14-02-2021, 03:44 PM | #2 |
عضـو مُـبـدع
شموخ أنثى
|
هلا اختي
وعليكم السلام والرحمة والله مدري وش اقولك صارت معي قبل كذا اقوم مفزوعه واشهق كانو نفسي مقطوع او كانو بنخنق تصدقين جالسه احوس من اول في المنتدى تعبانه مخنوقه مهدود حيلي موقادرة اشتغل ولا انبسط ولا اركز بشي مخنوووووقة حيييييل الموت مو راضي يطلع من راسي الافكار تضغط علي بشكل رهيب راسي احسه مثل قدر الضغط طول وقته شغال مايوقف تعبت من السوداوية من السلبية من كل شي داخلي مليان ضيقة وتعب وخمول واشياء كثير مدري كيف الواحد يعيش حياته بكل ذي السوداوية والتعب حتى الاعراض الجسدية مرررة تاعبتني مرات ماشاء الله اطالع ناس عجوزة لاكن متفائلة وعارفه كيف تعيش اكثر مني ضحكتي غابت وكل شي حلو فيني غاب كل مااقنع نفسي انها مجرد وسواس يضغط علي ويقولي لا حقيقه طبعا غير احساس الوداع الي مرافقني 24 ساعه وترقب الموت لدرجة وانا خارجة من مكتبي او غرفتي الصباح للعمل اناظر عادي يقولي تناظرين مابترجعين ملابسي الجديدة يقولي مابتلبسينها وغيره وغيره من كثير امور تصير معاي يوميا اكلمك وداخلي يررررجف من الخوف والتعب |
|
14-02-2021, 04:38 PM | #3 | |
عـضو أسـاسـي
|
اقتباس:
أعرف هالشعور والله .. النظرة السوداوية لكل شيء وكأنج تعيشين آخر أيامج أي شيء تربطينه بالموت حتى لو شيء ماله معنى ! تحسين انج مخنوووقه ومب قادره تتنفسين احياناً حتى ما تقدرين تفرغين هالضيقة بأنج تصيحين لأن حتى البكاء يكون صعب .. شعور مؤلم والله .. الله المستعان |
|
|
15-02-2021, 01:26 AM | #4 | |
عضـو مُـبـدع
شموخ أنثى
|
اقتباس:
مررررة ضايقه فيني الدنيا غير ثقل الراس وحساسية النور العالي اتنرفز بسرعه ماني طايقه شي اي كلمه اقراها احسها شي ثاني اقول لنفسي المرة ذي غير اموري مدهورة وبعدين ارجع اقول لنفسي عيشي ولاتفكري بس المصيبة كل الاحاسيس اقوى مني مسيطرة علي ماني عارفه اتصرف خصوصا الالام الجسدية ومااخفيك المشاكل والنكد الي حوالي مرة مأثر علي ماني مرتاحه لا في البيت ولا بالعمل ولا بأي مكان احساس بشع بشع ومؤلم ومثل ماقلتي حتى البكى مو قادرة ابكي متحجر مدري وش اسوي |
|
|
15-02-2021, 04:55 AM | #5 | |
عـضو أسـاسـي
|
اقتباس:
وعليكم السلام ورحمة الله وبركاته أهلاً أختي الغالية , تواجدك أصبح نادر في المنتدى ... الحالة معروفة وتحصل للكثيرين وليست شيء مرعب كما تتصورينه يقال أن كان المرء يعاني من السمنة الزائدة قد تحدث تلك الحالة خلال النوم كما يعاني البعض من بعض اللعاب المتدفق أو العالق في الحلق وهو ماقد يسبب ذلك ربما لكثرة أفراز اللعاب في الفهم كما أن الوسادة أرتفاعها وسمكها تلعب دور في رفع الرأس بحيث لو أنزلق بعض اللعاب في الحلق أثناء النوم لاتسبب الاختناق وأظن مجرد ظن أن اللعاب قد يزيد لبعض الأشخاص طبعاً لحالة الأرهاق التي يمرون فيها نهارا أو ربما النوم بعد سهر مرهق وطويل لما بعد منتصف الليل فلاتقلقي أختي الغالية هذه الحالة تحتاج فقط لتعديل أسلوب النوم و اتباع النظام الصحي التحصين قبل النوم مهم وذكر الله أثناء الشعور بالاختناق يذهبه لانه إلتجاء لله لاتقلقي ... الامور طيبة إن شاء الله |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|