موضوع هام ويفيد الجميع .......مطلوب من الكل المشاركة

موضوع هام ويفيد الجميع .......مطلوب من الكل المشاركة

السلام عليكم

شلونكم بنات وشباب ؟ انشالله تمام واموركم طيبه؟





موضوعنا اليوم عن الصم والبكم ولغة الاشارة .
وابي الكل يشارك برضاكم ولا ترا غصب :)



>> داشه مستذبحه <<



يله نبدي :)




طبعاً العنوان مو محتاج تفسير ولا شرح يعني ابسط من جذي مافي صح ؟ صح ادري :)



كم واحد/وحده انحط بهالموقف من قبل انه يلاقي نفسه بموقف خل نقول محرج مع شخص اصم او ابكم او يحسبونك انت نفسك اصم او ابكم ؟



>>> سؤال غريب شوي ما عليه ، بقولكم شنو الطاري <<<



امس كنت بالمستشفى مع بنتي الصغيره طايحه وعلمت كدمه على خدها من الطيحه بس الحمدالله ، الله سلم وعدت على خير .


عموما انا معلمه بناتي اسمائنا بلغة الاشارة لأني شخصية أموت على هاللغة وهالعالم وبصراحه واخاف تنقدون علي بس احترم الي يتعلم لغة الاشارة ويحاول يستخدمها علشان ما ينساها .


>> تدرون كل شي يبيله ممارسه علشان ما ينشطب من الذاكره <<


ما اطول عليكم بس ابي ابينلكم الصوره الي كانت او الموقف بصورته الي انا مريت فيه.


كنا انا وبنتي الصغيره (4سنوات ) بغرفة الملاحظه قاعدين نلعب ونحسب على اصابعنا ونقول اسماءنا بالاشارة وإلا في بنت على السرير الي يمي عمرها تقريبا 17-18 سنه قاعده تطالعنا ومندمجه معانا انتبهة عليها بالصدفة.


جان تكلمني بلغة الاشارة ، طبعا انا بع 10 ثواني على ما ستوعبت الموقف جان يصير ويهييعطي الوان الطيف كلها :) >> من الاحراج <<


رديت عليها بالاشارة اني ما اتكلم لغة الاشارة جان تكلمني عادي ( بالحجي ) وسألتني عسى ما شر وهذا وتدرون باجي الكلام الي ينقال بهالمواقف .


المهم عرفت منها انها وااااايد مستانسه من اني اعرف من هاللغة ولو الشي البسيط ، وانها اهيه نفسها تعلمت هاللغة بالفطرة كون انها من فتحت عينها على هالدنيا وهاذي هي اللغة الوحيده الي تقدر تكلم فيها امها وتتفاهم معها .


تدرون هالموقف شنو اثر فيني وبطل عيوني على شغلات واااايد كنت غافله عنها ؟


- الحمدالله على العافية ، والله يكون بعون كل من يعاني من هالمشكله وغيرها .
قولوا آمـين ، ايه عفيه عليكم.


وكيه نكمل ...

تخيلو ان ام بموقف مثل هذا قاعده تحاتي بنتها ونتيجة تحاليلها وما عندها احد يفهمها الموقف او يشرحلها الموضوع غير هالبنت يعني صج موقف لا تحسد عليه وصج يفطر القلب.


اكملكم


تمينا ندردش ونسولف عن كم شغله اكتشفنا ان عندنا وايد اهتمامات مشتركة وعفيه لا تنقدون علي بس من ضمن الشغلات الي تكلمنا عنها ، دعيتها تكون عضوه معانا في نفساني ، لأن اهنيه تقريبا كلنا مودنا واحد او على الاقل مودنا قريب من مود بعض واهيه نفس الشي واحس انها بتكون عضوه فعاله اذا مو مميزه معانا اهنيه .


انا كتبت الموضوع ونزلت من غير ما اخذ اذنها بس القصد والله مو شماته ولا شي القصد اني ابين لكم موقف ممكن اي شخص ينحط فيه ولا تدرون شنو ردت الفعل الي راح تطلع وقتها .


