من مثلي؟

من مثلي؟

السلام عليكم و رحمة الله و بركاتة

عندي سؤال و أتمنى ألقى الإجابة

من مثل حالتي ؟

انا هالأيام بين فترة و فترة أتذكر اشياء استوت معاي قبل يعني الماضي
أتذكر عقب أنسى و ارد أتذكر

الأمر طبيعي ولا ؟ لاني خايفة
تعرفون بعد وسواس الموت ف اي شيء يحصل معاي أربطه ب هالوسواس.

أتمنى القى تعاونكم معاي.

المصدر: نفساني

هلا حبيبتي هاه امر عادي لاتحاتين حاولي ماتفكرين لان بيزيد الوسواس عليج حاولي تشربين شاي اخضر يهدى شوي ويريح الاعصاب

انتِ ماتحاولين اتطنشين

تحاولين تربطين الاحداث وتخوفين عمرچ

ليش ماتشوفين راقي ؟

انا امس ياني يرقيني وقال عين

مع اني اعرف انها عين

بس قلت اتأكد

مشكورة فديتج ..

والله مادري فديتج
العام رحت و قالي يمكن عين ..

يمكن ؟

طيب عطاچ برنامج ؟

واذا ماتبين تقدرين ترقين نفسچ

واذا تحبين توضيح اكثر الشيخ ازهري مايقصر

سأليه في الامور وبيجاوبچ

حاولي قراءة سورة البقره بتحسين بتغير لان الوسواس يخلي تفكيرج كلة في الموت وحاولي تطنشين بتتعبين ادا تميتي تفكرين انا كنت مثلج واكثر وكل يوم افكر بموت والحمدالله خفت الاعراض والوسواس بداء يخف

اختي السويدي ابيك تقتنعي وتصدقي شيء واحد انه من اول يوم جيتي فيه نفساني وكل اعراض وكل اللي يصير معاك صار معايا ومع اغلب الاعضاء صدقني لست وحدك كلنا انا اتبع في كتاباتك وكلامك واشوف اعراضك وجتني مثلها واكثر منها وفيه حاجات قريتهم منك وبديت افكر فيهم جتني يعني مجرد ما تقري موضوع وتبدي تفكري فيه يصير معاك خلي ايمانك بالله قوي واكثري من الاستغفار في ثلث الليل الاخير او انصحك بالزواج لنه الزواج نعمة واعرف اكثر من شخص يعاني من امراض نفسية نصحوهم الاطباء بالزواج
وفقك الله لما يحب ويرضى

عشقي الامارات :
ان شاء الله حبيبتي و تسلمين على النصيحة.
نعيم الرياحي :
مشكور أخوي و انا ارتاح لما اعرف انه في أعضاء مثل حالتي.

صباح الخير تسلمين حبيبي وان شاءالله يخف الوسواس

الله يشافي الجميع

بنت السويدي

نحن كل مانقولچ تسوين الشي الفلاني تقولين

ان شاء الله وطمنتوني، لكن فعلا تسوين اللي ينقال والا تحسين بكسل او مافي فايده من الكلام!

خذي لچ فيتامين ب عشان اعصابچ تهدأ

وكل مازاد الوسواس اتعوذي من الشيطان

واذكري الله حتى لو قلتِ الحمدلله

احمديه لو تعانين

ترانا نحن يوم مبسوطين مانبغي حد يعرف ويوم قمنا نعاني بس نشتكي

ليش مانشتكي له ؟؟؟

اسجدي لله وادعي بلهجتچ وقولي اللي فيدخاطرچ

ولو في خاطرچ اتصيحين يكون احسن ، وقولي ياااااارب .........

وأدعيه

بتحسين براحه، صلي في الليل لو ركعتين

غيري الروتين

طلعي مع اليهال مثلا

اتمنى كلامي مايزعلچ ومب اني اتفلسف

اتمنى تكونون بخير

مشكورة حبيبتي

شوفي عندك الدكتور مصطفى معانا بالمنتدى اطرحي مشكلتك وهو يقل لك عن حالتك عشان ترتاحين ع الاقل وتعرفين بالظبط وش هو مرضك سواء ققرتي تاخذين علاج والا بتستمرين ع لا شي