|
|
||||||||||
ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
|
أدوات الموضوع |
13-03-2011, 02:53 PM | #1 | |||
عـضو أسـاسـي
|
انا تعآلجت كذآ ..
بسم الله الرحمن الرحيم
..... الحمد الله الذي لا ينسى من ذكره والحمد لله الذي لا يخيب من دعاه والحمد لله الذي وثق به لم يكله إلى غيره والحمد لله الذي يجزى بالإحسان إحسانا والحمد لله الذي يجزي بالصبر نجاة والحمد لله الذي هو يكشف ضرنا بعد كربنا والحمد لله الذي هو ثقتنا حين يسوء ظننا بأعمالنا والحمد لله الذي هو رجاؤنا حين تنقطع الحيل عنا .. قصتي مع مرض الهلع .........القلق التوتر الوسواس......... الخوف ..........قرب الجنون بدآيتة to نهآيتة .. ـــــــــــــــــــ وكيف تعافيت منها بفضل من الله ومنه في خمسة شهور !! اول شيء قولوا مآشآء الله .. تبآرك الله<< اكيد اخآف على نفسي . . . . . . . . . . . . . . . . . . . . . . . . . . . . . . . . . . . . . . . . . . . . . . كنت اسكن بعيد عن اهلي كنت اكمل درآستي دآخل مملكتي الحبيبه .. لكن في مدينه ثآنيه .. طلعت مره مع اصحآبي .. وتعشيت والحمد لله الوضع تمآم .. رجعت السكن حطيت راسي ع الفرآش السعاه وقتها 1.30 نص الليل .. ما حسيت الا .. خوووف + عرق + خفقآن + رعشه قويه + احسآس بخروج الروح + كتمه انآ قلت خلاص .. حآلت وفآآه مافيها هذآ الموت .. شوي قمت من مكاني وطلعت من الغرفه .. طبعا ساكنين معي اثنين بالغرفه .. ما صحيتهم المهم قلت اشوآ باقي حي ما مت .. وتعوذت من ابليس ورجعت الغرفه .. قلت يمكن جآثوم لآني اسمع العيآل في السكن يتكلمون عنه .. " مع اني ما فكرت فيه " المهم .. ما قدرت انام خووف .. انا اصلا من خوفي هذا خفت منه .. يعني صآر خوف + خوف ما ادري متى نمت .. قمت الصبح الا انا ماني طبيعي .. دوخه + ضعف تركيييز + خفقآن + عرق + تنميل + ما اقدر اشيل نفسي + ضيييييقه + احساس بأنك لوحدك في العالم " اكتآب " . دخلت الكلاس .. شوي ما قدرت .. كلمت الدكتور قلت له تعبان بطلع شوي .. قالي روح .. طلعت .. ووقتها كنت ابكي لحالي ما اعرف وش جاني خففت .. قلت مافي الا امي لبى قلبها اقولها وش جاني .. وادق عليها واكلمها وابكي .. واقولها مدري وش جاني و و و .. طبعا قالت لي هذا القولون يسوي كذآ .. خفف اكل دسم ولا تاكل كثير و و و الحمد لله ارتحت شوي .. بس باقي ضيييقه وعدم تركيز .. .... خلص اليوم الدراسي .. ورجعت السكن .. والعيآل سوالف ولعب وبلايستيشن .. طبعال كان عددنا كثير حول 10 .. وانا انآظرهم ومكتتتتتئب .. انا ما ادري انه اكتئاب .. اول مره تمر علي هذي الحاله .. جالس افكر في حالتي ووش هذي الحاله اكيد انه في مشكله في راسي .. لا لا امي تقول قولون .. وعلى هذا الموال .. واسرح كثير .. قالم العيآل يقولون وش فيك فيك شيء .. اقولهم لا لا ما نمت زين ودقت علي امي وتسالين هااه كيف حالتك وكآآنت مهتمممه مررره كل شوي تدق ونصحتني اقرا سورة البقره كل يوم .. واقرى على نفسي وعطتني ادعيه اقرآهآ .. صرت اقرى البقره .. واحس برآآآآحه عجيييييبه سبحآن الله .. جلست تقريبآ اسوب ورجعت طبيعي 100% الحمد لله .. ونسيييت الحاله مرره كآن الفتره الي مريت فيها حلللم والله حلم .. بعد تقريبآ اربعة اشهر تخرجت ورجعت عند اهلي وانبستط .. وتوظفت وطبعا كنت وقتها خآطب من سنه .. يتبع .. اذآ وجت تفآعل !! المصدر: نفساني
|
|||
|
14-03-2011, 07:31 AM | #7 |
عضو نشط
|
الله يعطيك العافيه اخي الكريم لا تبخل على اخوانك واخوتك في اعطائهم تجربتك للاستفاده منها فنحن نتعلق في اي امل بعد الله سبحانه وتعالى.......واقول كمل لا تعذبنا
|
|
14-03-2011, 08:04 AM | #8 |
عـضو أسـاسـي
|
يآ ويلي .. اعذروني ما عندي نت في البيت خلص الإشترك ..
