مادري وش مشكلتي ياليت اللي يقدر يفيدني يدخل

مادري وش مشكلتي ياليت اللي يقدر يفيدني يدخل

أخواني انا حصل لي كم موقف بحياتي أثرت علي وصرت اشك وصرت مسوس بكل شي حرفياً
في البداية انا ماكان فيني اي شي لكن كذا بديت اصلي وبدأ معي الوسواس في الوضوء ثم في الطهارة والوضوء وتطور وصار بالصلاة احيانا اقول كم صليت وكذا يوم مثلا اقرا الاذكار اشك اني ماقريتها بالعدد المطلوب وازيد لكنه ماكان في حياتي الشخصية كان فقط الوسواس مقتصر على العبادة الصلاة الاذكار الوضوء فقط لكن من سنة 2020 وايضاً بدأ الوسواس يدخل حياتي الشخصية وبدأ يوم اجي انام اقفل الباب وكل شوي اقوم اشك انه مقفل او لا ويطلع مقفل ثم بعدها ب5 دقايق كذا اشك انه مو مقفل واقوم واشيك لكنه يطلع مقفل واقعد اكرر هالشي 3 او 4 مرات ثم بعدها تركت الصلاة الى يومنا هذا لكن الوسواس بدأ يتحول الى شك بسبب موقف او موقفين صارو لي يعني مثلاً كان فيه شي خاص بحياتي وبدأ الناس يكتشفونه بسبب ان اخوي الكبير كان يتجسس وانا ماكنت منتبه له واثناء تجسسه سمع سالفه تخصني وفضحني عند اهلي والسالفه وصلت جماعتنا كلها واذا كنت جالس بمجلس يجبون طاري السالفة ويحرجوني بالرغم من انها سالفة عادية لكن من خصوصياتي ومايصلح الواحد يسولف فيها وكانت هاذي السالفة وايضاً بعد فيه موقف ان بنت خالتي انا كنت احبها وهم خارج السعودية في احدى الدول الخليجية وعائلتنا وعائلة خالتي اللي في السعودية وعيالها قررنا نروح نزور خالتي في احدى الدول الخليجية ويوم رحنا هناك انا خطبت بنتهم لكن ماكانت رسمية الخطبة يعني بحضور اهلي على اني اخر سنة واخلص دراستي واخطبها وكان ماعندهم مانع ووافقو لكن ماتمت والسبب بقوله لكم اولاً البنت هاذي ماكان احد حاط عينه عليها من اقربائي او عيال خالتي الاخرين اطلاقاً وتاكدت بنفسي حتى انه ماكان احد يفكر فيها يوم رحنا هناك كان فيه ولد خالتي اللي راحو معانا من سمع اني ابي اخطبها بدأ يسوي حركات صار يحاول يسولف مع البنت وصار يسوي نفسه يبيها بعد وتركتها ومشيت مع انها كانت حب حياتي لكن كرهتها بسبب مواقف بسبب ولد خالتي وشلتها من راسي ورجعت للسعودية وبس شافني ولد خالتي اني معد ابيها وشلتها من راسي صار هو مايبيها يعني بس خرب وكان هذا الكلام فيه 2016 لكن هذا الموقف اثر علي وخلاني اقول لو محتفظ بالخصوصية كان ماحد درا وايضاً بعدها بسنتين كذا حصل موقف اخوي اللي فضحني وكذا موقف احس بدأ يجيني حالة شك لكل شي لدرجة اني صرت اوقف سيارتي على بعد حارتين 10 دقايق او اكثر مشي لاني صرت احس نفسي مراقب من اهلي والمشكلة هذا الاعتقاد مابدا بدون سبب يعني بسبب تطفل الناس واذا اكتشفو شي عني قعدو يضروني حتى وانا يوم اسوق احس اني مراقب ماني مرتاح بحياتي بسبب الوسوسة والشك
الوسوسة على اي شي تجيني حتى يوم اقفل السيارة وارجع للبيت امشي ويوم اوصل للبيت اشك اني ماقفلت السيارة وارجع امشي حارتين بالشمس وتكون مقفلة ثم ارجع تقريباً شبه يومي يصير فيني هذا الشي صرت اشك باشياء كثيرة وقريت عن جنون الشك او الارتياب لكن فعلياً هذا الشك بدا معاي في 2020 ايام الحظر بدأ ولد خالتي هذاك نفسه يحاول انه يتجسس على حياتي وكشفته بالجرم المشهود وحذرته تحذير شديد اللهجة بعد مامسكته وهو يتجسس وقلت له لو شفتك ثاني مرا مو حاصل لك خير ومن هذا اليوم بدأ الشك وبديت حتى سيارتي البقها على بعد حارتين مثل ماقلت لكم والمشكلة اننا بندخل 2023 وان ذابحني الشك من 2020 ومافتحت هذا الموضوع الى انا ادري اني تحولت من الشك العادي المقبول الى شك غير مقبول لاني ايضاً تركت الصلاة والوسوسة اللي كانت تجيني بالوضوء واموري الدينية صارت تجي مع الشك صرت اوسوس واشك لدرجة اني اشوف الشي وما اصدقه الى اتاكد منه وحيانا حتى اطر اني اكتبه كتابة لاني بديت اشك بعيني يمكن الشي اللي انا شايفه مو صحيح ياليت تشورون علي ولا احد يقول لي روح طبيب نفسي لاني ماني رايح. انا ابي ارجع مثل قبل ماكان فيني شي لكن من 2020 دخل بحياتي الشك وخرب حياتي حولها لجحيم هذا غير الوسوسة اللي تخليني اسوي الشي وارجع اشيك كل شوي آمر متعب مادري اذا عرفت كيف اشرح لكم لكن الوسوسة والشك حولو الحياة الى جحيم

المصدر: نفساني

اخي الكريم تحتاج معالج سلوكي معرفي شاطر ومتمكن يغير افكارك المشوهه ويدربك على تعزيز الثقه وعدم الالتفات للافكار السلبيه طبعاً راح يدربك بدون ادويه افضل تجنب الادويه