اكثر عرض يخوف

اكثر عرض يخوف

السلام عليكم

بالله وش اكثر عرض يخوفكم كل واحد يكتب العرض اللي صعب يتحمله او يكتب الاعراض بالتدريج

انا بالنسبه لي الخمول هو اكثر عرض مااقدر اتحمله حتى اليوم وانا وايح اصلي الظهر كنت حاس بخول وانا اصلي حسيت بدوران او بقرب اغماء ثمن جاني خفقان ويالله كملت الصلاة بغيت اقطعها بس حاولت اشجع نفسي

نبي نسمع اقوى عرض عندكم

المصدر: نفساني

احساس سحب الروح اصعب عرض لان يخليني اخاف واحس خلاص

وضحي بالله وش قصدك بسحب الروح

انا الدوخه اللي جتني بالمسجد خلاص تعبت حتى توقعت انه مو ممديني اروح البيت ثمن قلبي صار يخفق

يعني احس بخفقان قوي وقلبي يرجف

الاحساس بسحب الروح هو اكثر شي يرعبني يجي خفقان وكان روحك جالسه تنسحب من جسدك وبتطلع مع الخلق اصعب شي هذا الاحساس الله يصبرنا بس

يعطيكم العافيه يااخت ساره وام حنين

نبي الباقين

بس انا مااحس بالخفقان الا اذا حسيت بخمول يعني سبب الخفقان الخمول

ليكون اخوي عزوز نقص فتامينات
سويلك رياضه مره تنشط

بالنسبه لاكثر شي يخوفني على حسب قوه العارض لكن في الوقت الحالي الكتمه لانها ترفع الضغط عندي

والله يااخت ام لبنتين هذا الشي اللي مخليني مو مقتنع انه نفسي

مع اني قد سويت تحليل دم ويقول سليم ولله الحمد

اذا الانسان اصابه الذعر من شي تافهه تبدء كل الاعراض بالظهور من خفقان ونشفان بالريق ودوخه وكل شي

الله المستعان

اكثررر عرض يضايقني ماايخوفني هو الدوار وعدم التوازن مليييت ياارب رحمتك اليوم بعد اخوي عزوز وانا اصلي من سجدت جاني خفقان يخووف وحسيت بجسمي صاار حار وانا اطول بالسجده قلت اذا هو الموت خلني اموت وانا ساجده بس من جد شعور يخوف يااارب ترحمنا

تحليل دم لكل شي ولا بس لفقر الدم
ترا عندنا مايسوو تحاليل لكل الفتامينات لازم انت تطلبهاا
غير الغدد تسبب خمول حاول تحللها

والله انا الي ما اقدر اتحمله ولي مزعجني اكثر ، ضربات القلب السريعه ، بعدين الشعور بضيق ، الله يشفينا يارب

انا الخفقان وتسارع نبضات القلب شي مو طبيعي الكتمه اللي تجي معه خلااااااص ما اتحملها الخمول ممكن الواحد يقوم ويتنشط بس القلب وسرعته شي فظييييييع ماتقدر تتحرك الله يشفينا ويعافينا

أكثررررررررررر شي يخوفني الدوار وحسيت اني بطيح على وجهي ....إحساس تتمنى الموت بعده واوصل لحالة اﻻنهيار ابداء أصرخ اكسر

والي يقهرني زوجي كل ما اجي له ابكي يقول هاه بداء معك الواسواس ... يقول بلاء راسك من هالجوال والواتس واﻻنستغرام ...قمة البرود عنده مل مني ومن مرضي... بعدها اطنقرررر عليه