هل هو وسواس او انفصام او هلاوس لا اعلم

هل هو وسواس او انفصام او هلاوس لا اعلم

السلام عليكم

اخواني بشرح لكم حالتي
انا اوسوس دايم

مثل وانا بفراشي اقول بيني وبين نفسي ان ماوقفت السياره زين وانها دحدرت يعني ماظغطت بريك كويس

واقوم من فراشي وانزل اتاكد ولمن انزل اتاكد اجلس ربع ساعه الى نص ساعه بالسياره مثال كل شوي اشيك ع الامبات الداخليه والخارجه يعني اكرر العمليه كم مره لحد مااتعب وارجع لفرشي واول ماارجع لفراشي اقول ايه كاني يوم انزل من السياره ماقفلت البيبان والمبات شكلها مفتوحه يعني بعد كل هذا التعب والتكرار بدون فايده ارجع اوسوس مره ثانيه طبعا ماارتاح يجيني شي بقلبي شي غريب مثل الخوووف لاني مو متطمن


طبعا وانا بفراشي اتخيل السياره واتخيل نورها مفتوح والخيل اصدقه كانه حقيقه....


قبل 8 سنوات عانيت من وسواس الطهاره والوضوء وكان وسواس لعين لدرجه اذكر مره من المرات والله ماانسها صلاه العشا صليتها 30 مره سويت اعاده لها كثير

وتشافيت وجلست 7 سنوات بددون وسواوس فيه وساوس بس خفيفه مره

مااذكر اني استمريت على علاج وطولت عليه اذكر اني استخدمت انفرانيل برجعه القصوى طبعا وفجأه تركته وعشت 7 سنوات بدون وسواس
مااخفيكم تجيني وساوس بس خفيفه واقدر اتجاهلها اما لاان رجع الوسواس وقوي جداا عذبني

رحت لدكتور وكتب لي سروكسات لاكن مااستخدمته للحين لاني قريت تجارب ناس كثير انه يسبب سمنه وانا سمين وزني 98 مابي اسمن زياده

المهم الوسواس رجع لي وبقوه الغرررررررررررررريب في الامر اني جلست 7 سنوات بدون علاج للوسواس ورجع الان

طبعا خلال ال 7 سنوات نت اعاني من القلق ورحت لدكتور وكتب لي برستيك واستخدمته مدري كم ناسي يمكن سنه ونص وتركته

لاكن سؤالي ليه رجع الوسواس 7 سنوات بدون وسواس ومتشافي ورجع الان!!!!!

يعني ماتوقع لاني تركت الانفرانيل فجاه لاني بعد تركي للافرانيل عشت بدون وسواس 7 سنوات يعني لو بعد تركي للعلاج بشهر او شهرين او سنه ورجع لي الوسواس يمكن اقول من الافرانيل

لاكن 7 سنوات تشافيت ورجع لي الان اه بسسسسسسسسسس وش الحل

المصدر: نفساني

هذا وسواس قهري
وتدري وين المصيبه ؟ اذا سمعت كلامه
لذلك انصحك لما يجيك الوسواس ويقول لك نسيت لمبة السياره رد عليه وقله اذلف ومالك دخل
لازم تعانده لازم تحقره وراح تلاحظ مع الوقت انه يتناقص
انتبه تسمع كلامه انتبه تسترسل معه انتبه تستسلم له
بالتوفيق

وسواس قهري ياصديقي
تجاهله تماماً في حال تأكدت من أول مرة ولاتخاف يخف ويزول إن شاء الله والعلاج ترا ترا يساعدك كثير بإذن الله تعالى 🌹

طيب ماقلتو لي هل السروكسات كويس للوسواس؟

الاخ الصراط المستقيم
الآيات اللي ذكرتها مالها علاقه بالموضوع والتفسير خاطئ

اخوي الانفصام تشوف اشياء لايشوفها غيرك هذا اولن

اما الوسواس اذا كررت الوضوء وهتميت بالنظافه بشكل جنون وشك يعتبر وسواس هذا ثاني

اما الي عندك اسمه قلق عام تحس تسولف وتقلق وتفكر بين نفسك

هذا كلام دكتور

هذا الوسواس القهري اشد انواع الوساوس وعلاجه الدواء النفسي والرقيه الشرعيه

المشاركة الأصلية كتبت بواسطة منـى القحطاني

هذا الوسواس القهري اشد انواع الوساوس وعلاجه الدواء النفسي والرقيه الشرعيه

واحب اضيف لك قريبتي تعالجت منه بدواء بروزاك شفيت تماما ومازالت على الدواء