أسئلة تطرح نفسها :-

-انت / انتي فكرت من قبل انك تتعلم لغة الاشارة ؟
- فكرة مرة بالصم والبكم شلون يتفاهمون وشلون ممكن تتفاهم مع احدمنهم؟
- فكرة انك اتعب نفسك وتحاول انك تنتبه على ( قراءة الشفاه ) ؟
- فكرة انك ممكن في يوم تحتاج لهاللغة وهالمعلومات سواء لك او لشخص آخر؟






( اعتذر على كتابة الموضوع بالعامية ولكنه بسبب العجلة والحماس لكتابة هذا الموضوع )


وسلامتكم ... يله ابي اشوف التواقيعكم تلق اهنيه وابي تفاعلكم الحلو يا حلوين :)

المصدر: نفساني

حياك رياااااااااااااانه بصراحه موضوع مشوق

عن نفسي احب اشوف الناس تتكلم بالغة الاشاره بس استعصب اني اتعلمها ويمكن لان احنا ما نستخدمها كثير بحكم ان ماعندنا قريب ممكن نحتاج هالنوع من اللغه نتكلم معهم فيها ... لذلك مافيه ذاك الحرص

اختي خريجة جامعة الملك سعود ..تعليم خاص صم بكم وتستخدم لغة الاشاره ..طبعا مع الوقت وبما انها مو موظفه بدت تنسى كثير اشياء ..لكن اذا رحنا لمكان وصادفتنا حاله صم او بكم ماشاء الله عليها تحط سالفه معهم وتضحك واحنا كل شوي نقولها فهمينا على ايش تضحكون ..... واحد من عيال عمي عمره تقريبا 22 سنه امه ما درست لغة اشاره ولا تعرفها ولا احد من بيتهم دارس هذي اللغه ولكن مع الممارسه صارو كلهم شاطرين فيها .... لدرجه هم احيانا يعلمون اختي عن بعض الحركات وايش تعني .. الممارسه مطلوبه .... اكثر من الدراسه والجو العام هو الي يفرض نفسه

مثل الي ما يتكلم لغة ثانيه غير لغته لا هو دارس ولا اي شي ولكن مع الممارسه والمخالطه صار بلبل ... واحسن كثير من الي متعلمين اللغه ......

ايه والله صاجه ياوخيتي

- الحمدالله على العافيه والحمدالله على كل حال.

تسلمين خوخه على امشاركه الطيبه ، زين لقيتلي احد يآزرني بهالسوالف :)

اهلا ريانه

تخيلي انك الوحيده اللي تتكلمي وما تفهمي لغة الإشاره ، وانت بين أربع اشخاص صم بكم ويتعاملون بلغة الإشاره ، طبعا انت مو فاهمه شي ، وهم بعد ما يفهمون عليك ،،،،،

انا كنت بهذا الموقف ، في أحد النوادي في الأردن والخاص بالصم البكم ، ذهبت لكي ألعب البلياردو ، وكانت المرة الأولى التي ادخل فيها هذا النادي ، وبكل أسف وجدت نفسي المتحدث الوحيد بلغة اللسان ، والباقي كانو يتحدثون لغة الإشاره ،،،

جلست على كنب في زاوية النادي ، ولم تكن هناك طاولة بلياردو فارغه ، فكان يجلس معي على الكنب بقربي 4 شباب ، جميعهم من الصم البكم ، وكانو يتكلمون بلغة الإشاره ويضحكون ،،،

للوهلة الأولى يعتقد الشخص أنهم يضحكون عليه ، لأنه مو فاهم شي ، ولكن بعد أن جاء أحد الشباب من اعضاء النادي ، وهو يتكلم ويتقن لغة الإشاره ، استفسرت منه ، فقال لي انهم يقولون ( نكت ) عشان هيك بيضحكو ...

اهلا بك ايه الحوراني لقد شرفني مرورك ومشاركتك معي هذا الموضوع

جميل ان تجمعنا تجربة واحده ومماثله كهذا الموقف>>>> هل هو توارد افكار :)

كهذا الموقف يجعلني اعيد التفكير مرارا وتكرارا بأن اتعلم هذه اللغة ، فمن يعلم متى يحتاجها المرء وربما تفيده في مواقف جديه وهامه في يوم من الأيام؟


فكما نشعر بنوع من الامتنان حين نجد شخصا من غير التحدثين باللغة العربية وقد تعلم لغتنا لكي يتفاهم معنا ، فكيف سيشعر من لا لغة يقدر عليها سوى الإشارة .


- ألا توافقني الرأي ؟

دمت بخير واشكرك على المشاركة العطرة.