...... المهم .. رجعت من الدراسه والحمد لله نجحت بإمتيآز .. وتوظفت .. تقريبا شهر ثمانيه .. كانت تجيني حالة اكتئآب في الدوام جتني فتره كرهت الدواام مالي خلقه ابد .. كل ما جابوا طاري دوام تجيني ضيييييقه غريبه .. مع انه كانت امنيتي اتوظف وجلست ع الحاله ذي فتره الى ان جاء رمضآن .. وكنت ادوام في رمضان وانا مررهق .. اسهر الليل وانام بعد الفجر .. واصحى الصبح اداوم وارجع العصر وانام لين المغرب .. طبعا نوم العصر كئييييييب مثل ما تعرفون .. يوم من ايام رمضان وتقريبا في بدايته .. رجعت من الدوام العصر .. وحطيت راسي .. ودخلت جوو النوم .. كآني او يتهيئ لي ان احد ناداني .. بعدها حسيت بخوووووف وعرق ورجفه وخفقاان وضيييقه .. حسيت انه الموووت .. طبعا نسيت الأعراض الي جتني من اول .. وانا مشكلتي .. اربط مرض بمرض .. ويلا جاك الربط .. وطلعت من الغرفه كني مجنوون مآآآ ادري وش جاني ولا ادري هذا الموت والا وش ولاا خلاص انتهت حياتي وكرهت الدنيآآ وحالتي حاله .. ومدري كيف نمت .. وقمت المغرب للفطور .. كآآآره نفسي وكاره اهلي وكاره الدنيآ وحسيت ان الكل يكرهني والكل ضدي .. بعد الفطور وبعد الصلاه .. الحمد لله هديت شوي وريحت بس باقي ضييقه وتعكر المزاج .. رحت اصلي تراويح مع الوالد والوالده والعيال .. بقت اختي والخدمه في البيت .. وانا اصلي تراويح .. عررررررق وحرررررر .. والمشكله المسجد من ابرد مساجد الحي شوي جتني نووبة هللع .. ويجيني احسآس يقولي ترى اختك الحين تدخل ناس في بيتكم وتسوي نفس الي تسمعه في القصص طبعا انا اسمع عن شباب يطلعون مع بنآت .. وبنات خربانات .. وشباب فاسدين .. وقصص يشيب راسك منها المهم .. بديت اشك في الوضع ... وجتني حاله اني خلاص مصدق الفكره الي جت في بالي .. والمشكله الفكره هذي رسسسخه في بالي .. ما قدرت انساها .. صآرت تجيني كل ثاينه .. ومن ناحيتي كنت استرسل معها وانميهآآ .. ويوم ورآ يوم ورآ يوم الى ان وصل الشك في امي وخطيبتي .. وان امي تكلم ناس .. وخطيبتي تحب واحد ثآني .. وانا بعد عندي مشكله . اني اطبق القصص الي اسمعها على نفسي !! ويلا بديت مشوآري في الشك والخووف والضيقه كل ما طرت لي فكره .. احيانا اصدق الفكره .. واحيانا اقول لا لا مستحيل يصير كذآ .. ومن هنا بدا معي الوسواس القهري .. كل وقت وكل ثانيه من حياتي افكر في الموضوع وصارت تطراي افكآآآر عجيبه غريبه مستحيله .. واصدقها .. وفي نفس الوقت اكذبها .. كل ما وديت اهلي السوق .. اقول اكيد انهم مواعدين شباب داخل ويستغفلوني .. والا اكيد الحين يعجبون بواحد وياخذون رقمه والا اكيد و و و ........................... الحمد لله انا انسان لا اني راعي بنات .. ولا اني راعي مسن بنات ولا اي شيء الحمد لله .. ولا في حياتي كونت علاقه من بنت .. بس اسمع قصص واقعيه وسوالف ناس .......................... المهم جلست رمضآ، كامل لا تهنيت فيه ولا قريت قران ولا تهنيت في خشوع في التراويح وظلمت الدنيآ في وجهي وصارت حياتي مااالها دااعي .. كرت البيت كرهت اهلي كرهت خطيبتي وجماعتي .. ما اطلع من البيت .. حياتي صارت كلها نووووم وياليته اي انوم .. نوم بتعذيب الضيقه والخووف والتفكير الي فجر راسي ووصلت الدرجه اني افكر في الناس وان البنات كلهم خربانات وان العالم كلهم خونه واي بنت اشوفها تمشي قدامي اقول هذي خاينه وحقيره .. الى ان صارت الفكره هذي معتقد ؟!! بعدها انتهى رمضآن وفي فترت العيد الناس مستانسين وانا شاحب وجهي .. ومتضايق ولا بشاشه ولا اهتمام .. ومكتئئئئب .. واقول وش الي يفرحهم الحين ذولا .. فرحانين وزوجاتهم يخونونهم والله مساكين .. بعدها ما قدرت اتحمل خلااااااااااااص .. يتبع .. |
|
15-03-2011, 02:24 AM | #13 | |
عضـو مُـبـدع
|
اقتباس:
ههههههههههههههههههههههههههه والله حلوه كمل والله تحمسنا |
|
|
15-03-2011, 03:52 AM | #14 |
عضـو مُـبـدع
|
أنا أعرف النهاية
إذا ما خاب ضني تقصد هذيك الطريقة اللي قلت لي أسويها ما سويتها للأسف بس كل ما تذكرتها أستاسع صدري ودعيت لك :tongue: آآآسفة أخوي أبو بدر إذا خربت عليك القصة وما شاء الله تبارك الله الله يتمم عليك الصحة والعافية ويوفقك ويسعدك |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|